銀龍粉麵茶餐廳 (天水圍)

是日同大哥，大哥個女媽咪同埋男朋友出街食野，本身呀哥話食五十嵐，但媽咪話想食上次係銀龍食既米線...
所以就去左天恩果間銀龍，入到去其實唔算好滿座，但睇落去都好似無位...
因為d人全部都係2個人就坐張卡位，大細卡位都一樣...
不過咁都正常既，黎食野都想坐得舒服d，我明白...
但係我地5個人差唔多行到最入，先有人問我地幾多位，好多個侍應其實企晒係道，唔係咁做生意呀麻?
最後先慢慢幫我地搵位，之後就叫我地坐張本身已經有2個人既大檯...
跟住我地就叫野食，我同大哥就要左下午茶既芝士腸仔焗肉醬意粉，媽咪就要墨魚丸米線...
而男朋友原本係想常餐c，但係落單既時候竟然話無，之後男朋友同呀哥異口同聲就話常餐唔係全日都有既咩?之後個人竟然答話唔知，可能賣晒，所以到最後就要左常餐a...由於之前都黎過食芝士腸仔焗肉醬意粉，都覺得唔錯，本身幾期待，但係黎到見到個樣...
嘩...真係...不過野食不可貌相，所以好唔好都係要食過先知...咦...唔知呢碟係肉醬意粉定係肉醬意粉(碎)呢???
連呀哥成日食開銀龍都話今日唔知搞咩
當然味道都係唔係咁好啦，勁油，味道又濃過頭落單既時候講明少冰少甜，但係到既時候竟然無變過，係一杯正常又多冰既凍檸茶，果然好野~~~

麥當勞 (天水圍)

每次麥當勞出新包，我都總會忍唔住去試，因為廣告實在太吸引...
可惜換來既只有一次一次既失望，上一次既蠻牛辣漢堡，牛肉唔似牛肉，完全無牛肉味，得個醬好味...
到左今次既足球包，真係忍唔住要寫返個食評 睇個樣都還可以，個包面都真係足球樣...材料無咩，一塊雞，青瓜，菜同醬...
一食落去，唔知自已食緊咩，由頭到尾都食唔出個醬係咩味...
塊雞睇落都幾色彩繽紛，有好多一點一點，諗住係落左d野啦，點知都係唔知咩味...
只可以講係岩岩整起，有d肉汁
成個包完全唔夾，真係食到嬲嬲地，食個$21既脆辣雞腿包餐都無咁嬲 呢個芝士薯波最離譜...+$5，有5粒，如果好食都算，但係難食到真係無法想像...
佢同早餐既薯餅一樣，入面係一粒粒既，但係加埋芝士，完全唔夾，怪味，難食

大家樂 (天水圍)

是日同媽咪、男朋友去大家樂食野，去到已經無晒肉醬意粉，so sad 即刻無晒食慾...
不過唔想麻煩又諗過去邊道食，所以叫左食過都唔錯既焗豬扒飯同媽咪share...
而男朋友就試呢排成日賣廣告既珍珠帶子福建炒飯！一望就嬲嬲地，左邊完全無汁...
不過蕃茄份量就好多，有成6-7舊呢個飯醬汁最重要，唔夠汁撈點食呀?以前質素好有保證，而家?退步晒，仲點做招牌菜呀? 豬扒完全縮晒水，以前大大塊，而家一小塊

但係雖然呢個飯有好多不足，不過味道不變拉返d分，豬扒雖然細塊但仍然好厚同好鬆軟...

男朋友食既珍珠帶子福建炒飯，我見佢食到個樣就黎想喊咁...
佢話d帶子就得3粒，個汁撈埋d飯好似食緊膠水飯咁，好難吞

日昇小食甜品 (天水圍)

幫襯左呢間小食店都有幾年，由學生時期食到而家，去到今日真係已經完全失望！
以前有冷麵，雪糕，小丸子，珍珠奶茶等多元化產品，前排去都仲好正常，但今日去真係咩都無晒...
雪糕:無賣
冷麵:無賣
好似只係得返小丸子...以前$1就1粒，而家$10/8粒，$5/4粒，物價高加價都好正常，理解，但質素完全唔掂...
今日買左$5黎試，一食落口，暖暖地ok，但係勁硬...入面好似無餡咁...
4粒入面2粒硬2粒軟，水準唔穩定
相比起以前大大粒，入面勁多菜，栗米，而家完全唔知似咩...

糖圓園 (屯門)

某日同兩個朋友食完晚餐想食甜品，行下行下見到呢間甜品舖，見到咁多人係入面食心諗一定唔差啦...
等左一陣，入到去坐低，第一個感覺係十分逼 
大家你眼望我眼，之後望左個餐牌一陣大家叫野食...
甜品黎到既第一個印像係賣相唔錯，應該幾好食...
圖1:個底係抹茶味慕絲，中間係士多啤利味慕絲，上面就係cream
圖2:底係涼粉，旁邊係西瓜果肉同爆爆珠，啡色個堆係阿華田雪花冰
圖3:底係涼粉，旁邊係芒果肉同爆爆珠，啡色個堆係阿華田雪花冰

圖1既甜品味道還算可以，但係圖2同圖3既阿華田雪花冰就有好大問題，完全無阿華田味...
失望了...！