ivychuk 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-10-21
由於咁岩係屋企見到張爭鮮既傳單,開張個幾日$4碟,咁岩有一日撞岩我放假... 所以個日就10點幾搭車去天澤排隊,一去到真係好多人,好彩排左一陣已經有位放人入去... 所以其實都唔算等得太耐既,但係之後差唔多到我地既時候,條隊已經排到去大家樂個邊... 我地一行4人去食,一坐低就開始要與時間競賽,因為只係可以食40分鐘架炸 條迴轉帶見得最多既就係三文魚刺身同三文魚壽司,所以不停有人拎,不停咁出,都算新鮮既 藍莓芝士蛋糕:呢個其實記得有影相,但唔知點解睇返電話又無 都幾大件,味道ok,不過食完好濟... 4個人食完都係$200有找,算係咁啦...不過如果$8碟,我諗我又唔會特登搭車去既...
評分: 味道 3 環境 2 服務 3 衛生 3 抵食 4
2014-08-27
今日大嫂放假,所以就同男朋友、大嫂同埋佢個女一齊出去食野... 大嫂話去銀座食,係薩莉亞餐廳同pizza hut 2者之間,最尾都係選左pizza hut 本身大嫂個女話想食薩莉亞餐廳,因為有得禁制... 之後大嫂就哄佢話pizza hut有bb餐具架喎...就係咁...佢就屈服左 去到睇落幾滿座,不過都唔洗等位,即刻就入得,坐卡位 3個大人望住個餐牌10幾分鐘,最尾要左個星級鬆厚批2人套餐,加個單點既蒜蓉包... 本身唔係咁鐘意芝心批邊既我,竟然對呢個一試愛上呀... 呢個香草蒜茄芝心批邊,食落無本身得芝士既芝心批咁漏,味道溝埋好夾,咬落個批邊仲好脆 真係食到停唔到口呀 餐飲叫左熱檸水同凍奶茶,普普通通,無咩特別... 今次堂食好滿足,唔知係米因為所有野都即叫即整即食先有咁既質素呢
評分: 味道 4 環境 3 服務 4 衛生 3 抵食 3
2014-07-04
唔知點解病既時候總係會想食粥,唔通呢個係定律黎? 所以呢日係銀行整完野就同男朋友同埋姪女去一粥麵開餐啦 我要左荔灣艇仔粥+齋腸粉,男朋友要左荔灣艇仔粥+炒麵,而姪女就要左雲吞河... 雖然一早已經搵左位坐低,但等拎野食都等左幾耐,可能制作需時啦... 不過個人就唔係咁鐘意d粥入面有鯇魚片,可能覺得多骨,食起黎唔方便... 而男朋友就覺得d鯇魚片有腥味,唔係好新鮮...
評分: 味道 4 環境 3 服務 3 衛生 3 抵食 3
2014-06-30
之前經開新北江已見到呢間小店新開業,個時都幾多人排隊,不過由於我已經食飽所以無去試! 某日好得閒,又未食野,所以就特登去試,一上完電梯就會見到,唔難搵... 去到無咩人,同男朋友就搵左個位坐低,望望下有個好似筆筒咁既野入面裝住成疊紙... 原來呢道係用畫紙落單,都幾方便,咁就同男朋友圈圈圈... 之後就俾個呀姐,呀姐先再問我地食咩辣然後寫低... 味道方面認真唔錯,雖然唔算好辣,但係麻既份量岩岩好,唔會食到個嘴無知覺 不過男朋友果碗酸辣就唔係我杯茶,個隻酸我覺得好怪,不過男朋友話幾鐘意... 如果要講既話唯一唔好既就係d腩肉太大塊啦,諗住咬一半又咬唔開,所以勉強成塊放入口,差d哽親 題外話/補充資料: 有一日諗住再去食既時候竟然已經汁左,都幾失望,變左第二間鋪,名又唔同左,變左食雞煲
評分: 味道 4 環境 3 服務 3 衛生 3 抵食 3
2014-06-30
由於近排成日出屯門,所以食呢間譚仔都已經幾次... 第一次黎既時候都好滿座,但拎左飛都好快有位,不過落完單等左好耐先有野食,呢樣需要改善... 之後有次黎食既時候,d譚肉好肥,係肥到入唔到口,好多塊都係得肥膏,小小瘦肉都無,仲有一舊係手指咁粗既肥膏 另外仲有個問題係黎左咁多次都發現既,就係d米線個底個道係一團團既,雖然自已整返開都得,但比人既感覺總係無咁好
評分: 味道 4 環境 3 服務 3 衛生 3 抵食 3
|