今日同大嫂同埋2個豆丁落街食野，本身想食大家樂，點知好爆好多人，所以就食五十嵐...
五十嵐一向俾我既印象都唔錯，點知今日真係中伏 平時黎都唔會叫壽司，除左同小朋友黎食，點知今日大嫂都想食壽司，就叫左好多...
我自已就要左2客三文魚壽司，因為本身食開三文魚刺身都覺得幾好...
黎到睇個樣都幾好，一夾起見到舊三文魚幾厚已經好興奮，因為好小可食壽司會切到咁厚俾你，
但係一食落口已經覺得中伏，三文魚無問題，問題在於舊飯，
完全唔知食緊咩，勁黏，唔講以為食緊醋味既漿糊筆
但係大嫂話佢食既火灸三文魚壽司無問題，不過佢一試個三文魚壽司都即刻變左臉 ...
食完真係會諗，做得日本料理，點解連舊最基本既壽司飯都整得唔好 雞扒手打烏冬($36+$6):
由於今次要同小朋友share，所以無叫辣，個雞扒ok，不過食得出好重豉油味...
手打烏冬仍然好好，夠煙靭 炸雞($18):絕對抵食，雖然有d好大舊有d好細舊，而且食落有小小粉地，不過都算係熱辣辣同脆 花枝丸($18):平時食開大大粒既，黎到呢道得細細粒，不過熱辣辣整起，而且細細粒易入口，都唔錯

雖然今次對壽司好失望，不過對其他都好滿意，所以都係俾笑面啦

是晚同3個朋友相約在此，雖然經常有經過呢道，但從未試過，今次係有2個朋友都推介呢道，所以試下...
店鋪一眼睇晒，覺得好細，或者會坐得比較迫，所以我地要求坐出面，不過夜晚好大風，不停咁食西北風...坐低望住張餐牌，真係唔知食咩好，太多花款，朋友推薦心太軟，但係我無興趣...
最後就選左個無可能會難食既班戟...水果同雪糕我都選左芒果 我個個係最快到，賣相真係幾靚，但食落認真麻麻...
班戟皮:初初以為係平時b仔涼粉、蛋糕店賣個d既班戟咁，點知完全唔同，佢既口感好似乾左既蛋皮咁
芒果粒:仍然係酸的，果然唔係當造
芒果味雪糕:最好味都係個雪糕，正正常常...

雖然今次試完覺得麻麻，但係佢其實仲有好多其他款式，有機會都會再試

今日聖誕節，兩個哥哥都帶晒佢地d女出街，所以我就係屋企同媽咪同男朋友同埋兩個舅父慶祝...
原本想叫pizza hut，上網點餐禁完先發覺速遞要等成3個鐘，真係呆左，如果自取就等1個鐘倒...
但係又唔想行咁遠，所以就諗住食近近地係樓下商場既芝脆雞，打電話問左，如果自取就等4-5個字，
送外賣就要1個半鐘，最後我同男朋友就落去買，因為唔想等咁耐
我地叫左個四至五人套餐($228)+蒜蓉包($28)
佢即刻整完拎出黎，我地即刻拎返屋企，估唔到已經得返微暖 啖啖肉pizza:麻麻地，味道係唔差，而且個pizza好厚，但係d料太少...炸雞(5件):1人1件岩岩好，味道拍得住kfc個d，皮脆肉嫩，讚 墨西哥辣肉醬焗飯:個醬唔錯，有牛肉粒，蘑菇，栗米粒，辣椒等...好似肉醬意粉個醬咁，
不過呢個食落去有小小辣，幾過癮，不過似乎同飯唔係好夾，如果有得轉意粉就好啦，一定好夾 菠菜龍脷柳焗飯:個汁好多同好重芝士味，龍脷柳都好大塊，抵食...蒜蓉包:一開始以為好似pizza hut個d咁成條過，點知唔係，一開始有d失望，不過食完即刻改觀...
脆，真係好脆，仲好有蒜蓉味 忌廉栗米湯:唔錯，連我呢個唔鐘意飲忌廉湯既人都覺得幾好味，不過男朋友就嫌太寡，得栗米...

今日同朋友相約係新北江食野順便俾朱古力佢，冬天梗係想食米線，而且好耐無食譚仔...
雖然都覺得三哥既係好食d，不過咁凍又唔想出到咁遠，所以就俾多次呢間譚仔啦...今次係我第二次黎食呢間譚仔，仍然係叫左腩肉特辣，不過今次加埋炸醬...
碗野黎到，仍然係果個樣，所以都無咩期望...
米線:唔會太淋同太硬，岩岩好...
腩肉:算合格，味道ok，厚度都唔算太薄...
湯底:完全失敗...只有麻，麻到我無晒感覺，搞到都唔知食緊咩，辣只係feel到小小... 炸醬:最正常都係炸醬，同三哥既一樣味道，讚

總括黎講，應該無下次，除非新北江賣米線既都汁晒...

是日男朋友同朋友出左街，淨返自已一個，咁岩又要出元朗買野，所以落街醫飽個肚先...
原本想食麥當勞叔叔，不過諗起今日係星期日，所以應該好多人，就放棄左呢個念頭...
見到吉野家唔算滿座，所以就決定係呢道落腳 餃子雞肉羅宋湯烏冬($25.5):呢個價錢包埋野飲，我要左可樂，湯底唔錯，食到有洋蔥粒，紅蘿蔔粒，
薯仔粒同蕃茄粒，雖然唔算好濃味，不過都ok！餃子普通，係街都食到個d黎...雞肉煎得ok，
不過味道麻麻，真係得雞味...

是日媽咪自已出左屯門，返黎既時候必經西鐵站，因為轉西鐵快好多...
知我未食野，所以打黎問洗唔洗買d壽司俾我食...
咁岩同男朋友已經煮左麵食，唔算肚餓，但突然又好想食三文魚刺身，所以就叫左媽咪買
點知媽咪除左買左刺身俾我，仲買左盒熟食既壽司俾男朋友，同埋盒蟹柳卷俾哥哥們d小朋友食...三文魚刺身($45):呢個價錢有9塊刺身我覺得絕對抵食，而且厚度絕對唔會輸俾其他店鋪
味道都好好，雖然未必絕對百份百新鮮，但咁既價錢咁既質素，絕對讚 熟食盒($27):一盒10件，比起$3單件買個d平小小，唔食生野既人岩晒，我試左一件唔知咩沙律壽司，
雖然普普通通，但咁既價錢，仲想有d咩要求呢?

蟹柳卷($10):一盒有2條小卷，每條開6，小朋友食得津津有味，雖然普通係屋企都可以整到，不過都抵食！

今日大嫂放假，天氣凍大家都訓到2點幾，起身就同埋男朋友3個人去食下午茶
大嫂話凍所以想食d熱野，就選左食呢間，我就為食刺身而點頭同意
雖然唔算好多人，不過都要同人搭抬坐張大抬...三文魚刺身:原本一客6件就$48，後來個呀姐提醒我地1個下午茶餐就可以加$21跟3件三文魚刺身...
咁樣跟就會平d 刺身味道正常，厚度適中，夾埋蘿蔔絲食，正 我叫左炸雞拉麵，轉烏冬+$6，再加辣+$2(要左大辣)，凍檸茶+$2...
炸雞烏冬:炸雞約有4舊，不過一咬落去竟然係凍既，不過味道幾好，烏冬夠煙韌唔錯，不過湯底好咸...

大嫂叫左和風牛肉拉麵，轉烏冬+$6，熱咖啡，同埋叫左火炙三文魚腩壽司...
和風牛肉烏冬:烏冬夠煙韌，但大嫂就覺得牛肉同湯底好咸
火炙三文魚腩壽司:大嫂話好味，入口即溶  

男朋友叫左咖哩吉列豬扒飯，熱華田+$2，同黃金魷魚壽司...
咖哩吉列豬扒飯:男朋友覺得普通味道，可以接受
黃金魷魚壽司:男朋友話幾好，有咬口

小插曲:
大家都食完坐左係道傾計既時候，有位好有禮貌既呀姐俾張紙叫我地幫佢填份意見書...
之後男朋友拎左黎填，填完叫人收返，跟住男朋友同我講話見到個經理叫個呀姐掉左張紙
既然都要掉，咁又何必要我地填呢?

今日去完醫院睇老豆之後去左新墟買野，搭緊車其間大嫂問媽咪係米去食野先...
媽咪話好...之後大嫂提議食壽司，就帶左我地黎呢間青森...
一睇個餐牌，嘩，原來都唔平架喎，不過大嫂話成日都有黎食，幾好食...
我地都叫左幾多野食...三文魚壽司($29)(一客兩件):我地叫左4客，一黎到望到已經覺得值呢個價，三文魚又長又厚又新鮮...
飯唔算大舊，鐘意食三文魚既我岩晒 吞拿魚沙律反卷($40)(8件):普普通通，無咩特別，不過最讚係係上面既蟹子，份量好多 吉列炸蝦卷($30)(4件):蝦熱辣辣，飯凍凍地，夾埋岩晒，上面個pat有蟹子既野雖然唔係好知係咩黎，
不過味道都幾好，幾夾 炸蝦天婦羅($72)(6隻):熱辣辣上抬，即刻食最好，蝦夠大隻，好味 烏冬:麻麻地，湯底好淡，烏冬只係出街求其都買到既烏冬，無咩特別！吉列豬扒:麻麻地，豬扒薄，粉厚，而且個粉唔係平時食個d，炸完出黎係硬身，口感怪怪地！凍菊花蜜:好重菊花味，唔錯，但略嫌甜左小小！

吉列豬扒+烏冬+凍菊花蜜係個餐黎，仲包埋1件手卷同埋1小碟蟹子沙律，野飲可以轉麵豉湯！($45)
呢個價錢有咁多野算抵食，不過食到最尾埋單既時候有好多都食唔晒所以打包，
之後先發現原來手卷同沙律都無黎，所以叫埋佢打包

是晚約左2個朋友食糖水，去到都唔算好多人，唔洗等位，我地坐入面...
其中1個朋友因為岩岩放工未食野，所以我地都叫左幾多野...咖哩3寶($21)
魚蛋:幾好，有咬口，夠入味...
蘿蔔:我無食，不過好大舊，朋友話好甜
豬皮:我無食，不過都好大塊，朋友話普普通通腸粉($8，4條):叫個時個呀姐問係米咩醬都要，我話係，點知黎到竟然無辣醬，奇怪
腸粉雖然唔係好滑，不過都ok，撈埋d醬都幾好味...燒賣:好鐘意呢道既燒賣，唔會好粉，點埋佢d辣椒油，正 芒果西米露:最失望係呢個，可能而家芒果唔係當造，好酸，而且份量都較小同細粒

大家食完走之前我叫左碗外賣俾男朋友，係豆腐花拼芝麻糊，男朋友食完話太甜...

冬天當然要去打下邊爐啦，咁岩有個朋友約我食飯，所以就同佢去吉野家啦
7點幾去到已經爆晒場，好多人都打邊爐，而且仲有好多係2個人霸晒成張4人抬...
完全無諗過俾人坐，離晒譜
好彩有2個打邊爐既女人話入面無人坐，我地買完d野返黎佢地都盡量俾位我地放...
2個人都叫竹輪火鍋(要牛肉同烏冬)，芝士蕃茄湯底，我就加多份雞肉，朋友就加多份雞肉同娃娃菜...個湯底蕃茄味好濃，不過就無芝士味，所以都唔係好明點解要叫芝士蕃茄湯底...
我習慣頭一轉就要落烏冬，因為到無湯既時候佢幫你加個d湯好似水咁既，到時個湯都無咩味...
個烏冬更加無味...
竹輪卷真係食極都咁鐘意，一咬開d芝士流出黎，正 雞肉有8大件，雖然要等耐d先有得食，不過值得等，雞肉唔算好嫩，但都合格，大大舊咬落去好滿足 牛肉有5塊倒，都係普普通通...個芝麻醬絕對係重點，味道有小小似沙律醬，點雞肉牛肉絕對好味，點其他野都唔錯...
但我最鐘意就黎要黎撈烏冬 食唔停口呀...