是日媽咪話要去元朗買野，咁就同埋男朋友3人行出元朗啦...
大家都未食野，好肚餓，媽咪就問我地想食咩...
本身想食譚仔，不過男朋友唔想，諗左幾樣，呢樣就呢個唔想食，個樣又到果個唔想食...
最後我決定行遠d帶佢地去食薯粉...
印像中呢間薯粉唔錯，係我仲係學生既時候都成日同朋友黎食...
不過今日好似黎得唔岩時候，撞正學生放飯時間，全場爆滿，出面仲有學生係道等...
d學生成7-8個，原本有3個位，個呀姐叫佢地坐住先，之後又有2個位...
個呀姐問佢地分唔分開坐，d學生話等下先，所以就俾左我地入...我叫左幼薯粉酸辣大辣加底加腩肉同媽咪share，而男朋友就叫左中寬粉中酸辣中辣加豬大腸加腩肉...
叫左1杯凍檸茶同1杯凍華田...
普通份量原來都幾大碗，大食既男朋友都覺得好滿意，辣度都ok，不過略嫌唔夠酸...
腩肉份量都幾多，不過全部都係瘦既，好乾身，硬！豬大腸無咩特別...
飲品方面我杯凍檸茶都係普普通通無咩特別...
但係男朋友個杯華田佢就話太甜，之後搞一搞d冰已經溶晒...
不過佢叫個呀叔幫佢加返d冰人地都好樂意，讚！
最俾到驚喜我既係男朋友既中寬粉，寬同薄度好似河粉咁，咬落去都幾有咬口...
寬粉就嫌太寬太厚，所以食中寬粉就岩岩好啦...

今日星期六，4點幾去到新北江，見到都幾多人，見呢間有位就坐低試下...
其實想試好耐，因為有朋友同我講話呢道d焗野好好食，而且睇到d食評都幾吸引...叫左個焗粉同媽咪share...
下午茶選2樣餸，1樣汁，1樣粉，價錢係$26，凍飲+$2，盛為$28，算合理...
餸既選擇都幾多，約有20款，汁既選擇都有6、7款...
我要左豬頸肉，豬扒，沙嗲汁，米線...
上抬真係熱辣辣，豬扒切到細細塊，方面入口，而且幾鬆軟...
不過豬頸肉就切到好幼，又薄...
個汁唔差，不過唔夠濃味...
米線唔同平時食既湯米線，焗既係痴埋一pat，要撈埋d汁先可以慢慢分開...
雖然係咁，但係撈埋個汁食係絕配 ，而且米線幾淋，我鐘意 凍檸茶普普通通，不過吉極都好似無咩檸檬味...

是日同男朋友去銀座銀行整野，入完想順便係道食埋野先返去接小朋友放學...
諗左一陣，諗住快d所以去左kfc...
叫左個3人餐$115，見到有新野(大脆雞棒棒)只須加$9，個名幾得意所以要左一份...由於我食辣男朋友唔食既關系所以一半辣一半唔辣...
3舊雞入面只有1件較乾身，另外2件好好，肉嫩又有肉汁 雞粒大約只有7舊，份量較小，不過味道唔錯，外層脆，入面d肉嫩...薯格、葡撻:普普通通無咩特別
大脆雞棒棒:離譜，雞肉好乾身，外層係脆，但整體黎講好似食緊雞肉乾...汽水:無特別
飯:飯既份量真係差唔多滿晒，但汁就小到過份，料小都算，連d汁都得個幾滴...
食完頭個一層之後真係食白飯

今日同男朋友去嘉湖銀座睇戲，仲未夠鐘，男朋友話想食甜品，所以近近地去左許留山...
入面無咩人，唔洗等位...坐低之後望餐牌，好多都好吸引，因為好多芒果既產品...
由於今日星期四，最後我叫左星期四特價既多芒西米露$27(原價$30)同埋香芒流心$13(原價$15)...
而男朋友就叫左紅蓮冰糖燉雪蛤(熱)$36...
等左唔洗好耐d野食就上抬啦...
紅蓮冰糖燉雪蛤:我無試，不過見到都幾多雪蛤，算足料...
男朋友話唔錯，冬天食最岩，食完個人暖笠笠...話明多芒，真係好期望，點知黎到就失望，芒果既份量真係普通，而且切得好細粒...
雖然話相唔可以信，但係都無咁過份掛?
係相入面既芒果既1/4，離唔離譜左d?仲好意思個名叫多芒?
佢係上面芒果肉，中間係芒果汁，最底係西米露，芒果真係普通，唔夠甜...失敗
整體黎講完全唔得，芒果味太淡，唔講以為自已係食緊椰汁西米露而唔係芒果... 個樣幾得，一拎到黎已經見到穿左有野流出黎，好似真係流心...
食落先知又係中伏，真係得俾你睇到流出黎既小小流心...都算...
芒果肉望落都幾多，但係成舊野又係無咩芒果味...
真係好睇唔好食...

是日同男朋友去新北江買野，2點幾，下午茶時間，諗住去醫肚...
但係唔知點解是日特別多人，唔想等，見川味有位就坐左入去...
我地叫左2碗薯粉，1碗小辣多酸，1碗勁辣，另外加左2罐芬達同一份小食腩肉...
個呀姐a幫我落完單，之後我望一望張單，咦...個價錢咁既?原來個呀姐a幫我落左係碗野加個餸既腩肉...
原本係諗住叫返呀姐a幫我改返，點知有個呀姐b已經過左黎，咁我就同佢講話我係要小食腩肉...
而唔係碗野加個餸既腩肉...之後呀姐b就同呀姐a講話我地唔係要加餸係要小食腩肉...
叫佢俾廚房張紙記得要改...
之後個呀姐a就講到好似我講得唔清楚咁話我明明話要加腩肉...
叫野食期間我係一路指住個餐牌，一路同個呀姐講我食咩，所以我唔覺得自已錯囉...
真係未食已經一肚氣...
野食黎到，碗野係淨薯粉，即係無錯啦，咁就放心晒咁食...
一路食就一路等緊份腩肉，見住其他人叫完既野食都已經好快黎晒，男朋友就話係米無落單呀?
之後我就話等左陣啦...再等...等到碗野都食左成大半，終於忍唔住同呀姐b講話份腩肉未黎...
之後呀姐b就同呀姐a講呢道差份腩肉喎...結果係...呀姐a竟然無落單
有咩理由講得咁清楚，最後都可以無落單呀?之後就叫廚房即刻整...
期間呀姐a都算有禮貌咁同我地講整緊俾我地...如果唔係真係即係埋單走人...薯粉份量夠多，唔會太淋，$20算好抵食，肉碎、芽菜等配料都足夠，唔錯...
叫勁辣真係有返咁上下既辣度，食到係咁滴汗，更加讚 雖然塊塊都切得好薄、好細，不過味道就唔差，雖然唔辣，不過食落口真係有麻既味道...
但係如果就咁食就會覺得咸左d，食幾塊可能就停晒手，不過如果放落湯粉道就唔會啦...

是日早左起身，屋企又無野食，對於琴日食唔到肉醬意粉既遺撼，所以今日唔洗諗...
一定要食到...好在早左起身，去到都仲有得賣，所以買左個外賣返屋企...
包埋可樂$35，唔算平又唔算貴，但對於我黎講絕對值得 一打開見到紅紅既蕃茄色真係已經好興奮，個汁依然好味，有好碎既蕃茄粒粒、洋蔥、肉碎等 蕃茄味好濃，但又唔會太過酸，加埋有芝士係面，十分配合，不過個人略嫌唔夠多醬汁...
只有薄薄一層，不過個底有茄油，如果要撈晒成個意粉其實勉強都可以...
不過如果可以多d會更好，因為呢個醬汁既味道係第二道真係食唔到，
就算去其他地方食，自已整，都唔一樣！

是日同朋友二人行撐抬腳，再度踏足呢個平靚正既地方...今次試左呢個飯，算單黎講姐係肉醬意粉轉左飯既版本...
睇落個樣幾ok，唔知味道又如何?
一開始食唔錯，好重芝士味，食食下開始覺得大獲了...因為芝士太過多既關系，完全遮晒肉醬d味，變左芝士撈飯
食幾啖無咩問題，食到一半就已經頂唔順，濟左
不過鐘意芝士既人應該會好鐘意呢個飯既...
我就不必了..@@原本有d錯誤既理解以為係同pizza hut一樣既辣肉腸，上抬之後就知錯了-0-
雖然份量好多，但係全部都好薄，又細...不過味道都還可以，岩岩上抬介開拎起既時候d芝士仲可以拉出黎，讚

同朋友係旺角行行下街，入左朗豪坊，經過Starbucks，佢突然間同我講話想飲...
但係我係一個唔飲咖啡既人，去到Starbucks又可以有咩選擇呢?
諗住唔飲，朋友就係我隔離推介話碎朱古力忌廉好好飲，無咖啡成份架...
我勉為其難咁放底左$40，換取一杯特大既碎朱古力忌廉...第一啖飲落去，覺得ok呀，幾濃既朱古力味...
第二啖飲落去，咦?有d一粒粒既? 原來係碎朱古力...
第三啖飲落去，我將d忌廉搞埋一齊飲，原來都幾夾喎，兩樣溝埋一齊飲d忌廉就無咁漏，絕配
唔飲咖啡既我，以後去Starbucks都有選擇啦...

是日去完街，返到屋企樓下個商場，見到新開左間山崎，所以好好奇咁入去行左個圈...
之後視線就停留左係蛋糕櫃，因為見到新奇事物，芒果芝士批，身為芒果迷，唔買真係對唔住自已...
$20，價錢合理...佢用一個靚靚紙盒幫我裝住，假如買黎請人食都唔錯...
返到屋屋企已經迫不及待打開個盒拎佢出黎...望落去個下好似閃令令咁...
一咬落去，原來有d好似啫喱既物體鋪左係上面...
芒果好甜，幾厚幾大塊，抵食，個批底唔錯，好似食緊凍左既蛋撻咁，不過就唔係好覺有芝士味...

三人行特登由天水圍出到屯門食呢間野，事關呢間野既辣度真係好刺激，絕對難忘，所以上晒癮 我叫左雲吞酸辣勁辣，朋友a叫左豆卜腩肉酸辣小辣，朋友b叫左雲吞芝士丸豬軟骨酸辣小辣！
見到碗野紅晒，真係心跳加速！
先講雲吞:呢道既雲吞其實只係好似普通水餃咁，絕對無蝦既成份，所以連朋友b都好鐘意食，
因為佢對蝦敏感，我推介完俾佢佢都愛上左，雲吞大大隻，足料既餡
豆卜:我無食，不過朋友話吸晒d湯汁食好過癮，一食d湯汁流晒出黎，好似食緊小籠包咁...
腩肉:本身醃好左，所以就咁食都幾咸，但浸落d湯到沖淡左就會好d，而且肥瘦均勻，不過如果厚d會更好！
芝士丸:我無食，朋友話一咬d芝士就流晒出黎，熱辣辣，正！
豬軟骨:絕對推介，都係事先醃好左，好淋，容易咬，連老婆婆都應該咬到...
好小可有舖頭會整到咁淋，讚！
湯底好多配料，而且味道好濃，我個碗真係辣到無晒知覺咁制，眼水都出埋黎...
不過食到最尾唔係熱辣辣既時候，飲既湯係最好味，因為唔會太辣，而且酸酸地，好開胃！
但係對於服務真係覺得麻麻，人手絕對唔夠，真係要叫3、4次先有人過黎幫你落單，叫佢俾杯茶/碗仔，
應就應得好快，就好好好，但係轉到頭就唔記得，又要再叫過...