明洞Express (尖沙咀)

係尖咀想食韓國野, 9成都會諗起韓國街...我就無特別食過邊間覺得好食, 所以係無preference之下揀左呢間叫express既, 睇落去都好多年青人wor...

我地叫左Mixed Buckwheat Noodles, B-Beef Bibimbap, Gimbap...Mixed Buckwheat Noodles: 好咸好傑, 落左湯之後好少少, 但係都係太濃味, 再落湯就變左湯麵啦...青瓜可以多d...得一隻味係到口都wear...B-Beef Bibimbap: 得生菜既石鍋飯, 俾d心機好無呀? 石鍋飯中間隻蛋黃無左唔緊要, 連基本既菠菜同蘿蔔, 大豆芽都無, 牛肉你可以係用肥牛整...唉, 真係見到都知你hea我啦...pepper lunch都係肥牛, 人地鐵板就熱到有聲, 又有香味 ...OMG, 我知點形容啦..."琴日打邊爐食剩肥牛同生菜, 不如煮個白飯食埋佢啦!"...評語係無菜, 肥牛乾, 唔夠熱, 無飯焦...Gimbap: 左下個件無蘿蔔, 無牛肉, 紫菜唔夠麻油, 飯太多, 餸太少, 件件size都唔同...hungry korean比佢好食得好多好多, 即使係7-11個K-roll都比佢好食, 抵食 ...

食完勁不滿, 好後悔自己既決定...無一樣係OK既, 價錢又唔係平, 真係一肚氣... 做餐飲做到咁無heart真係令人唔會再去食...

老街36 (灣仔)

hold 左幾個月既draft autodelect左...放心, 我會打過 ...

老街36開左都一陣子, 晚市好少見人係入面食, 午市多少少, 但都無需要等...其實我覺得係自己明知山有虎, 偏向虎山行...

位置係軒尼詩道頭, 東園酒家附近...我地是日食既 紅酒雞肉同 魚肉餅凍檬...(唔係太記得確實個名係咩 ) 紅酒雞肉: 男友叫既...個汁甜甜地, 好多蘿蔔, 薯仔...味道似曾相識...呀! 唔係紅酒, 係日本既薯仔燉肉味...呃人既, 說好既紅酒呢?? 係咪俾錯野我地食定煮錯呀?? 立即覺得普通, 十分之普通, 係一個我平時自己整既餸, 十分唔達標...好在唔係我叫... 魚肉餅撈檬: 呢個就係我叫既, 但原來都係伏...檬粉太淋, 撈檬既檬粉仲係暖既?? d汁都只係室溫, 者係點食呀? 暖食嫁?... 魚肉餅係炸陵魚肉餅, 味道都唔authentic, 唔知仲以為自己食緊中菜 (Is Vietnam a part from China?)...無論溫度, 配搭, 味道都好古怪...

*餐飲方面十分淡味... 寧願唔飲...

好明顯, 呢間我都唔會再去...呢個價錢雖然唔貴, 但都唔平 ... 食呢個質素既食物, 就更加唔抵...食碗南記會滿意好多...

銀座梅林 (尖沙咀)

係好耐之前我既勝博殿食評中有人介紹我去食銀座梅林, 雖然我無立即去, 但我係記得有呢間野嫁 !! 咁我有晚諗唔到食咩, 就建議男友一齊去試下梅林啦 ...

位置係K11, podium個位可以搭lift去到...(但係好慢...)

我地叫左 豬扒定食同 豬柳定食... 豬扒定食: 豬扒顏色好深, 一睇就知炸太耐 ...豬扒塊炸皮係硬脆到你一夾就會碎哂, 麵包糠又太多, 咳死我 ...仲要d肉係乾到一個點同無味到一個點係用汁都頂唔住 ...個d肉乾到係你條牙縫到幾日都唔出黎 ... 豬柳定食: 豬柳份量俾豬扒少...但質素都係一樣, 者係無 ...

另外十分之唔滿意服務...
1) 比我地遲2張枱個客落單既二人餐既炸物係比我地快到好多... 詢問一下既時候, 得到既回覆係炸唔同既食物時間會有唔同 ...(咁係咪者係話二人餐都有既豬扒豬柳再加其他食物係反而會快過普通豬扒豬柳既呢? )
2) 佢地採用既係open kitchen, 我係可以見到係我地再之提醒佢我地既野未黎之前, 廚房係無野做嫁 ...豬扒豬柳既影子都無 ...
3) 炸好既豬扒豬柳係counter到無人pick up, 經理掛住吹水   送到黎既豬扒豬柳已經凍左  ......連說好既加茶都唔記得 ...

我.唔.會.再.黎.食 ...味道服務無樣好 , 餐牌只有standard野 , 價錢唔係特別平 , 無必要要再黎Lor ...

La Rotisserie (灣仔)

廈門街係OL, OB既搵食地方就梗嫁啦 ...不過當中有一間去襯廈門街都會聞到香草同雞油味, 好香既燒雞我仲未食...所以忍左咁耐終於黎食啦 ...

我地叫左2個 Set Lunch+ Ice tea... Set Lunch: 每份會有1/4隻雞同sides...而sides係可以mix嫁 ... 我要左薯仔同雜菜...先講sides, 薯仔煎得好靚, 而且seal左表面 , 不過我覺得可以咸d ...雜菜比薯仔調味更似白烚, 除左紅蘿蔔, 其他都有菜青味 ...總言而之就係無咩味, 唔太好食啦 ...至於雞方面, 我會選擇脾位, 比較juicy, 軟同易食 ...反觀朋友既雞好似真係dry左d ..味道比起sides好好多, 有herb味同咸味 , 可惜雞既份量有d少...由其當sides唔太好食而我又唔想食sides既時候我就更加唔飽 ...如果可以多個1/2雞既Set Lunch就好d, 點可以One size fits all 呢...女仔都唔飽唔通男仔平時係要叫2個set?? Ice Tea: 我比較重口味, 所以要求左extra syrup...檸檬味好出, 唔太多冰, 好味既檸茶...

我唔sure我會唔會再俾佢既香味蒙蔽, 但我一日能夠記得今次呢餐, 我一日都堅決說不...say no to 又貴又一般既餐廳!!

如果用香味俾分, 我會俾5分

Burger Joys (灣仔)

送文件見到之前上網睇過既Burger Joys...記得有lunch takeaway discount...所以當日就叫埋男友一齊食...

我地叫左Cheese Burger, Double Cheese Beef Burger...因為係Lunch Hour, 所以每個包跟可樂同薯條...Cheese Burger: Burger既包有煎過, 有d油, 但脆脆地...包入面有番茄, 生菜, 紅洋蔥, 所以都算好多配料, 芝士都半溶, 望落都OK...可惜肉比我想像中乾好多, 無肉汁, 所以好乾好鞋...塊肉就係burger既主角, 肉唔好食, 成個burger都唔知仲有咩好食...
Double Cheese Beef Burger: My phone cam is broken so no photo . 但係同cheese burger差唔多, 只係double dryness...仲有塊肉仲要燶左, 黑左, 好苦...Fries: Thickness is juct like mcdonald's, but it is hot and crispy... High quality mcdonald's fries...

真心唔會為左個薯條同d菜而去食一個burger...本身個價其實係OK, 只不過要計性價比既話...我情願俾多幾十蚊食butchers club...