Lunch time 第一次去左堅尼地城, 本身係去試Samurai Soup Curry...但係成2點都無人開門...明明話係12點開...真係好嬲...
唯有去試Jack's Fried Chicken...但係天氣實在太熱, 未搵到已經人都溶...

就係呢個時候!!有間都幾靚既Gelato舖...入面都有客人, 而且空間較細, 而門口有menu, 我唯有係出面睇岩先入去啦...天氣咁熱唔想食硬身gelato...軟雪糕見到有Baileys, Affogato...真係好少見連軟雪糕都有咁多味...定價由$20起, 最貴就要$40...比lab made平...真係要睇份量同味道先見真章...

本身想叫Triple Chocolate Monkey, 但係因為無哂chocolate sauce(做甜品無chocolate sauce真係好失策), 所以最後我叫左既係Monkey twist(者係兩溝), Flavour of the month 係意大利朱古力!Monkey twist: 意大利朱古力+原味, 雖然係細杯上, 但係因為中間唔係空心, 所以份量係幾OK既...首先係原味, 好軟, 入口即溶...唔係mcdonald's個種口感, 你近d睇會見到個表面唔係完全順滑, 但食落口完全食唔到有冰粒...到朱古力啦...特濃朱古力味, 唔係假朱古力味, 似係溶左既朱古力再加朱古力粉...佢質地比原味硬...我唔知係咪特登, 但係兩個既質地係唔consistent...特別係食兩溝, 感覺有d古怪...因為你條脷係分到兩溝入面邊隻味係邊...但係如果你搵脷壓/搵牙咬又可以當另一個感覺...溶得都唔算太快, 天氣咁熱, 會溶係正常既!溶左既雪糕見到有d好似有d朱古力粉係入面...

呢間野其實真係好唔錯...但係真係好唔就腳...我未必會為佢去堅尼地城, 但係如果我去堅尼地城我就一定會去食...不過下次都係食新味/同一隻味唔兩溝...

男友今晚可以同我係香港區食, 本身係Cali-mex, Espuma同天扶良之爭, 但係唔知點解行下行下去左CWB食韓式炸雞...

我未試過係香港食韓式炸雞, 而我上一次係係韓國食既...

李家其實都聽過好多次, 但係一直都覺得好多人就無去食...本身6點半既時候一個人排隊都無, 但我地7點半既時候就好多人...而且會有人係門口食煙, 想走都走唔到...最後就到我地就同人搭枱食...

因為係繁忙時間, 所以有個半鐘時間食...我地點左 泡菜煎餅同 甜辣醬炸雞... 泡菜煎餅: 好大塊, 直徑有大約23-25cm...好好食!好鬆軟, 有足夠泡菜同有唔少海鮮...不過有d油, 碟底食完充滿油... 甜辣醬炸雞: 份量幾多, 有13舊, 最少應該要3個人先食得哂...第一件食左雞槌...雞槌d肉幾滑, 都幾好食! 見到有肉汁, 而d醬甜甜辣辣, 雖然無韓國咁好食但可以接受...第二件係男友俾埋我食既雞槌, 但係神奇既事發生啦!呢舊肉唔滑既而且點解好似咁鬼甜既...我食到好多好多糖漿!!十個甜有一萬個甜!!!!!!我一舊又一舊咁俾機會佢...但d水好快一杯又一杯咁俾我飲哂...好後悔叫左呢個 ...早知好似人地咁叫蔥炸雞!最後食唔哂要打包!

店入面長期播緊K-Pop MV, 但係音樂就好細聲...水就要人叫先會refill...而我地食完既時候都未話埋單, d人就話咁快塞張單過黎, 明明同枱都未有單...我地食得快唔代表你可以吹我埋單, OK? 時間都未到, 如果我有需要早埋單自然會叫你...

打包只係用錫紙...韓國又紙盒又有錫紙...唉!唔正宗既韓式炸雞!

去完李家之後上FB見到有雪條post, 而且又咁岩係CWB, 梗係去試下啦!

佢位置係咖啡弄附近, 其實都有d隔攝...不過見到門口之後, 原來都有好多人wor!

排左一陣隊就可以點你想食既野, 我揀左Strawberry Hokkaido Milk草莓北海道牛奶同Earl Grey Pistachio伯爵茶開心果...(本身係叫Creme Brulee同creamy mango, 但係第一樣賣哂,第二樣諗諗下又好似好普通咁)收銀旁邊就係雪櫃, 見到雪櫃入面既雪條5顏6色, 鬼咁colourful...真係好靚呀!而且有staff refill緊, 令到雪櫃長期都可以保持咁靚!

等左唔駛一分鐘已經有得食...門口好似立食咁, 但係同對面既人你眼望我眼有d奇怪...草莓北海道牛奶: very milky, 幾甜...有d似韓國個隻雪條, 但係無咁artificial...兩片草莓都唔會太酸...本身有諗過會唔會d草莓咬唔斷...不過因為草莓係完全冷凍所以唔存在呢個問題...伯爵茶開心果: 第一啖係無咩甜味(因為岩岩食左另一隻甜d既味), 再食既時候佢係好濃既茶味, 但都仲唔係好甜, 慢慢就變左奶茶味...我覺得係似貢茶既格雷奶茶(咪又係者係Earl Grey)少少少少甜...我咁樣形容你就知佢用既茶都唔係好特別...至於開心果, 佢就係分佈係雪條底部同有少少係杯底俾你自己點你食...我認為開心果可以脆d...不過佢做得好既地方就係無將開心果放係雪條中間, 如果唔係口感就會好怪...

草莓北海道牛奶我會推介俾少女同拍拖既情侶, 因為佢既草莓好似兩個心心咁, 係呃Like既最佳選擇...而且口味偏甜, 係safe choice...伯爵茶開心果我就會介紹俾男仔或者大個少少既人, 因為佢唔係甜味為主, 似飲緊奶茶咁...

我會再去食...但係可能會係跳tone試mang chili!!

好少會寫無圖既食評...咁你知我有幾想分享啦...
我地食既係外賣叉油雞飯, 叉燒肉飯

1) 好細盒 (個盒本身細, 盒底仲要向內斜)
2) 雞多碎骨, 有毛, 太咸, 太少 (一盒有5件, 而雞中翼仲要切3件, 每一啖都有碎骨)
3) 叉燒好干, 有燶 (會un胃個d, 咬唔開, 好似鞋底, 咬一半會見到d肉絲唔斷)
4) 燒肉太肥 (2cm肥糕, 好多有油出)
5) 蔥油係無薑

$38可能係金鐘屬於平, 但係真係寧願行遠少少都唔會再食呢間, 請都唔食!

同事請食飯...佢揀左bricklane因為話想食佢既All Day Breakfast 同Sizzling Smores...

我一直都唔太鐘意ALL DAY BREAKFAST...因為其實只係一個咩都執d既早餐, 但係就定價貴, 仲受好多香港女士既歡迎...所以今次係我既第一次...

Bricklane既outdoor好吸引, 但係驚落雨同熱, 所以就揀左indoor, 今日好full...因為唔想坐high chair, 所以唯有一個鐘食哂...(1點要交返俾佢地)而staff都提左我地好多次...

我地叫左既有: All Day Breakfast - EVERYTHING(with sunny side up eggs), All Day Breakfast - EVERYTHING(with scrambled eggs), Tofu Steak...Eton Mess, Sizzling Smores...EVERYTHING(with sunny side up eggs): Eggs are cooked in chinese style, but I like the crispy edge that should not be in western sunny side up eggs. Salad can have more dressing and the veggie is bitter. Also, the bacon here is not crispy at all and it gets cold very fast. Sausage is not hot enough. Portobello is not that special. Tomato is not the cherry tomato or any kinds small, but it's a whole big tomato grilled.(I am expecting more!!) Standard baked beans, smoked salmon, ham, hash brown. Cheese is weirdly serve. I feel hungry after clearing the dish...Scrambled eggs: smooth, fluffy and well-seasoned...Tofu Steak: Just 2 slices of tofu, 2 veggies lying on the mushroom... not my kind of thing, its ordered by others.Eton Mess: I really like this one. It satisfies my sweet tooth. When I research on this dessert, I think it should be big enough to share, but really I finished this by myself. Merinues are at the bottom when the strawberry sauce is on the pile of cream covering the strawberry ice-cream...Merinues is surely sweet, but everything is good...just the ice-cream is kind of like nestle ice-cream!Sizzling Smores: Cracker with mashmallow and chocolate... the portion of this dish is larger. It should be shared by 4-6 ppl as it is too sweet. It gets messy when you have mashmallow. After this dish, I get really thirsty...and my thoat starts to dry. SO THAT'S MY SWEET REMINDER: DON'T EAT TOO MUCH!!! or else you will need to ask them for water...(they don't refill your glass frequently )

因為同事生日所以就同同事一齊去食生日飯...有人話The Pawn個Lemon tart好吸引, 所以就一齊book去食呢間啦...

位置係2樓, 門口有Staub同le creuset 做decoration...

我地要左sparkling water...但係indoor 冷氣好凍, 同事要左杯熱水...問waiter有無blanket or scarf可以借, 但係佢地話幫我地較返暖d就無再出現過...(見到坐outdoor既人好似好有生活態度)

至於當日既menu set dessert無我地想食既野...所以唯有a-la-carte叫Black Olive Risotto, Burger同Fish Pie...Black Olive Risotto: 我覺得擺盤好靚...好S/S 既感覺...有Zuchinni Puree係底下...waiter話要mix左先食...risotto硬度煮得唔錯但係有d過咸, Puree is too thin watery,但係加左落去risotto係特別清新d既...但係真係咸左d...Burger: Burger好高...佢既arrangement係top bread, mustard, lettuce, tomato, grilled onion, fried onion ring, cheese, pattie, bottom bread...扒叫左medium...但係overcooked(I think it is burnt, cuz i ate something bitter), no pink inside...too dry. Mustard's too strong, but I like the onion...
Fries: A lot of potato, really thick chips...seasoned well...but get chewy when it is cold...Fish Pie: We expect it's a pie with the crust but it isn't...It has mashed potato at the top and creamy sauce and fish at the bottom... The mashed potato is smooth and buttery. and the creamy sauce is so good... with chunks of salmon and cod... I know why some people think it is a comfort food for them...The fish is a little hard, but with the sauce...I can overlook it...However, I wish that there was more potato. Becuase the proportion of the sauce and potato makes it too moisted now.

雖然portion唔大...但係太多薯仔, 同事都飽哂...所以都無試甜品...
唔知madam sixty會唔會好食d呢?

夏天為大地帶來汗水...即使係office返工, 一出到去outdoor就咩都無哂心情...

琴日食左咁多野, 飽到今日lunch都仲飽緊, 橫掂3點鐘...當出去行下都好...熱辣辣又無咩胃口, 食個甜品算...知道灣仔上個月開左間果肉雪條...就走去食下啦...

位置係The Hennessy既後面(or 前面, 睇你點睇)...門口好細, 平時好難先會留意到...
見到有幾個OL企正係menu牌前面等緊雪條...唉...燥燥地, 食冰算...

叫左一個小size-8ozs($10), staff話今日default既係密瓜冰+ Mashmallow + strawberry sauce...仲諗住要加錢點sauce tim...咁都幾抵wor!

等左2min左右就已經有得食啦...原來係橙色個隻(哈)密瓜冰...個樣OK呀...雖然唔係日本standard, 但都唔錯呀...質感好傑, 而且食落去係好甜, 應該有好多condensed milk, (哈)密瓜味係假甜味...甜到係食唔到個sauce味...Mashmallow係細細粒幾好咬...冰就唔係MUSH個隻, 係小冰粒...而份量就剛剛好當自己一個既TEA...

如果係想食飯後甜品/ 食慣高質甜品, 我唔suggest你食d咁既冰, 因為你會覺得佢超漏...但作為夏天既junk food就OK啦...而且仲可以開開心心返去office過埋個happy friday tim!

**但係真係要之後飲多d水, 開心完會好口渴

 
上個星期試左大肚腩點心腸粉專門店, 覺得幾抵食, 唔錯…今個星期試另一間 – 老點! 佢位置係千色前面個條街…之前仲以為好多人, 點知今日都有好多位wor...

我地點左鮮上肉響腸, 咸香黑魚子燒賣, 冬筍普通鮮蝦餃, 清酒雲吞雞, 吾係老點小漢堡, 百花蟹籽魚肚, 千島脆炸蝦春卷, 呂宋香芒小布甸同一口忌廉糖蛋…茶無得自己倒, 但好在都會主動幫你加...鮮上肉響腸: 外皮味道比較淡, 多d醬油先夠味…入面既脆脆比大肚腩薄, 但係都未夠脆, 入面蝦肉比較多…老點-勝!咸香黑魚子燒賣: 黑魚子存在感低, 但係外表特別d, 加分…豬肉比大肚腩少, 但係蝦比大肚腩既一隻多…果然好食d…如果老點係好食點心燒賣, 大肚腩就係有d質素既學校燒賣…老點-勝!冬筍普通鮮蝦餃: 外皮幾好味, 入面有少少肉同兩隻蝦…知得咁清楚係因為外皮痴住個籠, 一夾就解體哂…係咁咁情況下, 我唔可以as a whole咁judge, 佢就算好食我都要話: 大肚腩-小勝!清酒雲吞雞: 應該係最遲上既熱點心…好滑既煲湯雞, 幾好味…正常雲吞, 蝦好食, 但皮有梘水味…最正係個湯, 有雞油, 好少好少清酒味…個湯幾清, 但係有d野浮下浮下唔太好睇…但為左個湯, why not?吾係老點小漢堡: WA!!!細到呢…放左個5毫做對照…真係可以一啖一個…個飽好多芝麻唔太淋幾好食, 蝦餅彈牙, WASABI MAYO refreshing…但係呢個價錢, 我會覺得好貴唔會再叫…而且令我諗起M記…百花蟹籽魚肚: 又係會散哂既點心…魚肚似豬皮, 但係吸哂d汁好好食…上面既蝦膠唔太彈牙, 而且淋既反而比彈既夾得多…但係食到我唔鐘意既薑絲…但係都係唔影響我會再食既事實…千島脆炸蝦春卷: 普通春卷, 無咩特別…都係同其他點心一樣主打蝦…平時多數食蒜味既蝦春卷, 呢個要點thousand island既就比較清d…但係我覺得thousand island同普通mayo無分別…可以再調多濃d…呂宋香芒小布甸同一口忌廉糖蛋:放左個5毫做對照, 又係微型點心…
芒果布甸: Good! 有甜甜地芒果肉, 淡奶味剛好…但係份量太少…
一口忌廉糖蛋: 因為杯仔太細, 燒糖令到個蛋既溫度下面凍上面熱…好似茶記叫凍朱古力咁…呢個屬於老點最fail既點心…

見到其他個個客人有叫, 其實想比較埋飯, 但係已經飽左, 而且配搭唔太吸引同隔離個人食剩好多飯, 都係下次先啦…
呢到其實比大肚腩好味, 但價錢貴(係元朗區)...但係大肚腩就多d創新而抵食既點心, 但就未必樣樣都咁好味...唉...好難揀呀!!

話說今日去完CWB SOGO買野之後就唔太餓, 所以就步行去搭船過TST順道吹下天然風, 吹走咁熱既天氣…但係好可惜船程中一d風都無…唔想咁熱行去the one/ ice square, 唯有去海港城食啦…

記得之前有朋友IG 食過一間有冰既韓國餐廳, 食物好似好靚咁, 所以就去試下…

餐廳位置係4/F, 真係好難搵, 最後要問人先去到...聽人講話好多人要自己搵位, 但因為係平日夜晚, 所以得小貓幾隻…呢到要自己搵位, 自己拎menu, 自己出去俾錢, 之後佢地就會拎黎俾你…至於水就要叫佢拎先有…

叫左一個年糕套餐($108), 但係無左辣味年糕, 所以唯有揀芝士口味啦…另外飲品點左藍莓沙冰…藍莓沙冰($35): 個樣幾靚!!記得綠箭曾經出過一隻藍莓香口膠, 味道同個隻好似…因為應該落左好多糖, 所以好甜, 而且唔解渴…但係我都幾鐘意食個隻香口膠, 所以都接受到, 不過如果可以有幾粒原粒既新鮮藍莓, 再轉用粗飲管就會再吸引d…韓式芝士炒年糕 ($88): 一黎到見到好希既汁就覺得唔太吸引, 都唔似韓國地道炒年糕既…先講芝士先, 佢用既芝士係會牽絲既個種, 但係就無用會溶個隻…結果食到好煩, 因為又要拉極唔斷, 食麵要拉到好高,而且汁同芝士係分開哂…年糕比我喜歡既硬, 但都係好食既, 因為比較入味. 我喜歡NORAYO K.Cafe 可以自己煮自己控制淋度, 但鐘意呢到較入味…另外炒年糕附有炸紫菜卷, 吸左汁之後好好食…麵煮得太淋, 我覺得可以早返少少拎起個麵, 因為個麵拎起左都仲會有餘溫煮緊 …最後講返個汁, 其實真係可以辣返d, 實在太甜啦 …得炸紫菜卷同年糕比較gd, 所以真係唔駛特別叫...

俾錢既時候留意返係有加一既服務費, 真係好唔甘心只係拎水拎餐同清潔就有得收…茶記落單走埋過黎都唔駛加一啦…而且真係唔係好抵…下次可能會試返佢出名既雪花冰同薯波既, 不過唔出名既野, 都係算啦…

上個月有一日無原無故想食芒果椰汁糯米飯, 但係就不了了知左. 皇天不負有心人, 上個月見到lab made話出左芒果椰汁糯米飯味, 所以就上個星期去屯門想試下芒果椰汁糯米飯雪糕, 點知唔知點解又無開wor...

今日食完三田沾麵嬲嬲地就順路食埋個雪糕, 呢個分店叫cafe, 同其他分店唔同有野飲...
有好多外國人都等緊...而睇號碼牌, 原來個個都係叫糯米飯雪糕...另外都有d人叫白朱古力脆脆乳酪配士多啤梨醬, 得一個叫太興奶茶味.

等緊既時候去左行下Jamie's Italian, 但係無興趣試住(詳見我TST Jamie's 食評)...不過發現lab made係入面係有位坐同有蛋糕賣...不過算啦, 下次先食火山, 橫掂counter都無人. 坐左一陣之後, 終於到手啦...泰式芒果椰汁糯米飯: 質地比平時硬身, 好鬼難吉入去...
椰汁味雪糕入面真係有糯米飯
糯米飯好chewy, 真係要咬一陣先得, 雪糕好香椰汁味, 不過黑芝麻無咩存在感...
另外個sauce 方面係維他芒果汁味, 但係又真係有粒粒果肉係到...
唔知係天氣熱定係太好食, 自己話咁快就食哂lu. 但係食完覺得同許留山d芒椰飲品好似...

但係對於今次既experience我有d野想講,
首先個杯薄左d, 好似好軟就溶咁,
另外員工係預備好雪糕之後個杯邊仲有芒果汁都唔清潔就送出黎, 如果無時間清潔, 不如提醒一下都好.