見openrice有唔小好評 又有得團購 價錢合理 所以就同男朋友去試下野係幾好食 但服務真係差爆 燒肉黎講呢間都算多野食 而且野食質素都算高 野食黎得好快！我地食5點半到8點個場 可能早 所以都無咩人 好鬆動環境都好ok 野食之中刺身好新鮮 燒蠔好脆好正 沖繩菠蘿好甜 肉類都好令唔太肥 羊肉都唔會太「蘇」每人加25蚊就有得任飲紅酒！最正係一人有一杯Haagen-Dazs雪糕送😍 本身都想俾好評佢 但個度既服務真係令我地好嬲好嬲我地個場寫明係5點半到8點 咁正常我地係8點鐘會離場啦 去到大約6點9既時候 有位staff黎同我地講話last order 咁我地心諗:咁早？！ 但就無理佢繼續叫野食啦 去到大約7點既時候就叫我地埋單 然後話我地仲有半個鐘 我地都「r」晒頭 明明我地到8點架wo！我地見佢只係講一講 就以後佢無睇清楚 繼續食 講真 到呢度我地都未嬲 最嬲係 一到7點半 幾個staff即刻一齊走過黎 夾手夾腳執走晒我地d食物 有碟係我地食都未食過個下真係好嬲 有d早過我地入黎既都未走 點解可以咁樣趕我地走？！後尾先知原來我地張枱7點半俾人bk左 我地未走就已經放7點半個場個d人入黎！如果未夠鐘要我地走咁點解要俾我地坐呢張枱呢？或者應該係bk既時候就講清楚 咁我地咪bk第2日囉 咁既服務真係野食幾好食都無用 雖然野食正 但今次呢件事之後一定唔會再幫襯 真係太嬲太嬲！！

見到團購網有優惠，幾抵，加上餐廳唔使我2日前bk，電話入面職員態度都ok，所以就同男朋友去試下。

間野既位置係係商場最入，唔顯眼，但商場出面有個大既廣告燈。環境都ok，同男朋友2個人坐4人卡位，好闊落。 成間餐廳無咩人，就算7點幾個d時間個日都坐唔爆。

坐低即刻落單。刺身除左吞拿魚、鯛魚同希靈魚，其他都有叫。刺身係冰凍上，長腳蟹棒係最伏 跟本就係超市個d好平既急凍蟹柳黎。其他刺身就還可以。

叫左個軟殼蟹手卷。手卷好細，紫菜好un，個軟殼蟹細到見唔到 。食落去得粉味，一d蟹味都無。

最差就係火鍋 叫左個味噌豚肉鍋，d豚肉全部都係肥肉，仲要一大舊沉左係底，好似未解凍就擺落去咁 d湯面好多油。最搞笑係我地有叫一份芝士腸一份魚皮餃，佢真係俾一條芝士腸同一粒魚皮餃我地

仲有就係牛油焗金菇、芝士焗西蘭花個d係都完全無味。

食左既野入面最好食就係炸章魚小丸子同一口炸豆腐。d豆腐好滑。 清酒煮蜆都ok但太多空殼。

顧住食，無影相。

總結黎講都係差，唔會再幫襯！