俾門口既menu照片同裝修呃左，見入面都幾full，覺得應該都唔差，嗌左個蕎麥麵同豬扒拉麵地獄湯底，加左杯白桃西柚果茶，等左十分鐘左右就有 蕎麥麵看似好豐富，有好多配料，冷麵汁好咸，蕎麥麵本身已混合芝麻醬，餐牌無寫明，如果本身唔食麻醬就真係唔知點算 配料啲青瓜乾既，啲蝦未食已經見到好豐滿既蝦腸，即係食緊💩 地獄湯拉麵，唔辣，勁咸 果茶無白桃味，唔好飲，得個靚字 個男店員同個廚房傾計，講晒粗口 一次就夠，以後唔會黎

lunch time行經apm,間間都爆滿，係得呢間有位，又想食意粉就試下...

企係門口一陣都無人理，成分鐘先有一個waitress嗌另一個waitress話門口有人，答佢兩位之後個侍應一句都無講就轉身行左去，我都唔知佢係想帶我位定點樣...

個個侍應都木口木面叫左個香蒜欖油蜆肉意粉同露荀忌廉豬扒飯

餐湯係類似洋蔥忌廉湯，一啲味都無

男朋友個露荀忌廉豬扒飯，賣相似茶餐廳碟頭飯，我無試，男朋友只係話，唔難食囉

我叫既香蒜欖油蜆肉意粉，咸到完全入唔到口，食左三分一已經唔想再食

餐飲加錢轉左大杯iced mocha，似飲凍朱古力多啲，無乜咖啡味

總括，難食難食同難食！

下次再來的話，都係淨係食蛋糕算啦。。。

勁鍾意食辣既我，見到米線陣有玩命辣湯，一直都好想試，今日返工趁放飯就黎食。。。

睇到其他食評話玩命辣湯係清湯同辣汁分開上，但落少少都已經好夠味好辣，我就只係嗌左中辣，唔敢嗌大辣。仲嗌左手拍青瓜同大汗雞翼。

野食黎得好快，試左啖湯，好咸，唔敢落太多辣汁，輕輕試左滴先，唔辣，成兜倒晒落去，真係一啲味都無，啲米線又碎，夾唔到。青瓜都係一味得個咸字，雞翼皮幾脆，幾香，但都係一啲都唔辣。

好失望。

隔左幾個月再黎，差左勁多
我本身係牛扒愛好者
嗌左個蘇格蘭牛扒
餐湯忌廉湯，無味
牛扒'那'到過晒火，無晒牛扒本身應有既口感
入口可以'梅'爛，咬都唔洗
太失望
應該唔會再黎

收工同男朋友係厚福街搵野食，見到呢間食肉燥飯既幾平下，就試下。
 
坐位係搭枱坐既，勁迫，茶餐廳咁，坐得好唔舒服。

嗌左個薑葱豬頸肉撈公，辣香腸，小食拼盤同鐵板牛排肉燥飯。

香腸同拼盤食到底係有成匙油係度，張紙都吸唔晒，啲油係裝住咁上枱，好恐怖。

其他野味道一般。

見到啲油都唔敢再黎。

有一日同男朋友行經九龍城，突然想起Tony Wong既cake，就同男朋友去買黎食。

店內有幾位顧客，我同男朋友係display櫃前揀左好耐，終於揀左呢個


靚到唔捨得食，同男朋友慢慢逐塊拆開食，但食食下其實都幾漏😂但真係好好味。入面個芯有啲mousse,脆脆，蛋糕，幾重口感，超正！

下次想再試埋其他！

其實服務方面，我同男朋友係櫃前望住啲店好耐，全部兩個人pack一盒蛋糕，我地完全無人理，有啲唔開心。

食過幾次茶木，都係為個蜜糖吐司而黎，每次都要等成個鐘位，今次試下去黃埔呢間，位少啲，但星期六下午茶時間都係等二十分鐘左右。

滿心歡喜又有吐司食，今次仲試埋個雞扒肉燥飯，點知中晒伏。

個肉燥飯側邊果啲雪菜好似變壞左，食落好臭，有陣苦苦地好似廿四味咁既味，定係本身係咁？？

諗住有個吐司補返數，點知呢個仲弊，焗到硬挖挖咬唔到之餘，最底果塊係有一pat蜜糖浸住係中間，應該係焗起然後求其倒pat蜜糖落去咁，甜到完全入唔到口，勁差  好失望。

越開越多分店，但質素越黎越差，啲員工培訓又不足，個個返工係度玩電話，食野，仲要係個廳面對住啲客食，想搵個員工落單，淨係入面廚房同樓面啲員工係個出餐度吹水，玩，將d野推黎推去，好影響公司形象，我覺得貴公司應該要正視，今餐真係好失望

見咁多人食，又黎試下

嗌左個泡菜炒飯，唔算辣，好惹味👍

地獄年糕，係辣既，但啲汁好gel口，唔太鍾意。

燒牛肉卷，俾啲紫蘇葉蓋過晒啲味，我唔太好紫蘇葉，好難食，食到想反胃。

炸雞，翻炸既，無特別。

會想再試其他，炒飯可encore👍

同男朋友收工黎食甜品，好大期望，以為好好食，最後失望而回
order左三樣野，榴槤班戟，楊枝甘露同川貝燉雪梨
呢個男朋友既，佢話完全無川貝味，我聞落得陣糖水味
外表好似發毛仲有d委縮左咁，但裡面都好足料，好香好正！

食落得椰汁味 d西米好林 仲要痴埋一舊舊 好難食

唔會再試

前幾天tea time黎食，用會員積分換左個普通批同海鮮闊條麵，仲嗌左下午茶餐既雞翼薯格花生醬多士同蜜糖芥末薯條。

小食都好味好ok，闊條麵不是我的，但男朋友都食晒，唯獨是個pizza，因為兩個人坐二人枱，嗌既食物多，又一次過黎放唔晒，店員話pizza之後上，預左擺一陣都無咁好食，其實到我地清左兩碟，店員都無留意我地可以上得pizza，要我地嗌先上，都唔expect有燈曬住keep住溫度，但個pizza應該真係擺埋一二邊吹風再拎出黎，黎到係全凍既

其實當時唔算多客，有一位客人坐四人枱，order一份tea，但我兩位order咁多就要食凍既，難道因為係積分換，免費的，所以就得到咁既待遇？？極度失望