成日會掛住日本美食，最近發現呢間高質日本餐廳，由來自日本福岡縣的資深日藉主廚久家弘一先生主理嘅 #壽喜燒 #伊勢熊 食過真係回味無窮😋😋😋❣壽喜燒套餐(樂） $680 dinner set, 

另外我哋追加壽喜燒生蠔及炙燒和牛呢度嘅壽喜燒融會關東及關西的壽喜燒料理特色，仲有獨門割下秘方及創意蛋汁～

坐低落單，我哋叫咗一杯梅酒同埋一杯桃酒🍸，富士山杯裝住，不得不讚呢度嘅食具都係享受嘅一部份。接下來就開始上前菜

#前菜三品 包括有：

北海道帶子

櫻花蝦炸魚餅及雞卷北海道帶子好鮮甜，櫻花蝦炸魚餅好香濃！雞卷肉質嫩滑

另外點的 #壽喜燒生蠔 🦪

以煙燻生蠔，再用壽喜燒汁慢燒，半生熟生蠔加上秘製嘅壽喜燒汁，肉質爽甜，沾上wasabi同食，令蠔味鮮甜爆發！接下來呢個火炙和牛沙律🥗和牛燒得啱啱好，大約五成熟，好有牛味，加埋調味料聲響，睇住主廚煮嘅時候已經流晒口水🤤，和牛下面嘅菜苗非常爽脆，中和返和牛嘅油感。好正～大蝦松葉蟹茶碗蒸

用咗南禪寺豆腐，

一向都鍾意茶碗蒸，

呢個嘅蛋滑捋捋，而且夾埋松葉蟹好鮮甜，每一斤都食到松葉蟹肉。之後就係主菜壽喜燒：主廚先俾肉同菜嘅認證俾我哋睇，然後就烹調食物，先食 #日本京都姬牛 京都姬牛是雌性黑毛和牛，油脂融點較雄性和牛低，肉質細嫩，入口即融！實在太滋味。接下來嘅係：#日本香川縣小豆島的橄欖和牛 

大理石油花更均勻細膩！呢款牛以橄欖果為飼料，呢款肉味更濃郁，口感柔軟，肉香又多肉汁！！食牛嘅時候每人都有四款醬汁（分別係黑松露、柚子醬、芥辣、辣椒）兩款雞蛋及飯同食。當中飯係以昆布水煮飯，所以顏色有啲淺啡色，係煙韌口感。

雞蛋比較特別嘅一款係用蛋白打成泡沫狀再打勻雞蛋食用。口感更綿滑及豐富。至於蔬菜嘅部份都可以食出主廚用心挑選：#日本野菜7品

最令我難忘係靜岡縣番茄，爆汁勁甜！當新鮮日本蔬菜吸收哂壽喜燒汁，大家可以想像味道係冇得輸的！

最後仲有個 #究極蛋蓋飯 

其實呢個飯都好好味，甜甜濃郁嘅蛋香，但係你個時候已經好飽！店員問我哋要小飯、正常飯定係多飯？我同老公都笑住答小飯可以啦😂💖最後甜品係 #靜岡縣蜜瓜 配柚子雪葩，完美的句號～～～呢度食嘢嘅環境亦都好舒服，令人恍如置身喺日本嘅感覺，另外餐具亦都睇得出有精心挑選，整個進食過程無論視覺味覺都係一種享受！「壽喜燒 伊勢熊」地點: 九龍尖沙咀棉登徑8號凱譽地下13號

想lunch chill 吓食好嘢，今次試吓 Odelice法國菜，佢哋嘅lunch性價比好高。有前菜、主菜、飲品、加錢有甜品，而且環境坐得好舒服。⭐前菜我哋要咗吞拿魚他他吞拿魚嘅鮮味加埋醃製嘅微酸感，非常開胃嘅前菜

⭐仲有黑松露炸蘑菇球外脆內軟，黑松露香口。

☕飲品檸茶同咖啡～主菜：

法國油封鴨腿🦆油封鴨好香，下面伴有吸取油香嘅松露薯蓉，仲有酸酸甜甜嘅醬汁，中和膩感，好味！

阿根廷安格斯肉眼牛扒🥩肉眼煎得啱啱好，Juicy肉汁～

甜品：榛子朱古力醬，煎香蕉可麗餅

張紫朱古力好香，可麗餅有啲煙靭感覺，香蕉係糖脆面，食完好滿足嘅甜品🍨

Mother Pearl 圓貝推出咗兒童系列😍不過我覺得大人都好啱飲，重點係健康，自家製植物奶、無咖啡因、 選用健康糖，而且健康之餘味道依然好好～兒童系列仲特別調配，每杯都有唔同嘅營養價值。今次同海豚妹一齊揀咗四款飲品同家人分享🥰啲名都好得意，我哋分別叫咗：🟡Golden Minion 黃金少少兵

Golden Pearl 金圓貝：Immun-ie — 增強免疫

呢杯海豚妹最愛，本身係我想飲，點知道佢是一啖之後就搶咗嚟飲🤣甜薯蓉好好味，黃金珍珠亦好有咬口。

🔵Baa Baa Black Pearl 爸爸羊

Blue Pearl 藍圓貝：Brainy — 發展腦力

呢杯係因為比顏色吸引咗買嚟俾爸爸嘅🫶🏻😂，下面綠色嘅係牛油果，上面係椰奶+菠蘿，味道好特別，爸爸話覺得好Fresh!

🔴 Peppa George 佐治小豬

Pink Pearl 粉紅圓貝：Vita C — 維他命Get呢杯係海豚妹指定要叫嘅，因為係粉紅色，呢杯係冰沙，味道我覺得似士多啤梨乳酪，酸酸甜甜，好啱夏天飲。

🟤 Cookie Monster 曲奇怪獸

Choco Pearl 啡圓貝：Happie — 調節心情

一見到朱古力大人小朋友都開心，濃郁嘅朱古力味，海鹽雲呢拿奶蓋好似雪糕質地好幼滑，仲飲得朱古力碎😍加埋珍珠又係值得一讚等緊飲嘢嗰時仲見到佢哋有珍珠奶茶手袋仔，好得意呀，手袋仔做緊慈善義賣，可以以套裝買或者單買～

抵食$298/位花膠雞鍋😍任食無限時❗️ 觀塘《一本食堂》👍🏻先飲湯後打邊爐，大大粒花膠，啖湯好正！雞鍋仲包括包括：🌟頂級牛盛盆（1次性）

頂級牛小排prime、頂級牛肩胛prime，安格斯牛板腱，雪花一口和牛粒）

滿足食肉獸～我最鍾意牛小排及雪花一口和牛粒，濃濃牛脂香。

🦞海鮮盆（1次性）

5款白鱔片，蝦，半殼帶子，蜆，生蠔🦪

最喜歡白鱔好肥美

生蠔也好鮮美🌟其他前菜、甜品、水果、汽水、火鍋配料，全部都可以任添😋❣️送咗碟荔枝炸蝦球，外香脆，裏面彈牙爽口，好好味🤤

🍉水果竟然有哈密瓜，食咗好多轉。🌟日式小番薯、炸魚皮、炸餃子，你打邊爐之前過足口癮。

🍨甜品除咗雪糕之外，仲有泡芙，有雲呢拿味同朱古力味，我鍾意朱古力味，食咗兩轉。整體食得好開心，無限時可以慢慢嘆，價錢實惠，大人收費$298，小朋友收費$208，食物選擇亦頗豐富，最鍾意個養生花膠雞湯，性價比高❤️下次朋友聚會都會再選擇嚟呢度。

每月同老公仔撐枱腳，難得放低小朋友二人世界，都會精心挑選地方，今次去食：高級精緻鐵板燒《龍亭》。餐廳環境都幾別緻，門口有神秘的感覺，店員推介鐵板套餐，我哋要了$588 及$788 套餐。788 套餐是多了前菜及湯，以及主菜可以選和牛粒。整個用餐體驗，可以睇住廚師製作食物，食材由廚師精心挑選，最開心係有精緻擺盤，令一餐成為一種享受。

今餐我哋仲要咗一支梅酒～羅慢慢享受這餐盛宴：💛沙律

黑魚子+煙三文魚，新鮮沙律菜配黑醋汁調味，作為前菜非常開胃。💛魚子醬溫泉蛋

溫泉蛋蛋味好濃郁，加埋黑魚子，順口又香濃。主菜我哋分別叫咗以下食物：

💛鐵板大虎蝦

虎蝦鐵板煎非常香脆，伴碟有蝦頭蝦膏汁，沾來一起吃，非常香濃，鮮味加濃味充斥味蕾！好好味

💛黑魚子帶子小黃瓜

鮮嫩帶子配清爽小黃瓜，加埋高級黑兒子，食得好開心。💛鐵板白膳

鐵板煎得很香脆！老公好喜歡，伴碟配埋七味粉，口感更豐富。

💛蒜蓉帆立貝

香口蒜蓉配厚肉帆立貝，本身已是很好味，而帆立貝新鮮，所以再加分。💛厚切黑豚肉

Juicy 黑豚肉配上酸甜菠蘿汁同蒜香牛油，啖啖滋味💛澳洲牛柳粒

牛柳粒配手磨wasabi及炸蒜片，啖啖牛香味

伴碟，有可愛蘿蔔雕成嘅蘑菇造型，好可愛～💛味噌湯中途清一清味蕾。💛海鮮炒飯

炒飯好足料又有鑊氣，有大蝦，雞蛋，蘿蔔等等，炒飯粒粒分明，食完好滿足。💛甜品柚子雪芭及紫薯雪糕，配自家製份子料理紅豆爆珠，口感好驚喜，柚子雪芭清新解膩，紫薯雪糕少少麻糬的煙靭感，而且好香滑。完美的結尾。

為食但又想食健康，圓貝嘅茶飲好啱我呀！佢係全港首個唯一採用全自家製作食材的珍珠奶茶品牌，好飲之餘亦會注重天然、健康和營養。同坊間傳統珍珠奶茶不同，這裡選用天然甜味劑，自家製植物奶以及手工珍珠，飲完可以零罪疚感 ！😍
今次我冇試珍珠奶茶，我要咗杯朱古力🍫：非常可仁  (僅68千卡，更有生酮選項）用嘅係 杏仁奶 裏邊仲有黑朱古力碎，多層次嘅口感😋


另一杯叫咗：聖女香水（全新純茶）
見個名好特別，顏色又色彩繽紛，所以試吓。原來佢嘅主要材料係蕃茄、香水檸檬，飲嘅時候會飲到一粒粒嘅奇亞籽。感覺好適合女人飲用，補血～味道清新獨特又解渴。
買嘢飲配曲奇有優惠，今次買咗曲奇同埋素批：
🍪麻糬曲奇有抹茶海鹽、伯爵茶、特濃朱古力和紅絲絨。海豚妹揀咗紅絲絨，我就揀咗綠茶海鹽。綠茶加上海鹽令到綠茶味更加突出，紅絲絨食到粒粒朱古力，曲奇成份用上純素牛油，曲奇口感軟身，加上煙韌的麻糬，好好味。

🍀西西里波菜素批
附上醬汁沾來食，健康菠菜，食完飽肚又冇罪惡感～
🩷下次想飲珍珠奶茶會再嚟試埋珍珠奶茶😍

［#免費和服體驗］ 瘋狂任飲全港最齊最多～#自助清酒機仲有即日空運新鮮刺身，絕對係最近食過，覺得性價比好高嘅： 響 居酒屋 Hibiki Japanese Restaurant

有得玩，又有得食，扮吓去咗日本嘅感覺，同老公拍拖仔食：

#尊貴日式居酒屋M5和牛料理二人晚餐 ($998) #清酒機任飲（$188）清酒機用QR code登記，就可以出去選擇自己喜歡嘅味道，apps 內有各款清酒介紹，亦可以自己+記錄自己鍾意嘅味道。客人可以一次斟多杯清酒，並以號碼小牌記下各種不同的清酒，喜歡的可以多斟一點，老公仔非常開心，而我哋最鍾意嘅兩款味道係：#伯楽星特別純米 及 #獺祭45純米大吟釀我個人喜歡甘口濃厚的清酒。而家居酒屋有 #和服體驗有男女裝和服，有齊飾物配件、有打卡位、可寫繪馬，嚟食嘢之餘仲可以影相同玩吓，都幾有心思！食物方面，刺身同壽司，令我哋好驚喜，原來刺身係即日空運，難怪咁鮮甜美味！最讚賞係：三文魚籽壽司，粒粒大大粒脹卜卜，店員話我哋知佢哋用嘅係A級魚籽，廚師亦有特別處理過魚籽，令佢更加鮮甜真係一食難忘。另外左口魚裙邊壽司，係入口即溶化，香濃鮮甜嘅味道充斥整個口腔。池魚刺身亦好彈牙！加埋特調醬汁越食越開胃，仲有帆立貝，啖啖鮮甜，好耐都未食過咁好味嘅帆立貝。倒返轉，講返前菜，自家醃製漬物好好味，成餐飯食到最後我都不斷食返前菜，每次一食就令我更開胃。#鱈魚片 香脆，#支豆 都好過口癮，不過太多嘢食最後食唔晒啲支豆～～串燒有五款，我最鍾意係牛舌同燒鱔，魚皮好香脆，牛舌爽口有肉汁，呢啲香口食物好啱送洒。主菜我哋揀咗 #M5和牛，係用黑椒燒熟，肥瘦均勻，脂香滿滿#雜菌蜆肉清湯：蜆肉無沙大粒飽滿，湯嘅菇味好出，不過略嫌有少少鹹，所以我食晒蜆肉同埋所有嘅菇，湯就冇飲晒。#牛肉瓦蕎麥麵：送上一碗湯，可以沾蕎麥麵食，蕎麥麵底部炸到少少燶的香口，面層係辣蘿蔔蓉，加埋清新檸檬，牛肉炒得惹味，雖然食到呢part已經好飽，但係又會不知不覺食晒！套餐的巨峰梳打： 甜品係 #雪花冰，雪花冰嘅味道係紅豆，好似食緊煉奶紅豆冰，爽口清甜，作為結尾甜品感覺好滿足。以為已經好飽食唔落，但係清涼雪花冰好順口，又係不知不覺食晒下次去觀塘居酒屋，我都會再encore！

原來圍爐火鍋、圍爐煮茶喺四川熱爆！
今次來到過江龍品牌「炊二哥麻辣圍爐盆菜」，於將軍澳PopCorn 進駐，咁近我梗係試吓啦。

概念係三五好友圍坐在爐火旁，翻烤著糕點水果，漫談放鬆半日，而「#炊二哥麻辣圍爐盆菜 」就集結正宗成都傳統火鍋和冒菜融入圍爐食法推出的「全料鍋底」。依家晚市更送 #輕量版圍爐煮茶 ，一坐低就會端上來，南瓜、花生、紅棗、栗子，再加埋菊花茶，驚喜地豐富。我哋今次叫咗 #毛肚火鍋 、另加配料有：鴨血及鰻魚滑及燒烤菜花。

燒烤菜花上面已灑上七味粉，下面有蠟燭座熱。不過略嫌蠟燭🕯️不能做到燒烤效果，食到下面的菜，會感覺比較油膩。所以我還是比較推介食火鍋～飲品方面本身有送的菊花茶，另外再叫咗：#沙棘原汁 （酸酸甜甜，解辣一流）

毛肚火煱（二人份量）內本身已有各種食材，基本上不加配料也夠飽。火煱湯底麻辣惹味，愛辣者必食。staff 話辣度基本上是統一，大約係譚仔3小辣，我食開B B辣，驚頂唔順，staff 同廚師講盡量小辣一點。

最終係辣，但又辣得好過癮。食材方面也ok，像大雜匯，我最喜歡青筍及蟹柳。餐廳有圍裙提供，出面亦與平時火鍋一樣有自調醬汁區。坐位方面會比平時的椅子矮一點，腳長者留意一下～奉送圍爐煮菜值得一試，見到下午茶🫖價錢也吸引，有興趣可以睇吓！

特別推介 #新鲜波士頓能蝦意粉 🦞

觀塘裕民坊 YM² PENTOLA ，晚市二人餐性價比好高，有湯有前菜，加錢有甜品。難得拍拖食好啲🥰之選。🍽️前菜

⭐白鯷魚茄子蓉多士

第一次食白鯷魚，香料帶有一點辛辣的感覺，中和白鯷魚的腥味，配上🍆茄子蓉多士，令人胃口提升。

⭐意大利風乾火腿拼盤風乾火腿好香口，可以試到幾隻唔同嘅意大利風乾火腿，食得好過癮，另外青提子好甜。

🥣是日嘅餐湯係洋蔥薯仔湯

淡淡香甜洋蔥味，加埋薯仔，飲得好舒服😌

⭐黑松露薯條薯條炸得香脆，黑松露濃郁撲鼻。

推廣優惠，只要加$88就可以換青口

我哋要咗：

⭐️新鮮青口配茴香酒汁估唔到呢個價錢玩嘅青口可以咁肥美，每一粒都好有肉，第一次食茴香酒汁，好重茴香味，酸種多士沾上有青口鮮味嘅茴香酒汁，好味。

🍽️主菜

⭐ 慢煮牛面頰番紅花食大利飯
牛西頰慢煮得入味又軟腍、巴馬豆芝士🧀️令意大利飯好香，兩者味道好夾。

#新鲜波士頓能蝦意粉半隻波士頓龍蝦已經起肉，鮮味彈牙，手工意粉🍝好有咬口，醬汁均勻黏着意粉，原本食完前菜、青口及湯已經飽咗七成，但係意粉太好味🤤，就算好飽都全部清晒！

🍧甜品

⭐奶凍配百香果醬

奶凍牛奶味好重，配百香果醬感覺冇咁滯，而且有幾夾。

⭐ TIRAMISU睇上去好似飲品，其實係一個TIRAMISU～

淨係呢一餐食得好開心，使用嘅醬汁全部都好有心機調配，而且手工面整得好好味，係下次都會再encore嘅餐廳🥂

一家人於香港廣闊的海景及懾人日落下，

享用五星級 Café 100 by The Ritz-Carlton 聖誕下午茶（於12月1日至2024年1月1日推出期間限定）聖誕節最開心就係食到充滿節日色彩嘅精緻甜品，下午茶包括：

💝燴栗子意式芝士撻

💝紅菜頭醃漬三文魚迷你三文治 配三文魚子及檸檬醬

💝法式鴨肝慕絲 配洛神花包及小紅莓果醬

💝栗子火雞蛋餅

💝蒙布朗忌廉杯

💝蛋酒咖啡慕絲蛋糕

💝朱古力櫻桃撻

💝英式鬆餅 配士多啤梨果醬及奶油忌廉❄️吃出濃厚的節日情調😍每款食物都精緻又有特色，小朋友為咗享用美食，都坐定定食，又會欣賞景色：「睇吓！有聖誕燈飾」爸媽又可以陶醉一下浪漫嘅環境👩‍❤️‍👨。食物方面有五星級水準，最鍾意：#蛋酒咖啡慕絲蛋糕  及 #朱古力櫻桃撻 一個咖啡香濃，另一個朱古力🍫濃郁，配襯櫻桃果香中和甜味😋yummy! 鹹點嘅食材都有特別配搭，有冬日感覺，例如意式芝士撻加入燴栗子🌰。每款都值得一試。飲品方面，我哋嗌咗一杯朱古力咖啡，一壼薑檸茶，咖啡上面有好靚嘅Cafe 100字樣，打卡一流。🌟食完下午茶再留喺Sky100欣賞璀璨的燈飾照耀著維港兩岸。