happy friday 當然要食野la, lee 間一直都好想試，於是就去食，果日係星期五，可以red, white, processco free flow, 話說同事早到拎枱先，staff 貼心地幫我地全枱倒定紅酒 餐廳入面佈置唔錯，fine dining 格局，服務非常好，我點左個frunch set, 首先黎個spinach salad, 好足料，食落酸酸甜甜，已經開始飽飽地 然後黎左碟燈籠椒仔，用鹽奄咸還是鹽水焯熟左，第一次見lee 個食法，原來幾好食，而且同紅酒好夾 跟著main dish 就係truffle and procini mushroom rice, lee 個類似泡飯，豐富既黑松露味道，有磨菇，類似雲耳，南瓜粒，非常好食，份量十足 最後個dessert 就係berry cheesecake，好鍾意個曲奇餅底，令到有咬口果種感覺，跟著再黎杯白酒，感覺良好

staycation check out 後先搵野食，朋友提議話去深井食，於是我地搭車入去，見到有間印度菜就入去，間鋪有室內同室外，兩邊環境唔錯。我地點左蒜蓉炒雜菜，燴馬莎拉雞同埋烤餅 一開始就黎雜菜湯，入面有粟米同少少椰菜，面頭有少少黑椒碎，整體有d 失色 然後就係蒜蓉炒雜菜，入面有西蘭花，椰菜花，芥蘭等唔同款菜，炒得好好食 最後就係燴馬莎拉雞、烤餅，烤餅自然配雞肉食，個汁雖然辣令到嘴唇有種被火燒ge 感覺，但辣得好過隱，同烤餅好夾，非常好食，同時可以添烤餅，不過好飽無再添，估唔到深井除左燒鵝之外，仲有其他好野食

話說一連兩日staycation, check out 後就去深井食野，朋友講起好正既精品咖啡，當然要試la 位置唔太顯眼，位於熟食市場入面，我地去到就搵位坐，見到個menu, 幾乎唔能夠相信自己對眼，居然$38 就有一杯精品咖啡，於是我拍板就要$38 埃塞俄比亞hand drip coffee, 佢地分別點左$60 哥斯達尼加hand drip coffee 以及肉醬意粉set (包齋啡) 埃塞俄比亞hand drip coffee: 職員話太熱可以聞下，我一聞就已經覺得不得了，倒落杯仔慢慢飲，飲完有種微甘ge 味道，唔會太濃, 聽聞lee 款比較少見 哥斯達尼加hand drip coffee: 比埃塞俄比亞聞落去更加濃味，飲落口味道濃，飲完相對甘ge 味道勁d, 亦係出色之作 至於跟餐果杯齋啡，就略嫌失色，苦澀味重左 d 總括黎講，有幸朝聖左隱世hand drip coffee, 值得再試

去完南丫島行山，我fd 話想食lady m, 於是坐船返中環食，去到都要排隊，不過無尖沙咀果間長龍，中環唔係好多枱櫈，我地淨要左件earl grey tea cake, 個賣相唔錯，但似乎都係甜左d, 可以調低甜度，好彩食完唔覺得滯，口感柔滑

大家好耐無出黎食，fd 提議尖沙咀食泰國野，就試lee 間la, 雖然有book 枱，但可能係星期日晚好多人，所以坐外面，我地點左小食拼盤，泰式炒粉，串燒，蒜蓉炒通菜

小食拼盤: 入面荷葉雞，春卷，泰式魚餅，炸蝦卷，我唔食得蝦，唯有食其他，荷葉雞整得唔錯，泰式魚餅建議點酸汁，gum 樣會減少飽滯感，其他睇落炸得乾身，唔會好油

泰式炒粉: 唔知點解上碟果時好似濕左些少，但好在食落酸酸地， 不過我fd 話豆腐乾太甜la, d 粉食落太淋

串燒: 我地點三串，兩串雞肉，一串豬肉，欣賞lee 個燒得好惹味，咬落唔會太硬身，熱辣辣上枱

蒜蓉炒通菜: 雖然平常菜式，但唔會煮得太濃味，非常唔錯

大學同學去官塘gathering search到lee 間，於是走去試下，lee 間位廠廈入面，要搭舊式升降機上去，入到去間野都幾有情調，我地一行4 人叫左小食拼盤，德國原隻咸豬手，燒羊架，燒帶子意大利飯

小食拼盤: 有洋蔥圈，炸雞肉，炸蟹鉗，春卷，雞翼，每樣三至四件，都好豐富，我個人比較鍾意洋蔥圈，春卷，配上酸甜汁可以減少油膩感，同埋欣賞唔會炸到油淋淋

德國原隻咸豬手: 配埋粗薯條，原隻大豬手，要自己切開，咬落好有咸香味，唔會好硬身，雖然唔太好豬手，但都覺得好食，薯條整得唔錯

燒帶子配意大利飯: 兩粒帶子配上飯好夾，有蘆筍伴碟，但油左d, 個飯反而煮得好食，唔會覺得滯

燒羊架: 我唔食羊，其他人食，佢地要五成熟，羊架好大舊，佢地食落似七成熟，但整體感覺唔錯，我地人人食得好飽

中同約食生日飯，因想影賀年佈置就食lee 間，lee 間都多野食選擇ga, 我地兩個人share 意式雜菜pizza, 即叫即做，鍾意佢超薄餅底，咬落似餅乾gum 脆，唔會過飽過滯，面頭雜菜好足料ga, 有蕃茄，青椒等等，真係好好食，值得再試

不過，由於埋單過程需時，建議食到gum 上下就要叫埋單la

去完東壩半日遊，食完野之後去朝聖，好彩唔算多人就可以搵到位lee 度menu 係每個quarter 轉一次，老細會問想飲邊類咖啡，然後先沖，我就甜與甘中間，我fd 就最甘，唔使自己操心諗邊度咖啡

Burundi: 味道唔錯，果然唔會太甜，又唔會太甘，飲完唔會令喉嚨好乾

巴拿馬: 我fd 要ge 最甘，飲落真係好勁，味道非常甘

既然黎到當然要試lee 度小店親手製作ge apple crumble, 有原味同酒味選擇，我地試原味先，即叫即做，上碟時非常熱，size 唔會太大，外面食ge apple crumble 只有兩小塊蘋果肉，同埋又甜又多粉，lee 度食啖啖蘋果肉，少少餅碎，唔會太甜，值得再試，下次要試酒味apple crumble

有心事想講，朋友提議去lee 個地方，一於就試下lee 度，一去到感覺環境好有情調，我地坐梳化令感覺無gum 拘謹，再加上星期日下午五點至七點happy hour 有七折，覺得更加正。

我地開始時叫左sand dreamer 同cospolitian, sand dreamer 似一杯mocha, 中間有圈白色泡，而cospolitan 就酸酸甜甜，入面有青檸，紅紅地色，賣相唔錯; 之後飲完叫左一細樽西班牙啤酒，其實我一d 都唔鍾意啤酒，因為好苦，lee 枝真係唔錯

同埋我地點傾得大大聲都唔怕被人鬧

有幸去試菜，充滿期待落去食 餐廳入面好有情調，可以同朋友傾計，事不宜遲，睇下食d mei la, 食物選擇唔少，如果想知食物個樣，除左可以睇menu 之外，餐廳四周貼左相可以望下ga 薑汁紅菜頭湯: 鍾意佢ge 顏色，味道帶有少少薑汁味，欣賞面頭有香草碎而唔會搶左原本味道，同埋紅菜頭本身好有益ga 蕃茄水牛芝士沙律: 賣相好靚，紅色蕃茄面頭查左水牛芝士，加埋沙律菜，車厘茄襯托，落左黑醋可以醒胃 烤雞肉腸pizza: pizza 底又薄又脆，對兩個人黎講都幾大碟ga, 上碟時已經切好方便用手拎黎食，材料唔馬虎ga, 面頭除左雞肉仲有蕃茄片，唔會好似其他地方用茄溶，大大中和飽滯感，同埋上面都鋪左生菜，非常用心ge 製作 好滿足ar, 下次一定會試下個甜品