之前星期六/日經過啟豐去蝴蝶商場嘅天橋, 都會見到呢間新開食店有人等位. 可能今日係平日啦, 行過竟然大把吉位, 就入去試下.叫咗佢嘅金牌早餐豬潤湯米+牛油厚多士+香茅豬扒+奶茶(多奶) $27.00

豬潤湯米--豬潤唔韌唔鞋口, 又無怪味 牛油厚多士--真係幾厚架, 咬落又夠脆, 掂!

香茅豬扒--望到面頭有香茅嘅幼絲, 入口有淡淡香茅味, 好味. 奶茶--尚算夠滑, 入口有少許苦澀, 但可接受.

今日我哋一家三口又入元朗開餐喇! 為咗滿足百厭仔需求要食湯粉, 就嚟咗呢度試下.

呢度有套餐有散叫, 價錢大聚化套餐 $27.00 一碗指定粉麵+炸魚皮/菜/熱飲

叫咗一碗雲吞河配炸魚皮

散叫一碗魚蛋米 $23.00 一碗片頭米 $23.00

另加一碟炸魚皮 , 一碟油菜, 一杯凍檸茶 各加 $10.00

炸魚皮好夠脆, 正! 套餐果碟少啲碎啲, +$10.00 果碟多啲完整啲 雲吞一啖一粒啱啱好, 味道唔錯魚蛋/魚片/片頭食得到魚鮮味,  但唔係爽口嘅, 感覺上健康啲 (魚蛋爽口好多都加入水楊酸)油菜/檸茶都OK埋單 $103.00

平時搭西鐵行過 會見到朗屏橋底有好多大排檔 香氣四溢 非常吸引.

一行四大一細 今日專誠揸車嚟試下. 本來有朋友介紹另一間, 但去到見到門口貼住國慶休息七日. 惟有去試呢間百味軒啦!叫咗:
胡椒咸菜豬肚湯 $68.00--啱啱每人一碗, 味道唔錯 湯料豐足.支竹炆斑腩 $68.00--斑腩支竹都幾好, 味道OK白菜仔炒牛肉 $58.00-- 牛肉份量都算多, 肉質林滑菜膽雞半隻 $88.00--味道唔錯, 略嫌雞胸位頗鞋.沙拉蝦球 $78.00--大蝦夠爽, 沙拉汁酸甜味適中 頗開胃. 略嫌醬汁過多.另叫 一碗白飯 $10.00 一碗淨米粉 $28.00--呢個覺得好貴又唔值 (最失策係無先問價錢) 一罐可樂 $10.00 一杯凍檸茶 $15.00
埋單$423.00

點解會話最後一次幫襯呢 唔係因為佢啲嘢唔好食 而係佢門口貼咗紙 話做到28號就搬遷結束.

叫咗三個午餐扎肉湯檬粉拼蔗蝦 $45.00 X2--扎肉雖然得3塊 但味道唔錯. 蔗蝦唔太油, 少許辣 味道OK. 檬粉吸收了濃郁嘅湯底, GOOD!火車頭湯金邊粉 $48.00--有生牛肉/熟牛肉/牛柏葉/牛丸, 非常足料--金邊粉爽滑, 生牛肉嫩滑, 熟牛肉入味唔鞋口, 牛丸OK, 但牛柏葉實在太韌. 凍檸茶/凍檸水/凍華田 各+$2.00埋單$144.00

今日係我嘅生日, 我哋一家三口簡簡單單食餐飯慶祝. 上OPENRICE見到呢間咖喱屋一個喊評都無, 所以決定幫襯. 我哋18:05去到, 唔使等位 (18:35已全場滿座 )一坐低就FREE咗一籃炸嘅粉團 (六粒), 食完都唔知係咩嚟.叫咗個三人套餐 $220.00首先上嘅係雞湯--好濃好好味. 跟住係燒雞--非常惹味,但略嫌"鞋"口, 辣度OK. 百厭仔咬咗一啖就喊辣唔肯再食 (等佢平時食咩都話落胡椒粉).我即刻叫未整嘅咖喱要less spicy. 所以之後嘅咖喱 百厭仔食得津津有味.

三款咖喱分別order了-- 雞 / 牛脷 / 牛 (+$4.00)
全部肉都夠林又入味. 呢度嘅咖喱幾特別. 入口先有蕃茄甜味, 慢慢先會滲出咖喱嘅辣味.
咖喱汁用嚟撈飯/點薄餅非常一流.蒜蓉炒椰菜--頗油膩, 初初夾第一塊入口真係好咸, 之後撈勻就OK, 仲越食越覺好味.飲品點了汽水/ice lemon tea  檸茶實在太甜 要溝水先飲到.

埋單$224.00

今晚百厭仔想食粥, 但老公想食飯. 惟一諗起嘅係呢度, 可以滿足晒兩位嘅慾望.叫咗兩客海南雞飯套餐配熱飲 $43.00 轉凍飲+3.00 (如要加油菜 +8.00 加例湯 +8.00)

一碗帶子咸瘦肉粥 $24.00

海南雞已去骨, 大人細路都啱食, 雞肉嫩滑. 油飯有淡淡香茅味,  加埋附設嘅薑蓉撈飯, 簡直一流.

凍檸茶另附糖水, 可自己調配甜味. 帶子咸瘦肉粥都唔錯, 粥底夠綿.  吩咐百厭仔要舀落碗仔分開食, 佢一舀已大叫: 粥裡面真係有帶子BB架. 哈哈! 正傻瓜! 共$113.00

威威真係由細食到大, 學生時期, 由佢喺無冷氣嘅大排檔開始, 到出嚟返工都有幫襯, 直至結婚搬屋就無嚟了! 今日路經此地, 就幫襯一下久違的車仔麵店. 比起對上一次嚟裝修過光猛咗, 而家加$5.00仲可配冷熱飲品添.叫咗兒時最愛嘅豬腸,魚肉, 菜, 米粉 $28.00 加杯凍檸茶少甜 +$5.00豬腸夠林又入味, 魚肉爽口, 出面食過無數間, 始終都係威威好食.

凍檸茶少甜 真係少甜 好啱我口味 (總好過以前只得死甜嘅豆漿揀)

$33.00 有麵有嘢飲, 超滿足!

這餐廳的位置不算就腳, 我哋又不是住在附近. 如非換了新停車場, 是不會路過這裡.

去遊車河前先醫肚, 就試試這間餐廳吧!快餐有湯有飲品, 只是$34.00 相當抵吖 (凍飲+$2.00, 但紅豆冰反而唔使加錢 ) 燒汁豬扒腸仔意粉--味道唔錯, 豬扒夠林亦夠入味, 意粉軟硬度適中 煎芙蓉蛋飯--有九菜,叉燒, 火腿, 芽菜...頗足料, 味道幾好 福建會飯--尚算足料, 汁亦夠多

叉燒湯米粉配火腿炒蛋方包--叉燒都算多, 其他都是一般茶餐廳味道.飲品大致OK, 但熱華田入口頗"鞋" 似是落不足花奶, 有待改善. 而紅豆冰: 都係X大樂有水準啲

今日一行三大一細由屯門揸車去企嶺下親親大自然. 回程時大家都又攰又肚餓, 望望錶四點幾, 就是但搵個屋邨停車場泊車再食個TEA. 兜兜轉轉就嚟咗利安邨喇. 去詢問處問下邊度有茶餐廳, 原來茶餐廳喺街市入面喎. 唔問人真係唔識去.豬扒包餐$22.00+薯條(+$5.00) + 紅豆冰(+$3.00)/凍檸樂(+5.00)

豬扒包入口香脆, 豬扒夠林夠入味. 薯條略嫌隔油時間不足, 上枱時有點油膩.

紅豆冰--ok嘅, 但如果要同連鎖嘅大x樂相比, 就較失色了!炸雞肶拼薯條 $26.00 + 凍檸茶 (+2.00)

炸雞肶上枱時都係頗油膩, 雞肶尚算嫩滑入味.

凍檸茶-檸檬同茶嘅比例剛好, 正!埋單$90.00

之前上討論區有人介紹過呢間食打冷嘅小店. 今日我哋一家三口就專誠入元朗試下.

我哋三個路盲嘅屯門人踩入元朗搵食, 又要唔熟路, 只識傻傻地喺教育路前前後後咁直行, 當然係搵唔到啦! 原來呢間小店要轉彎先見到嘅, 哈哈! 蠔仔粥一鍋 $59.00--好大鍋啊! 蠔仔大粒又肥美, 湯頭略嫌咸了少許, 但可接受. 蠔仔肉碎煎蛋 $40.00--由於係蠔仔煎蛋, 而唔係蠔仔餅般用大量油去炸, 相比起就少了油膩感, 且充滿蛋香. 滷水雜拼 $50.00--有滷水蛋, 豆腐, 豬脷, 五花肉, 豬耳. 味道唔錯. 如果有多點選擇會更好...沒有我鐘情嘅大腸及墨魚, 有點可惜. 醉蝦 $10.00 (惠顧套餐+$10.00有三隻)--酒味剛好, 雖然係$10.00三隻, 但蝦嘅size對版, 鮮甜爽口. 菊花茶$5.00--飲得出係自家製, 好有屋企煲嘅feel, 唔係溝糖水. 埋單 $164.00