samiey 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2018-07-11
自從海趣坊間KFC執咗後, 一直都好期望碼頭區會開返間, 我幾鐘意食佢啲嘢, 尤其鬆餅, 火腿芝士脆卷同埋狂惹香燒雞.  知道佢會喺蝴蝶廣場開返, 都幾期待. 今日有機會去試下, 一望--間舖咁細嘅?  得三張枱 (2張四人枱 1張六人枱) 同海趣坊果間爭好遠啊! 應該主力做外賣啦! 
可能仲早啦, 得一個職員, 收銀係佢, 執嘢食都係佢, 一腳踢 
叫咗7號餐 ($31.00) : 香腸, 炒蛋, 炸雞扒, 鬆餅+奶茶 鬆餅同之前一樣咁鬆脆, yummy! 炒蛋雖然唔算滑, 但竟然有奶香. 炸雞扒配上佢嘅汁, 略嫌咸了少許, 但都算唔錯. 
評分: 味道 4 環境 3 服務 4 衛生 4 抵食 4
2018-07-09
例牌星期一湊完百厭仔返學, 都會同老公食埋嘢先返工. 今朝就去咗嘆茶. 之前搭車經過見到呢間酒樓, 今日專誠搭車過嚟試. 我哋大鄉里地喺樓下兜圈搵入口, 個門口都幾隱蔽, 並唔喺公路果邊, 而喺另一邊搭自動電梯上去. 
一入到去第一個印象--咁細嘅 目測只有三十張枱. 自行搵枱坐下, 職員人數不足, 我慢慢影晒啲餐牌, 才剛好開到茶.
菜乾豬骨粥--尚算足料, 味道唔錯
煎蝦米腸--腸粉質地較削, 麻麻地
鴛鴦燒賣--原來係干蒸牛肉+干蒸魚球各兩粒--味道OK, 但入口較林, 欠缺口感
時菜牛肉球--一樣欠缺口感, 而且超多嘅芫茜蔥, 個人唔LIKE.
茶錢 $6.00一位 TOTAL $58.50
評分: 味道 3 環境 3 服務 4 衛生 3 抵食 4
2018-07-03
今朝兩公婆湊完百厭仔返學, 就過咗嚟龍門居搵食. 路過幾間食店門口望menu, 惟獨呢間嘅職員開門介紹, 見佢誠意可嘉, 就入去試下啦! 
叫咗 叉燒意粉+紅腸煎蛋+牛油多士 (烘底竟然不用另收費  ) +熱奶茶叉燒意粉份量足, 意粉軟硬適中, 唔會過林. 多士已自動飛邊, 入口非常香脆, 熱奶茶充滿奶香又無苦澀味.
沙爹牛肉公仔麵+火腿奄列+牛油多士+凍好立克 (凍飲只係加一蚊咋) 沙爹牛肉入口微辣唔韌, 公仔麵一樣軟硬適中
小店型式經營, 職員友善. 食物質素幾好, 價錢亦大眾化, 可以再encore.
評分: 味道 4 環境 4 服務 5 衛生 4 抵食 5
2018-02-12
呢間牛皇莫好出名架, 飲食男女/蘋果日報經常都介紹, 可以食牛嘅刁鑽部位. 但從未去幫襯過. 老闆喺街市有檔牛肉檔, 話啲牛肉喺肉檔拎過去. (只係喺佢嘅肉檔買過牛肉返屋企打邊邊) 蝴蝶邨三間熟食大排檔只幫襯過其餘兩間, 仲有呢間未試過, 今日兩公婆就嚟試下佢嘅早餐啦!
煎雞扒 腸仔 米粉--湯底落咗麻油, 上枱香噴噴, 湯底味道清淡. 煎雞扒食得出係先鹵水再煎, 入口帶鹵水甜味, 唔錯!
煎豬扒 煎蛋 公仔麵--牛油方包幾軟熟, 公仔麵麵質唔會過林, 煎豬扒亦唔會太鞋太韌, 口感同味道都幾好.
一杯好立克略嫌稀了點, 比較淡 一杯奶茶OK啦
埋單$60.00
有機會集齊多啲人 先至嚟試下佢嘅牛肉火鍋啦!
評分: 味道 4 環境 4 服務 4 衛生 4 抵食 4
2018-02-04
喺大排檔食完飯, 有人提議去食甜品, 本來想去美樂, 但凍冰冰又唔想行太遠, 就去望下芯記關門未, 原來佢關8:30. 雖然未關門, 但有幾款甜品已售罄.
叫咗3個 芒果皇后 @37.00--其實係楊枝金露走椰汁, 再加球芒果雪糕. 味道麻麻地, 似人工芒果味, 柚肉苦嘅, 唔太值呢個價.
芝麻糊 @21.00--尚算香濃, 入口亦夠滑
芋頭西米露@17.00--唔算太甜, 但略嫌稀了點
Total $149.00
評分: 味道 3 環境 4 服務 4 衛生 4 抵食 3
|
19次成為首位寫食評會員
食評數目
編輯推介數目
0
會員推介次數
69
人氣指數
8647
留言數目
上載相片
上載影片
我推介的食評
我的餐廳
關注
1
粉絲
273
