今日百厭仔學校假期, 廿四孝爸媽就請假陪仔. 本來打算又去牛一, 行過見到牛摩裝修完開返, 咁就試牛摩喇. 去到12:00 得兩三枱客, order  90分鐘 精選牛肉放題, (包括豬肉雞肉) 成人 $108.00 小童 $88.00. 另收加一服務費.
原來呢度係一人一窩, 叫咗豬骨湯, 豆乳湯 同埋蕃茄薯仔湯. 出去巡視咗一陣 + 影相
啲肉類都到了! 嘩! 都好大碟啊! 原來係三人份量. 開餐囉:-
牛肉又唔太肥喎, 又夠林,  百厭仔都食幾多啊 (平時佢多菜少肉, 學校教嘅)
豬肉都唔差 雞肉就算滾耐咗都唔會鞋口 另外再ORDER嘅牛肉 食飽正餐就到甜品時間:- 芒果慕思蛋糕--細細件, 唔太甜,  味道唔錯. Mousse 略嫌唔夠鬆  3.6牛乳奶凍--充滿乳香, 入口香滑 朱古力奶凍--同樣入口香滑 泡芙--有原味同朱古力味, 個人同百厭仔都LIKE朱古力味, 一咬開就有朱古力Mousse, 真係好正! 百厭仔ENCORE咗幾次 最後當然要食埋乳酪雪糕啦! 呢度嘅topping比較少, 所以我都係食淨乳酪雪糕算了! 埋單$334.00 真係非常滿足!  

每年問老豆生日想去邊度食飯慶祝, 佢一定答興記嘅.  生日話事, 一行6大1細 , 估唔到平日都幾旺場, 好在 一早BOOK咗位.
自行買了海鮮加工 共6斤半 @$68.00

西芹炒斑片--味道略嫌淡了一點, 但可食出魚嘅鮮味. 豉椒炒蟶子--非常惹味, 百厭仔非常LIKE, 一路喊辣一路要食 白灼中蝦--個人覺得白灼蝦細隻會較好, 中蝦用嚟白灼麻麻地, 會帶韌.  但老豆鐘意, 就由得佢發板啦! 薑蔥炒肉蟹--炒得夠入味, 唔錯 老豆最LIKE嘅燒鵝一定唔少得啦! 叫咗半隻--熱辣辣上枱, 皮脆肉嫩, 正! 好食過深井添 另外叫咗碟蒜蓉炒白菜,  頗為油膩, 味道幾好. 另加一支天地一號蘋果醋, 一罐汽水 連加一服務費, 埋單$973.00

呢間大快活以往最常幫襯佢嘅早餐. 今日屋企停電, 又有藉口罷煮了! 由於落緊大雨, 就近近地嚟呢度食晚餐.
叫咗兩個扒餐 (牛扒拚雞扒) $55.00 X 2 配有炒雜菜+蔥味飯+可口可樂 (可免費轉低糖綠茶/中湯)
一個吉列豬扒拚炸蟹捧湯烏冬 $45.00


牛扒拚雞扒味道唔錯, 牛扒夠林又唔韌, 雞扒都夠入味, 基本上唔落汁都可以. 炒雜菜有蒜香, 幾好味.
蔥味飯唔知點解叫蔥味飯, 唔覺有蔥味, 只係一啲醬汁淋上飯面, 但味道都唔差 一個餐配中湯-- 湯都足料嘅, 但偏淡 凍綠茶唔太甜亦無苦澀味, 唔錯
吉列豬扒拚炸蟹捧湯烏冬--湯烏冬湯底幾好味, 附帶嘅白蘿蔔都夠林. 主角嘅吉列豬扒略嫌乾身鞋口,  炸蟹捧亦乾了少許.
總數$155.00

今朝一家三口去食早餐, 百厭仔話想食粥. 咁就嚟呢度試下. 一入到去竟然無咩人, 心諗星期日呢個時間都無人, 會唔會有伏架? 老公話反正嚟到就試下啦!
叫咗海龍皇餐 $58.00 有海皇一品粥一碗, 鮮蝦腸粉, 油條, 豆漿一杯 一品粥--粥料唔算多, 蟹柳一小條, 魚片數塊, 雪藏蝦仁兩隻, 肉丸兩粒, 少許咸瘦肉, 粥底偏咸.
鮮蝦腸粉--一碟有三條, 但每條只得一隻雪藏蝦仁, 有少許搵笨.
油條入口香脆, 唔錯
豆漿OK啦

另外一個特餐 皮蛋瘦肉粥配蒸蘿蔔糕 $37.00 皮蛋瘦肉粥 味道OK, 咸瘦肉頗鞋口
蘿蔔糕 削了少許, 但味道唔錯, 百厭仔KO晒一整舊.
總數$95.00

今日兩公婆飛甩百厭仔去拍拖.  首先去睇早場, 跟住就過市中心食牛一.  行到過嚟11:45 唔使等位,  order  90分鐘 美國牛肉,豚肉放題, $118.00. 湯底叫咗季節限定湯底 (京都藥膳湯). 嚟到呢度梗係主攻牛肉啦, 我哋叫咗好多round呀! 多到唔記得幾多.  係首輪order啲牛肉頗肥, 之後都唔差, 係越後order嘅反而越靚 (唔知點解呢!) 都有拎出面嘅丸類, 菜類, 冬菇, 薯粉......牛丸頗咸, 黑色嘅丸以為係墨丸啦, 但入口又似豬肉丸, 冬菇無剪腳, 食得較麻煩. 菜類竟然有羽衣甘藍喎.
飲品方便有紙包雪梨茶, 紙包羅漢果, 紙包檸茶, 汽水, 啤酒, 仲有我like嘅jolly shandy.
食飽主菜, 當然要食埋佢嘅乳酪雪糕先至perfect啦! 可自行加上朱古力/士多啤梨醬, 仲有好多topping揀添 . 食完真係好滿足. 118.00 x2 另加一 埋單$259.60

天時暑熱極度唔想入廚房, 出街食係明智嘅 (本來) . 一行四大一細去咗呢間和生試下 18:30去到無咩人,  佢有冷氣房同埋無冷氣地方選擇, 熱辣辣加上我哋又無人吸煙, 梗係要入冷氣房啦. 可惜佢嘅冷氣房係唔夠凍囉 , 開埋風扇叫做好少少, 七點打後人多咗又係熱. 叫咗5個小菜--

燒鵝(例牌)--皮脆肉嫩, 真係唔錯 煎蠔餅--蠔仔有鮮味, 份量亦唔少, 值得一讚係佢主要用蛋, 粉唔算多, 食落鬆化, 正! 燒牛仔骨--頗乾身, 欠缺juicy 燒豬頸肉--脆口又夠入味 通菜炒牛肉--味道唔錯 本來叫咗碟粟米斑塊俾百厭仔撈飯嘅, 初頭食咗舊魚柳都唔覺有問題嘅, 用啲粟米汁撈咗碗飯, 百厭仔一食就問: 點解呢個粟米汁係酸嘅, 即時自己試下, 應該係變咗,  疑似事頭婆即時幫我哋cancel. 咁就嘥咗碗白飯.
另加一碗白飯, 3支仙地 埋單$358.00

食完麵行下街, 去三聯書局HEA咗陣, 又到甜品時間. 記得之前睇過有介紹恆香對面有間餅店嘅甜品唔錯, $40.00兩杯, 就去搵下啦. 原來喺三聯行後啲就見到.  都有幾多款選擇, 單杯買就$22.00,   $40.00兩杯,  $100.00就有六杯, 超抵! 如果我即時返屋企嘅, 就一定買六杯囉,  可惜我哋仲要去逛街, 下次先啦! 買咗3杯, 一人一杯 $62.00 士多啤梨芒果奶凍杯---芒果夠甜, 士多啤梨偏酸, 下一層係黑加倫子味jelly, 再之下係牛奶布甸, 布甸有淡淡奶香, 滑嘟嘟, 正!
栗子朱古力杯---入口香濃栗子味, 栗子cream幼滑, 一層cream一層朱古力蛋糕碎, 正!
木糠布甸杯---一層cream一層餅碎, cream夠幼滑, 味道唔錯
有兩杯甜品面頭有個馬卡龍, 俾百厭仔攞晒, 一路食一路話好味.

今日一家三口又出動, 入咗元朗搵食. 知道有呢間獨當一麵好耐, 係羅坤發老闆嘅仔開嘅, 今日終於有機會嚟試.
又講返想當年喺花園街附近返工, 都幾鐘意去羅坤發食lunch, 最like佢嘅胡椒湯,. 叫咗 兩個胡椒湯米線 $39.00x2 (微辣) 加餸  蘿蔔$7.00 牛柏葉 $9.00, 韮菜餃 $9.00 --因為天氣唔凍, 唔想食到成身汗, 又驚太辣百厭仔食唔到, 所以叫咗微辣,  胡椒湯入口偏甜,  食落滲出些微辣味, 配米線一流.  連百厭仔都食到.  另附有豬骨, 雞腳 ,豬肚.  豬骨好味, 豬肚爽口, 雞腳略嫌未夠林, 林返些少會更好. 一個胡椒湯 (中辣)--中辣嘅辣度其實幾啱我 (如果係冬天嘅話) 入口唔會偏甜, 又唔會辣到飲唔到. 另加4隻炸雞翼 $20.00 非常入味 唔錯 喺facebook讚好送炸餃子一隻 埋單 $158.00

今朝早兩公婆嚟稻香嘆早茶 (因為天黑想落雨, 又無攞遮, 揀間近屋企嘅). 竟然有驚喜喎!
叉燒炸兩腸-- 初時以為係用叉燒腸粉皮包油條. 原來係叉燒腸粉同埋炸兩腸各兩條, 味道都唔錯.金肚蘿蔔糕--金錢肚舖面, 底下係一件蘿蔔糕.   金錢肚惹味,  蘿蔔糕吸收金錢肚嘅汁, 好味! 炸雲吞拼魚腐--炸雲吞香脆, 可惜雲吞皮太重鹼水味, 魚腐其實係魚蛋, 但咬開竟然有芝士,  加添了咸香, 正! 芝麻香芋餅--芝麻配上綠色嘅酥皮, 非常香脆,  香芋餡又唔太甜, 掂! 炸鮮奶卷--外脆內軟, 入口有奶香, 亦有粒粒紅豆, 唔錯! 兩位茶錢 @$6.00 另加一 埋單$67.00
平均每人都係$33.50 (出去連鎖快餐店食早餐差不多價錢咋)

今日一家三口出荃灣買嘢, 一落旋轉天橋就見到呢間通達.
一見到通達, 就即時掛住呢間嘅魚肉麵.  想當年喺花園街附近返工, 我喺通達真係留咗唔少腳毛架,   一星期最少幫襯兩次.  真係百吃不厭. 叫咗我最LIKE嘅魚肉麵, 另外仲有油渣麵, 碗仔翅, 同埋兩支豆漿 魚肉麵$29.00 一上枱, 一樣係好香嘅麻油味, 飲啖湯, 同花園街一樣好味,  食魚肉, 同花園街一樣彈牙爽口, 到食麵喇, 嘩! 攪咩? 好林喎, 即時大打折扣, 越食就越林, 唉! 油渣麵$30.00  油渣餸同花園街一樣好味, 但麵就....都係咁林  碗仔翅 $18.00 足料, 味道唔太咸 兩支豆漿唔太甜 OK 埋單$88.00