揀平日入嚟長洲係非常正確, 星期六/日/假日必定坐無虛席嘅天然甜品 (就算外賣都要排隊慢慢等)

今日終於可以入去HEA住坐 慢慢嘆糖水了.鮮雜果西米露 $23.00--都有好多生果啊 有西瓜, 蜜瓜, 哈蜜瓜, 芒果, 火龍果...  百厭仔一個人清晒就知yummy啦!栗子豆腐花 $12.00--豆腐花非常滑溜, 加有少許白果腐竹糖水, 配上幾粒粉林栗子, 味道清新椰汁粟米馬蹄露 $12.00--味道唔太甜, 椰汁香, 粟米馬蹄有少許咬口, 掂!埋單$47.00咋 一個字 抵!

昨日百厭仔學校放假, 我哋一家三口就襯平日入長洲行山+食嘢 (唔係假日唔使同人迫), 第一站就去通記, 要試佢嘅沙嗲 (百厭仔最LIKE沙嗲)

我哋傻頭傻腦的以為熟食中心喺街市樓上, 入咗街市兜個圈, 再去問人, 原來熟食中心即係街市側嘅大排檔. 終於搵到通記, 但坐低一望 點解枱面餐牌寫偉記嘅? 正想走去換位時, 職員告知通記同偉記一樣嘅 哈哈哈!叫咗

一碗沙嗲鮮牛河 $30.00-- 一上枱 沙嗲香味即飄過來 入口微辣 花生香味濃, 百厭仔一路食一路讚不絕口. 仲傻瓜地叫上網/打去爆料熱線話俾多啲人知. 一碗魚蛋牛筋米 $29.00 --魚蛋鮮味, 牛筋有咬口 唔錯一碗腩筋米 $29.00--牛腩未算太林 有少許"痴牙"埋單$88.00

本來想試佢馳名嘅鮮魷架, 可惜今日無鮮魷.

行街SHOPPING嘅時間過得真快, 轉眼間又到TEA TIME了.  出開嚟荃灣, 當然要嚟士林食街朝聖一下啦! 可惜露天食拉麵果間執咗lu.
見到呢間即製熱狗, 百厭仔話想食. 就買咗個夏威夷風味熱狗$35.00+芝士薯條$20.00夏威夷風味熱狗味道唔錯 入口熱辣辣. 最鐘意係條紐綸堡腸, 真係幾好味.芝士薯條係粗身嘅薯條, 已加入醬汁, 面頭舖上一層溶咗嘅芝士, 初頭係有拉絲嘅較果, 但兩分鐘後已凝固, 變相要分開芝士還芝士食, 薯條還薯條食, 攪到幾狼狽.

今日一家三口又出城shopping+食嘢, 上網見有人推介呢間老火湯餃子店, 就一於去試下.

我哋去到11:20, 小小嘅店舖已滿無虛席, 店員即時開張枱俾我哋坐門口. (至緊要唔使等嘛!)我哋食到12:10 門口已有很多人排隊等位了!叫咗韮菜餃+上海麵, 椰菜餃+米線, 白菜餃+米線--上海麵煙韌, 米線林滑 最正係個老火湯底 非常鮮甜 正!

各式餃子都唔錯, 我like白菜餃, 而老公就like椰菜餃. 另外叫咗個芝士煎餃--外皮香脆, 內裡芝士味足, 掂!埋單$124.00

蝴蝶邨街市裝修好後 進駐了不少新食店 我哋一家三口今晚就嚟試下車仔麵.

呢度坐位有限 所以多數都係街坊幫襯買外賣 (外賣不需另外收費)
餸款選擇都算多 有湯麵亦有撈麵 價錢大眾化 河粉, 魚片頭, 魚蛋, 蟹柳+咖哩汁--咖哩汁香而不辣 百厭仔好like, 但魚蛋就麻麻地, 街市貨色.

米粉, 魚片頭, 豬大腸, 豬紅+腩汁--大腸, 豬紅夠入味,  魚片頭食得出唔係普通街市貨色, 略嫌得兩舊唔夠喉米粉, 豬大腸, 冬菇, 牛丸+腩汁--冬菇林滑入味, 牛丸都唔係普通街市貨色. 都係得兩粒唔多夠豆漿一支--雖然只係樽裝豆漿, 但味道唔太甜 啱晒我哋呢度嘅麵底頗多, 老公一個大男人食都覺飽肚, 餸就少咗啲, 但味道唔錯, 可以再encore.

total $92.00

呢幾日放大假 可以飛起百厭仔兩公婆撐枱腳. 老公見呢間做yahoo團購幾抵 對於我哋嚟講又唔太遠 就決定嚟試下

由11:00開始至14:00 任飲任食3個鐘 $58.00+$29.00 (服務費) +$6.00 (無限換墊爐紙)食物種類算多 for燒烤嘅有牛肉粒, 牛扒, 豬扒, 叉燒, 雞翼, 金沙骨, 腎片, 魷魚亦, 腸, 魚蛋.......(去相自己睇啦)亦都有熟嘢食 炒飯/麵, 炒菜, 壽司, 沙律吧...... 湯 (人參雞湯), 涼茶, 糖水(紫米露)任飲汽水, 包裝柚子茶, 甜品 (泡芙, jelly, 布甸<蜜瓜/木瓜/朱古力味>)最正係牛肉粒, 夠林又夠黑椒味

腎片爽脆 豬頸肉都唔差 味道就淡啲 但加埋七味粉, 黑胡椒調味就好正

叉燒都夠林 但味道同食開嘅叉燒唔同 (食開嘅帶有甜味) 佢嘅味道係同bb豬柳無咩分別

多春魚夠多春 魽魚慢慢煎脆再加黑胡椒好味

紅腸同埋魚蛋好鬼粉 可以唔試

人參雞湯飲落唔似人參雞湯 係似飲緊胡椒湯 但真係見到啲湯有人參bb喎

飲品我只飲咗包裝柚子茶, 唔太甜ok

食完咸食 又到開啟甜品胃嘅時候 布甸係my favour. 蜜瓜味 ok, 木瓜味 怪怪地, 朱古力味 非常正 我一個食咗5-6杯超級滿足!!

埋單總數 每人$90.00 食足3個鐘 超值!

walk in 嘅就相對無咁抵 就算計埋88折優惠 要$86.00 但只係食90分鐘.

一直都知荃灣有個香車街熟食中心, 但從來都無嚟過. 今日去開愉景shopping, 就順便嚟呢度搵食.一上到去就俾呢間新廣發吸引住 (個名咁熟嘅, 原來就係沙田果間嘅分店) 呢間仲有韓燒添.

火鍋每位$80.00 另加鍋錢$48.00 / 韓燒每位$88.00 另加爐錢$48.00 / 韓燒+火鍋每位$85.00 另加兩個爐錢$96.00 (呢個要一大班人比較抵) 任飲任食3個鐘由於我哋得兩大一細, 如果又打邊爐又韓燒, 要加$96.00兩個爐錢, 感覺唔化算.
上次去沙田就咗某人食燒烤, 今次當然就返我打邊邊啦!食物種類同沙田差不多, 但飲品比沙田多選擇. 我哋主攻脆鯇, 蠔, 青口, 滑牛......都幾新鮮, 其他丸類都係百厭仔貪得意夾兩粒俾佢試. 推介炸魚皮, 辣辣地 齋食夠脆, 浸湯食亦唔差. 肥牛真係好肥又切碎晒, 見到都唔想試. 食飽飽埋單$288.00會再encore (對於我哋嚟講出荃灣點都方便過去沙田嘛!)

759車仔麵開咗都幾耐, 但仲未去試, 因為睇門口餐牌已覺得貴, 唔多值.

今日約咗人趕時間, 求其落街食啲嘢就要走. 百厭仔話想試759, 是旦啦 至緊要唔使等.

叫咗兩個早餐 $29.00 (呢個價錢其他附近餐廳有扒揀了)沙爹牛肉麵 (張單寫係出前一丁喎) 牛肉算多嘅, 但唔好食囉, 丁麵唔知係佢煮嘅問題定點, 食落唔多似丁麵囉 餐飲嘅熱朱古力幾好飲嘅雪茶肉絲米 (新竹米粉) 一般啦 食落感覺怪怪地 但唔識形容
杯奶茶都OK嘅有得揀唔會再嚟囉

今日一家三口 專登去沙田行街逛商場 行到差不多六點, 係時候諗晚餐食咩. 記得之前睇過介 博康邨有重慶燒烤, 一場入開沙田 就去試下. 由於今日係假期 大人$128.00 小童$98.00 任食兩個半鐘 包兩罐飲品出面一大個凍櫃任揀食材, 但地面濕滑, 又有水氹 攞嘢要非常小心.

選擇嘅都係大路嘢 丸類, 腸, 肉串, 雞翼, 豆卜, 魷魚亦......之前人哋講嘅羊架, 金沙骨.. 唔見囉
味道...應該無醃 主要靠自己掃豉油同埋加重慶粉調味.

我哋主攻雞翼, 肉串, 其他試下就算. 初時火力唔夠 浪費咗半個鐘, 後來自行換GAS, 啲火又過猛, 燒烤初哥嘅我哋唔多識掌握, 經常燒斷竹籤. 一係就燒燶食物 都係鐘情打邊爐多啲

今日係BOXING DAY, 行完街即慶嚟邊一邊. 18:45到, 完全唔多人, 唔使等位.

先嚟個田園牛尾鍋, 有蕃茄, 洋蔥, 青椒等雜菜, 牛尾都有4-5大舊. (臨尾撈返啲牛尾上嚟食, 又林又滑, 好味)手切牛(大)--嫩滑有牛味, 正!手打墨丸/蝦丸/鯪魚球--爽口彈牙夠鮮味, 鯪魚球略嫌有少許幼骨.脆鯇魚片--新鮮爽脆, 正!手打牛丸/豬肉丸--同樣彈牙好味雲吞--蝦與肉比例剛好, 略嫌雲吞皮嘅鹼水味重了些少.

粟米--好甜, 百厭仔清晒四舊

響鈴--普通臨尾叫多個烏冬麵俾百厭仔另加3罐仙地

埋單$667.00