samiey 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2017-08-14
今日廿四孝爸媽陪百厭仔去睇多啦A夢大電影, 睇完百厭仔就話想去薩莉亞食PIZZA . 除了羊鞍外, 基本上全部都係百厭仔發板 意大利菜湯--試咗一羹, 酸酸甜甜幾開胃, 其餘百厭仔一個清晒. 辣味雞翼--少少辣 夠惹味 每次嚟必叫 香辣腸配薯角--唔辣嘅 普通芝士脆皮腸 反而欣賞佢嘅薯角 夠脆口 邦哥尼意粉--少少辣嘅蕃茄汁意粉 蜆肉都夠鮮 意粉軟硬適中. 香辣腸PIZZA--餅底鬆脆 燒羊鞍--呢個係老公食嘅, 我試咗少少覺得羶 佢話羊唔羶就唔好食. 埋單$157.00
評分: 味道 4 環境 4 服務 4 衛生 4 抵食 4
2017-07-01 (屬於相關食評)
今日老公叫我唔好買餸, 想去海皇試佢嘅粥底火鍋. 我本來想say no架. 間海皇啲冷氣又唔夠, 天時暑熱仲要打邊爐, 熱上加熱. 但老公盛意拳拳, 咁是旦啦, 去試下囉. 去到又係得小貓三四隻, 當然要搵個冷氣風口位啦! (但其實個個位都差不多, 都係唔夠冷氣囉) 叫咗一個肥牛海鮮鍋配白粥粥底 $70.00 一個雙份肥牛配南瓜粟米粥粥底 $68.00. 送即食麵一個/半客油條. 我哋每樣要一份. 惠顧兩份火鍋減$10.00 另加 凍豆漿一杯 $5.00 及 可樂一罐 $5.00 總數$138.00 肥牛海鮮鍋--有肥牛一碟, 蝦一隻, 青口兩隻, 斑片兩件. 另有三粒肉丸 (豬,牛,魚) 餃子一隻, 五色雜菜一碗 肥牛--超級肥囉 (合乎商品說明條例) 蝦--爽口 青口--ok 斑片--係斑片嚟嘅, 有咬口, 但頗腥 雙份肥牛鍋--肥牛兩碟, 三粒肉丸, 餃子一隻, 五色雜菜一碗 (生菜/娃娃菜/金菇/雲耳/南瓜/豆腐) 肥牛--當然又係超級肥囉 三粒肉丸--豬肉丸, 魚丸 正常, 都彈牙嘅, 但牛肉丸唔好食, 有啲類似咸酸菜嘅怪味 餃子有泡菜味 雜菜一碗--粟米/南瓜都幾甜, 其他無咩特別 由於實在太熱, 我哋採取一品鍋政策, 務求快啲食完, 快啲熄咗個熱上加熱嘅爐. 啲冷氣咁弱雞, 真係唔好再攪我了!
評分: 味道 3 環境 2 服務 4 衛生 4 抵食 3
2017-06-30
今日百厭仔學校假期, 廿四孝爸媽就請假陪仔. 本來打算又去牛一, 行過見到牛摩裝修完開返, 咁就試牛摩喇. 去到12:00 得兩三枱客, order 90分鐘 精選牛肉放題, (包括豬肉雞肉) 成人 $108.00 小童 $88.00. 另收加一服務費. 原來呢度係一人一窩, 叫咗豬骨湯, 豆乳湯 同埋蕃茄薯仔湯. 出去巡視咗一陣 + 影相 啲肉類都到了! 嘩! 都好大碟啊! 原來係三人份量. 開餐囉:- 牛肉又唔太肥喎, 又夠林, 百厭仔都食幾多啊 (平時佢多菜少肉, 學校教嘅) 豬肉都唔差 雞肉就算滾耐咗都唔會鞋口 另外再ORDER嘅牛肉 食飽正餐就到甜品時間:- 芒果慕思蛋糕--細細件, 唔太甜, 味道唔錯. Mousse 略嫌唔夠鬆 3.6牛乳奶凍--充滿乳香, 入口香滑 朱古力奶凍--同樣入口香滑 泡芙--有原味同朱古力味, 個人同百厭仔都LIKE朱古力味, 一咬開就有朱古力Mousse, 真係好正! 百厭仔ENCORE咗幾次 最後當然要食埋乳酪雪糕啦! 呢度嘅topping比較少, 所以我都係食淨乳酪雪糕算了! 埋單$334.00 真係非常滿足!
評分: 味道 4 環境 4 服務 4 衛生 4 抵食 4
2017-06-21
呢間大快活以往最常幫襯佢嘅早餐. 今日屋企停電, 又有藉口罷煮了! 由於落緊大雨, 就近近地嚟呢度食晚餐. 叫咗兩個扒餐 (牛扒拚雞扒) $55.00 X 2 配有炒雜菜+蔥味飯+可口可樂 (可免費轉低糖綠茶/中湯) 一個吉列豬扒拚炸蟹捧湯烏冬 $45.00 牛扒拚雞扒味道唔錯, 牛扒夠林又唔韌, 雞扒都夠入味, 基本上唔落汁都可以. 炒雜菜有蒜香, 幾好味. 蔥味飯唔知點解叫蔥味飯, 唔覺有蔥味, 只係一啲醬汁淋上飯面, 但味道都唔差 一個餐配中湯-- 湯都足料嘅, 但偏淡 凍綠茶唔太甜亦無苦澀味, 唔錯 吉列豬扒拚炸蟹捧湯烏冬--湯烏冬湯底幾好味, 附帶嘅白蘿蔔都夠林. 主角嘅吉列豬扒略嫌乾身鞋口, 炸蟹捧亦乾了少許. 總數$155.00
評分: 味道 4 環境 4 服務 4 衛生 4 抵食 4
2017-06-10
今日兩公婆飛甩百厭仔去拍拖. 首先去睇早場, 跟住就過市中心食牛一. 行到過嚟11:45 唔使等位, order 90分鐘 美國牛肉,豚肉放題, $118.00. 湯底叫咗季節限定湯底 (京都藥膳湯). 嚟到呢度梗係主攻牛肉啦, 我哋叫咗好多round呀! 多到唔記得幾多. 係首輪order啲牛肉頗肥, 之後都唔差, 係越後order嘅反而越靚 (唔知點解呢!) 飲品方便有紙包雪梨茶, 紙包羅漢果, 紙包檸茶, 汽水, 啤酒, 仲有我like嘅jolly shandy. 食飽主菜, 當然要食埋佢嘅乳酪雪糕先至perfect啦! 可自行加上朱古力/士多啤梨醬, 仲有好多topping揀添 . 食完真係好滿足.
評分: 味道 4 環境 4 服務 5 衛生 4 抵食 4
|