這間順酸辣粉係屯門區都幾出名, 因為好味之餘又抵食, 我們一家都很喜歡幫襯, 有時一個人不知道吃甚麼的時侯, 它是一個不錯的選擇。
這裡的沙嗲, 胡椒, 麻辣湯底都做得很不錯, 各有特色, 要辣有辣要麻有麻要濃有濃, 不過今天不想吃太多濃味野, 所以選擇了清湯底, 也是選配我最愛的米線(還有面, 薯粉等選擇, 不過個人偏愛米線, 覺得軟硬度適中, 味淡淡的, 跟咩湯底都好夾
叫左豬紅, 麻辣腩肉等餸($7-10) 價錢抵但份量都不少, 很抵食, 麻辣腩肉每次我幾乎都點, 因為真係很好吃, 入口鬆軟, 辣味足, 能刺激味覺及食慾, 另外仲會加左些花生落個湯度, 花生炸得乾脆味又濃, 一路食米線再吃一粒花生更有咬口, 有時會諗外賣些花生俾爸爸送酒一樓, 可惜無這個服務!!

 

每次黎到THE ONE見到依間野都好想試, 好似環璄唔錯, 食物賣相都唔錯, 可惜每一次都係黎睇戲或者已經食完飯黎依度行街, 所以每一次都無緣, 哈哈, 今日睇完戲之後8點剛剛好食飯時間, 就提議朋友試下

餐廳坐位係開放式, 唔太大, 不過有落地玻璃, 可以望到街景, 裝修又唔錯, 坐得都幾舒服, 最重要係無限時還枱, 我真係覺得而家D餐廳癲左, 1.5小時還枱, 洗唔洗咁趕? 所以依度感覺都唔錯, 有良心, 讚!

講返食物, 我鐘意泰國野就係因為冬陰功湯, 我就係鐘意辣辣甜甜重香草味既感覺, 依度冬陰功湯只賣$68, 俾埋個爐俾你滾住飲, 熱辣辣, 抵讚, 而且超足料, 有三隻開邊大蝦, 蝦啖啖肉還有高, 仲加入新鮮蕃茄, 辣之餘, 也甜到不得了, 完全無得輸, 推介!! 生蝦刺身又係好新鮮, 好肥美, 最緊要係撈有辣辣酸酸既汁, 很開胃!! 炸蝦丸又係好食到無得輸, 外脆入面係爆漿咁多蝦汁, 蝦汁很鮮美, 我同朋友一人食兩粒都不夠呢 反而個粉絲大蜆味道有點怪, 太酸了, 大蜆感覺不太新鮮反而個飲品好特別, 我叫左LIME SODA, soda真係泰國出口既梳打水, 同一般街既檸檬梳打好大分別, 依度真係俾幾片青檸同枝梳打你就算, 完全沒有落糖水, 感覺很清,淡淡的, 唔知正宗泰國青檸梳打係咪真係咁既呢? anyway I will be back ~~~

睇完等 一個人咖啡, 我相信每間cafe都有自己既故事或者開cafe 既目的和理念。 如果"樂園"目的是想帶俾人歡樂, 令黎到既人有一個空間同親朋好友相敍玩樂, 我想, 呢度算係好成功達到目的, 係值得推介的。

上星期四黎左依到食野, 當然係朋友介紹黎,我自己點會識黎, 間野講真真係唔大間, 好彩光猛乾淨, 俾人一種屋企feel, 我覺得舒服得黎唔洗扮哂斯文, 最驚去D懶high class 既地方, 攪到自己想大聲D講句野都驚會俾人啤既地方, 食物再好都食而無味 最開心既係呢度無限時, 而家香港間間餐廰好似癲左咁, 1.5小時要交枱, 洗唔洗咁趕? 依到可以由6點入座, 坐到收鋪11點走都得, 算係而家少有既良心餐廳, 讚!!!

講返食物, 雖然依到係小型CAFE, 但可以選擇既主菜小食都唔少, 而且真係難得樣樣都好味。 我地一行8人叫左套餐B (每位$188) 包一個沙律, 4款小食, 3款拼盤, 3 主菜, 每人1杯$48 飲品, 煙三文魚沙律煙三文魚份量好多, 沙律菜算新鮮爽脆, 拌意大利醋同油, 酸酸地, 好夏日好開胃, 小食推介芝士丸, 入面真係有流心芝士, 正, 雞翼外脆肉滑多汁, 好好味, 可惜每人得一隻, 炸解鉗都唔錯, 出面層粉唔太厚, 入面食得到有蟹肉, 點埋泰式醬好惹味, 主菜推介意大利海鮮燴飯, 飯唔太硬太淋, 有口感, 最緊要係茄汁味, 酸酸地好開胃, 入面有好多海鮮同好重香草味同三色椒洋蔥粒, 令口感好豐富, 不過如果唔鐘意食三色椒洋蔥粒, 可能會唔鐘意 飲品都好多選擇, 不過有部份要加錢, 推介金莎沙冰同蜜桃椰果肉梳打題外話: 依度咁啱做緊優惠, 平日食滿$400又有人係本月生日會送傳聞中嘅怪獸雪糕, 代替生日蛋糕 本人唔愛好甜品, 不過咁啱有朋友今個月生日又免費, 所以都有攞埋個優惠, 會熄燈捧個雪糕出黎, 真係大得好跨張, 整得好靚, 朋友們都大愛, 一入到餐廳又會送歡迎糖, 上面寫有"開心D"三個字, 總括黎講係好有心思既一間餐廳, 令人有一個歡樂既晚上, 價錢合理, 不過依度只係做SET, 無得散叫, 建議可以散點菜式, 俾多D彈性客人 

今日黎左依間金田,佢出名在於佢依到既壽司係超長,我諗大家都有可能知道既,今日比較早黎到,所以唔洗排隊,非常好

今次就叫左D壽司同埋魚生。首先講講刺身,其實都算既新鮮,唔係話好差算係過得去啦。之後就係依個出位既八點八吋長三文魚壽司，三文魚顏色夠靚,鮮橙色，應該都幾新鮮,長度真係屈哂由頭拖到尾,可能係用大件夾抵食黎贏得好多客番黎，真係可以將成舊三文魚圍住舊飯黎食,真係屈機,靚既刺身，
真係係幾過癮既,再黎叫壽司,不過個木盤真係要講下,真係有D唔開胃,好似有少少發毛咁,不過食落又唔係差既,三文魚壽司都真係唔錯,夠哂新鮮嚀。另外就係帆立貝幾大舊,不過賣相唔算太好，味道都算幾好，不過唔太夠新鮮,整體黎講算唔錯。
 

今次係依個午飯時間黎左依到,環境都算比較迫， 不過野食既味道就唔錯喇,所以迫少少都可以接受既,服務方面就算唔錯，起碼有禮貌,又夠哂主動,收野快,唔錯
佢午餐既款式,基本上每日大致相同，串燒,咖喱就一定有既，全部都係七十五蚊加一小,中上既價錢,今日餐牌既B餐就係我既選擇,就係依個焗芝士菠蘿海鮮飯。
平常食既菠蘿海鮮飯通常都係炒，但焗菠蘿海鮮飯就真係未過。
依個芝士加菠蘿既組合其實都幾新奇下，平時係出面都真係好少聽，但原來加埋上黎,食落既味道意外地唔錯。加埋有菠蘿既飯，食落個芝士都無咁膩,比較清新左D。菠蘿就係一粒粒既，幾有咬口,口感唔錯。海鮮就係普通貨色，份量就夠哂多。飯疥控制得好好,夠濕潤唔會太乾,軟硬程度岩岩好,食落好正,同埋夠哂熱,唔錯既。
 

今日黎左依到食LUNCH,都係朋友介紹我地黎,環境係幾舒服嫁,不過價錢就要自己諗諗喇當然,睇左一陣就決定叫左個Set lunch
首先黎到既係羅宋湯,特別既牛油同埋法包片,湯飲落係唔錯嫁,份量都十足呀,個味道都幾真唔似有太多味精,之後就係一個特別既刨牛油，佢用不銹鋼碟上既，好耐都無見過,食落都幾香既,之後就係依個雞胸凱撒沙律,非常之新鮮,賣相都十分靚,
菜食落新鮮,好爽脆,汁就岩岩好夠,唔多唔小,雞胸肉就抵讚,食落有一陣好香既炭燒味，加埋炸香既麵包粒，仲要份量十足，正。之後就係依個Margherita Pizza,
依一個即做既pizza,當然一定夠熱,食落仲好香又夠哂脆，自己就覺得唔算太夠芝士味,同埋蕃茄味弱左少少,不過整體食落都唔錯既,最後仲有埋杯咖啡,唔錯既。
 

今日黎左依到,朋友介紹我地成班黎依到食,叫左刺身拼盤,海鮮既野,仲有抵讚既就係好快上D野食，只係食左個幾鐘,但所有野食都黎都好齊。

個個海鮮我真係唔知叫咩名,不過質素真係唔錯,佢有4隻生蠔，三隻蝦，兩隻青口，兩個松葉蟹肉,最後仲有兩個螺頭,整體其實都唔錯嫁依個,比較正既就係佢個蝦,因為夠哂新鮮,食落夠爽口,唔錯嫁,其他就正正常常。
之後就係刺身,外觀比起出面就差少少,唔算太靚,不過依到既刺身就好快會暖,因為佢既容器,不過刺身本身就唔錯既，蝦比起上都係依到比較好,可能來貨真係比較搵得好
刺身既味道都只係正正常常唔算太特別,依到既野飲都同出面好唔同嫁,佢有好多樂天既飲品,又有忌廉溝鮮奶,錫蘭檸檬同埋其他幾款,不過都無飲太多.都算幾特別既。
 

今日黎到同朋友一齊食,見到佢依個大雜錦湯河，已經吸引到我喇,有四寶之外，另外仲有魚皮餃，之後再加多幾蚊就有杯野飲,算係經濟喇。
買完飛,好快就有得食,朋友同我既兩碗湯河既湯底都係清湯。
佢既魚蛋河就有四粒魚蛋，同埋好多魚片，竟然咁好彩仲有片頭,抵玩,到我既雜錦湯，有墨魚丸同埋魚皮餃三件，而且好多粉,好彩肚餓,唔係食唔到。首先佢依到既春卷色澤金黃，味道真係好好，首先最緊要既係無腥味，又夠香又有一種出面食唔到既味道,夠咬口,真係會追住黎食。相反牛丸同魚蛋就比較一般,所以都係春卷出色D,依到仲有米綫嫁，配料就有腩肉,牛腩比較濃味既野,唔知佢用咩湯底呢,如果用番依D既話我諗就一般喇,因為佢依個湯都比較清淡,所以配米線食應該唔太得,如果用另外濃D既湯等佢吸哂味咁就會好食D。
 

今日同朋友做完野之後佢就帶左我黎依到大婆牛肉麵,好彩時間夾得岩岩好,過左LUNCH時間 ,所以好快就有位喇,坐低之後朋友就話一定要叫依到招牌菜大婆牛肉麵,價錢都係中中上上咁喇,好快就黎到喇,真係好香,佢湯底真係好濃,頭個幾啖真係算好濃,有種吃不消個種感覺,不過食多幾啖之後就好D,麵既質感都做得好好好,佢個軟硬度岩岩好。佢個牛肉做得好軟,相比之下比較正既係牛筋,因為佢個膠質真係非常豐富,食落口真係好正,另外就有依個鹽酥雞都係必叫既,黎到時候仲係好熱嫁,食落真係好香口,一啖一粒好過引,又夠脆口,唔算油膩,最緊要係咬落去夠哂鬆化, 入面的雞肉唔會炸到乾哂,有少少水份,好正,而且佢個味道做得同台灣個D好似,唔知有咩特別既秘方呢。

之前係屋企附近都食過,不過已經比人取代左,而且唔係食得太多次,所以都有d掛住就黎左依到食,
今次叫左茄牛通,好快就有得食喇,只係等左一陣,賣相都算好吸引,湯底一睇就好開胃,因為佢算鮮紅色，睇落都算幾稠下，再加上牛肉同通粉,真係好吸引下,首先當然要試下個湯,飲一啖依個湯真係夠哂稠同埋濃,有少少新鮮蕃茄個種酸味，
之後就試下個牛肉,有輕輕咁炒過,同出面個種唔同,不過都好好食。
之後就當然要食佢個滑蛋同埋依個豬仔包。
依到既豬仔包真係我既最愛,成個包既表面都係白濛濛一片,全部都係煉奶,而且有少少烘燶過既感覺，加埋炒蛋同個豬仔包一齊吃,好正,包真係好脆,仲有少少煉奶既甜味。吃完包之後,再食埋滑蛋,真係一流享受,蛋都炒得好好，