最近工作壓力太大，放工之後同朋友去左觀塘食個飯，朋友介紹去食一間主打牛舌既餐廳，平時好少特登食牛舌，最多只係放題店接觸過。呢到位於觀塘，位置交通都非常方便，好彩我地去既時間都尚早，否則都未必有位。 呢到有好多唔同既丼飯同鐵板餐可以揀，價錢亦都相當合理，重有得加錢升級套餐或者追加其他食物，岩晒我呢d大胃王！餐廳重要全日免收加一，值得黎喇！ 牛舌芯拼雞扒&鰻魚 朋友點左呢個餐，追加左個紫菜飯，一上菜既時間果然香噴噴，淋上牛肉汁，每樣食物都非常掛汁，第一次試牛舌芯既我無想過原來咁爽口彈牙，雞扒亦都好多汁又有份，我最欣賞係個饅魚燒到外脆內軟，重要唔多骨，岩晒我呢d懶人。 牛舌尖拼牛板腱飯 呢個已經係一個套餐，包埋沙律、紫菜飯同埋湯，一黎已經大大份，睇見都覺得飽，個牛舌尖咬落就比較淋身d，同埋每一塊都好入味好有咬口，牛板腱食落好爽口，我最中意佢個紫菜飯，份量十足 司華力腸 基乎每一枱都有叫，好巨型而且好爽口，作為小食或者前菜簡直一流啊。

放假過黎中上環古蹟遊，朋友好有心思地簡左間中東菜，呢到除左環境有氣氛外，食物質素亦相當有驚喜！ MEZZE PLATTER Starter黎左個扁麵包併盤，係Pita麵包，打開麵包就會好似一個袋，可以發揮你嘅創意搭配任何配料入去，配料有扁豆鷹嘴豆蓉、紅菜頭乳酪、鷹嘴豆蓉、醃菜、蔬菜、醃橄欖，呢一種麵包煙煙韌韌都幾好味，再配埋唔同口味嘅配料，真係好有新鮮感呀！ SPINACH NARGESI 呢一道菠菜煮蛋配乳酪檸檬我自己私心覺得好好食，因為乳酪檸檬係一種好帶到人開胃嘅醬料，估唔到咁夾菠菜煮蛋！好簡單嘅材料，但非一般嘅好食！ 香料紫米醃煮羊腿 本身自己對羊冇乜偏愛，但朋友話聽講呢到嘅羊係好出色，所以就即管試試！首先上碟擺盤係好靚，對於我黎講已經好加分，食落口感軟嫰且香味濃郁，都真係勁濃羊味好酥香，朋友好鍾意食！ SIGNATURE DESSERT SELECTION 鮮果拼盤、開心果朱古力忌廉酥餅及乳酪奶凍配無花果及紅雜莓果 甜品嚟講最出色嘅係開心果朱古力忌廉酥餅，本身好鍾意食開心果，有埋朱古力就更加無敵啦，佢好似整到雀巢咁咬落一絲絲好有口感！

之前同朋友係尖沙咀幫襯過呢間放題店，但次都要等位，今次難得收早，忍唔住又出現返個放題癮，即刻拿拿林約朋友出黎大吃大喝喇！今次時間尚早，好快已經安排到舒服既卡位比我地坐，一黎緊係要去個自助區行個圈先喇，見到大量不同款式既飲品、前菜、熱盤同埋甜品。我地餓得濟即刻拎左少少小食，包括有雞腎、帶裙邊，全部都非常爽口彈牙，重要有少少麻辣，好開胃。 鵝肝厚多士 主角一定係呢個，叫到每枱都有叫，個鵝肝厚到不得了，一上菜已經聞到勁香，食落果然係入口即溶，成個口都充滿鵝肝既香，配上多士感覺中和返，唔會太膩。 川燒珍寶鮮蠔 鮮蠔好大隻，每一隻都好爽口，佢係利用辣椒和炒熟的，辣辣的好過癮，食完忍唔住再叫多幾次，簡直係回本之選！ 花雕醉鮑魚 呢個鮑魚係凍食的，一食落口已經好多花雕既香味，個鮑魚整到入晒味，食既時候重要係勁彈牙，好好味啊！ 避風塘炒蟹 炒到好有鑊氣，好香辣，而且都幾多肉，每一口都充滿辣，好夠挑戰性，一碟完全唔夠，要叫多幾碟先得。 海燕窩椰汁燉木瓜 呢個設計都好鮮，好少放題店可以做到，主要用海燕窩和椰汁燉木瓜，女士必點既甜品，滋補又養顏。 去到最後甜品區，我同朋友都見到有個榴槤專區，可以吱雪糕後加上新鮮既榴槤肉，直頭好係食緊榴槤，非常邪惡啊！

今日黎到TST做野做左全日，收工很想搵個地方坐底食餐好既，經過呢條街見到好多韓國餐廳，已經開始懷念以前煲韓劇無壓力既時光。決定就搵間餐廳試下喇！ 今次揀左呢間餐廳見到鋪頭細細，但人流一D都唔少。重有好多韓國人係幫襯添，證明佢煮既韓國料理都幾正宗！一坐底既時係會免費送上餐前小食。 芝士豬肋骨 見到上菜既時候都嚇親，份量好多，而且芝士勁多好吸睛！每一件豬肋骨都好非常淋身，加上佢個汁調配得好好，唔好過咸，加埋每一啖都充滿芝士既香，加埋簡直係絕配啊！食完全部豬肋骨之後，我地連D芝士都唔放過，好快就清晒。 豆腐海鮮湯 一開始見到以為會好辣，因為個顏色係紅色，不過飲過就知係少少辣，完全係可以接受既程度，啖啖都食到豆腐既清甜，而且海鮮份量都好足料，有蜆肉、魷魚等等，加左D海鮮之後完全係提升左個湯既鮮味，呢個湯重會配埋白飯架。非常抵食既一個餐。 泡菜煎餅 呢個煎餅每次去韓國餐廳都係必叫，呢間餐廳係即叫即整，所以需要等一段時間先食到，食既時候重要係脆卜卜，另外，佢個泡菜嘅份量都幾多，酸酸甜甜嘅醬汁，感到成件事好夾而且唔會覺得好油膩既感覺。

今日假期冇嘢做，同朋友去咗觀塘一間西餐廳，一入到去見到入面環境好靚，而且有得玩桌球同埋飛鏢，非常趣味。 職員好快安排我哋入座，趁呢排天氣涼兩地，我哋決定坐室外，景色好靚，可以見到附近嘅大廈，非常有feel。假期嘅觀塘工業區非常寧靜非常適合情侶或者朋友chill 今次我哋揀咗套餐，因為性價比好高，包括餐湯、主菜、同埋餐飲。餐牌上面嘅套餐選擇都幾多，樣樣都心大心細。 今日嘅餐湯有蘑菇湯同埋雜菜湯，我同朋友都揀咗蘑菇湯，味道非常濃郁，淡淡都充滿蘑菇碎，配埋啱啱新鮮出爐嘅牛油麵包，麵包非常香軟美味。 慢煮美國安格斯頂級牛板腱 身為牛魔王既我點少得要點返個牛食下，牛肉非常厚身，而且牛味好重亦都好juicy, lunch黎講份量都唔細，而且配菜有香菇、車厘茄同埋翠玉瓜，令到成件事更加豐富。 香煎紐西蘭魽魚柳 朋友點左呢個魚柳，煎到非常香脆，啖啖肉又唔”鞋”口，魚肉好滑身，配上佢個特製醬汁，簡直令到成個口感好特別，朋友食到讚不絕口。 套餐我哋升級叫咗薯條 免頭鋪咗啲紫菜碎，非常香，而且放咗一陣都係非常脆口。 整體呢間餐廳俾我哋嘅感覺好舒服，員工態度又好好，絕對會有下一次！

最近見到好多放題店出左榴槤，即刻帶埋啊媽去旺角一間幾出名既放題餐廳，今次我地叫左有77品既選項，一黎到已經見到眼前有好大既自助區，有沙律、有熟食、甜品同大量飲品。岩晒選擇困難証既我，可以無限揀。 一坐底緊係要叫返個刺身嘆下喇，必點三文魚，重要係厚切架，而啊媽最中意食蝦，佢有甜蝦同珍寶赤蝦，大大蝦又甜，另外赤貝同埋北寄貝都非常爽口新鮮，而令我最surprise既係有鮑魚，雖然細細粒，但係超級彈牙，配上個泰式生蝦汁，味道出奇地夾。 食完生冷野，當然要食返d熱食，我地都叫左大量熟食，例如燒牛舌同雞軟骨，雖然都係每次放題必點，但我地都百吃不厭，另外，我地重點左燒蠔，好香蒜味，而且個蠔肉都唔細，直頭係回本之選。 我同啊媽都分別叫左幾次花膠，真係大大隻，滿滿既膠源簡直正爆，另外炒花蟹都冰到好香，d肉又實，亦都係必點之一。本人最中意就係蒜白蛤蜊卜卜蜆，真係每一隻蜆都有肉，而且份量都唔少，蒜味亦都好重。 最後，到我全晚最期待既榴槤，有得揀烤或者唔烤，我就緊係兩樣都要試下喇，果然真係各有千秋，烤過既就外脆內軟，口感非常豐富；而未烤過既榴槤味道反而更出，重要雪到凍冰冰咁，食似食緊榴槤雪糕咁。總括黎講今次係一個好好既體驗。

接近聖誕，特別想去啲有feel嘅地方食下晚餐，今日同朋友過咗嚟西貢海邊嘅一間餐廳，無論係環境、裝修定係食物都非常高質，今次想介紹吓呢間餐廳，職員帶我哋去到海邊嘅座位，吹住海風，加埋個暖爐，好似去咗外國咁，特別有聖誕氣氛。 海龜東南亞風味藍青口 見到前菜一定忍唔住嗌咗呢個，今次我哋揀咗冬陰功味，上菜嘅時候已經見到每隻青口都大大隻，而且每隻都啖啖肉，配上個冬陰功湯，簡直別有一番風味，食完啲青口直頭可以飲埋啲冬陰功湯，暖下個身，加上酸酸地零舍開胃。 海龜海陸配 (龍蝦配牛柳) 主菜叫咗呢個，龍蝦同牛柳簡直絕配，龍蝦用芝士焗，而且加咗幾款菇，食落口感好特別，而且龍蝦肉質非常鮮甜彈牙，另外，牛柳我哋叫咗五成熟，識落超淋身，牛肉味好重，非常juicy。我最欣賞係配埋薯蓉，而佢個薯蓉非常香濃牛油味！絕對係我心水菜式之一。 辣肉腸薄餅 啱啱焗起非常熱辣辣，辣肉腸份量比想像中多，而且個餅底脆薄博，每人食到四塊，芝士勁多好惹味，絕對係飽肚之選。 朱古力心太軟 賣相非常精美，女士見到一定會心心眼，配上超香濃嘅雲呢拿雪糕，朱古力心太軟外面脆卜卜，一切即刻流出大量嘅朱古力醬，絕對係打卡之選！

一直都有食開蘇媽蘇媽，多數放假去深水埗個邊食，今日去尖沙咀行街，見到佢係尖沙咀都有分店，就入去試下啦！ 辣死你嗎配烤雞髀 $68 上碟見到個參巴醬已經流哂口水，因為撈麵食咸咸辣辣係勁好食，而且呢個醬唔會話好辣，真係好啱香港好口味。而呢一碟嘅主角烤雞髀，真係超大隻，烤得皮脆肉嫩，非常大份又好食！ 豬腳彎 $68 豬腳份量啱啱好，細細舊好容易入口，入口好滑好好味。而肉骨茶底味濃而且夠熱夠滾，湯頭非常鮮甜，藥材味同肉湯平衡，而且可以無限添加！絕對喺呢度嘅一賣點！ 椰香咖央多士 $38 呢個咖央多士麵包烘得香脆，咖央醬分量適中，不過甜度就比較高，雖然好食，但作為飯後甜品就有啲飽啦。 特飲 美綠暴龍 $42 呢個特飲係由冰鎮美祿加上未溶解的美祿粉末製成，面頭仲有個雲呢拿雪糕，啱晒嗜甜一族呀！ 特飲 椰汁斑蘭冰 $38 香濃嘅椰汁配上淡淡嘅斑蘭幽香，好鍾意呢個椰汁斑蘭冰呀！

由於之前係旺角食過Yadllie Plate D 炸雞一直心心念念，所以打算2刷🤪 上網睇到海之戀開左間新既分店，地點就腳左，所以拿拿臨約埋閨蜜去試下🫶🏻 入面環境舒服，座位之間好闊落，燈光光猛，播住Kpop歌，令我地諗返起之前一齊去韓國旅行果陣咁熱血。 我地叫左以下食物: 玫瑰牛肉炒年糕 $128 炒年糕用上石鍋上枱，一埋黎一陣陣焦香牛肉味，入面有年糕同魚糕配以牛肉用玫瑰辣牆一齊炒, 食落甜甜辣辣好正🥰 大蔥炸雞 $188 女仔最期待既炸雞😎上面鋪左好多蔥絲， 雞肉外脆內裡嫩滑多汁，食落會停唔到口！ 還伴有少量番薯薯條和醃蘿蔔，醃蘿蔔食左感覺好似無咁大罪惡感又可以解膩🤪。 火灸牛 $98 店員會用火槍直接喺你面前燒牛肉，一路燒我肚一路打鼓因為實在太香牛味，食落好重牛味而且油脂分好平均。 海軍醬油湯鍋（八爪魚）(韓式辣醬湯底)$228 一上枱勁大隻八爪魚睇落仲要好新鮮，個底仲要勁多配料有肉有菜，望到都好豐富🤩 八爪魚咬落好爽唔會韌🥰個部隊鍋既湯配埋食材真係好夾好好食 八爪魚煎餅 $128 ​由於係海鮮控，食落啖啖八爪魚我地都覺得好滿足🥰，個餅仲加埋蔥去煎真係香口到不得了 蜜瓜沙冰$68：好大舊cream on top好吸引飲落香濃蜜瓜味又有濃濃奶香 巨峰梳打$48: 飲一啖發現有粒粒爆珠，加上清新巨峰味真係好fresh 最後真係飽到一個點同時又好滿足🫶🏻有質素既晚餐，絕對會encore

最近天氣凍左勁多，咁岩同朋友去左太子呢區，太子不嬲出名多美食，我地經過呢條基隆街，見到有間泰國餐廳，望個餐牌價錢很親民，同朋友費是繼續吹風，就一於決定試下喇，一入到去見到有個靚靚迷你聖誕樹，非常有聖誕氣氛。職員個個好親切有禮，令到我地都覺得好舒服既感覺。 烤豬頸肉沙律 去泰國餐廳一定要試下佢個豬頸肉，不過今次我地唔想就咁食燒豬頸肉驚太過熱氣，所以今次決定要叫豬頸肉烤烤豬頸肉沙律，估唔到又烤得幾香口，泰式沙律入面包括左有洋蔥、柚子、沙律菜，酸酸辣辣咁，非常開胃。 泰式蝦片 果頭話驚熱氣，轉頭我地又叫左蝦片，因為見到隔離枱都有點，見佢地食得咁滋味，緊係要試下喇！一上枱就見到好香噴噴，炸到金黃色，上每一塊都炸到脆卜卜。 雜菌椰子雞湯 咁凍既天氣緊係要飲返d熱湯，呢個湯真係唔係間間泰國鋪都有，估唔到呢間竟然有。椰子湯好清甜，重有少少辣味，難道分極高，雞肉仲重要係好嫩滑，呢個湯會運用爐仔暖住，令到我地一路飲既時候都會有暖笠笠既感覺值得加分。 蝦醬炒飯 佢即叫即炒，份量夠大之餘d蝦都重係大大隻架！而且每隻蝦都係爽口彈牙，個飯炒得好惹味，配料亦都十足，絕對無偷功減料。食到我同朋友停唔到口。 老板好好人，送左兩個甜品俾我地食，兩個甜品唔係日日都有得食，因為整呢兩個甜品要好多時間同功夫，仲要收左工先可以做，真係要好有心機都心情先可以做到！