難得平日放假，專登帶埋老公去觀塘食下日本嘢，好鍾意呢間餐廳可以用合理嘅價錢去食一餐高質素的日本料理！餐廳寬敞舒適，裝潢有點像日本居酒屋的氣氛，非常用心 牛肉他他 ($88) 呢個牛肉大概有五成熟，食落完全無筋同埋無腥味，口感鬆軟又富肉味，可見餐廳對原材料選取嘅認真，係誠意之作！ 神之特上刺身（六點盛） ($198) 呢個刺身拼盤有齊牡丹蝦、三文魚、拖羅、油甘魚、帶子同埋我哋最鍾意嘅左口魚裙邊，裙邊位置就經過火灸，食落口非常有魚油香氣，肥厚多脂！其他刺身非常新鮮，可謂魚肉肥美，味道香濃！ 青龍炸蝦卷 ($78) 本身就好鍾意食炸蝦，最緊要外皮睇落夠金黃夠卜卜脆，口感蓬鬆，再配埋蟹籽同埋沙律醬，增加蝦卷嘅鮮甜味，非常好食！ 雜錦燒物 ($162) 呢個燒物有齊雞翼、雞腎、雞軟骨、豬肉、蕃茄仔同埋翠玉瓜。燒物非常之香脆，火候掌握得且，肉感Juicy，炭烤的香氣為串燒大大加分！ 是日special優惠-蒜蓉燒生蠔 ($60) 生蠔入口柔軟細膩，滑滑細緻的口感，$10一隻嚟講，真係非常有驚喜！

今日約左朋友去將軍澳shopping，朋友話海傍附近開左好多新餐廳，今次我地想特別少少，係晚上食點心，所以就簡左呢間餐廳，個名好特別，叫做「得閒飲茶」顧名思義緊係飲茶喇！ 我地入到餐廳，職員安排我地坐係門口位置，可以飽覽海邊既景色，一邊嘆住茶，簡直chill爆。由於我同朋友太肚餓關係，我地點左好多款點心同炒類既食物。 鵪鶉蛋松露燒賣 一籠有3粒，聞到已經覺得好香，加上鵪鶉蛋已經好少地方可以食到，每咬一啖都會有流心既效果，非常考功夫既一道菜。 蘿蔔絲酥餅 外面食落好鬆化，不過唔會太過熱氣，入面爆晒蘿蔔絲，食落口感好豐富，清清地好好味。 XO醬炒腸粉 有少少辣，不過有夠獲氣，每件腸粉都入晒味，勁香XO醬香香辣辣既感覺。 鍋貼蝦多士 即叫即整，食落勁豐富的蝦膠，加上多士口感脆卜卜，但唔會太過油膩感，餐廳亦都細心咁配上沙律醬，等我地無咁熱氣。 小籠包 都係一籠有3個，個皮薄薄地，但入面肉汁勁多，豬肉亦都好Juicy，配上醋食效果更佳。 蟹肉大良炒鮮奶 外形賣相好吸引，好有賽螃蟹既感覺，而且入面配有蟹肉同埋金華火腿，食落好香而且口感特別，蟹肉亦都好鮮甜，如果有埋飯就簡直一流。 京汁脆皮蠔 上菜既時候差d以為係咕嚕肉，但食落先知原來係蠔，個蠔好新鮮而且好多汁，下次一定要encore!!

最近成日落雨搞到個人都冇乜心機，見今日星期五就去將軍澳海旁食餐好氹吓自己！呢間餐廳之前都有食過，最鍾意佢個無敵大海景同埋又好打卡又好食嘅美食，岩哂情侶過黎拍拖約會呀！ 意大利布袋芝士蕃茄沙律配意大利陳醋 ($118) 切開流心嘅布袋芝士奶香非常之濃郁，配上切開伴番茄，淋上陳醋，是一道輕怡美味的前菜。 煙三文魚賓尼迪 ($128) 個人覺得Eggs Benedict最夾嘅配菜就係三文魚，因為三文魚夾埋酸味荷蘭醬一齊食，Creamy得黎，又帶點微鹹，口感夠哂豐富呀，呢個100分！ 慢煮豬肋漢堡配薯條 ($128) 好鍾意呢個漢堡嘅麵包質地，佢哋將個麵包烘得脆卜卜，但係又唔會過分油膩，慢煮豬肋條烹調得宜，咬落非常鬆軟，配菜仲有有酸菜同埋有芝士，相得益彰！ 明太子忌廉意粉配烏魚籽 (辣) ($148) 本身嗌嗰陣時都有啲擔心明太子會唔會過鹹，但係呢個意粉食落一啲都唔會有呢個感覺，反而會食到停唔到口，因為原來明太子嘅鹹香同意粉係非常夾，食落香香辣辣非常好味！ Iced Yuzu Citrus Oolong Tea ($46) 呢一個飲品有入口輕微清香嘅柚子味，並唔係柚子糖漿嘅味道，烏龍茶嘅味道帶出淡淡嘅柚子味，個人覺得係誠意之作！ Vanilla Basque Burnt Cheese Cake with Mochi ($78) 呢個芝士蛋糕入邊有麻糬，真心大愛！佢嘅麻糬係滑捋捋嘅口感，配埋香濃嘅芝士蛋糕，感覺非常新鮮，做飯後甜品簡直一流！

今日約左朋友去黃埔睇戲，趁未夠鐘睇，緊係去醫下肚先喇！聽人講黃埔必嘉街有好多美食，我同朋友行到去已經比呢間餐廳個招牌大大隻吸引左，係門口再睇下個menu，已經決定可以食了，因為價錢相當親民。 一入到去已經係我最中意既卡位，私隱度好高，唔洗同人搭枱，同埋聽講呢間餐廳重係新裝修架。所以唔怪得個環境都好新淨。呢間餐廳除左一般既中茶menu，重會有西式鐵板扒餐，亦都會有泰式粉面套餐。 今次我同朋友揀左中式二人套餐，呢個套餐性價比極高，有中湯/西湯、2款小菜同埋飲品。 中式牛柳 賣相好吸睛，炒到好有獲氣，而且重有大最菠蘿做配菜，完全係我既favourite！！食落酸酸甜甜，零舍開胃。牛柳唔會過un，食落口感岩岩好。呢道菜既份量適中。 魚香茄子煲 一上落已經聞到陣陣魚香味，即刻胃口大開，茄子好淋好入味，而且重要食到咸魚架，出面餐廳d魚香茄子煲好少會食到咸魚，非常有誠意既一道菜，用黎撈飯簡直一流。 另外，我同朋友重叫左椰汁冰同紅豆冰，兩款口味都係我至愛，甜度適中，下次一定會再黎！

最近轉天氣小朋友係咁病，湊佢地真係好累 所以今晚決定同老公掉低佢地出黎抖抖氣😩 黎左呢間諾士佛台既Show time Sports Bar 因為老公開會遲放既關係， 我一個已經衝左上去坐。享受一刻既me time 😝 環境好大，亦有好多Game設施， 出面仲有露天位俾人「呼吸」，望落去既境仲要係靚既 太餓既關係立即睇睇menu 先😋 Staff話happy hour連串燒都有優惠😎 睇睇先至10蚊至25蚊一串 抵到爛仲要唔少選擇。 最後我地點左以下食物： 香辣鮮茄汁虎蝦意粉 虎蝦兩大隻，處理得好好，蝦肉好彈牙同實淨，夠新鮮😙 意粉好掛汁，個汁又酸酸甜甜又有點辣味，好開胃🤤 西班牙辣肉腸pizza 熱辣辣出焗，惹味既辣肉腸加埋on top既火箭菜，成件事好夾😌而且好好食唔會焗到太乾身 串燒叫左 牛肋肉，黑豚腩，雞肝 牛肋肉用左黑椒調味，低調咁突出左牛肋肉既牛香味！好正 黑豚腩燒得夠juicy仲要配埋大蔥，抵死😋 雞肝佢又係處理得好，係燒到火喉岩岩好，好軟身唔會燒到乾柴，加埋佢個醬汁，好想再encore 快樂既時光過得特別快，下次要再黎！

今日同朋友收工之後過咗去MegaBox買嘢，經過見到呢間西餐廳，輕輕立個Menu，已經比餐牌上面嘅食物圖案吸引住左，加上餐廳位置開陽，喺門口已經見到餐廳嘅裝修格局昏暗神秘，俾人感覺好舒服同埋好減壓。我同朋友於是就決定咗去呢間餐廳食晚飯。 手撕豬肉配墨西哥粟米薄脆 一上菜嘅時候，份量比想像中多，而且粟米脆片非常香，配上特製嘅牛油果醬同埋淡淡香辣嘅手撕豬肉，每一啖都充滿濃濃嘅芝士味，味道非常之夾，如果加埋啤酒就最好喇！ 烤斧頭豬扒、煙肉椰菜仔、薯條 超巨型嘅斧頭豬扒，脂肪分布平均，識落肉質非常爽口彈牙，而且附近有幾個煙肉，煎到非常香，而且一啲油膩感都冇，我最鍾意佢嘅薯條，炸到脆卜卜，非常有誠意嘅作品。 蕃茄肉丸意粉 一共有四大粒肉丸，唔會咬一啖都非常Juicy，而且佢個醬汁條配得啱啱好，意粉亦都非常彈牙，雖然份量唔會太大，但係兩個人食嘅話就啱啱好！我同朋友簡直食唔停口！

未入餐廳，就被門口兩支西班牙國旗吸引住。入到去就覺得設計好有格調，環境令人好放鬆，絕對係一班朋友歡聚嘅好地方。 入到餐廳冇幾耐，侍應生就拎咗餐前小食過嚟，係墨西哥脆片，配以沙律醬點住嚟食，好有風味，再配合埋啤酒就一流。 西班牙小食(Tapas ），雖然係小食，但我個人覺得佢哋絕對係一餐西班牙菜嘅重要靈魂。今晚我哋試咗兩個西班牙小食。 第一個係香煎法國鵝肝多士，鵝肝口感嫩滑，味道濃郁，再配合黑醋嚟食，口感一流。 第二道小食係香煎和牛舌配蕃茄莎莎，牛舌肉質鮮嫩，再將酸酸甜甜嘅蕃茄莎莎醬淋起牛舌上面，味道中和，令人非常開胃。 最後就係今晚嘅主菜，我哋嗌咗兩個主菜，分別係西班牙海鮮炒飯同埋德國蜜糖燒豬手。 大家都知道西班牙海鮮炒飯，不嬲都係西班牙菜嘅標誌菜式，呢道菜嘅份量十足，包括大量西班牙辣肉腸和魷魚，仲有青口以及香煎大蝦，上湯完全融入飯粒裏面，非常惹味。 至於德國蜜糖燒豬手，同樣可以用足料嚟形容！原隻豬手先拎去炸，外皮非常鬆脆，內層肉質鬆軟多汁，口感層次豐富。 仲配上大量嘅炸薯角，夠晒飽肚。

今日約左朋友去將軍澳區打邊爐，朋友極力推介呢間「大將」。位於將軍澳Pop corn，地鐵站C出口一上就已經見到，地點非常方便。 一入到餐廳，已經見到裝修得好日式既風格，而且環壞好闊落，燈光亦都好光猛，比人一種好舒服既感覺，收工過黎呢到，真係乜野壓力都消失晒。 餐廳設有自助區，有熟食類、丸類、大量款式的菜類、飲品同埋甜品。我自己係自助區都行左好耐，因為款式都實在太多！ 餐廳有推出雞煲，有味噌雞煲或者中華重慶辣雞煲, 我同朋友選擇左味噌雞煲，未上菜之前都擔心會唔會太大煲，點知又唔會喎，兩人份量簡直岩岩好，而且味噌味好濃郁，每件雞都好吸味！ 呢到係每人一鍋，而我自己就揀左麻辣味湯底，聞落已經覺得好香好刺激，又唔會太過辣。我同朋友今次揀左澳洲和牛牛小排餐，餐牌內已經有6款牛比我地揀，我自己私心推介澳洲和牛牛小排，一上菜既時候已經係薄切，輕輕淥一淥已經熟左，唔洗沾上醬油都已經好入味，牛味好重！ 食到咁上下，我地點左幾款海鮮，包括沙白、帶子同水魷魚，真係超級新鮮，沙白encore左幾次，粒粒都脹卜卜，而水魷魚同埋帶子簡直係爽口彈牙。性價比極高。 最後無論幾飽，都堅持一定要食甜品，呢到既甜品吧款式都好多，有紫薯糖水、木糠布丁、忌廉泡芙、提拉米蘇重有雪糕啊！真係食完要捧住個肚走。

啱啱去完泰國旅行返嚟，已經超級回味泰菜，急不及待約朋友出嚟九龍城搵泰菜食，講到出名，梗係唔少得小曼谷泰國美食，話晒呢間餐廳喺好多年之前已經好出名，之前未有屯馬線都好少特登出黎九龍城食飯，依家有屯馬線之後搵食果然方便咗好多！ 今日難得收早，好快已經到咗宋王臺站，冇諗過過條馬路已經到達要去嘅餐廳，真係非常方便，門口已經見到一個吹氣公仔同你揮手，非常有親切感！好彩時間尚早，我地好快搵左位坐。餐廳係用QR code落單，餐牌亦都有唔同款式嘅食物，我哋心大心細，樣樣都好想試吓。 泰黃咖喱法包軟殼蟹 我想睇到賣相好靚，決定一試，估唔到份量超大，軟殼蟹啱啱炸起，仲係脆卜卜，配上黃咖喱汁，口感非常特別，而且個醬汁非常惹味，有濃濃嘅蛋香味，配上香脆既法包，味道非常夾。 蝦膏豬肉碎炒飯 雖然呢個飯賣相好似比較普通，但係個味道非常難忘，而且佢係非常足料，仲配埋臘腸，口感豐富，而且蝦膏既味道非常濃郁，但係唔會過咸，廚師掌握得啱啱好，值得加分嘅一道菜式！ 椰汁冰 嚟到泰國餐廳點少得杯椰汁冰？呢間餐廳嘅椰汁冰非常濃郁，有得自己選擇甜度、冰量，非常細心。炎炎夏日飲番杯簡直非常清爽！

趁今日假期，梗係要同朋友去食返餐好嘅，之前喺網上見到中環蘭桂坊呢間餐廳有週末Brunch buffet, 當時見到已經好想試吓，所以打嚟book位，好彩俾我哋book到。入到餐廳已經幾乎滿座，職員好細心咁帶我哋入座。 喺自助區已經見到各式各樣嘅食物，包括有超級多款式嘅沙律、海鮮類、扒、熱盤同甜品。 沙律吧個人認為款式仲多過酒店自助餐，而且職員都好快refill食物, 平時好少食沙律嘅我，都喺沙律吧揀咗好多唔同款式嘅沙律同ham!! 海鮮方面，有生蠔、長腳蟹、麵包蟹、龍蝦、翡翠螺同埋蜆，生蠔每次可以攞三隻，不過好彩唔算好多人排隊，本人已經食咗十幾隻，全部都非常新鮮，麵包蟹非常多膏，而且肉質鮮甜，龍蝦更加唔使講，非常爽口彈牙，呢幾樣海鮮已經encore左好多次 扒類方面，餐廳提供任食和牛、羊架、同埋脆豬腩肉。本人非常貪心，每樣都要晒，估唔到每樣肉都非常juicy, 最鍾意係脆豬腩肉，個皮超級脆，脂肪分布平均，唔會太過油膩。 另外，甜品方面都非常有驚喜，有我最鍾意嘅gelato，而且仲係任食㗎，我哋已經每人食咗兩球朱古力味!! 最後我同朋友都捧住個肚走