好耐之前已經同朋友黎過呢間餐廳食過lunch。
咁岩出開旺角，聽友人講大角咀新開左薩利亞，所以就黎左食餐平價既晚餐。

大角咀既薩利亞係樓上鋪，但比起其他分店的位置亦唔算太偏僻。
上到去拎左籌，等左大約10分鍾就可以入坐啦。
同朋友一入坐就睇食D咩好。

同友人叫左一個三文魚沙律，招牌既辣味雞翼8隻
一個肉醬多利亞同一個水牛芝士pizza，同加左一位既任飲飲品。

有食過薩利亞既人都知，薩利亞既上菜速度只可以用一個字表達：快!!!
友人斟完飲品反黎，沙律同辣味雞翼已經黎了。
個人幾喜歡食薩利亞的沙律，菜好新鮮，加上醬汁好夠，可以有開胃的作用。
配上煙燻過的三文魚簡直係好match
(之前同朋友亦有食過甜蝦沙律，但我認為配合度不及三文魚)

辣味雞翼係薩利亞的招牌菜，其實和pizza hut的差不多。
但佢勝在價錢合理，8隻都只不過係$30，pizza hut食，絕對唔係呢個價
而且佢既辣度唔係太辣，好岩我呢d唔食得辣既人，所以每次去都一定會叫。
但佢既雞翼有時我覺得太細隻 叫4隻會唔夠食，所以...都係叫左8隻

肉醬多利亞同水牛芝士pizza亦係招牌之一
肉醬多利亞其實係焗飯黎的，抄飯低，上面有肉醬加上忌廉汁，芝士去焗。
十分之好味道呀 (亦食過甜蝦多利亞的，但個人認為薩利亞的甜蝦怪怪的 )
而pizza同友人亦冇多簡，叫了一個最普通的，唔想食太多既肉類。
水牛芝士既好就係唔會太咸，加上小小的蕃茄醬，十分野味
而薩利亞的pizza係好似印度pizza，而且細細個，所以唔會太飽。

二個人食左太約$120野，有頭盤有小食有主菜有野飲。
係而家的香港黎講可以話十分之抵食。
之前反工係香港區食個lunch都40幾50蚊
所以希望薩利亞開多d分店，比更多人食到抵食既野