之前聽fd講話大滿喜好味 今日就去左大滿喜 大約1845到已經超多人好彩有book位 餐廳入面好多位 但係每張台之間好窄d台又好細 我地2個人叫左好多野 下列為特别推介: 燒羊胺：juicy，夠腍，好香 燒菠蘿：juicy，甜，無渣 三文魚：好靚，新鮮！ 串燒：正，香 以上幾項為必食推介 可惜張台太細，要摩打口咁食，不斷食無停過1個鐘已經飽到嘔 我勸大家要每round叫少少，一round一round咁叫，如果吾係就會叫左好多架喇 食物吾差，相信會有下次

今日又係一個超熱嘅下午 去完旺角shopping後就嚟左呢度食甜品 知道呢度d甜品比較特别 之前喺instagarm又見到有人post張test tube嘅相上去好吸引就迫不及待試下 Test tube(左至右)係wasabi沙冰+咖啡泡沫with奶茶mousse+薄荷啫喱with乳酪with冧酒啫喱 Wasabi沙冰有d攻鼻，咖啡泡沫好濃咖啡味，奶茶mousse好滑，薄荷啫喱好fresh，冧酒啫喱一開頭食無咩味，食食下先有酒味 綠茶泡沫？！！（吾係好記得個名） D綠茶泡沫我覺得吾係好強嘅綠茶味，旁邊有d好似鳥結糖嘅野，有一層啫喱之后個底有d strawberry mousse，好滑好正！ 下一站甜品好有特色，店内坐得好舒服，希望下次嚟過

放學等補習就同朋友去左甜品老媽食野 今次又係afternoon tea + early dinner三人組不過少左一個 今次我食佢地嘅新產品「撈野」芒果味 椰汁西米露+芒果雪糕+芒果+星星形黄色椰果+一粒好細嘅芒果macaron 我覺得同普通嘅芒果西米露無咩分别，只係多左d gimic 佢有4隻味嘅 不過都無咩吸引我再食呢個撈野 有少少得個樣實質平平無奇

本學年最后一次Happy Thursday嘅出動 就去左呢度食waffle 舖頭門面好細只係可以容納到4個人坐底 我叫左個brussels waffle premium with fresh berries, strawberry sauce, whipped caream and vanilla ice cream 朋友叫左朱古力果隻 我地等左大約7分鐘到因為即叫即製 佢d waffle上到嚟熱辣辣好脆口 Waffle好香蛋味配埋個酸mei mei嘅strawberry sauce一絶 但係略嫌waffle有d空心同埋薄左少少 不過整體嚟講都好好味！ 好似40幾蚊

又係我地early dinner加afternoon tea三人組出動嘅時侯 今日去左咖啡弄！食完之后我2個fd都話好正果然無介紹錯 不過等位途中發生左D意外 佢今日4點先開始派飛，咁我地落左左145同169兩張，以防一張miss左仲有一張！果然咁做係明智嘅選擇因為我hold住張飛個朋友一直以為我地係147，之后又比左張飛我又話係147，點知我一睇張飛原來係145，再望下個board原來宜家係146咁好啦唯有等169，咁就再等左1個鐘喇 不過都好嘅等等下就開始肚餓 入到去之后我地叫左4樣野同埋每人一杯飲野： 芒果冰沙：我地3個都係飲芒果冰沙，普普通通麻麻地，因為我覺得D味有D假，同埋佢打得吾碎，飲飲下仲食到D冰碎 玉米起司可頌： 好濃嘅芝士味配合可頌真係好好味，可頌好香牛油味同好脆，仲有D火腿同埋粟米！不過份量好多，2/3個人share食就o岩o岩好 總匯三明治： 其實佢係普通嘅club snadwich，不過與眾不同嘅就係舊雞，舊雞好juicy同埋甜甜地，我次次嚟到都要食呢個！熱烈推介！ 草莓鬆餅： 其實因為呢個waffle係咖啡弄嘅代表作，我2個fd又第一次嚟，所以就叫左比佢地試下喇！賣相真係一流，custard pudding同埋strawberry ice cream配埋D strawberries真係好好味，不過其實咁多次我都覺得個waffle好普通，有别普通嘅waffle，咖啡弄嘅waffle好厚好似蛋糕咁，我個fd話仔細咁食仲會食到D麵粉味，同埋好漏，所以我諗我吾係太欣賞呢個waffle 御之茶水： 雪糕配綿花糖，將D expresso淋落個綿花糖到，之后個綿花糖就溶溶地，因為個綿花糖吸左expresso，所以苦苦地，但係match埋低下嘅nuts同雪糕就perfect!其實nuts, 雪糕同綿花糖呢3樣野實會分别食過，但原來夾埋食係咁match!我諗香港得咖啡弄先有呢個甜品，大家真係可以試下！ 今日3人連加一埋單427 其實今次影得吾多相，因為所有野除左杯野飲之前都食過，所以如果想睇相嘅話可以睇番我第3次同第4次嘅食評 開開心心咖啡弄！

尋日我地一家專登入元朗食飯 食完飯就去左食B仔涼粉 尋日大約7點幾到真係好多好多人 我地坐喺出面 我地坐果個位有好勁嘅臭豆腐味 雖然我地受得臭豆腐嘅味 但當我地食到飽一飽嘅時侯再聞到陣臭豆腐味真係會想嘔 言歸正傅 我地就叫左個B仔涼粉($70) 等左5分鐘到果然好巨 有好多生果:大樹菠蘿、菠蘿、奇異果、蜜瓜、荔枝、椰果，海底椰等等 其實涼粉無咩話會特别好食吾好食 只要落足曬料就吾會吾好食 我覺得呢個B仔涼粉得個'大'字，都無咩特别 我地3個人尋日都食吾曬 我認為飯後甜品嘅話，4個人share一個就o岩o岩好 不過B仔涼粉喺香港咁出名 作為一個香港人點都要食一次

前日又係Happy Thursday出動啦 今次去ocio 我叫左一個lemon honey comb waffle 朋友叫左vanilla napoleon 朋友呢napoleon好脆，有好多custard，好好味！ 我果個lemon honey comb waffle係我食過咁多個waffle最好味嘅，我食過咖啡弄，UCC同埋green waffle diner但我認為都吾及呢個waffle好味我好鐘意佢個質感，好脆，一切就切到，我果個waffle上面有D lemon sauce 酸酸甜甜，喜歡fresh嘅人一定鐘意，waffle仲配有一球雪糕同埋honey comb! Honey comb就好似D焦糖脆脆嘅糖！呢個又係一個perfect match! 店内環境比人一種好舒服嘅感覺

今日同朋友去左lab made 可能我地2個都路痴所以揾左呢間舖頭都一段時間 原來要行入D先見到 我地叫左個Anna Sui(日本甜紫薯)同埋紫米露 我見D staff倒左一D一樽樽嘅野落個stand mixer到，之后再倒nitrogen入去，煙霧瀰漫，咁樣一杯雪糕就完成喇 紫米露好好食！好似食緊真嘅紫米露咁，仲有紫米添！我覺得Anna Sui就好香紫薯味，有紫薯嘅甜味！但係我始終麻麻地紫薯所以都係紫米露好食D! 佢地menu每2個星期轉一次

之前聽朋友講話Amanda S喺IFC果間bakery賣嘅cronut好正，奈何我一直都無機會去IFC估吾到我尋日行行下Sogo都發現左佢已經進駐Sogo就迫不及待買左rapsberry cronut食！上面有rapsberry icing，甜甜地好好味，之后一咬好脆好酥，正！入面仲有D酸酸地嘅rapsberry醬，好夾！ 順帶一提，Amanda S喺法國藍帶廚藝學院畢業，係一間全世界首屈一指嘅廚藝學校

又係Happy Thursday出動嘅時侯！ 今日同fd test完就即刻衝去green waffle diner 因為我lunch剩係食左好少所以好肚餓 我叫左個火焰香蕉waffle 正 Waffle好脆好味，食得出係即叫即整，上果陣仲熱辣辣 條香蕉燶燶地好香！ 熱辣辣嘅waffle配埋涼浸浸嘅雪糕又係perfect match! 朋友叫左個waffle with ice cream (2 scoops) 都係一樣有塊好大嘅waffle不過佢有2球雪糕！ Tea set仲有一杯野飲 Total: $132(有加一)