又到了星期五, 真是令人興奮!   今日查了一查openrice才決到又到濱海街覓食, 因為好幾間高排名的餐廳都在這! 已經算早了出門, 點知到附近個時有餐廳已經開始排隊, 巡了一巡之後決定等壹碗麵! 其實平時行過都覺得餐廳裝修幾特別, 木製傢俱又有個導演銅像在門口~ 今日終於可以一嘗! 不過... 等得長左少少, 仲幾乎飛過我地的號碼無左張枱...   今次在門口等了很久明顯已經選擇了食甚麼了!其中一個同事食腩肉, 一看已經非常吸引又香噴噴! 她說味道不錯, 不過比較膩, 所以最後都食不完...偏偏忘記自己食甚麼... 口感是煙煙韌韌, 帶點滑溜的肥肉, 很喜歡肉的質感!另一個同事就食柚子豬軟骨, 我都跟她交換了試試, 通常肉類帶果香味道都會較清新, 易入口~ 不要少看這碗小小的麵, 粗麵質地很爽, 醬料亦香, 只是食得多會較膩...最深刻都是這個小食--酒味的半熟蛋! 一嗅已經酒氣四溢... 但咬落不會很濃, 不會很苦更加不會醉 而且蛋煮得剛剛好, 蛋黃仍然是流質與實體之間... 口感一流! $12一隻可能貴了一點, 不過都值!
壹碗麵絕對值得再來! 不過就要早點到免得等位...

「一日之計在於晨」, 一個星期的好開始當然在於一個美味的午餐!
一星期普遍都帶4日飯的我, 通常都是開心星期五先外出午餐, 不過今個星期一有事做所以就懶得帶飯盒, 早上openrice左一輪就約同事去食飯! 一向都幾中意食茶餐廳套餐, 有碗熱辣辣既粉麵+炒蛋麵包, 食得飽又有香港特色! 所以今日我叫左特餐食! $27有餐肉通粉(轉麵要加錢), 火腿奄列+餐包, 仲有飲品~餐肉通粉有2塊餐肉係通粉下面, 湯的味道有少少咸不過唔會好味精, 通粉煮得不錯, 軟硬剛剛好! 餐肉雖然不厚, 不過味道適中!火腿奄列炒得幾香! 蛋都是剛熟, 滑嫩的蛋包住火腿口感不錯! 餐包略嫌唔夠熱, 不過配炒蛋一齊食就OK!
其實我地2人仲叫左個咖央多士黎試! 不過唔記得影相, 其實都係普通多士樣 中間塗左層幾厚的黃色咖央醬, 甜甜地再加脆卜卜的多士, 好味!因為沙翁好出名, 所以臨走都買左返公司當下午茶食! 倨沙翁仲大過我拳頭, 外層甜絲絲脆卜卜, 內裡軟綿綿又鬆化! 果然不錯! 只係幾大個食到好飽~
見到其他人都會點午餐食, 而且又係抵食夾大份喎! 可惜去呢到要坐4個叮叮站先到, 下次有時間都可以再食!

十一假期同best friend去左行城門水塘, 呼吸新鮮空氣 因為多親戚住荃灣, 所以我都成日黎呢區飲茶食飯~ 茶樓去得最多, 比較少試其他餐廳...一早聽過BEANS既大名, 奈何唔會同一班親戚去食, 只有耐心等待機會先試!  今日終於係喇!!!  行完山, 小巴係荃灣落車, 而且都係6點半度, 時間尚早就決定去睇下多唔多人, 幸好2邊門都只有各一張枱等緊, 食下午茶既人又陸續離開, 都係等左5分鐘就可以入去喇! BEANS既裝修都係行簡約風, 不過就有種綠色健康同清新既感覺, 非常適合食早餐! menu上真係有多款all-day breakfast供人選擇, simple, deluxe, egg benedict...etc  當然還有其他主菜好似pasta, pizza, 相對地無早餐咁吸引! 另外仲有2張menu係甜品同飲品, 未開始食飯睇到甜品已經好想食! 有幾款綠茶架啦, 又有waffle蛋糕 礙於我地真係幾肚餓, 最後叫左一個pasta+一個breakfast~
忌廉汁蟹肉蟹棒意粉, 賣相唔錯, 見到好多蟹棒係面, 不過我就覺得汁唔夠濃好水, 成個意粉帶少少咸味, 清清地唔膩, 整體都ok唔會食到好濟! Deluxe All-day Breakfast, 呢個真係我食過all-day以來最超值既! 一開始見到menu有2個full set all-day breakfast, 心諗deluxe應該幾貴下...  點知都係$88, 唔貴得黎仲有齊炒蛋腸仔茄汁豆煙肉包, 重點係連煙三文魚都有!!! 真係好抵食! 見到旁邊幾枱都有叫
比高包熱辣辣好脆, 夾住三文魚食好正! 唯一麻麻既係炒蛋太老, 已經變左一舊舊, 無左滑蛋... 其他磨菇腸仔都係一般, 味道唔會話好咸~所有主菜都包一杯普通茶或咖啡, 當然都可以加錢叫特色飲品! 我叫左杯rose latte, 因為知道甜品會食綠茶, 所以飲品就唔飲綠茶類喇...  之前係habitu飲過rose latte, 其實都係latte加左花香甜甜地, 唔會好似coffee咁苦, beans既呢杯同habitu既都幾似, 不過不失~閏蜜唔飲咖啡既都無咩選擇, 所以最後揀左杯紅豆抺茶冰沙(呢杯飲品真係等左好耐...), 我覺得綠茶味唔夠濃, 偏淡...  而且飲唔到紅豆, 要到最後差唔多飲晒先可以食到~食完正餐喇, 終於食甜品喇!!!   叫左甜品後, 侍應幫我地換上小型木製餐具~綠茶梳乎厘! 見到有人推介呢個, 又咁岩食緊主菜個時見到其他人食, 梳乎厘有咁大個真係幾吸引, 所以我地都試返個先! 有d期望過高添... 略欠綠茶味, 只有表而既綠茶粉, 而且太甜, 仲有見到碗邊有糖粒, 食食下好似食沙糖咁... 朱古力流心蛋糕, 一開始睇menu見到流心蛋糕以為係咩新產品, 諗諗下突然醒覺應該係心太軟 因為頭先食左綠茶, 所以心太軟就無叫綠茶揀食朱古力~ 黎到個時見到個蛋糕焗爆左少少, 以為都可以唔流lu, 不過切開都仲有朱古力漿流出黎, 唔錯! 呢個心太軟都算係食過以黎比較比較無咁膩既, 唔會話食到好濟, 不過我唔係好中意食太多朱古力, 都係留返比閏蜜食啦~
係beans坐左都差不多2粒鐘, cafe黎講佢無限時可以慢慢傾慢慢食, 而且座位都算寬敞舒服, 真係幾適合三五知己黎閒話家常! 食物又唔錯收費公道, 侍應態度又唔差, 留下左一個美好的回憶~

又一個晚上跟媽媽約會, 今次帶媽媽黎到我非常喜歡的囍宴! 我對呢度午餐既擔擔麵真係情有獨鍾! 今次終於有機會試下晚餐~避免要自己揀而頭痕, 直接就揀左個2人套餐, 已經有1個前菜4個主菜~ (其實對兩個人黎講真係幾多...)好快已經開始上菜, 首先上枱既當然係前菜泡菜小黃瓜, 個人認為係個頗酸的頭盤, 不過泡菜就唔辣, 算係一個開胃的頭盤! 而且黃瓜切了一刀刀, 酸味更加浸透整個黃瓜 上完前菜不久, 主菜已經陸續登場, 應該話係一齊上枱! 茄子斑腩煲, 身邊有D朋友係不食茄子的, 不過我就幾中意食喎, 尤其係一個熱辣辣既煲入面個D! 炒到香噴噴先放入煲內, 打開煲蓋香味已經四散, 茄子唔會太林, 煙煙韌韌!沙薑雞只係一般, 雞本身唔夠鮮味, 沙薑味都係有醬先有味, 不過雞肉幾滑~時蔬則幾健康, 軟硬適中帶咸味~我比較中意呢個香酥陳皮骨! 炸得黎唔會好油好熱氣, 只係有屠薄薄的炸漿令骨脆脆地! 有陣淡淡陳皮香味, 食幾多都唔會好漏~叩左套餐加甜品仲有特價~ 不過2個人食咁多野梗係飽啦, 所以都係叫一個甜品試下算喇...試下私房的黃金湯圓, 餡入面既蛋黃味似乎唔係好岩我地口味... 我地都覺得怪怪地唔係好夾... 薑水又唔係太辣...
食過晚餐似乎都係午餐抵食D!

打完波真係好鬼肚餓!  諗返轉頭好似離開中學之後就無食過車仔麵, 打完波又突然想食D好好味好肥既麵, 所以就黎左福榮街搵食喇! 呢度有2間車仔麵, 有1間門口有條隊喎, 理論上應該好食D, 我地當然排埋一份啦! (仲聽到後面有個女仔話佢企晒係2間門口前面嗅過, 依家排緊呢間香D, 咁即係無排錯啦! 一路排已經一路揀緊食咩好...  車仔麵好似配河粉夾D~ 再叫左豬大腸, 雞腎, 9菜餃, 八爪魚腐皮卷~ 多辣! 真係好耐無食過豬大腸呢樣好肥既野... 好彩呢度個D又唔算話好肥, 都好易咬開...  9菜餃好足料, 成隻都係菜!
可惜既係食完咁大碗麵都好似唔飽咁, 仲想食多碗添...

話說呢個星期五去左中環同好朋友食飯, 咁佢帶飯但我happi fri當然要搵好野食喇  未去之前已經搵定呢間salad take-away! 好似都無咩係ifc係食過野, 幾乎搵唔到間舖係邊... 係一條我未行過既走廊...
1235去到已經好多人, 又排左一條長龍等買野, 比我見到有onilne order pick-up, 早知就使用呢個服務啦! 不過其實都唔洗排好耐...  一開始擔心salad會唔夠飽, 好似都係食sandwich穩陣少少, 不過見到sit-in既人個碟salad大到... 都係學下foreigner試下salad做lunch!
等左無耐就有人拎個紙袋比我, 行左2步有d口渴諗住飲野發現紙袋入面無左杯飲品!? 好彩未行遠, 返去問佢拎返杯飲品先! 因為呢度無set, 飲品係on top加錢買架嘛!  之後同朋友行左去碼頭個度好好享受喇~叫左個southeast chicken salad(唔係好記得個名...), 原本dressed有customize salad, 可以自己揀配料同醬, 不過時間緊迫都係揀chef choice! 見都幾多人推介呢款就一於試呢個, 雖然salad係清新健康之選, 不過都係有少少肉好食d, 呢個就有雞肉乾, 第一眼以為係合桃乾, 點知食落係肉, 係乾乾地偏硬既質地, 而且用料足都有好多舊下, 食得多咬到有d累, 不過帶點咸味幾好食!
另一樣好特別既配料係西瓜乾! 明明西瓜係濕既水果, 又點樣變成乾呢?!  所謂既乾只係切成一粒粒既西瓜表面無汁流出黎, 但咬落都有西瓜汁係口入面爆開! 係一樣款口感特別但味道清新既配料!加左杯avacado mint smoothie, 貪佢清清地唔會飲到好飽肚~ 不過我就覺得無咩味, 只有好淡好淡既牛油果香... 唔算好突出...
其實間中食下salad做lunch真係唔錯! 而且呢間既沙律夠晒大份, 食極都唔完唔洗驚唔夠飽! 如果係太古開返間就好喇!  ;)

其實我就好少出去happy friday既, 今個星期幸運地約齊大學的projectmate黎一次gathering! 真係一個難得既happy friday! 因為有1位朋友工作地點比較遠, 所以晚餐時間都拖後左, 反正table18話830開始派飛, 咁我地不差等多一回, 而且自去年於德國旅行後都未食過德國菜, 真係有點想念肉腸同豬手!
裝修頗有酒吧味道, 掛牆裝飾吊燈畫略帶點德國風情, 適逄我地坐係較入面的一個角落, 感覺好似完全去左另一個國度, 不在香港了...Smoked Salmon Pizza: 都幾中意呢個pizza, 味道唔太濃又脆卜卜, 不過始終中意厚底少少既pizza, 口感好d嘛Carbonara Green Noodles: 一向都中意食carbonara又中意綠茶, 今次見到二合為一仲唔揀! 同普遍卞邦尼有D唔同, 無咁creamy同重芝士, 所以食多D都唔覺得膩, 綠茶麵我就食唔出綠茶味, 我諗都係顏色上同感覺上好似健康左, 無咁肥~ 不過係好食既!Sausage Mix: 雖然腸仔話加工食品, 唔應該食咁多既, 不過我真係幾中意食腸! 本人覺得粗d既腸好食D, 因為味道濃d好咬d... 不過呢盤mix既腸我唔係好分到唔同腸既味道, 好似全部差不多都唔係好咸個種, 食落唔會好加工feel~Grilled Ribs: 可以揀6或12件, 我地6個人又有3位男士所以都係叫左大份既, 每次食物黎到我就係中意薯條多個主角 呢個ribs屬於多肉款, 而且肉已經好離骨, 用刀叉都好易食, 我就覺得麻麻, 質地偏乾欠juicy感, 係勝在醬汁不錯而且大舊!食德國菜點可以唔食豬手呢!!! 餐廳好貼心係原隻豬手上枱後會幫客人切埋先再上枱, 唔洗我地好似打仗咁分唔到xp  豬手反而比到我驚喜! 個皮好脆, 肥都食左先算! 而且肉鬆軟得黎唔會散晒, 有口感! 不過呢餐真係食得太多肉, 去到呢刻已經好飽喇...係bar restaurant食飯當然要叫飲品, 原本想飲cocktails既, 不過又比summer special吸引住! 點知黎到之後點解同相差咁遠既??? 一開始連士多啤梨粒都無, waiter仲要話係mango smoothie, 真係一度懷疑佢拎錯飲品黎囉....   跟住要求佢比返d士多啤梨粒, 再上枱個時已經溶左d, 唔係咁冰...  不過味道都ok既, 有芒果甜同少少酸, 都係一個開胃既飲品~  如果可以跟圖片接近d會更好...
不過總括黎講, 呢度服務都唔錯, 環境都唔錯適合想傾多d計既聚會, 但上菜就比較慢... 有樹會都仲可以再黎~

B仔涼粉聽就聽得多, 都唔係未去過, 不過上次得2個人真係食唔晒, 就無機會試~  今次去完hello kitty farm就係元朗覓食, 又有4個人就有機會一試喇!
係未見到涼粉已經有一大堆水果係上面! 真係好多, 瓜都4款, 仲有波蘿荔枝, 食水果都飽左大半...
不過我地又點止叫咁少, 仲叫左雞翼尖同腸粉! 我好中意呢個雞翼尖, 辣辣地好惹味!  一口氣食左4-5隻! 如果覺得辣既可以用涼粉黎解辣...  腸粉都好食! 落單個時仲會問我地要咩醬, 橫掂都唔知有咩醬就要晒啦! $7/4條對4個人黎講真係唔多, 點下麻醬辣醬甜醬都食晒lu...
太得閒既我地, 不知不覺係呢度食下hea下又1個鐘...

商場久不久就要翻新一下, 商舖大執位, 今個星期五同事就提議到新裝修的和民lunch! 到達既時間尚早, 基本上唔洗點等位已經入座了  跟裝修前一樣, 地方仍然很大很寬闊~其實唔係第1次黎和民食lunch, 呢度既lunch set真係多到眼花撩亂, 新裝修完menu都好似有少少改變, 樣樣都非常吸引, 令我地3人唔知點揀好...經過一輪左翻右翻後, 最後我地每人揀左個限定午餐! 我選擇的M餐都幾豐富! 大大盤冷麵再配一碟天婦羅, 天婦羅略嫌過左氣已經林左, 不過不油膩 冷麵都算彈牙, 原本頗乾身, 但沾上醬汁後口感即大大提升!  以為咁就完, no! 仲有2舊雞肉飯糰! 十分足料的飯糰咬下去好實在! 不過味道較淡, 不知道名字都估唔到咩味...  呢個set真係非常飽, 有麵有飯包飲品, 不錯!另一個係豪華魚生飯, 賣相都不錯, 新鮮大大塊魚生舖係飯面, 望到都想去! 同事亦話雖然較貴, 不過都幾好食!新口味黑糖豚角煮, 等左都幾耐先黎到, 見到豚肉非常厚身, 而且都煮到軟林林, 似乎又係另一佳作!
我本人覺得每日精選真係幾吸引, 尤其星期一二, 下次真係唔好留到friday先happy, 黎試下其他set先!

成個夏天都無咩點打風, 突然就出現一個8號風球 幸好與中同的聚會定於星期二, 風球都走了...不過為了避免落大雨, 我們選擇係一個連接地鐵的商場食飯! 朋友就揀左食PIZZA!呢度最大的特色就係可以自己"整"pizza! 大概有2類, $118 classic $148 premium, 可以係預設的材料中揀幾款讓廚師炮製! 我地每種pizza叫左1個, 大約每個6-7個料(無標明上限, 唔知係咪可以全選呢xp), 有好幾款唔同芝士, 我地都係是但揀隻係試, 點知店員見我地個配搭似乎過咸建議我地選另一款芝士 真係唔該晒佢其實呢度仲有d已經配搭好既pizza, 不過一場黎到, 無理由唔自己mix&match架嘛! 買完食物就獲發一塊pizza形既信號裝置, 一有食物預備好, 呢塊pizza就會閃個不停, 提醒你出去拎野食!classic: 我地揀既都係普通既料, 好似波蘿, 腸, 磨菇, 蕃茄醬...  呢個有少少酸酸地, 幾開胃~premium: 揀左palma ham, 火箭菜, 松露醬... 呢個咸左d, 不過我中意有ham既咸味加火箭菜既清新, 所以呢個好食d!5個人食2個pizza點會夠飽, 另外仲叫左個炸野拼盤, 有蟹鉗, 薯條, 洋蔥圈, 芝士等等...  炸得好脆不過幾熱氣, 香口野都係多人爭架喇!
可能因為打風, 都唔係好多人, 長期keep住岩岩坐滿, 我地食完都仲可以傾一輪先走, 係一個美好的晚上