為左個魚燒賣慕名而來，唔講咁多直接上圖 餐牌睇落係咁樣
點知實際係咁樣： 啲魚細就算啦，咁阿師傅你不如就俾少啲飯，唔好搞到我個丼禿頭咁，好唔好？
雖然我都聽過「理想很豐滿，現實很骨感」，大佬我食個飯啫，都要面對殘酷既現實？
魚生係普通地正常，食得出係3種部位咁囉，冇乜特別，純粹係我本人期望過高
蟹膏茶碗蒸夠滑，但我係嚟食刺身丼，如果係成本問題我寧願佢cut走個菜沙同湯，切返大舊小小魚生啦唔該 Btw 閒日下午去係可以包場，有興趣既朋友趁早，唔知佢捱得幾耐，我就唔會再嚟了👋🏻

話說我4月時喺舊鋪食過一次，當時真係完全覺得物超所值，一路都等緊機會返嚟食多次
點知今日一食…對比之下真係覺得有啲失望
又唔係話好差，但唔會特別想食多次囉
1 首先係飲品選擇少左，舊鋪有超正既冷泡茶，依家得返汽水，冇哂特色
2 然後頭盤個8小碟，以前舊鋪會有一兩件刺身，個擺盤係好grand，依家就…有啲一言難盡，我想話我屋企exactly有個一樣既高腳碟，嗰個碟我平時係用嚟餵貓……
3 跟住就到最緊要既蠔啦！舊鋪啲蠔係隻隻都手掌咁大隻，我上次食兩三round都已經飽左，但今次睇張相就知，完全係盲盒咁每round都唔同size，可能依家夏天啲蠔冇咁肥啦🤷‍♀️
4 上次喺舊鋪$498已經有任食串燒，但今次就$598先有，所以冇嗌到唔評論lu，不過覺得唔多抵咁囉

家人生日，特登揀呢間潮菜諗住試下，點知相當失望！
醃蝦＋醃蟹：係入味既，不過冇乜肉
鵝片＋腸：鵝片同腸都入味，豆腐夠滑
魚露花甲：非常普通
川椒雞：啲葉係淋既，完全唔脆，個雞除左油之外咩味都食唔出
芋頭飯：飯炒得幾香口，唔錯
湯：嗌左燉螺同胡椒豬肚，燉螺正常，胡椒豬肚冇乜味
平心而論其實就唔難食既，不過真係相當普通，6個人食左二千幾蚊係完全唔值，嚴重overpriced
最嬲係我哋帶左蛋糕，等左勁耐佢哋先拎上嚟，
諗住影相想叫佢哋抹枱，條友扮聽唔到走左去
上完個蛋糕又冇俾返個保溫袋我🤷‍♀️啲服務仲衰過茶樓

喺樂富返左半年工，成日經過都冇入過去幫襯
點知一試就出事！
個午餐忌廉湯好似水咁，仲衰過茶餐廳
牛柳一睇就知唔係5成，基本上得外面塊皮係煎左，入面完全係生既
是但啦百零蚊我都唔係要求啲咩嘢
點知咬落口仲要係凍既
我其實都掙扎左一下好唔好叫佢煎返熟啲
不過好坦白講佢再煎我都唔覺得會救到舊牛柳
根本正常既廚師都唔會隊舊咁嘢出嚟俾人食
我真係好懷疑人生，呢度有名叫蠔站我偏偏要嚟食牛係咪我既問題呢其實
公道講句就成個餐係得杯熱檸茶最正常

話說今日喺附近上堂，見呢間嘢新新哋，諗住支持下小店啦
咁我就食左個意粉，都正常味道既
但同行朋友個三文魚多士就等左勁耐
然後我個意粉食完啦，佢杯焙茶拿鐵先到
咁我哋見到杯嘢綠色…就好奇怪啦
係焙茶喎，唔係抹茶喎？
焙茶係焙完既茶應該係啡色囉
個店員見到我哋好奇怪個樣，
就問我哋係咪唔滿意杯嘢上面個公仔
咁我哋就問個店員呢杯係咪「焙茶拿鐵」，
佢就好肯定咁答我哋嗰杯綠色既嘢就係「焙茶拿鐵」
然後佢見我哋仲係好奇怪既樣，就同同事講左句「可能佢哋飲開嗰啲係湖水綠色」

下？？Excuse me？？
然後杯嘢係咸架囉…真係黑人問號…🤷‍♀️🤷‍♀️🤷‍♀️

九龍城的泰國餐廳開到成行成市，但賣泰式船河的應該只此一間。
初開時食味道同在曼谷食的一模一樣，幾星期後去食卻覺得湯底淡了一點，
未知是否為了遷就港人口味，但仍非常美味。
而且價錢相宜，中午去食還送甜品，值得推介！

間野開左一排都唔得閒黎食，無他，附近太多選擇！
今日終於的起心肝一試，簡直驚為天人！睇下盒雞幾大盒！餐飲仲要唔係頹爆奶茶咖啡，係西梅汁呀！
份量仲多過平時去食上海野d"前菜"份量既醉雞！
而且酒味濃郁，絕無馬虎！
下次再返去試理個醉蝦先得！

今日係特別日子, 試下平時少食既法國菜....頭盤揀左帶子同鵝肝黑松露蒸蛋....主菜, 想試紅酒牛肉, 不過冇;揀左牛扒同鴨腿甜品有蘋果玫瑰撻同芒果脆脆總括而言, 食物份量偏少; 侍應兼職水吧, 態度親切但難以兼顧所有客人; 不知是人手問題還是法國菜是主張"慢食", 令用餐過程好漫長。不過環境搭救, 整頓飯氣氛愉快, 值得回味。