其實餐廳都有心做pet friendly 有個半室內位可以帶狗 餐廳係一間泰式西式嘅fusion菜 分別叫咗兩個唔同嘅二人餐 前菜有小食拼盤同生蝦刺身 小食拼盤好正常因為全部都係炸嘢 至於個生蝦就令我嚇一跳 佢將每一隻蝦都洗到完全冇晒蝦味得返啲水味 好少可我哋食咗半碟就真係食唔落 之後叫咗冬陰功湯 又係有一種好奇怪嘅感覺 佢唔係話飲但係就唔係平時飲開嘅冬陰功湯 佢個豬頸肉，青咖喱雞同埋慢煮牛扒可以話係唔錯嘅 但好可惜佢大部分嘅泰國菜式都唔好食。。。。係唔好食到我地要搵下場 實在真係唔會再去食 兩個2人餐食咗$9xx 呢個價錢應該有更多更好嘅選擇

食過幾次啲員工次次都好好，對狗仔亦都好友善 只係我每次去，員工都同我講只能夠walk in,無得訂枱，而OpenRice 嘅訂枱都係for無狗仔 我都明好多時帶狗都係先到先得 但我今日去到，佢就同我講full booking ,我就奇怪，點解我食咁多次，員工都話無得訂枱，最多offer我留電話，有枱打比我，我今日嚟就full booking? 之後個長頭髮女員工就話星期六，日係無得訂枱 但我好清楚記得我之前嚟嘅都係平日 佢請示後有另一個女員工出到嚟，話offer一張枱比我，但一點要交枱。當時已經十二點四，之後就講數咁講咗句最多一點半，之後兩個員工就走咗去 同之前去開有個短頭髮嘅女員工態度差勁遠，今次呢個員工態度係勁差勁串！

原本都對呢間充滿希望。。。 但只可以用極難食形容。。。性價比極低 完全唔明點解咁多人食。。。 難怪食完想即刻飛台北。。。 價錢仲要貴嗰隻 衰過茶X 蜜糖台灣腸。。。好似話台灣直送 完全無台灣腸咬落去唧油脂爆出嚟 餃子，又話係台灣直送 就咁用辣油浸住。。。完全無味 芋頭咸蛋黃蛋餅。。。有咸蛋味但無芋頭味 完全同台灣係天同地比 撈麵叫正常。。。但唔係好味 牛肉麵塊牛已經係最出色！可以一戰 佢最出名嘅牛奶麻糬。。。只要期望唔高係可以的 至於佢個珍珠cocktail....係好熟悉嘅藥水味，但唔知點解用baileys 溝出嚟都可以難飲到咁，第一次會飲淨cocktail

早前在OpenRice 看到評語時。已想來嘗試一下少見的Dutch Baby pancake....點知希望愈大，失望愈大 ，祈望甚高的Dutch baby pancake,只係一塊普通pancake 放喺鐵鏄鍋中！完全浪費左$78,塊pancake 只有死甜。。。。普通餅店比佢更好食！其他嘢亦唔見得好食，主菜個煎魚亦附上大量油份！唔明點解呢間嘢會咁高rate!!!!

晚上十點半嘅晚餐，附近除了魚蛋粉，m記，pizza hut之外都無太多選擇
遠處見到兩個高掛紅燈籠，就知道應該有間日本嘢食！
未行到嘅時候以為係一間居酒屋，但行到去原來係一間壽司兼營串燒小店，不過因為商場已經閂門，所以喺門口開枱食。。。
小小的一家食店，食物選擇卻相當之多，有串燒，有壽司，有手卷，有飯團，有定食，花多眼亂。。。重點係價錢超平，可以一次過試多幾樣！
先叫左三文魚同三文魚腩手卷，價錢唔貴但亦絕不欺場，三文魚超厚，而且食到底都仲有三文魚，絕對唔係得外表，大件之餘用料新鮮，呢個價錢超值了！
其他種類壽司亦有水準，唔係一大舊飯，小小餸咁，壽司即握大小岩岩好，唔會好散一夾就散晒！
牛肉飯四五十蚊有埋湯送。。。第一口覺得個飯喊左少少，但食落又ok~~~個湯亦出奇好飲，下次夜晚又多個選擇！

又到了B先生的生日飯。。。過去食過滿意度十足的yamm,保持水準的ruby Tuesday....今年潮住三個條件;生蠔，牛扒同非港島區！千簡萬簡下突然搵到呢間James kitchen，因為見佢個甜品可以用埋朱古力寫birthday都幾ok,但始終食評好壞參半所以未嚟前都驚驚地，點知上到嚟竟然包左埸。。。連B先生都驚一驚，但始終訂左枱就試下先！
睇完menu都係決定叫二人餐。。。因為已經有齊生蠔同牛扒
點餐後先嚟個海鮮拼盤。。。有6隻南非生蠔加2隻翡翠螺！生蠔未食已經聞到係新鮮，一定唔差。。。一食入口就已經覺得個二人餐超值，超級新鮮，有海水味亦唔會太咸，好想encore 咁嘅價錢，喺尖沙咀好難會搵到第二間！至於個翡翠螺都係好正！但得兩隻唔夠喉

食完海鮮就到小食拼盤。。。有個三文魚卷，薯蝦，parma ham salad同炸栗子福袋
三文魚包住芝士濃而不漏，薯絲蝦配芝麻醬派底左油膩感，而另一樣炸物則用溫室豆苗平衡油膩感
好快就嚟餐湯。。。一紅一白
紅湯只見B先生一口接一口咁飲。。。不斷話好飲，但就唔明點解呢間餐廳無人食，至於我的白湯，應該唔可以稱為白湯，佢係實在的磨菇湯，菇味十足，就好似每一口都係磨菇的精華一樣
食完頭盤小食已經覺得自己無簡錯，但最終得分就要睇塊扒煎成點了。。。每上完一道菜waitress 就會換碟，久等的牛扒同黑松露意粉上場，黑松露香味十足。。。。夠晒creamy,非常之香
煎牛排完全做到要求的5成，煎得好靚好香，雖然唔算大塊但over all已經超值左，值得一提嘅係連拌菜都係好新鮮。。。。以紫薯蓉代替一盤的薯蓉十分加分。。。誠意十足
最後甜品上場已經飽到食唔落，但廚師咁有心機唔想浪費
而套餐包嘅白酒亦非常易入口，出奇地好！
已經決定好以後所有節日James kitchen都放入口袋了！

近日發現荃灣有間新冒起的漢堡包。。。。下午茶食就剛好，仲可以順便飲返杯咖啡
話晒我都係一個荃灣人，放假就一於嚟試一試
假期訓到兩三點嚟到四點幾都八九成滿。。。。而且店主好聰明租左門口鋪位，可以利用埋室外空間。。。
未到之前已經決定一試型男漢堡。。。。但如果叫兩個漢堡就太危險，萬一唔好食就。。。。。。
所以另一個我簡左all day breakfast, all day breakfast 都係近年大熱，但同時好少有好質素而又抵食，某啲餐廳一個all day breakfast 收七八十蚊但又好難食，見呢間都係五十幾都值得一試
點知中途有段小插曲，就喺餐具上，有條可愛生動嘅毛毛蟲。。。。。。諗返起都想嘔
服務方面兩位小妹妹都會報以一秒笑容，下秒即刻無左表情，可能太攰啦
嘢食未到先嚟嘢飲，一個簡單嘅拉花，一杯死甜的green tea latte......無綠茶味的，但都可以入口嘅~~~~~~~
嘢食都好快到。。。。份all day breakfast 講真有少少失望，個蒜蓉包竟然都幾好味，炒磨菇有好大陣菇味，我諗未必人人愛食，成碟我最鍾意個炒蛋，炒得幾滑亦好夠味，但因為係炒蛋所以腸仔無得點蛋黃，但最失望就係煙肉，我本身好鍾意食煙肉，但佢煎得好硬好油，連我咁鍾意食都無食晒！btw食all day breakfast 無塊薯餅食下真係覺得差啲嘢咁。。。希望佢可以加多啲選擇啦！
之後到個漢堡包喇。。。。因為個漢堡大受好評，所以我期望都好高，不過希望愈大，真係會失望愈大的
對於呢個型男，我好失望，佢塊漢堡扒食得出用料唔靚，煎得過熟，食落口都係油益味好辛苦，對比同區我知有另一間更好食，價錢都一樣的！所以佢唔係一個合格的漢堡包。。。個汁同啲菜幾新鮮好味都係假，成件事就比塊牛破壞左，油味遮過晒所有味道！失敗左

今日係baby驗明正身嘅大日子，又令我諗返起曾經都去過baby cafe食嘢，不過呢間嘢嘅食物好難食，表面整得好難，不過都係假的 之前從來都無打算會食呢間嘢，但友人見到啲餸好似幾好話想試，咁試下都無防嘅 不過一去到已經好意外，一間中價cafe竟然0 service,位要自己搵，更加唔好諗想要杯水，唔該自己拎。。。。。。 食物方面，好難食。。。難食到成餐飯除左難食都唔知講咩好，其實無諗過西餐都可以用難食嚟形容 係得個湯叫正常啲，但茶餐廳都做到呢個水平~~~所以一啲都唔值 個豬扒仲正！油浸一樣又好咸，好難食，塊豬扒好易切開，但唔係因為用上高級食材，而係用左好多梳打粉 。唯一可取嘅係個薯蓉，但我期望佢會加啲奶同忌廉令成件事更香滑好味！ 個牛就食緊牛根咁，都食唔到亦切唔開嘅~~~ 平時啲菜要嚟平衡肉嘅油膩感，本來有露荀都加左啲分，點知又係油浸一樣，可能已經吸收晒肉啲油，但實在太多先有咁嘅效果！ 總括就係。。。。已blacklist 唔會再有下次，未去過嘅都唔會推薦大家去食 ⼁

韓風吹不斷。。。近日發現荃灣一條修理車的街道出現了突出嘅藍色招牌，環境寬敞岩晒三五知己約會一番！
本身以為只有甜食。。。。但原來都有三四款熱食，下午茶食個意粉share 個甜品就剛好
但由於太餓嘅關係，意粉未影先食了！而今餐跑贏嘅亦竟然係意粉，今次點了卡邦尼意粉，其實都好難會整得唔好食，但我最鍾意係佢汁夠多！
因為對冰點無興趣就點了其他甜品，不過眼見隔離枱都會食淨好多的。。。大家可自行評論
甜品我就點左杯抹茶XXX，可能對佢有太高期望，結果上面嗰兩個麻糬就已經好失望，除左苦我唔知可以講咩！至於飲品係碎朱古力曲奇。。。。啫係oreo,咁亦都係好難唔好飲的。。。。
而三樣嘢多謝$150!!但我覺得唔值的，不過行街攰去坐下或者一大班人去玩係ok的，因為都有提供少量card game!!

 
小小的一個荃灣到處都有好野食...單單一個路德圍就中西日泰包羅萬有

今日雖然嚟到荃灣既[米線街]但選擇咗食西餐

呢間心意餐廳短短一星期內我就光顧了兩次...就因為第一次某人食唔到西冷而不認命

今晚七點就食晚飯....應該想食咩都無問題啦

呢間心意只係SET DINNER都十幾二十款,寅係有排簡

DINNER都係有湯...主菜同飲品

可加$18加小食紅湯比白湯足料....畢竟白湯除了菇都唔會有其他料

不過對於喜愛飲湯的我嚟講...得半碗實在唔夠加了$18有個雞亦食....不過不失啦,算唔錯但雞亦好少會難食好了.....期待的西冷終於嚟到
以$100嚟講呢件西冷好大塊,味道又好食!!!
如果配飯/意粉一個人應該食唔完吧....呢個拿破里牛柳意粉無記錯應該$78
一嚟到我就已經知唔會食得晒
因為又係份量十足
芝士量又夠....大滿足
成個意粉最正係牛柳....入口即溶,不得了
咁既價錢真係物超所值
又食了一餐平靚正晚餐!