鬍鬚哥 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-03-02
聽講近期興支持小店,咁岩前日要去一轉長沙灣,聽講呢區好多小店,咁我就隨便簡左一間魚蛋粉鋪啦。哈哈 咁都竟然比我搵到旬野!!!KEKE 呢間鋪面好細,亦都係得1位阿姐做晒樓面收樓出菜,絕對係一個踢!! 我覺得咁樣先有果種人情味!講真,依家出面D大企業真係完全無果種親切感覺,個個只會操唔正既廣東話,唉!講番正題,難得搵到間正野,就試下好普通既牛腩河,碗河黎到我好意外,點都估唔到竟然有8舊牛腩!!!雖然切到好似叉燒咁既款,好好笑^_^ 但都好唔錯,食落幾爽口,雖然談唔上好頂級,但係整體黎講真係好抵食,因為只需要$22咋!!依家係旺區/出番9龍我肯定100%肯定無可能可以用呢個價錢去食到咁大碗河粉。我真係替呢區市民好欣慰,因為仲可以黎到呢D小店去搵番果鴶人情味!!!! 食完好滿足,因為真係令我無失望,其實香港地仲係呢D地區仲保留到呢D小店,其實大家不方去試下!!!!!!
評分: 味道 4 環境 3 服務 4 衛生 3 抵食 5
2015-03-02
好彩,去到都見到好多人,好彩姐KEKE!! 我地簡左打邊爐,另外再加隻北京填鴨! 用炭架嫁正啊喂,另外混醬有我最欣賞那個花鵰酒, 麻醬。成個醬好香, 好特別~ 火鍋料方面~ 丸類的都滿意, 貢丸, 墨魚丸, 龍蝦丸 非常好味 ~ 花枝片,桂花魚, 其實我唔知係唔係桂花, 不過佢咁講, 肉質鮮美. 海蝦, 都係好大隻, 鮮甜~ 全部都好正,完全接受得到。 另外仲叫左雞絲粉皮, 小籠包, 皮夠薄, 唔易穿, 保留晒d肉汁響裡面. 北京填鴨~ 1食 太耐冇食所以感覺都好正 野食黎講絕對推介, 老店果然係老店~ 別一番風味。
評分: 味道 4 環境 4 服務 5 衛生 4 抵食 3
2015-03-02
辣雞煲就聽得多 芝士味雞煲就第一次聽! 聽朋友講呢間芝士雞煲好正,於是放工走黎試下,搭地鐵去長沙灣站再行約5分鐘左右就到 由於店舖外沒有招牌燈箱 所以好容易行過左 店舖環境衛生乾淨 服務好 上菜速度適中 芝士雞煲香味濃郁,湯底帶有奶香味..入口滑滑~感覺幾新奇而味道都唔錯。料足,口感豐富獨特 食哂啲雞之後可以加其他打邊爐既食材吸埋啲芝士雞汁 好正.......!但芝士雞煲味道濃,容易食, 建議配菜一啲一啲咁加,否則好易食唔哂!同埋食完夜晚勁口乾+口渴。 呢個雞煲冇其他雞煲咁大陣味 食完只有頭髮有味 唔會整到啲衫都有味!值得一大班朋友再過黎一齊煲過!!
評分: 味道 4 環境 4 服務 4 衛生 4 抵食 4
2015-03-02
平日好少出沒黃大仙, 但見十一放假, 就去左黃大仙接媽咪收工, 突然好想食打邊爐, 就黎左食涮得棧 一共叫左肥牛, 帶子, 花膠, 響鈴, 芝心丸, 蟹柳, 生菜, 烏冬. 以下呢幾樣想特別講下, 真係幾好食!!! 首先係肥牛, 佢有2隻, 1隻係澳洲A5, 另一隻係本地手打, 我地叫左個A5, 呢個係細SIZE~ 好香!我唔鍾意食太薄既 肥牛, 呢個厚度岩岩好~平日我都食 唔到幾多塊, 今次我估我食左一半到 花膠不得不提!!!真係好味, 重點係佢只係$58!!!! 好平, 同埋個樣靚仔先, 食個陣真係有花膠樟樟地既感覺! 如果大家黎都可以試下食!!!! 仲有烏冬,都好好味,其他既配料同一般出面食打邊爐配料差唔多~ 岩岩好食曬冇浪費 另外佢d 員工係幾有禮貌, 起碼唔會黑面同 hea 你. 同埋新裝修, 個場當然係好乾淨, 裝修都好靚, 但對黃大仙嘅街坊來講算幾好啦,唔錯。
評分: 味道 5 環境 4 服務 4 衛生 4 抵食 5
2015-03-02
牛方面嗌左手切牛同美國肥牛牛舌,雪花肥牛粒等等.....首先係牛舌,好爽口,薄薄的,唔會有so味。雪花肥牛,口感超好,入口就融,好正。本地手切牛肉,反而冇其他咁好味,但係$$最貴,不過係最有肉味既一款。 叫咗好多海鮮~ 生蠔, 貴花蚌, 魚,象拔蚌刺身,樣樣都新鮮同超級鮮甜爽口 丸有牛味, 墨魚丸有墨魚味, 蝦丸有蝦味...全部都好新鮮同埋係自製既! 最後叫咗幾個日本雪糕 ~ 波羅, 椰子, 番薯, 柚子..用原個生果裝住, 最好食係番薯, 好有番薯味! 要一提那個鮮瑤柱(HK$88 八隻),唔算貴。店員極力推介話好吃,咁就試下啦,但食完又覺得無乜特別。但唔緊要又唔算太貴,試下無咩所謂! 四色丸都幾唔錯,係鎮店九嬸墨丸﹑牛丸﹑海蝦丸及鯪魚丸,其實幾特別,平時一向都淨係食牛丸嫁咋麻,海蝦丸都係第一次試,哈哈唔錯唔錯!
評分: 味道 4 環境 4 服務 5 衛生 4 抵食 3
|