千鍋居 (佐敦)

一行三人途經佐敦,唔知食咩,所以唔打唔撞入左去食！人唔多，不過店舖環境係舒服,點解咁講因為真係好寬敞! 依家你去D咩咩酒樓,位置永遠都係痴得好埋,但係呢間餐廳有足夠既空間比你地,唔駛好似同隔離3唔識7個D人食咁.咁就坐低啦，好彩點左幾樣野都唔錯，我最滿意既係蟹雞煲： 我淨係食雞，雞肉吸收蟹既鮮味，讚！友人食蟹，佢話肉質幾「實淨」，都OK。另外椒香桂花魚 - 呢個係我睇相最想試既一味,因為佢有滑魚片,我又係幾鍾意食辣既人!佢既辣係過一陣就會消失
唔似你食一堆紅油,又或者係辣到你出哂汗,麻哂咁,如果你味覺都麻哂,又點知其他野好唔好食呢!呢條魚非常滑,值得一試!
 

峰壽司 (尖沙咀)

峰壽司出左名要等位, 不過好奇怪, 依間峰壽司可能係地底, 無咩人留意到, 每一次黎都唔洗等位! 正!

是晚6位兄弟相約食飯之後再睇戲, 放工黎到都8點半, 十分肚餓, 一個負責寫, 我地叫壽司號碼下單, 之後把點菜紙送給服務員, 不消5分鐘, 壽司刺身熱食便徐徐上台, 真好!

先來的是蟹子蟹柳沙律, 份量很大, 很多蟹子和蟹柳絲, 又新鮮而且配沙律醬味道很配, 醒胃! 之後來了兩盤海膽, 依度的海膽真的很新鮮, 有淡淡的海水味但沒有苦澀味, 正! 炸蝦天婦羅都超抵食$38 6隻, 熱辣辣, 蝦肉彈身爽口, 性價比很高! 最後個人覺得芝士蟹棒又係無得輸, 芝士用火槍燒至微燶溶化入口軟綿綿, 配淡淡的蟹肉味, 一流!!! 我們追加了3次呢!!

結綸: 食壽司想食有質素又想價錢大眾化, 峰壽司是不二之選!

Green Waffle (銅鑼灣)

一月一聚今次朋友揀左依間食waffle既餐廳, 因為ot放工黎到朋友都叫灑餸, 聽講好似叫左個3人餐再加其他野食, 熱食最深刻係個燒春雞, 一般燒雞大多皮好入味, 入面肉頂多滑但係味淡, 但係依隻燒春雞好入味, 唔係醃料既味而係好濃既炭燒味入灑d肉度, 但係肉質不乾食且滑, 要做到咁, 火喉好重要, 十分滿分, 而且半份雞都幾大隻, 我地成7個人都可以分到好多!

主菜食左幾道後, 就到左甜品時間, 我諗肚有一半位置也給waffle填滿, 我地點左3款waffle, 講真, 依度係傳統既比利時waffle, 即係熱辣辣既隔仔窩夫, 上面配不同既醬如朱古力, 士多啤梨等, 再加新鮮水果, 同雪糕係上面一齊食!!!我去比利時旅行吃過一次, 已深深愛上, 估唔到香港而家都開始大熱了!!很好, 又讓我回味!! 三款配搭我最鐘意肉桂香蕉waffle, 好似食緊熱辣辣既蘋果批咁, 但waffle軟綿綿, 好香蛋白味, 配埋雪糕, 一冷一熱, 口感很豐富, 一人吃一件waffle也沒問題!!! 下次會再來!! 而且這裡不限時, 同朋友黎食飯歡聚一流! 仲要每人埋單$97, 超值!!

太平洋咖啡 (尖沙咀)

假日要去睇電腦, 行到累了, 見對面開左間PACIFIC, 之前應該係賣電話, 其實我唔好咖啡, 所以叫左杯熱朱古力, 純粹想搵個地方坐下, 我以為佢會俾熱杯, 估唔到會俾個陶瓷杯, 咁樣保暖好多, 而且上面落左超多CREAM同朱古力醬. 坦白講, 如果係香港, 我會揀STARBUCKS多過PACIFIC, 因為味道款式方面真係STARBUCKS好好多, 但今日有一點改觀, 第一座位多梳化位, 坐得舒服好多, 好仲係度訓左陣, 第二係個朱古力真係好濃好香好滑, 好飲過STARBUCKS多多聲, 所以下次我識揀了!!

Simplylife Bakery Cafe (太古)

依間長期多人, 下午茶時間平日都要等位, 真的很浮誇! 無他的, 他的蛋糕面包真的款款都好好食! 今次經過買左件小小榛子朱古力千層蛋糕, 這個真的做得很出聲, 千層蛋糕味道很濃朱古力很香濃得黎不苦很有層次感, 而且還有很香橙酒味, 令口感更豐富!! 買蛋糕又多一個很好的選擇!!