Mianakata 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-07-04
是日想食寿司,本想去觀塘,但用遙距取票見要等好多張,所以都係返藍田。藍田分店由於是純住宅區,等候時間一般較其他分店短,呢次就等咗5分鐘,仲有卡位坐。 在元氣寿司一向喜歡吃三文魚腩,夠肥美,每次我地兩人起碼會叫6~8件。另外,軟殼蟹手卷又是必吃,不過見今次好似細件咗,物價通漲,咩都縮水(>_<)。其他款式的寿司都好味,保持水準,但見餐牌都加價了! 推介美食: 三文魚腩寿司
評分: 味道 4 環境 4 服務 4 衛生 4 抵食 3
2014-05-10
記得之前天氣晴朗時,我地約咗朋友去行龍脊,須要到筲箕灣搭9號巴士,所以順道睇下有咩好野食。喺OpenRice見到呢間無劣評的餐廳,老公就提議去試下。去到東大街好多人排隊,排的都是好出名嗰間粉麵,反而太爺雞有大把位。其實當時都有窒一窒,點解差幾個舖位食客人數差咁遠。我地當然叫招牌菜,我點了太爺雞拼叉燒飯,老公叫太爺雞肶飯,附送中湯。兩碟飯一上枱,我地不禁覺得,“嘩,好大碟呀!”。食落真係幾好味,太爺雞肉嫩,豉油汁味與雞的配搭很好。吃完呢餐,覺得就算奇貌不揚的餐廳也有好味道,真的希望在外面排隊排到汗流浹背的人可以俾機會試試呢間餐廳。 推介美食: 太爺雞
評分: 味道 4 環境 3 服務 4 衛生 3 抵食 5
|