Mianakata 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-05-10
記得之前天氣晴朗時,我地約咗朋友去行龍脊,須要到筲箕灣搭9號巴士,所以順道睇下有咩好野食。喺OpenRice見到呢間無劣評的餐廳,老公就提議去試下。去到東大街好多人排隊,排的都是好出名嗰間粉麵,反而太爺雞有大把位。其實當時都有窒一窒,點解差幾個舖位食客人數差咁遠。我地當然叫招牌菜,我點了太爺雞拼叉燒飯,老公叫太爺雞肶飯,附送中湯。兩碟飯一上枱,我地不禁覺得,“嘩,好大碟呀!”。食落真係幾好味,太爺雞肉嫩,豉油汁味與雞的配搭很好。吃完呢餐,覺得就算奇貌不揚的餐廳也有好味道,真的希望在外面排隊排到汗流浹背的人可以俾機會試試呢間餐廳。 推介美食: 太爺雞
評分: 味道 4 環境 3 服務 4 衛生 3 抵食 5
2014-05-10
昨晚老公從大陸工幹回來,經過兩天大陸“美食”的洗禮,想同我食餐好的。我喜歡食寿司,他提議到千両,因為我地都未試過。 昨晚落大雨,我地去到是晚上9點幾,估唔到唔洗等位之餘,仲可以坐4人迴轉卡位,位置闊落舒適。我地食咗好多碟呀,以下是小小評價: 1)玉子:單件點的,未試過吃暖的玉子寿司(實際是這樣還是玉子存放在暖的地方太久?)擺在上面的飯很鬆散,好似隨便擺上去的感覺 2)三文魚腩: 我們的至愛,好美味 ,點了3碟 3)軟殼蟹牛油果: 牛油果排得好靚,味道也不錯 4) 帆立貝: 很肥美,可惜感覺有點黃,可能存放時間久了 5) 赤海老: 個人推介,單件點的,海老很新鮮和肥美,我地encore呢款 6) 甜蝦蟹膏軍艦: 蟹膏味一流,是店推寿司之一,一定要試 7)墨魚鬚: 跟上有好似鰻魚醬的甜醬料,賣相一般但味道尚可,可惜飯太鬆散,未夾到我的碟已經散了,要分開吃。 總括來說,大部分寿司都很美味,價格屬中上的連鎖店,可以一試。 推介美食: 赤海老寿司,甜蝦蟹膏軍艦
評分: 味道 3 環境 4 服務 4 衛生 4 抵食 3
2014-05-06
吃晚飯前見人攞住杯朱古力味chocolixir,令我又好想飲返杯 去甘味食完晚餐,即刻落咗去買返杯,我選了limited edition 嘅綠茶白朱古力味(走cream),當時覺得$45幾貴,但飲落就真係值。裡面好多白朱古力碎呀,有啲未完全攪碎,所以飲落有咬口或者可以啜溶啲白朱古力。唯一不足是可能冰太多,入咗三份一已經啜唔上,要等啲冰融先可以繼續飲。不過,實在太好飲,一定會再買過,下次去第二間分店試^^ 推介美食: White Chocolate Matcha Chocolixir
評分: 味道 4 環境 4 服務 4 衛生 4 抵食 3
2014-05-06
放假前夕,不想吃屋企樓下的茶記,想食好少少,去咗APM. 我們帮襯甘味好幾次了,屬商場中規中矩的餐廳,食物質素可以。 今次點了: 1)鐵板牛柳蕃茄湯烏冬: 上枱速度超快,給我第一感覺是: 這些牛是鐵板燒的嗎?心中其實已有答案,但慶幸蕃茄湯和牛柳味道尚可。 2)蟹柳湯烏冬: 湯中加了青椒,味太勁,搶了蟹柳的味道 3)蕃茄芝士年糕: 可能因為我食蕃茄湯麵,吃此小食時已感受不了蕃茄味。但味道不錯,我尤其喜歡中間半融芝士,喜歡芝士的朋友都會喜歡這小食。
評分: 味道 3 環境 3 服務 3 衛生 3 抵食 3
|