已經唔知第幾次嚟呢度，但每次嚟，都食到人地收鋪我地先走🤣一班人食飯好多時傾得計嚟食唔到野，或者食得野嚟又傾唔到計，呢度任飲任食任傾！爽到冇朋友🤣 邊爐前每人仲要揀1款野食，有龍蝦，蠔，酸菜魚同雞煲揀，我地最後揀左蠔同雞煲🤭 之後就到邊爐，有海鮮1盆，牛肉1盆，同埋菜～ 之後其他野任點，不過後面任叫嘅就冇咩海鮮，同埋肉類得牛肉同豬肉2種，冇咩花款。但係佢好開心，有我鐘意嘅鴨血同萵笋😋 野飲種類好多，玻璃樽裝汽水，罐裝有烏龍茶，綠茶，荔枝茶，鳳梨茶，仲有一大堆韓式飲品，紙包飲品，最後唔止食左好多野，仲飲左勁多野，捧住個肚走🤣🤣

見到新開，鋪面又靚靚仔仔即刻試下，我地叫左1杯焙茶，1杯紅茶，買時仲有fb ig offer，有得free upgrade所以要左大杯🤣店員好Nice👍🏻 2杯茶味都好香，雖然本人唔太好奶，但係好茶🤭2種茶味都好出，焙茶真係有烘焙味，紅茶就係偏澀個種，2個茶味好開心，入面仲唔係普通珍珠奶茶啲珍珠，係蕨餅！好特別😋但係老實講，賣相真係麻麻🤣一pat野咁，不過啜落，都食到佢係1粒粒嘅🤣蕨餅粒粒質地偏淋，本身有甜味👍🏻成杯野整嚟講係好味嘅，可惜佢對我嚟講有啲太奶，如果佢第時有出純茶就好喇～

好鐘意飲芝士茶嘅我，之前好多間都飲過，曾經北角有間同名嘅(原來佢地之間完全冇關係)上過我嘅榜首，但之後估計係因為轉左手，芝士已經大不如前，所以我都冇再幫襯過，之後又有國內品牌黎左香港，都試過，都okay唔差嘅，但直到個晚路過呢度，認得就係朋友介紹過，就入去試下 黎到叫左芝士茶，見到都開心，我order要少啲冰(以前北角店我係咁order的)，但店長話佢地唔會落冰，嘻嘻…仲好添浮係面嘅芝士好輕身好滑，但味道依然好rich，就黎想申條脷去食埋個杯邊個啲芝士茶好清唔會澀，成杯野冇冰，但都夠晒凍。我地好好彩，見到店長CowCow，得意到冇朋友，成日撩人玩要人摸，記得唔好同佢講拜拜呀，要講下次見唔係佢會吠你嫁 坐左係店入面一邊同CowCow玩，一邊同2位超級Nice店長傾計，分享左一啲佢地做呢個芝士奶蓋嘅經歷，佢地真係好有心，好堅持！呢度對我黎講雖然就係遠啲，但以後過開黎，我相信都會黎飲我最愛嘅芝士茶

同平時一樣，打完波就去搵野食，今晚大家都好乖，食左晚飯先黎打波，我地就一行人去食甜水好腳頭嘅我地等左幾分鐘就連續有2張枱食完起身出黎可能都夜喇，我想叫個2樣都賣晒，最後比我見到佢～朱古力梳乎厘！老闆話佢地啲梳乎厘要等20分鐘，大家都話okay慢慢食等埋我，雖然最後大家都係秒速食完，又再叫多樣其他野食 正等到我就黎變長頸鹿之際，佢黎喇！熱辣辣！老闆話，梳乎厘一定要整好即刻食先好味，個啲酒店buffet放係光波爐度keep warm個啲，都唔係真係梳乎厘質地嘅。講返個梳乎厘先，見到個樣都已經值回票價，個匙羹一北落去，個頂係脆嘅，入面好鬆好軟，放入口好香朱古力味，又唔會好甜，老闆問我，做咩第1次唔試原味，佢咁講得...應該都唔野少，下次要試返先得，大家見到佢咁吸引，有幾個都試左啖，都覺得好正，不過咁，最後我地又秒速解決左佢，我就好似食左陣風咁，不過呢陣風，真係好好味，哈哈哈哈

因為送機嘅關係，我地香港站checkin左就係附近搵野食，lunch hour都知中環呢個時間搵野食有難度，行過左幾間都排晒隊，竟然呢間冇，daddy就決定入去食個快嘅算數，一入就有位，3位明明有4人枱唔比，指我地去另1張有1個食緊嘅，要我地搭枱，都唔緊要，想做多單生意...明白嘅。 叫左2款餃子，1個藩茄牛肉麵，餃子黎到一咬開...未熟嘅，即刻叫姐姐過黎換左佢，第2轉黎個份放入口食先係feel到係熱嘅，之前個份究竟係擺耐左定係點之後黎左藩茄牛肉麵佢聲稱係台式嘅，黎到冇即刻影相，但個狀態係1碗豉油湯烏冬，有2片牛展嘅物體，中間仲有1堆紅色嘅醬，起初以為佢比錯左辣牛肉麵，但原來個埋係茄醬黎嘅(暈) 不得了... 真係唔怪之得lunch hour都可以唔洗等位，入去咁耐都冇坐滿人... 真係冇下次

本身唔係好食得辣嘅我，無聊係網上睇到一段舊電視劇金玉滿堂，突然間心血來潮好想食麻婆豆腐，老公陪我出去搵左間食過，都止唔到癮，好似唔係嘅satisfied到咁... 咁啱有日同老公都係屋企食lunch就諗住叫粉紅色個間外賣速遞，見到有呢間麻辣派對lunch set有麻婆豆腐，仲有得揀辣度，好貼心，我地就即刻叫左，仲加左個孜然羊肉。黎到個樣真係好驚，好似好辣咁，成盤都紅卜卜，明明只係叫左bb辣，應該唔會咁誇張掛，一食落口，叮一聲， 好好味，豆腐好滑肉又唔鞋口，辣得黎係我食到嘅辣度，送飯冇得頂。老公個孜然羊肉，第一啖放入口，覺得好濃味，可能我本身唔係太鐘意食羊，我怕so味....但慢慢食食下，又好似幾惹味，最後我地連續食左2日一模一樣嘅lunch外賣咩癮都過足晒~

由細到大都係中環長大，婆婆就住結志街，亦係龍記舊店所在地，可以話食龍記燒肉同隔離間魚蛋粉食大自從加拿大返黎，就搬離左中環，冇再食過了。今晚偶然黎中環做野，一個人做完野，正諗住食埋個孤獨飯先返屋企，見到「龍記」，見到「燒味」，仲見到「係門面嘅姨姨」。嘩！呢個配搭仲唔係以前個間？反正又一個人，就直接坐低食呢度，回味下都好以前從來唔會坐低食，必定係外賣返屋企食嘅我，今日第一次坐低係龍記食飯，上左2樓坐，見到佢以前啲掛畫仲係度，好好好好好懷舊！飯黎喇，個樣都幾正，油雞依然好滑，加埋個無敵嘅薑蔥，好味到冇朋友，呢度啲薑蔥唔同出面啲薑蔥，又多油，又淨係得薑，頂多都係得啲好細細粒啲蔥花仔。呢度個薑蔥係大大粒蔥，又唔會比啲油浸過頭(油得濟)，真係好好味，好懷念以前同家姐爭碟薑蔥食嘅日子提外話，師傅比左雞脾我，(心裡妄想)一定係佢地都認得我！雞脾好滑，加埋個油雞皮同無敵嘅薑蔥，冇得輸！另外我都叫左鴨脾，肥美，淨係睇個樣都覺得正，肉又唔會好(鞋)，好juicy，好入味。眼濶肚窄嘅我，食左一半就食唔晒，最後打左包返屋企比媽咪一齊回味下

以前成日跟契爺黎既伊呂波，比我既感覺係好貴好貴，食服務，食靚牛既地方。覺得佢太“高貴”既我，次次都係契爺請我食，一直都冇試過自己黎食 今晚約左剛剛加拿大返黎既daddy，決定肉痛都要請佢食靚肉。 我地1家4口，daddy揀左個家庭餐，咩都有啲，千5蚊左右，但其實我印象中以前係冇餐既，或者咁，所以先覺得佢以前貴。
首先有前菜同沙律，前菜係平時韓國菜個啲前菜，豆芽，KimChi同菠菜，3樣都同其他餐廳一樣，正常味道，但冇咩大驚喜。沙律okay，菜好新鮮爽甜，加埋少少dressing同好多芝士，件事好清爽，好開胃 跟住黎既有煎餅， 簡簡單單，掛住食其他野既關係，我食既時候已經凍左了，但雖然話就話凍左， 但係都幾好味， 相信上枱熱辣辣既時候食，應該都會幾正。 之後黎左一堆海鮮， 有蟹腳有蠔有蝦， 唔食蠔既我將我個份俾埋daddy，佢個樣食得鬼咁滋味， sorry 恕我唔識欣賞。蟹腳好正，佢整得好容易食，燒熟左之後，剪開頭尾，成條肉幾乎一抆就出，蟹肉好鮮味，完全唔洗點野，就咁食就已經好好味。大蝦肉質好彈牙，味道幾好。 接住黎就係肉肉肉肉肉， 初初睇落好似好少，都驚唔夠食， 但其實慢慢食落去原來都好漏。 有牛油帶子，煙肉捲車厘茄，牛舌，雞柳，粟米，腸仔，金菇肥牛卷，煙肉捲蘆筍，仲有當然係呢到既主打牛肉喇。其他野正正常常， 無咩特別， 但係呢度既牛肉真係值得一讚， 原本以為叫餐，啲牛肉應該冇咁靚， 但原來依然咁好味， 好肥美，好香肉汁，有款仲有入口溶化既感覺。
其實食到呢到都已經有d飽，之後仲黎左個芝士牛筋，不得了，食左幾啖已經食唔落lu... 最後仲有個湯同埋飯糰，呢幾樣我都係樣樣食左少少就比埋daddy食 btw...飯糰都幾正，有個醬油比我地一齊燒，邊燒邊搽，好玩又好食，或者因為我一向細食，比晒daddy之後，都堅係有啲滯.... 大家都好滿意呢餐，其實食咩，食幾錢都唔緊要，最緊要有個地方一家人坐埋一齊食餐飯，傾下計。人大左之後，一家人齊人坐埋一齊食飯真係越黎越少。

係屋企附近新開左2間韓國菜，次次經過都想去試下，但次次行過都覺得貴，所以忍住冇衝入去。係呢頭幫男朋友仔買完野，見到呢度原來都有屋企附近新開個間，即刻心裡暗喜，一陣佢黎接我仲唔比我試到？(奸笑)。最後男人都係輸比女人，哈哈哈哈~ 耐唔久都要對自己好啲，食貴少少都不為過呀！嘻嘻…入到黎呢度感覺好多都應該係韓國人，個個都好有禮貌。坐低時候個waitress姐姐打開左我張椅個頂，表示叫我放啲野入去。勁搞笑，張椅係一個大鐵罐咁既，打開面頭個軟墊蓋入面可以storage。真細心，我件毛毛褸食完都唔會太大Barbecue味。坐低睇睇Menu，我地好快就揀左5花腩，雪花牛同我最鐘意既牛舌。

佢地即刻就上前菜，有泡菜，蓮藕同翠玉瓜，之後仲一人有一個沙律同豆腐。翠玉瓜超好味，食完好想叫佢加，但好似都係留返個胃啲位比之後呢野食開心啲。泡菜都幾好，最怕啲太酸既，同以前啲韓妹朋友請我食個啲有啲似，豆腐都唔錯，滑啫啫，有個凍汁拌住，都幾開胃，唯一一樣我麻麻地既係個沙律，因為我硬係形住有wasabi味，但男朋友就話好好味，仲清埋我個碟添。

5花腩黎既時候得2舊，好似好少咁...我錯了，原來之後燒燒下waitress姐姐走過黎同我地剪剪剪，最後變左好多，加上佢好肥美，所以其實都幾filling。牛舌唔洗講，我最愛食品之一，好好味，口感質地煙韌爽口，哈哈哈哈，勁有偏見。之後仲有雪花牛，佢黎既時候個樣靚到不得，煮好食個陣都冇失望，肥同肉之間，肉味好夠，又有啲肉汁唔會鞋，幾好幾好。好似食左好少野咁，但加埋前菜同白飯，其實我已經好滿足，甜品都食唔落了。總括黎講呢個價錢，呢個食物質素，同服務都好滿意。最後一提，佢個枝凍既類似玄米茶既物體都好好味，哈哈哈哈。

Happy Friday Lunch，我地今次因為素食者同事仔有約，所以我地全體人員決定去食肉~ Rah~~ 一直都知呢度有間扒房，但從來都未黎過，今次決定一試！一入到黎就聞到好香，即刻流晒口水，因為我地比較多人既關係，waiter哥哥姐姐都好幫手幫我地左掉右掉，拼到一張長枱比我地。真心覺得佢地好好人，好Nice。等左10分鐘左右，終於成功坐低了。

因為我地一早係等位時揀左野食，所以好快就即刻Order。我叫左Angus Sirloin，原來同 Black Pepper Sirloin係一樣，只係人地有汁我冇汁既分別。

冇問題，因為我依然認為靚扒係應該唔落任何汁的，當我充滿住期望之際，麵包到了。有厚切同薄切2款，薄個款係脆既，但略嫌有啲啲硬。厚個款其實都比較硬，但只少個中間心位置都唔會太乾，有少少軟。食緊包既同時，餐湯黎喇，係我平時好少飲既雜菜湯。話事話，個硬包浸一浸湯食，都幾好味！湯比較大碗，我飲完應該食唔落了，所以冇飲晒。冇幾耐，我既主菜黎喇，唔.........確實賣相唔太吸引，扒好薄，我叫4成的，但一啲肉汁都冇，肉心亦唔係粉紅色。有點失望，正諗緊係唔係師傅過左火之際，同枱既同事都有一樣既問題，叫5成個樣係well cooked既，叫4成既都同我一樣，唔緊要，都試下佢肉質同味道。無言....冇肉味，質感比較"鞋"，傷心爆，仲諗住自己醒目叫冇汁，可以一試呢度既靚扒。總之就失望而回，最後上埋個甜品，芒果so皮，好彩都唔差，幾好幾好。總括黎講，食品試一次就夠，服務就真係抵讚，10分好。