今日同朋友去左行街買寵物野，
行經安安燒, 又見餓就入去坐下食啲野啦！
門口飾面幾靚呀，不過裡面客人就唔多，
一坐低個侍應就同我地講晒所有沽清項目，同是日推介~
但係。。。我地兩位路過無諗住當晚飯食喎！

我地點左一啲串燒：
-燒安格斯牛柳粒
好肉汁，好冧，但亦燒得夠香，唔錯！
-燒雞軟骨肉串
好有咬口，有肉之餘仲有雞軟骨嘅爽脆口感。
-雞泡魚乾
甜味適中，唔會硬
-加多寶
食完串燒直覺上都係要飲下涼茶嘅，味道？都係加多寶味囉！

雖然唔係食正餐，不過坐下飲下野傾下計都幾舒服呀！

今日放假約媽咪去飲茶，之前聽朋友講係觀塘有間食fusion點心又有咖啡同花茶飲，覺得幾得意，就哄左媽咪去試新野。
間店唔係當眼位，係小巷內，好有feel, 好似中環d 小店咁，最緊要係環境好乾淨！入到去都坐得幾舒服。

睇order紙見到好多款fusion點心，傳統點心都有，咁可以就到媽咪食喇。
蟲草花灌湯餃，個湯底夠濃, 媽咪好like.
手工拉腸粉， d 皮好薄好滑，仲整得好過d 酒樓.
Q版炸雲吞配甜酸，夠熱夠脆，一啖過容易食過傳統大大件.
奶皇煎堆仔，我個人鐘意芝麻餡多d, 不過奶皇幾香.
古法馬拉糕，整得夠鬆軟，都ok .
鳳爪就普通少少，冇驚喜.
鐵觀音咖啡，似奶茶+咖啡，不過有拉花，成個mood唔同晒，飲落都幾特別。
我就試榴槤咖啡，好香榴槤味，估唔到咖啡同榴槤原來好夾，滿意！
埋單先知原來唔洗加一，即時覺得好抵呀~~

朋友介紹話呢間雞煲有得揀雞脾!!!心諗: 唔係呱, 咁正! 一定要黎試下啦!訂左檯. 去到就有位.服務員好有禮貌, 細心為我地解釋點樣ORDER.初初其實諗過雞脾雞煲應該可能份量會少好多.......點知唔係! 好多! 真係大滿足!而且雞煲係免費加左豬皮, 個人覺得豬皮係最好味!! 因為吸晒D汁!食完雞煲, 揀左蕃茄湯打邊爐.蕃茄湯本身都好清甜, 就咁飲都OK.加埋落雞煲度, 清甜中帶辣, 用黎打邊爐 GOOD!首先黎碟牛皇, 雪花靚, 入口即溶, 夠牛味.麻辣牛丸, 呢個好O岩鍾意辣既人, 因為真係見到有D辣椒混O係牛丸入面, 而且係有牛味既牛丸.蟶子皇, 普通蟶子皇, 無特別好講.食物其實係滿意的.稍微叫做唔係咁好既係有少少嘈, 可能因為太多人, 而店SIZE又唔太大.不過都唔係太問題.最緊要好味. 或者下次揀宵夜時間黎睇下會唔會少D人, 靜靜地再享受.

咁岩係筲箕灣收工,又好耐無食過串燒.所以就同朋友去左食.食物好多選擇,一黎就簡左個燒茄子、多春魚,同一大堆野食.上野食既速度都唔算慢.你知啦, 燒茄子唔係間間都燒得好食,唔好食果d會燒到好乾,但係呢度都唔錯，幾好食.多春魚燒得岩岩好,燒得又香口又脆. 另外試左果個芝士燒生蠔, 芝士味雖然濃但都無蓋過蠔既鮮味. 整體黎講野食幾好食,服務都ok, 有機會都會再黎

行過就入左黎, 無預約但都有位.
望下餐牌,都幾多野食, 壽司, 刺身, 拉麵, 串燒, 飯等等.

串燒牛舌, 牛味唔夠, 而且被黑椒味蓋過晒....

三文魚刺身, 顏色都幾靚, 以呢個價錢黎講算新鮮.

鯛魚壽司, 鮮甜, 無乜腥味, 幾好.

太子貝拉麵, 元貝好細粒, 無味, 硬硬地. 麵身太淋, 配菜明顯係擺左好耐既貨, 湯底唔好味.

蟹膏蟹柳軍艦, 蟹柳絲, 蟹籽, 蟹膏, 個味都算唔錯, 唔會太腥或無味.

火焰半熟蝦芝士卷, 份量夠! 超多料! 甜蛋, 蟹柳, 青瓜, 芝士片, 牛油果, 軟芝士, 熟蝦, 沙律醬, 蟹籽, 全部都幾好味, 無話特別唔新鮮, 所以一口食落去都幾好味.
 

夜晚11點周圍搵有無一間係可以坐得耐d同食得好少少既地方...原先諗住黎打邊爐..不過最後都係叫左小菜...記得之前呢到係上樓同潮樓..但而家改左做稻香.. 坐低睇下個menu...叫左個雞絲粉皮..蟹子粉絲煲...醬燒茄子..一個燉湯...同埋龍蝦伊麵...好快就上左個雞絲粉皮..應該係一早整好左...所以甘快有得食..其他野就好鬼慢...等左幾個字..雞絲粉皮...好重花生醬味..一般般...之後就上左個湯同茄子..茄子真係煮得好好味..如果送埋飯會仲正..不過叫左2個麵..所以無再叫飯..蟹子粉絲..同個名一樣..係無其他野..剩係得d蔥..麻麻地..唔抵食..到最貴果樣..龍蝦伊麵都幾大碟既..不過食食下既時候..我手多拎左隔離檯張menu睇...見到龍蝦烏冬係118定138...但我地要伊麵就198定188..貴左勁多...即刻後悔叫左伊麵...
因為我地得2個人.所以最後要打包粉絲..茄子..龍蝦伊麵走...餐龐要收外賣盒錢都正常..但酒樓都收..好似有d搞笑...1蚊1個..膠袋0.5/1個..最後收左我地3.5for外賣=.="

呢間雖然係一間酒吧...但佢地煮既野食水準都唔錯...仲好大碟抵食...每次黎都一定會叫我鍾意既田園薯條..大大兜...都係$38...熱狗拼薯條...同埋沙律...
薯條等左2個字到就黎左...其他野就耐左d..等左4-5個字...薯條係粗切..應該係用焗爐焗而唔係炸...熱狗個包就大啦,..但條腸好似細左d...個包都唔錯..係焗過...沙律個汁好似係柚子味..酸酸甜甜好開胃...叫左兩杯啤酒送薯條睇波一流..

如果唔係早排買左團購...都未必會知道有間韓國餐廳係呢個位置....提早左一日booking...本身想book8點..waiter話9點半先有位..甘ok啦..照9點半啦...因為遲左8分鐘..所以要等多4個字先安排到位俾我地..不過都算好彩啦..因為聽到隔離有pair情侶等左個幾鐘...俾著我應該唔食...團購入面包左半隻奶奶雞..因為友人唔食辣...所以揀左唔辣...另外再叫左紫菜包飯...柚子雞翼同餃子...坐左2個字到...終於有野食啦...紫菜包飯同餃子...兩個都係正正常常..無咩特別...之後柚子雞翼..感覺好清新..好味..係用沖水果隻柚子蜜整...跟住就係奶奶雞..係用一個大白色碟裝住...有d雞...薯仔..蘿白...洋蔥...薯粉..甜甜地幾好味..全部野都好入味..由其係薯粉真係好正...如果唔洗排隊..我諗我會成日都黎食

平時揸車經過....今次終於同班fd一齊黎試..可能第二日係紅日啦..所以今日好似俾平時經過見到多人好多...我地7點3左右去到..等到搭9,10先入到去坐..入到去就咋咋臨睇menu揀野食....
我地因為懶得自己燒..所以就揀佢燒埋俾我地....我地叫左個辣豆腐鍋湯..鐵板泡菜炒豬肉...金槍魚紫菜包飯...炒粉絲....泡菜餅..石頭雞肉飯..另外六小碟係大豆芽...波菜..kimchi...蛋卷..薯仔...粉絲....

首先黎左六小碟..碟碟都好好食..由其係薯仔...其他5碟正正常常..之後上個泡菜煎餅...一黎到我覺得似一個紅太陽..哈哈..又圓又大...食落唔錯..好香口..唔會一食落口就成口油...之後金槍魚紫菜包飯同炒粉絲..我個人就麻麻地like金槍魚紫菜包飯..所以就食左一舊算啦...粉絲..因為六小碟入面都有食到...所以呢個係pass..大家都like..豆腐湯同鐵板豬肉..石頭飯都黎埋...豆腐湯就夠辣...豆腐都幾多....鐵板炒豬肉好香好惹味..叫左碗飯送..石頭飯...一般...

3個人叫左甘多樣野..當然係食剩哂啦...所以我地打包左走...最後仲送上d切好左既橙俾我地食...整體上100分俾85分...價格唔貴...味道幾好...服務唔錯...老細係韓國啊叔...但識講廣東話..所以大家唔好甘大聲講壞話啦..hahaha