又到食晏時間，
食來食去都係差唔多，
只不過硬係鍾意哩度有老火湯飲，
哩度嘅湯完全飲唔到味精，
而且好大碗。

至於點心方面，同事就話覺得好食過隔離店，
但我就覺得鳳瓜差啲囉，唔夠入味唔夠淋，
但蝦餃同腸粉都真心好食嘅，因為好足料。
蝦餃個皮夠薄又滑, 蝦肉一D都唔霉, 夠鮮甜.
腸粉都幾好, 皮薄滑, 而食腸粉既靈魂---豉油亦都調得好好味!

我真係好鍾意飲老火湯，但好明顯懶得成日煲.
所以每逢晏晝想飲湯呢，我就黎哩度啦！

又口痕想食下串燒，咁就叫左班friend去安安燒，好多時串燒店都要排隊，我都已經醒水book定位先，點知七點都full, 要七點半先有。
未行到門口已經聞到好香，好似好架勢咁款，但店內唔係太大，坐得有d迫。
用order紙落單，幾好wo, 夠方便清楚，不過填填下會不知不覺order左勁多野食囉！
叫左燒雞泡魚乾，一口甜薯，燒菠蘿，醬燒金菇，燒牛舌，雞亦…真係叫左好多，已經記唔晒！
心水推介：
燒韮菜 - 燒得岩岩好，夠爽wo！
燒鴨舌 - 重口味，但食得過癮！
芝士燒生蠔 - 濃味多汁，滿意！
燒羊架 - 夠嫩，d 肉軟林林，唔錯！
雙重芝士丸 - 一咬喼哂d芝士出黎，芝士味超濃，超正呀~~
食物其實係OK, 但如果空間可以闊返少少就會更好~!

落山林道諗住食牛排, 點知發現變左間雞煲喎.
咁即管試下啦.
坐低先知原來有得鴛鴦鍋, 一邊大辣, 一邊小辣.
鍾意食辣既我真開心!
大辣真係辣, 但又唔係攻擊性既辣, 夠辣得黎又好香!
雞我地就選左雞胸拼雞脾, 雞好滑, 炒得都夠香.
之後就加湯打邊爐. 好多地方食雞煲都係加D水或有少少味既雞湯俾你打邊爐野,
呢度既湯底就同真正火鍋店一樣咁認真,
我地叫左豆腐牛奶湯 AND 瑤柱群翅雞湯.
豆腐牛奶湯好有豆香同奶香, 不過其實用黎淥野食之後其實舊野食上面係唔太食得出豆香同奶香.
瑤柱群翅雞湯應該真係用左好多雞去煲, 直情可以當老火湯咁飲.
邊爐料就無乜野好講, 因為我地得兩個人, 其實食完個雞煲已飽飽地. 只叫左一碟肥牛.
但遠睇 (睇人地檯) 其他野食都應該唔太差.
下次雞煲叫少D, 試多D邊爐料.

琴日屋企無煮飯，所以就同成家人落樓下覓食喇
經過見到安安燒個招牌覺得個名好得意
所以我地就入左去食喇
一坐低我地就叫左d菜呀海鮮咁
燒茄子:夠大份, 唔乾, 加埋d蒜蓉幾好味
燒四季豆:無咩特別, 但係都好食
燒雞泡魚乾: 甜甜地, 好好咬, 好快就比我地o趙哂
玉子燒: 我就唔係好鍾意食蛋, 但食蛋既屋企人就話好好食, 甜得黎都唔會乾
海鮮類就有
蒜蓉燒扇貝: 蒜味好濃, 但都無乾過個鮮味 好味
燒多春魚: 呢個真係掂, 外皮脆, 裡面唔乾仲好嫩
之後仲叫左d肉
車厘茄加果個煙腩真係好味..出奇地夾..但係就覺得少左d
另外仲有個羊肉串. 都係唔會太乾, 羶羶地 唔錯
整體上野食速度都幾快
野食都好味..如果可以大份d就好
有機會都會再黎多次!

入屯門探朋友個BB,
晚飯時間廢事煮飯, 一大班人梗係去D可以啤啤佢既地方.
菜膽雞: 雞肉夠嫩, 夠入味, 好好味.
德國咸豬手: 皮脆, 幫我地起晒肉, 送酒超一流!
蒜蓉炒菜心: 菜唔會老, 炒到入味, 好味.
紅燒BB鴿: 皮脆, 肉嫩, 又係送酒一流!
千島骨: 甜酸味控制得好, 唔會太OVER. 點埋沙律醬食正!
豉椒炒鵝腸: 鵝腸超爽!

宵夜時段,大部分野食都有6折,都算幾抵食,唔知係咪附近太多餐廳,所以呢間野都唔係好多人食

叫左個蟹子沙律, 三文魚刺身, 軟殼蟹手卷, 帶子軟殼蟹卷物,同埋一個壽司拼盤(無特價但都好抵食,好多野),鰻魚壽司同埋鵝肝壽司, 仲有魚餅,.蟹子沙律好大盤,蛋黃醬好好味,唔會好孤寒落得少少, 三文魚刺身,正常新鮮,軟殼蟹手卷就麻麻地, 唔係好鍾意炸到甘多粉,帶子軟殼蟹卷物好味,帶子新鮮,壽司拼盤好多野,有三文魚壽司,加州卷(好味,份量好多,記得好似有8件定10件),蝦壽司,魷魚壽司,仲有唔係好記得,其實食完呢到都夠哂, 魚餅到左,食落有d雪味,應該係即時解凍落去煮

2個人眼寬肚窄,飽到埋完單先醒起鰻魚壽司同鵝肝超司無黎,好彩仲未離開間鋪時發現者,如果唔係就蝕俾佢

平日lunch時間去,所以要等位,平時去開尖沙咀分店,位置方便得多.因為朋友係中環返工,甘就去join埋佢一齊食,好彩無令我失望

每次例牌叫開蔥油雞扒撈丁, 凍檸樂(可樂係罐裝)所以好抵飲, 朋友叫左個心多多撈丁同凍奶茶, 蔥油無論撈咩都係甘正,飯又好,麵又好,所以撈丁實正啦, 雞扒皮好脆口,麵一樣係甘爽,唔會太lam, 朋友話佢個雞翼就麻麻地,太高乾,其他都好好,食食下見到人地食豬仔包,所以我地都叫一個share,奶油豬仔包,有少少失望,因為煉奶少左d,牛油味就好重,如果多返d煉奶會好味好多

今日特別節日,男朋友主動話食我至愛韓國野,甘就去左呢到試下,入門口見到都幾多人,諗住都應該係唔錯

坐低叫完野食就俾左3個前菜,kimchi,翠玉瓜,同埋椰菜花, 翠玉瓜同椰菜花都好味,kimchi就正常啦,叫左個炒宮廷年糕份量好少,配料又無乜,味道甜甜地, 魚片湯, 份量一樣好少, 個湯好辣,因為落得太多黑椒, 仲有一個炒豬肉, 叫左唔辣既,好香好好味,最滿意呢樣, 因為呢到既價錢同份量唔係好吸引所以叫左3樣就走,試過就算

試過黎幾次都買唔到, 一係收左,一係賣哂,今次終於都俾我食到啦,要左個雞飯,送左個湯,都係$20,呢個時勢好難搵到地方有甘平而又好食既飯啦.

豌雞飯, d雞都ok滑,d薑蓉好味,個汁都唔錯,配埋黃薑飯一流,仲有一杯冬瓜湯好正, 女仔食一個夠飽,男仔就可能要多個,不過都係甘啦,$20仲想點,總之一定會再去食,好味夾抵食

本來係諗住去銅鑼灣二期食飯,但因為無位泊車,所以兜去時代廣場泊,見到寫住消費滿200就有3個鐘FREE PARKING,所以就改係時代食,
甘就上OPENRICE睇下呢到有咩好食,見到利小館有好多好評就入左去可能我地去到都9點幾,所以唔算多人,ORDER左小籠包,蝦肉鵝肝炒飯,龍蝦濃湯烏冬+雲吞,四喜烤夫,醉雞,同埋三層肉
ORDER完唔夠5分鐘就有野食, 小籠包好多湯汁好好味,三層肉就一般般,可能太夜去掛,四喜烤夫平時多數都係凍食,但呢間係熱食,
感覺怪怪,但都係好味既,醉雞唔夠味,可以再好d,炒飯好好味,好乾身好香,龍蝦濃湯烏冬+雲吞個湯飲到一滴都無得剩,好好飲呢餐飯超滿意,會再黎食,服務唔錯,價錢唔貴,味道好