原本捻住食下面嗰間嘅，點知上面嗰間等快d，所以就咁就中招！

中招嘅原因係，個爐完全係唔夠熱，燒左半個鐘都係攞過兩轉野，不過咁都未到最離譜。一路食，一路研究有乜好食啦，牛豬雞魚都有，但係得牛煮得過，因為第一就算唔夠熟都冇咁危險，第二，冇咁鹹，佢d鹽好似免費任落咁，得牛肉冇咁鹹。當然，有壽司刺身等等，刺身本身唔係特別好，同放題比差少少，但仲要每人4件，壽司就任攞，梗係啦，飯咋嘛。甜品方面，真係得個甜字。哦，仲有爆谷同買要企響度等成世先捲到少少嘅棉花糖。計我話，呢間野韓燒只係配菜黎.

食左一個鐘，落肚嘅都係 好有限，叫經理黎處理，嘩，黎料！好似求佢咁，講極都唔換台唔換爐！！姓曾個經理仲話：好老實講，呢度張張台都係咁咖嘞，其他人都係咁食！我地出面仲有好多客等緊，你唔中意可以離開讓比等緊嘅人！

雖然佢地早埋單又不斷催，不過我地幾歹都唔早走，食甜品食到夠為止。比兩舊水食甜品，我不如去甜品鋪好過！！

好離譜囉，未見過咁做生意囉！

今次係第一次食牛一，聽講有比較特別嘅乳酪雪糕，加上有肥牛，一於試試。

黎到6：55，攞左113號籌，等到8點都係叫到91號，超級無癮。

9點終於入得喇，食左好多野，牛肉算唔錯，唔太肥唔太瘦，d紋都算平均，豬肉就比較一般啦，不過有牛肉又何必叫豬呢。

個湯係冇預先放湯料嘅，自己可以選擇加菜，番茄，肉丸，芝士腸，等等啦，自助式放題。基本上個湯都好夠味，唔需要外加醬汁。

成晚都食得好滿足，尤其是最尾可以食翻個雪糕。

環境方面，好乾靜，連自助區都乾淨，冷氣都頗足夠，唔會搞到個頭成陣火鍋味。好野都係要等，下次預留多d時間等先。