Lunch set menu 寫omakase sushi 10 pieces and 1 handroll set, 但只係食左9件壽司加1件手卷 由於壽司係逐件上，所以根本冇留意食咗幾多件。但係返到去睇返相，就發現食得九件壽司。因為本身有po相嘅習慣，所以每件壽司都有影低。完全唔明白點解一間中價壽司店 ($300-400 lunch set) 可以犯呢啲錯.. 環境方面店面非常狹窄，真係肥啲都入唔到。加上樓底又低，所以成間鋪好嘈！我同隔離個客差啲就膊頭掂膊頭，完全冇傳統壽司店嗰種簡約同舒服嘅感覺。講返食物質素： - 魚既selection ok - 運用condiment 方面可以更好 - 紫菜唔夠脆 - 第一舊壽司 一夾就散 師傅可能仲係新手 - 最好係 sanma - 最差係uni 有腥味 - 最後竟然無tamagoyaki

當時9:30pm, 見佢營業時間去到10:30pm 諗住有一個鐘時間食 應該ok 男朋友叫左激辣拉麵 我叫左 櫻花蝦沾麵 平心而論叉燒幾淋 好味 但麵質 湯底非常一般 講真我食之前期望無好高 但我估唔到佢地趕住收工 話我知無湯加 （ 我地離開時間係10:15pm, 當時係營業時間內) 食沾麵最後要加熱湯是常識吧 有乜可能佢地無諗到客人有呢個需要 仲要當日有個講日文既疑似老細在埸 如果你係打工 我都明你心態 覺得最後一台客阻你收工 但如果你係老闆都可以咁唔用心 真係同倒米無分別

見到openrice咁多好評 lunch就同個friend去左試

叫左個兩層既海鮮丼$288點知黎到其實好細 味道麻麻 啲飯係䁔既

刺身得三文魚好味 其他吞拿魚 帶子 海膽都好一般 同元氣嗰啲差唔到 下面嗰層有pat屎色既蟹膏 仲要腥腥地 (無影到)

見到個丼咁小 唔夠兩個人分

就叫多左個三色丼$108都係一般 油甘魚仲要酸酸地 一啲都唔好食

另外叫左兩杯乳酸梳打 一杯菠蘿 一杯提子

過左10分鐘 佢話無哂菠蘿 咁好啦 轉做提子

點知黎到佢用cocktail d lowball杯黎裝

但menu係用大好多既高身杯

Order時完全無解釋清楚

之後問佢點解同圖差咁遠

佢就咁話 我地轉左杯 份量無變 落少左冰

所以先睇落細杯左😅😅

總之服務麻麻 刺身麻麻

唯一賣點係食完可以post ig 相

本身諗住食另一間 見到要排隊
咁就上黎睇下啦，見到lunch set都合理又唔洗等
咁就入左去食。
一坐低已經好唔舒服，啲位又逼又窄。
叫左一個西冷扒，一個意粉
本身無諗住影想，因為賣相一般，
但食落真係好難食，所以專登影低寫食評!

個牛扒好老，又乾又un，靠點啲汁先呑得落
薯條係炸好哂擺左好耐咁款，又淋又油
仲有啲所謂既黑椒係就咁上碟嗰時灑上去
擺明煎嗰時係無調味，茶餐廳d扒都好過佢!
仲要收我百幾蚊，好唔知醜囉! 



Carbonara 咁基本都煮唔好，意粉係煮俾bb食? 同al dente爭好遠喎，淋到好似食茶記意粉咁，係咪連計時撈起個麵都唔識，仲好意思收我一舊水？ 啲菇都係罐頭貨色，咁不如我翻屋企開罐金寶湯煮意粉啦-.- 




野飲更加係得啖笑，白色嗰杯係益力多沙冰。完全係偷工減料，將益力多開成1:99? 

總之，倒貼我都唔會再去😒

叫左兩個lunch set 
一個係牛肉麵

麵質方面幾滑同有口感，少少煙韌! 
牛肉炆得好入味，又夠腍😍
湯都好濃味，幾好飲

另一個係三杯雞+肉燥麵

三杯雞不試也罷，得個咸字
肉燥麵就幾好味. 跟餐所以較細碗

之後再叫左雪糕多士

啲多士已經切好哂一粒粒，好易食又脆，仲甜甜地😋 士多啤梨雪糕都好正，加上有cream，夏天食真係一流😆

😥😰😥😰😥😰😥😰
但惡夢就係翻到屋企之後，不斷飲水，好口渴。相信茶木落左唔少味精，食物雖然好味，但之後幾個鐘係咁飲水真係好辛苦！ 
😠😡😠😡😠😡😠😡
應該無下次了!!! 

食之前可能expectation 太高，食完後大失所望😪
叫左個2人餐:
兩碗拉麵+兩個小食+兩罐汽水



男朋友食醬油拉麵，我食地獄拉麵，兩個湯底都普通，似係平價日本料理既拉麵嗰種湯底。麵質似某種韓國即食麵，叉燒都幾韌同鞋，溏心蛋就正常水準，荀就一大陣臭味。


反而小食扳回分數, 炸豆腐調味不錯。而餃子雖然賣相不討好，但皮薄味道幾好。

總括而言，不要抱著過高期望去食，它賣的只是港式拉麵，完全無日本嗰種專業。但價錢頗低，二人餐只需$164。 

兩年前試過食呢間拉麵，就開始愛上食拉麵
食過好多間，最後都係魂拉麵最岩我口味
我叫左辣味，有三文魚肉碎，個湯好特別. 係番茄加豚骨湯，香辣得黎又好飲😍

所有配料都唔馬虎. 栗米好甜, 木耳好脆同爽口, 拉麵係彈牙既粗麵，叉煙夠淋，肥瘦適中，塊紫菜又大又脆. 

而男朋友就叫左原味
最尾連湯都飲哂😋😋😋

等位等左成粒鐘，門口個呀姐西口西面
好啦坐低已經即刻嗌野食
叫左一個三文魚扒，一個黑松露香菇大蝦意粉，一個黑松露蟹肉闊條面
再加薯條，田螺焗薯蓉，瑞士雞翼
同三杯凍朱古力，跟忌廉湯間野好逼，仲要如果格離枱食鐵板就又煙又臭

個湯好普通，尤如罐頭湯開水再啲爛鬼栗米
啲餐包係凍嘅麥包

好快黎左一杯朱古力，個味都ok. 但另外兩杯就擺明漏單
催左佢起碼6次先黎，上面張相可以為証

小食係呃錢，雞翼係煮過龍既鹵水雞翼
薯條同menu張相爭好遠，係番炸，啲皮黑哂
田螺薯蓉好怪，啲田螺係無味，純粹好燶

期間個呀姐d service 好差
叫極都唔應，淨係識話等陣之後走左去三文魚熟得濟仲要有腥味，好明顯唔新鮮
闊條面唔彈牙，好似花園餐廳啲淋意粉，
忌廉汁又唔夠味，蟹肉少得可憐大蝦意粉最正常，個味還可以，但啲意粉無咩口感
一啲都唔彈牙。

最後食到一肚氣，埋單既時候仲要話唔收毫子

我同男朋友成日周圍食拉麵
豚王，魂，博多一幸舍，一風堂，長浜no.1...
好多出名既都食過，見呢間新開就試下啦
下午5點去完全唔洗排，入到去得一個客
待應就企哂係到，啲招呼都ok 
叫左一碗叉燒拉麵，一碗芽菜拉麵 (下面張相)


啲叉燒淋就淋，但偏肥，對我黎講一般。 麵就正常水準，木耳都爽口既。
衰就衰在個湯底，你見相都睇到起哂泡，因為真係好杰，杰得黎係唔好飲。無咩豬骨味，飲落去無鮮甜，仲有啲澀澀地。
最尾埋單發現漏左加錢嗰隻蛋無黎，不過佢都知衰即刻cancel翻。