因為天氣酷熱，所以搵咗呢間刺身飯食，價位幾十至百幾不等，喺太子區嚟講，此價位不算便宜，但尚可接受 先說食物，刺身尚算鮮甜無咩雪味，一齊正常 但服務真係唔掂，其一樓面叫極唔應，唔知佢係唔係真係只負責帶位及收銀，但佢又會行入樓面幫手🤷‍♀️ 跟住我個餐先到，老公個餐要等，之後見其他枱落單後無耐就已經到餐，所以就問職員，叫極唔應嗰位職員企喺我哋枱隔離，我講咗3，4次唔該都唔理我，喺另一職員聽到先問有咩幫到我，跟住就請佢幫手睇睇個餐，好耐都未有，跟住check完只交代一句整緊，要等多陣，其實根本出錯餐俾隔離枱先🤷‍♀️🤷‍♀️🤷‍♀️ 前後共等廚房出多3個餐，先出返俾我哋 我唔知係唔係因為開喺旺角，所以佢地就覺得客人就唔應該要求任何服務 中間比我哋遲落單，又得我一個餐出咗嘅時候，前後成半個鐘有多，完全無人理過係唔係漏咗單，亦無人問過我哋係唔係有嘢争 呢個價位，但呢種服務真係唔會推介

廚師用心制作食品，漢堡包上下都烘到脆邊，甜薯薯條外脆內軟，雞翼炸到很脆，肉質軟滑，仲有肉汁😊 之後店員仲主動提供水，漢堡包點都係第一次咋 Signle 漢堡係100g肉，如果想滿足d可以點double😋

沒有刺身，但每位有4隻生蠔，所以都值回票價，食物種類算多，味道唔錯，無太多殿粉質食物，有即煮麵及即制pancake, refill食物快，員工有禮貌，OpenRice 訂座有85折

到步時18：00, 客人不多，當時侍應several我哋入座，說明限時60分鐘，已經唔係好想食，但因老公想試openrice又多好評所以照入 坐低後點餐，限時但侍應都不主動來下單，仲喺度圍埋傾計 到有位短曲髮侍應嚟落單原本叫龍蝦堡但因限量售完，咁我哋就轉左其他漢堡一人一個，該侍應問我哋要唔要跟餐，當時我哋睇緊要轉邊款漢堡，侍應小姐不斷咁講跟餐最後嗰頁其他飲品，我答佢我要睇轉咩包佢先停 之後我話轉餐，佢問要咩飲品，我話要梳打，佢話要加12蚊，我問36蚊餐跟咩嘢飲，佢即不耐煩咁答其他飲品，因佢嘅態度所以我話唔使，跟住佢侍應同我哋講每人最低消費80蚊，我即話夠架，一人一個包喎，侍應小姐問仲有咩包，其實我哋一早講咗只係佢係咁同我哋講住跟餐其他飲品就無聽我哋講嘢🙄 包嚟到其中一個，食完另一個都未嚟，等多10分鐘左右，侍應小姐問，你哋d嘢食係咪齊晒，當時枱面得一隻碟，我即問你話呢，該侍應就話我想問你哋係咪齊咗嘢食者，我話你哋check唔到單咩，之後佢話check到，緊住就行咗去無理我哋 我再等多5分鐘，我問係咪即係漏咗單，該侍應話係廚房漏咗，依家整返俾你，我話你哋限我60分鐘，依家過咗大半個鐘我點食？該侍應話俾多20分鐘你囉，我話我驚你地趕我哋走者，佢即話咁我有無趕你走呀，之後我老公都忍唔住問佢咩態度，該侍應竟然話覺得佢自己態度好好，所以我真係忍唔住問佢高姓大名😤，之後我老公問佢你哋經理喺唔喺度，該侍應話佢哋店無經理，難怪可以用呢種態度對待客人

烏冬出色外，其他小食也很出色，服務一流，預早訂坐餐廳安排了窗邊位置，可以看到海景😍，唯一就係原來叫酒類是必需加上佐酒小食（20蚊），問題不大，只係如果有多一兩款佐酒小食選擇會開心d, 其他都很滿意，會再幫襯👍

之前已經想試，但walk in無位，只好等下次訂檯再食！ 事隔一個月多，訂好檯，一行四人試試嘉頓除了麵包，還有什麼！ 上到餐廳，裝修很懷舊，開放坐位不多，只有十多張四人檯，難怪沒有walk in 客！ 晩餐價錢中上，依今時今日的香港物價，可以接受！ 同行兩位友人叫了，虎蝦意大利飯，佢哋反映偏淡,飯較硬,蝦over cook 我叫了芝士焗豬扒飯，味道可以，豬扒大塊但是薄身，沒有驚喜 老公叫了墨汁意粉，味道尚可，但係有d炒麵feel ,不過失啦 至於服務方面，我哋book 7:30, 但8點九左右，侍應已經不斷揾碟收，好似要趕客咁咁，水又不再添，到了9點過d仲有侍應走嚟話截單，要先埋單，但餐牌明明寫住last order 2130喎，不過我哋無打算加單，所以先埋都問題唔大，但到9點半過d有個侍應喺未走嗰幾檯客人附近要大力咁放d餐具，在我聽來好似發脾氣加趕客，所以我哋都識趣走人，但其實營業時間係到11:00囉 其實，喺食物加上價錢方面，我都唔打算有下次，但加上侍應們趕客態度，我會叫朋友都唔好幫襯！

因為未夠鐘入場睇戲，所以去食一個early dinner，見到呢間仲有tea set，所以就同男友入去啦﹗

叫咗一個生熟牛肉+牛腩河，同埋火車頭，再加多一個油菜，侍應小姐話有生菜﹑菜芯同通菜擇，我哋選了通菜，之後個經理問我哋同通菜係要點煮，我哋問有咩選，個經理話可以選上湯同馬拉盞，咁我哋話馬拉盞啦﹗

食物嚟到，味道一般，好大碗下，但係d牛腩同牛筋超硬﹗食完口好乾，相信係因為味精啦﹗

之後，食飽飽埋單，一睇張單真係打咗個突，ttl：139.00

之後問返個女經理，我哋係加個12蚊油菜咋喎，點解收我哋4x蚊呢，佢話通菜唔係可以當油菜選，我話係你哋個侍應話可以選通菜，我哋先擇，個經理就話佢係新嚟架﹗

有無搞錯，一句新嚟就算，問我用咩煮嗰個係你囉﹗

最後我哋都照埋嗰張單，但真係有受騙感覺，所以唔會再幫襯呢間店﹗

之前因同事提起這間年輪蛋糕，咁啱去sogo就去會一會佢，見無咩人排隊，所以就心思思買咗58蚊size試下，一打開就好香啦，開頭見到佢有糖係面仲諗，會唔會好甜呢，一試之下唔太甜又好軟熟，一口氣就同男友ko咗佢啦

因為這間店是臨時轉場才決定去的，所以要坐室外，為免等到唔知幾點先有得食，所以室外都無所謂，加上晚上天氣唔算太熱，所以都ok﹗

芝麻羊肉卷：好多涵﹑有肉汁﹑外皮鬆化，好味﹗
手抓羊肉：waiter哥哥推介的，啖啖肉好好味，可點醋或湯汁，本人喜歡點醋多d，而且湯點完都無咩分別，但都係好好味﹗
串燒牛：唔會乾晒，仲係分件上，share食非常好，點埋新彊調味粉，好好味﹗
羊肉手抓麵：羊肉味無咩，有點似乾炒牛肉，不過都幾好味，麵身好彈牙﹗
馬腸釀餅：馬肉腸無咩特別，唔講都真係唔知用馬肉整，個味同個餅身都好似pizza，不過d料唔會整到乾晒，都可以一試﹗

室外環境燈光不足，睇menu好辛苦，同埋睇清楚個肚皮舞show，好咗室外唔會分時段，不過下次去的話會book室內，因為感覺上氣氛好好多，同埋室外有好多人食煙，好在個帳篷設計都幾好，空氣都幾流通，唔係好聞到二手煙味﹗

下次有慶祝活動可以再去^^

經購購得知此餐廳，午餐定食又可以假期使用喎，所以就喺復活節嚟食下啦，上到去環境好靚呀，不過真係無咩人，坐咗成個幾鐘都係得兩﹑三枱客，所以真係要推介下，等佢可以繼續經營先﹗

講返個定食，份量十足，有壽司﹑前菜﹑湯﹑烏冬仲有餐茶添，食材好新鮮，侍應態度都好好，無好似有d團購咁，侍應黑晒口面囉，又無硬sale要加錢轉嘢食，十分分好，熱茶也自動refill，真係值得推介