Zai fe 齋啡

今日尼到apm一田裡面有間麵包車造型既特色咖啡店。聽佢個名就知佢既特別之處就融合了香港本地文化同咖啡。

今次叫左一個pancake set 配搭cappuccino。見佢pancake 有檸檬味咁特別當然要試下啦，點知中伏了，雖然pancake有新鮮檸檬，不過佢基本上係無醬汁既，食落就好似將檸檬汁倒左落pancake再加上糖霜。umm...相當特別。

本來咖啡想試下佢既90+手沖既，點知到佢話無。咁唯有試下cappuccino 同佢既pepper orange 特色咖啡啦。咖啡豆佢用了較經濟既robusta arabica mix，所以咖啡味會比較苦。cappuccino 泡打得很粗，賣相味道都麻麻。而pepper Orange 咖啡就比較好一點，可惜溫度控制麻麻，尼到應該少過50度。同埋。。佢連咖啡匙都無提供，d糖漿痴哂係底。
可能是因為是分店無法維持水準吧？

Kowloon East kitchen

近來香港越來越多私房菜，但是地舖始終是大集團的專利，很多美食都被逼搬到工廠大廈，所以住九龍既朋友千萬不要以為蘇豪先有好野食呀。今次尼到觀塘工廠大廈既Kowloon east kitchen，裝修簡潔舒適，餐廳內有一排大窗和幾幅攝影作品。相信店主也喜歡攝影之人。

Big breakfast
Pork & cheddar sausage, bacon, 2 egg any style, homemade baked beans, roasted potatoes ,grilled tomato ,mushroom ,toast
整個早餐每一味都做得很出色值得一讚係自家製既茄汁焗豆，又大粒又靚既豆令口感味道都非常豐富，把茄汁豆放上微焦的多士上簡直一流另外炒滑蛋也很出色，炒蛋很汁嫩滑配上煙肉，芝士腸和香濃的焗菇食就岩哂。

Fettuccine a matriciana 
意大利煙腩香草闊條麵
一味簡單的美食。意大利菜一向追求材料簡單，只要有蕃茄欖油和麵粉基本上已經做到大部分意大利菜。這餐廳在這簡單菜式上選擇在闊條麵上動功夫，這裡的闊條麵是自家製自家切，彈性和新鮮度都非常高。而蕃茄醬亦調較合適，加上甜美既車厘茄和腌咸的腩肉，很出色。

今次尼到蘭桂坊既bread street kitchen and bar。這間餐廳由地獄廚房既Gordon Ramsay 開辦既英式餐廳。這餐廳非常受歡迎，除了要訂位外，亦都在不同的食評網上榜。

Battered barramundi crushed peas and chips英式炸魚薯條
這裡的焗薯條脆得尼保留左新鮮薯仔既原汁原味。這薯條用新鮮薯仔切條同出邊食既薯條完全係兩個層次。而炸爐魚用上了新鮮的尖吻爐肉嫩味美，用上優質海鹽令魚的鮮味更突出，薯仔的原味亦有所提昇。

Traditional shepherds pie with braised lamb potato purée brioche garlic crumbs
Shepherd's pie 係英國傳統既家庭菜式。用了羊肉肉醬做底，薯蓉為中層，頂層有一塊半溶的濃郁既芝士，上邊加了點脆脆的烘麵包碎。羊肉既味道和芝士既濃味產生了奇妙的感覺，就是很濃郁很滿足。

初初見到佢地咁細碟以為會唔夠食，但係最後食到捧住個肚走。如果大家想試下傳統又美味既英國菜，這間餐廳一定不會令你失望。

勝博殿

一間已經有19年歷史的超級炸豬扒連鎖店。單單在日本和韓國已經有差不多五百間分店，真係不容忽視。今次尼到尖沙咀金馬倫分店，裡面的裝修顯得很專業，用木頭，玻璃和大麻繩作主題。玻璃上刻上了店舖logo，加上投射燈非常醒目，也聰明擔當了分屏的作用。

店內主要售賣炸物，炸豬扒炸蝦炸蠔這些少不了，特別的有一個千層錦豬柳卷和炸蝦餅。豬柳卷有芝士，露荀，紫蘇烏梅三種味道，分別取其香濃，爽脆，開胃的特性。千層錦豬柳卷用上20多層薄薄的豬柳炸成，外面香脆可口，裡面鬆軟多汁，入口即溶！

另一特色就是炸蝦餅。樣子看起來普普通通，不過咬一口變知這個是不一樣的蝦餅。蝦餅內包著粒粒彈牙的鮮蝦肉，可以拈上微酸的日式蛋黃醬或芥辣調味，口感味道也很出色。

此分店最近有一個豬肉烏冬餐，平平地就可以淺嚐此店美味既炸豬扒喇！

Linguini fini 

自從fat angilo 捱唔住離開蘇豪之後，蘇豪舖王就吉左幾個月。最近linguini fini入主了這個舖王，這舖非常開揚，設計以啡色白色為主調，桌子既金屬迷彩，大鐵罐和車胎圓桌帶出了很raw的味道。

這餐廳的set lunch 有一個前菜的buffet，沙律，salami，羊奶芝士等包羅萬有，同時亦有長腳蟹，蝦，蜆等海鮮。煮法，擺法都是比較隨性，Italian style!

Pasta puttanesca 
一個傳統既意大利粉，由蕃茄，蒜片，辣味蕃醬，香葉等烹調而成。如果咩都唔知行入尼食，一定覺得佢呃你錢。由於佢地既手造意粉既size同茶記既意粉相似，而且無咩配料。不過其實意大利人既地道食法係唔鍾意落太多配料，享受手製意大利粉本身既口感。

Prime rib 
雖然佢係好薄，但係牛味很香很濃，絕對唔係掛羊頭賣狗肉。意大利食牛扒既食法通常係將牛扒切到好薄，放在pan上煎，熟得尼又軟身，唔似得美國/澳洲既牛扒越厚越好。佢可以將整個細薯仔炸到好脆，就好似burger shops果種脆薯條咁樣。真係唔錯。

夢想豆花
今次帶大家尼到位於擺花街既夢想豆花，個名有聽過嗎？夢想豆花就係舊年tvb創業節目獲得十萬資助既成功例子。老闆選了中環一個很高難度的地方開業，更高難度的是店舖舖面非常細，入口也非常隱蔽。這店剛開業的時候已經替它擔心，因為之前幾手都係唔夠幾個月就捱唔住（傳聞連正式食肆牌都未拎到）。
這店裝修很特別，舖面只能容納2個座位，用上了繽紛的牆紙感覺新鮮。（靜靜雞話比你知，其實裝修係上手留下的）由於舖面限制，主要生意來源都是外賣。之前有不少人會特登揸車上去買外賣，不過收銀姐姐話因為佔中最近少左好多車上尼賣外賣。（所以各位黃絲記得幫襯下喇）

講下野食先，夢想豆花主要就當然係豆花啦。佢地既豆花用加拿大有機黃豆每日新鮮磨製，而且仲有多種口味適合唔同顧客。有傳統既薑汁/紅豆/杏仁等也有新派既朱古力/焦糖任君選擇。今次我就試左佢既薑汁蘭香子豆花，蘭香子係流行既甜品配料，因為佢既口感獨特而且有趣可以令甜品既層次提昇，加上佢明目通便既特性，真係不錯既食材。豆花既口感香滑，食落口完全無渣，絕對比得上阿婆山水豆腐花。薑汁溫和但係不失薑味，不會辣口刺喉但係薑既香味就留在口腔。蘭香子的咬口，豆花的順滑，薑汁的香純，值得一試！如果豆花唔岩食，這店有豆漿，燒賣，腸粉等小食賣架！

Libertine

今晚尼到蘇豪區PMQ對面既libertine，維基左一下libertine既意思係法國既自由思想哲學，主張脫離社會同宗教既束縛。這間法式餐廳既風格都幾配合佢既名，一個半開放式的前舖連著小量的戶外位置，感覺就是讓人懶洋洋和朋友去飲酒輕鬆的格局，加上巨型的層櫃放置著各式各樣的酒就好像一個屬於自己的世界一樣。

Beef bourguignon with mashed potato 紅酒燉牛肉x奶油薯泥
一個經典既法國菜式，用蕃茄汁作主調紅酒醬汁加上燉林既牛尾肉。林得尼又帶一點𡁻頭，而且肉味也很豐富。而個汁非常好味，肉既鮮味，蕃茄既微酸，加上紅蘿蔔既甜味和薯蓉既味道非常配合，差點連碟都食埋。

Calves liver and bacon. 牛肝與煙肉
一個很特別菜式，原來19-20世紀熱門既蘇格蘭菜式。上粉煎香既牛肝配上燒汁，薯蓉同沙律。平時既西餐廳比較少食到既內臟，反而會出現在法式餐廳既餐牌上。鵝肝鴨肝都係法國人愛食既東西。當然牛肝就無鵝肝果種入口即融啦，如果你忍受到牛肝既騷味其實都值得試一試。不過煙肉同牛肝有咩微妙關係我仲未發現到。

今次叫左一杯有汽既白酒，口味清新。酸酸的青葡萄又帶點甘味。真適合晚上和朋友一起分享。

Wilbur's
今次繼續係PMQ掃蕩美食，尼到4樓位於花園對出既wilbur's。餐廳外面有幾張長枱，被四周既草木環抱風景怡人，感覺很舒服。餐廳裡面主用木既裝飾加上有點牛仔感覺吊燈。最正既係佢係露台位置放既枱，雖然唔係景色優美但很適合一班朋友去傾計hea下。
佢有唔同國家唔同風味既美食，由派對小食至沙律，墨西哥卷餅，漢堡。仲有ribs,龍蝦甚至係炒飯添。而飲品方面，有生果汁，smoothies，唔同既cocktail, mocktail。飲品很全面。Big breakfast
Sausage 腸仔既用料唔錯，皮脆無筋steak 一個有扒既早餐真係少之又少，雖然算唔上係頂級牛肉，但肉味都算唔差。bacon 炸得非常脆既煙肉smoky 既味道非常濃郁。egg 蛋有點太熟，唔算最滑但有蔥花同煙肉碎，都唔差既。仲有tomato， bean with toast。一個非常豐富，質素高既大早餐！安格斯漢堡
我唔算係一個食漢堡既常客，但係這個漢堡真係好正！先講下d配菜，漢堡當然係配上傳統既薯菜啦。連皮炸既薯條非常好食，外脆內軟而特製既茄汁亦都係很香很強茄味。個沙律菜亦都好有誠意地用上5-6款既新鮮蔬菜，仲加入新鮮mozz芝士粒，非常豐富多彩。咖啡
佢地用上左名機 la mazzoco。咖啡用上左南美既blend 豆，苦味比較出而凍左之後有點似酒既味道。不過飲咖啡都係去咖啡店好d。

料理農務 sohofama今日尼到元創方，由G。O。D。住好D開既中餐聽。餐廳以有機做主題，很多菜式也提供轉換成素菜/不含麩質的選擇。有去過/聽過住好d傢俬都知佢地係將創意同本土風味再加入玩味重抵死搞笑既style。這次也不例外，剩係聽個名就知佢本土同搞野既風格。裝修方面餐廳特意用了舊式大廈既黑鐵窗框把餐廳和零售店分開。店內也有很多香港6-70年代的廣告掛畫。特別要讚一讚佢既飲品吧和戶外花園，飲品吧後面方了中醫常用既百子櫃，亦加上唔少中式裝置，很有feel。戶外花園既木感設計令到成個環境好舒服，很吸引。不過到底有機材料碰上濃味既中菜會唔會擦出火花？睇睇啦。浪慢牛包
這個有趣既名字其實係
由聲稱慢48小時既美國牛柳，黃瓜片和沙律菜加上燒汁，再用蒸包片夾住上。牛柳肉味不錯，質感類似煎牛扒，不過兩啖就會食哂。而且我覺得高質既食材並唔應該用太多既味蓋過左佢既原味。這種食法我建議用慢炆的方法，把肉炆至完全入味軟法至梅菜扣肉的感覺，這樣就不需要用燒汁，而令肉入味。黑毛豬奶奶津白
用上左48個月既黑毛豬碎代替傳統既金華火腿，再用一個較漿既白汁配在津白上。認真說，這道菜很麻麻。第一，黑毛豬碎代替唔到金華火腿既角色。無錯佢地基本上係同一樣做法，但係黑毛豬既味道唔夠金華火腿濃做唔到點晴效果，加上黑毛豬碎份量太少根本食不出他的香味。第二，津白唔靚，又碎又細塊唔似人地酒樓原條上。第三，白汁太稠甚至有結塊情況。這個價錢根本不合格。洋洲炒飯
這味是三味菜中最好的一味。炒飯配料包括蝦粒，菜心粒，豬肉粒，蔥等楊州炒飯配料。比較特別的是他加上黑毛豬火腿碎。今次的火腿碎就真的做了點晴作用，為炒飯帶來特別的香味。豬肉用上有機豬肉，和平時既豬肉味道確有不同。有機飯炒得粒粒分明，亦唔算油膩。可以一試。

Urban bakery works

在置地廣場三樓找到這間裝修新潮既咖啡小食店。在這個地方開小食店主要顧客就係一d有要求既office lady 或者係casual傾生意既人，所以品質一定要有返咁上下。佢有沙律吧滿足office lady既健康需要，仲有麵包，輕怡食物咖啡等食物。佢既裝修黑白分明，風格創新，可惜坐位較少。所以佢地既餐具都係會用外帶餐具，而佢地亦都聰明地用鏡面膠餐具令餐聽感覺不會因樣衰既膠餐具而下降。

流奶黃金牛
 一個非常有趣既配搭，創意十足亦都意外地好好食。其實簡單來說這個菜式就是在牛角包內加入中式奶皇。咸蛋黃既口感香滑味道濃郁，酥皮上加上了曲奇碎和焦糖面。而奶皇同酥皮外脆內軟既口感令到整個包既層次非常豐富。外觀味道也很好而且價錢不算太貴，絕對值得一試。


咖啡
奶打得過熱令牛奶完全失去甜味令到cappuccino 飲落有點似用了脫脂奶的味道。雖然係咁。。如果當Americano 咁飲，咖啡豆既風味係唔差既。

芝士牛角包
牛油既香味，酥皮既微甜和車打芝士既味道異常配合。酥皮經短時間重焗令表皮保持脆身，牛角包既內層鬆軟分明。車打芝士熔在包上，帶來觀感和味道上的提昇。

Orange blossom mint 
這個橙花薄荷葉沙冰味道特別，酸酸既橙花味和薄荷葉碎既組合很清新。和牛角包既濃郁口味剛好相反，非常配合。值得一讚佢地用上真既碎薄荷葉代替常用既薄荷糖漿，果然有誠意。