今日再次尼到cupping room，係上環麥當勞中飲下由今年咖啡大師冠軍咖啡。尼到舖頭見到世界咖啡大師亞軍老闆，香港咖啡大師冠軍同finalist 3位咖啡師坐陣。不過，我唔係尼睇名星既，都要咖啡好飲先得。

巴拿瑪既cold brew咖啡
這種cold brew咖啡不像手沖咁清晰，聞落有好香既提子乾紅酒香味，飲落無咩酸味，但係有好濃郁既紅酒同提子味道，最後有點nutty既finishing 。非常有趣的一種味道，佢既濃郁味道同豐富既口感令我要對cold brew重新定義。

Ethiopia yirgacheffe Aricha 手沖
對比起cold brew，手沖既感覺就相對無咁滿意。可以水粉比例既關係，咖啡相對稀，比茶可能仲稀。香味較弱，有少少nutty既香味。酸味有少少berry但係因為稀了 wine like acidity 同 jelly sweetness 都飲唔出。

咖啡整體很不錯，員工也好像做得很開心的樣子。希望cupping room繼續為咖啡界培育咖啡人才！

Cafe deadend

係普慶坊這條有盡頭的路，cafe deadend 係外國人同休閒一族既聚集地。在這裡就只有coffee bar 和幾張桌在室內，大大的玻璃窗令室內也充滿陽光。加上木造既桌同簡單既裝潢，的確很適合星期六尼hea一下。前題係你要搵到位。。唔怕熱都可以坐外面太陽傘既位置，白白的牆同樹好似置身係西貢既大屋咁。

Cappuccino 
不錯的咖啡，帶點牛奶朱古力味道亦都不失咖啡既甘香。應該係用上一些南美豆，配上明治奶既甜度，同埋咖啡師既拉花的不俗。這種豆建議飲加奶既咖啡飲品會比較好。

Dirty 
有個比較少見既做法，用espresso shot 注落凍既牛奶裡面。望住咖啡從上慢慢污染牛奶的白色，就會明白點解叫做dirty。熱咖啡遇上凍奶有種特別的層次感，由於牛奶較多有點像奶茶的感覺。沒有了牛奶朱古力的味道，剩下有點黑朱古力的finish。有趣。

Poached egg with parma ham
這個菜式整得不錯，用料新鮮味道亦唔差。用一個烘脆既黑麥包做底，包既麥味很重，連火腿/蛋既濃味都不能蓋過。一般餐廳的沙律菜只有兩至三款，最常見有火箭菜同苦苦地既紫色菜。但這個poached egg with parma ham加上四五種的沙律菜，誠意十足。火腿味道香不過有點略咸，流心蛋也很滑。而且擺設美觀，good!

今次尼到原創坊對面既organic 21，由青年協會開既社會企業。佢地用既所有食材都係以有機方法飼養/種植，而餐廳用既全部蔬菜都係由青協有機農莊既有機農夫耕種直送到餐廳作食材。餐廳旁邊亦開了有機食品零售店，讓喜歡有機食材既人仕有個入貨既好地方。

蕃茄汁鮮蝦意粉
意粉應該係用炒煮既方法，在pan上把汁醬和煮好既意粉預先結合才上碟。這樣可以令每一條意粉都佈滿汁醬，更入味。蕃茄醬不是用上預先製成的罐裝醬汁，醬汁偏橙色應該是用蕃茄搞成蓉再加入香料。這樣個做法令醬汁比較稠，細嚼可以味嘗到細細粒既蕃茄蓉。不過我覺得佢地應該加入有機蕃茄粒，更有效利用有機蕃茄既口感同鮮味，令層次提升。蝦亦都係使用新鮮蝦，口感鮮味不俗。如果食物既份量可以增加點就更好了。

三色奄列
用香菇火腿同洋蔥製成的奄列，有機香菇係這道菜式擔當了重要既角色。奄列整體口味比較淡口，主要用火腿作咸味既來源。這樣的做法讓有香菇既鮮味更有效被食客感受得到，而洋蔥獨特既香味就成為很好既陪襯角色。
另外配上有機蕃茄同沙律菜做伴碟
有機蕃茄特別鮮甜多汁，而且色澤紅潤飽滿，果然和普通蕃茄大不同。

順帶一提，佢地既smoothies 特飲唔係用餐廳常用既預製糖漿，而真係用上新鮮生果製成。亦因為佢地唔會加入太多調味料所以有幾甜有幾酸就要睇下當日既收成喇！

今次尼到cafe deco group 在葵芳新開既Berliner。係香港少有專做德國菜既連鎖餐廳，餐廳裝修唔算特別有風味，但係個啤酒吧都算幾靚仔。

香腸拼盤
E個拼盤由四款腸拼成
Nurnberger 
Bratwurst 
Regents burger 
Cheese krainer
老老實實除左d皮硬d軟d同肉質有分別之外我真係唔識食。味道上唔算太有驚喜，不過幾個人一齊分享飲下啤酒都唔錯既。

柏林秘製焗豬手
表皮非常脆，咬開之後有好豐富既骨膠元，肉質都唔太乾，口感嫩滑。味道唔會太咸，調教適中。酸菜也做得唔差，就咁食都唔酸，但係又足以解滯。可惜薯蓉整得唔算特別出色。

火箭菜德國火腿脆皮薄餅
Parma Ham pizza 就食得多，Berliner 用左一種好有趣既方法。佢用左好香既煙薰火腿代替Parma ham, 加上香濃既菇同松子增加口味複雜度，我覺得係一個成功既創意之作。可惜佢地既底皮做得非常軟身，連拎住食都有難度。

Erdinger dunkel 黑啤
隻黑啤既好香，帶有好重既蜜香。口感醇滑，黑啤尼講唔算苦。麥味之後帶蜜甜味，transition 亦都太順不會太突兀。

Erdinger weissbier 白啤
白啤既有好豐富既花蜜香味，佢既氣比較多飲落口既時直頭有點似梳打水之後香麥味蜜甜味一次過湧哂出尼，但係aftertaste 比較弱。

Soulmate coffee
今日慕名而來，尼到葵興工廠區既騷媚咖啡。佢隱藏在工廠大廈既地下，好似一個秘密咖啡基地咁樣。話說佢地曾經係葵涌廣場開店，但係應租金太貴所以就搬離商場。由於地方較偏，多數都係熟客尼幫襯，不過客人都算幾多，好多尼食佢既pasta set。雖然地方細，但係老闆都好親切而且會同客人傾下計，這些街坊小店真係買少見少喇。

Latte 
有很美麗既雙翼天鵝拉花，同埋有一個好有趣既舊式鐵杯造型既杯。感覺好本土，好有特色。味道亦非常唔錯，咖啡豆用上哥斯達尼加，危地馬拉同印尼的拼配。整體味道非常和諧，係一種好適合做奶咖啡既豆。味道有好香既奶油味，有點類似肉桂既印尼香料口味。Harvey 奶讓咖啡有更豐富既甜度同口感。不錯。

藍山手沖
第一次親嚐藍山咖啡，可以用一個比較平民既價錢試下d名牌豆。熱既時候香味係紅茶既香，開始涼下來香味加多點果香。口感body 中等厚滑。味道有好強既honey note, 又帶一點蜜棗既味道。aftertaste 有好強既milk chocolate 味道。味道複雜又豐富，很不錯。

Common ground

今日尼到歲月神偷，同里有親既取景地，永利街。曾經這裡是不毛之地，只有吉舖同流浪貓。不過因為金像電影歲月神偷取景後，政府將永利街附近區域活化左。雖然未算係好熱鬧，不過就開左一間好有味道既咖啡室。咖啡廳既裝修用好多木同深色鐵枝既主題，用上了synesso 咖啡機同mazzer grinder。除此之外仲有一個玻璃櫃陳設左一d designer 既錶，整體感覺很舒服。

Cappuccino and latte
佢地地既餐牌很簡單，咖啡只係用一隻豆。今日係一個澳門既炒豆公司blooom, 這隻blend用上巴西同薩爾瓦多既咖啡豆拼配而成。無錯，同hmv一樣又係巴西同薩爾瓦多。初初飲既時候感覺唔錯，好強烈既dark chocolate 味而且aftertaste好長。不過最後又係比green field 既蛋味蓋過左。其實我係咪同green field有仇呢？個個post都寫衰佢。

檸檬撻
一口嘗下去就有非常新鮮既檸檬味，佢地既檸檬撻會做得偏酸一點令整個感覺很清新。檸檬撻主要就係將檸檬凝乳lemon curd放在曲奇皮上，檸檬凝乳就係雞蛋，檸檬汁等組合而成佢地仲加入左檸檬皮令個curd更有咬口。個曲奇皮亦做得唔錯，整體酸得尼又唔會太刺激，甜得尼又唔會破壞整體平均。

JASPAS 中環店
這間位於蘇豪最中間地段既美國餐廳，早市有brunch 同咖啡，午市有意粉薄餅等比較輕怡既午餐，晚市有燒豬仔骨，牛排，海鮮意粉等主打菜式，當然唔少得夜晚既酒吧啦。簡直係由早到晚留係度都無問題。

Trim and take
土耳其麵包配上牛油果，蘆筍，蕃茄和火箭菜，加上兩隻自選蛋。醬汁由淡既忌廉芝士同酸忌廉製成，配合埋牛油果同自選既poached egg感覺好full好豐富。而盧荀同火箭菜就做左一個調解作用，變返一個清新輕怡既早餐。

JASPAS best 
B for bacon 
煙肉唔會煎得太耐變到硬哂，煎得太香仲有點燒焦既邊，帶出bbq既香味。
E for egg
炒蛋鬆軟都係又唔會太水
S for sausage 
法蘭克福腸味道濃郁，唔會太咸
T for toast
黑麥包增加飽肚感
最後當然唔少得薯餅同沙律襯托出成個豐富又完滿既早餐啦。

尼到沙田新城市既 patisserie tony wong。佢地裝修以白色為主調比人清潔光猛既感覺。加上佢地五顏六色既蛋糕展示櫃，變得格外吸引。

芒果四重奏 mango four play
這個芒果四重奏顧名思義就係有四個由芒果做成既甜品啦。

拿破倫
拿破倫酥皮口感難得既鬆軟，比其他甜品店做得好，主角呂宋香用一片片的方式呈上非常美觀，味道香而不酸亦沒有加上額外的糖漿，保留原始的鮮味。奶黃不會做得太甜而膩口，整體和諧性不錯。果然係鎮店之寶。

雪芭
雪芭好幼滑口感同味道豐富，感覺好似雪糕咁樣。平時既雪芭通常味道很酸，但他們的做法像是雪糕和雪芭的合體，既甜又滑但不會像普通雪糕般被奶味蓋過。上面附有焦糖既酥皮，又是裝飾又好食。

Espuma soup 芒果蓉甜湯

有d似許留山既芒果汁同士多啤梨肉，唔似許留既芒果汁，佢既芒果汁除左無咁甜之外仲巧妙地加入左很幼細的沙冰增加口感和士多啤梨既香味。

Panna cotta
意式奶酪
芒果奶凍，這個奶凍和出面食到既唔同，係流質既。但係奶凍依然好有香既奶味，不過可能奶凍凝固返會更容易進食。

黑加倫子乳酪蛋糕

擁有紫色毛衣的這個小小既一個圓球體內包含左融合左熱情果蓉同具濃郁奶味既乳酪，黑加倫子果蓉同埋一小口既蛋糕。口感非常豐富和有趣，乳酪同黑加倫子味都好出但係又唔會搶了對方的味道，不過果蓉真係酸到咪埋食眼。
托著球型蛋糕既部分都有花過心思，係杏仁味白朱古力包住既曲奇。


北海道忌廉雪芳蛋糕配黑加倫子果子醬

北海道好滑好有奶味，滑到好似植物忌廉咁，但係當然無果種膠口既感覺啦。
雪芳蛋糕密度高，所以比較彈牙。黑加倫子粒做左相反既角色，酸酸地又有咬口。cream同蛋糕既甜同黑加倫子既酸形成左唔錯既配搭。不過成件事好似係一個拆散左既蛋糕，賣相亦不是特別吸引。

尼到全新裝修既中環hmv 分店，佢地改做左舊既hmv主題咖啡店。新店位置更大，裝修非常細膩，有咪架燈飾，唔同唱片封套既咕𠱸，仲有黑膠唱片樣既圓枱。位置頗大，又播放住潮流熱播既歌曲，非常舒適。亦好有心意地特登放左同食物有關既歌詞做玻璃間場。

叫左一個latte 同 特飲R&B
佢地既自家house blend 用上巴西+波利維亞+薩爾瓦多這三種南美洲既平價豆組成。

小智識：薩爾瓦多（西班牙语：El Salvador）是位於中美洲北部的一個國家，為中美洲面積最小之國家，全國面积21,393平方公里。

Latte 
其實就係試下佢house blend 既真正味道，有少少既草藥既味道，加上苦苦地既黑朱古力味做aftertaste，不過由於佢入口既味道好淡，所以比綠田源既蛋味霸佔左咖啡既味道。

r&b 
由白朱古力糖漿同黑朱古力糖漿加入在house blend豆入面。少有既糖漿咖啡唔會蓋過左咖啡既味道，富奶香既白朱古力味填補左佢house blend入口既淡味，aftertaste再帶出強烈既黑朱古力味。

藝術和咖啡的融合

今次尼到海港城既 illy 咖啡店，難得係海港城搵到唔洗等位有質素既咖啡店。店裡面既裝修做得好好，用illy既紅色做主題色，四圍都攞放住illy咖啡罐。仲巧妙地利用將陳列櫃放左柱既四周，陳列著咖啡杯art collection， 茶葉等商品。也留了一個小角放置左家用咖啡機同零售咖啡豆產品，令整個裝修緊貼主題。

希臘式凍泡沫咖啡
雖然係用同一隻既深炒咖啡豆，但係希臘式既做法反而更加帶出佢黑朱古力既味道。所謂希臘式其實就係將冰同奶加入blender搞拌，令泡沫同咖啡融合左，更加香濃。其實大家係連鎖咖啡店飲既freppccino 就係希臘式既做法喇。不過illy 做既希臘式咖啡唔會落太多冰，所以blend完就變成無冰既凍咖啡喇。

Cappuccino 
佢地既cappuccino 雖然都係用同一款illy既dark roast 豆，但係佢反而帶出左奶油同拖肥的味道。最近仲配合商場既主題加上左史路比既圖案，更加吸引喜歡花式咖啡既顧客。