位於何文田梭椏道的精品咖啡店，店面用上了木和石屎等材質去營造一個比較工廠風的感覺。牆身的噴畫和裝飾令店舖更帶有風格。 餐廳除精品咖啡外亦有意粉，麵包等輕食。這次試食了香蒜雞肉燒汁意粉，雞肉鮮嫩而且入味。燒汁意粉份量夠，調味亦恰到好處，甜咸配合令菜色更開胃。 這裡的咖啡也非常特別，單單是手沖咖啡已經有4種single origin 選擇。今次點了他們的特飲，coffee beer。這是一個沒有酒精的咖啡特飲，營造到有啤酒的口感和氣泡。咖啡帶有花香，味道甜酸平衡，餘韻乾淨順口。梳打水既氣泡加上這樣的咖啡實在是夏天的消暑良品。

今日尼到灣仔食午餐，發現這間由兩位年青打理既餐廳。這間小店位置方便，在希雲道的中間，地方雖然不大但係坐得好舒服！老闆很有人情味，跟我介紹他們咖啡的來源產地等。 我點了一個甜酸汁雞腿扒飯午餐，雞扒嫩滑，甜酸汁開胃，份量又足，男士都夠食。午餐仲附送飲品同埋沙律。沙律菜新鮮，用了黑醋醬襯配。 咖啡來源尼自巴西和印尼。用了中深的烘焙度由本地有名烘焙師操刀。咖啡香濃，latte 帶有焦糖和黑朱古力味道！入口順滑而且飲到咖啡甜味。

香港有唔少日式燒肉店，不過質素同價錢差距都幾大。雖然無食過好貴既燒肉店，不過盛八的確係有質素也唔太貴既選擇。

會席二人盛金目鯛雙色蟹子蝦沙律花之戀
山葵龍蝦米紙卷
巴馬臣火腿蟹子沙律前菜幾特別，而且味道也不錯。特別喜歡耶個花之戀，用魚生包著蝦沙律，味道豐富，口感有層次。

香草牛油帆立貝
韓式辛辣醬魷魚
究極車海老佢既韓式辛辣醬不太辣，魷魚很入味，不會怎點汁也很不錯。
帆立貝鮮甜肉厚，香草牛油汁再加上檸檬令鮮味提昇。建議可以點佢既檸檬汁，會令帶子更鮮甜。
海老應該係整盤既主角之一。海老差唔多由中指到手腕咁大隻，食材也算幾新鮮。
澳洲貴族和牛里肌肉
芝士黑七味砂肝
韓式泡菜醬雞腿肉
香草牛油大磨菇和牛當然係日本燒烤唔少既重點啦，牛肉軟身入口即溶，加上佢既燒肉汁簡直正。
泡菜醬雞腿肉，不用怕會很辣，其實也只是輕輕既調味，用雞腿肉就算煮得太熟都唔會好硬。
日式咖啡牛舌炒飯炒飯咖喱香味十足，牛舌也炒得夠林，調味再加強點就更好了。唔夠味可以加少少燒汁，這樣食也不錯。
最後有盛八自家製奶凍，口感不錯，有誠意的。
用不太貴既價錢有咁多款式既肉食，自己燒亦都係幾過引。喜歡日式燒烤可以試試的。

今次收到一個美食app既邀請，尼到k11既泰國餐廳試食。雖然係試食活動，但係我都會實話實說，唔會故意討好。
話說餐廳老闆係悉尼做左40多年既泰菜，希望尼香港大展拳腳。多年既經驗可以係香料運用度就體現出來，泰菜係好濃味既菜式，需要增加層次就一定要識得用香料。
泰式前菜拼盤包括有泰式燒豬頸肉，泰式原隻炸蝦春卷
，泰式生蝦同柳葉包。
豬頸肉燒完才切，外皮微微帶焦，肉質鮮嫩。泰式生蝦加了甜酸汁，一隻唔太夠喉。較特別既係柳葉包，用柳葉包住花生碎，青檸汁，炸紅蔥碎，炸椰絲等，甜甜酸酸，味道口感也頗有層次。
四角豆雞肉沙律用手撕雞肉，四角豆，紫生菜做成既泰式沙律。雞肉新鮮，用上了甜酸汁令沙律更開胃。生洋蔥微微香辣，aftertaste 仲帶點甜味。
冬蔭公冬蔭公係泰菜重要既菜式，同出面既餐廳唔同，這裡既冬蔭公係很濃味，較稠既冬蔭公。而佢果種辣唔係刺口果種辣，而係飲完係喉嚨慢慢滲出尼果種。這湯非常足料，用了大量鮮蝦烹煮令湯好有蝦膏既味道，不過冬蔭公有點太咸，不然就perfect喇！
酥炸魚配金泰特色辣醬最岩懶人食既炸魚，大廚將新鮮既盲曹拆肉落鑊炸。味道分為4個層次，咸味有泰國魚露，甜味有椰子糖，酸味有羅望子汁，辣味有生胡椒串。用了以上既食材，令味道非常豐富有層次而且富有泰國風味。新鮮魚肉有鮮味亦很嫩滑，是我整晚最喜歡的菜式。
馬沙文文咖哩煨牛腱肉大廚話佢地既咖哩係很出名，亦都曾被選為城中最正咖哩之一。馬沙文咖喱係種泰國式嘅咖喱，主要材料係馬沙文咖喱醬、洋蔥、椰奶、椰糖、魚露同月桂葉，煮出嚟比較似橙色，甜中帶辣。而佢既牛腱用slow Cook 既方法，所以佢既質地非常之林同入味。
芒果糯米飯同椰汁糕這餐廳菜式的味道很豐富，而且菜式種類多，風格會係比較甜酸菜式多，所以特別適合華人食。去開果頭藉得一試！
每位大概$250

今次尼到九如坊既盡頭，這店是日本札幌引入既咖哩湯店。餐廳以熊作主題，有好多熊既公仔既畫同裝飾。咖哩方面佢由成30個辣度選擇，由1-5既baby bear 到16-30 既crazy bear 任君選擇（10大概是譚仔小辣吧）。而咖哩汁亦有蕃茄，椰子同蝦三款選擇。
Oink oink 豚肉野菜咖哩飯Hungry bear 雞腿肉配漢堡或豚肉野菜烏冬豚肉是用豚角煮既方式煮，煮得夠林夠入味。漢堡調味也調得不錯，不會像平時的漢堡扒淡淡的，而雞腿亦煮得很嫩滑。肉類整體處理是不錯的。咖哩湯方面，5度辣比較能夠食出湯既唔同味道，而10度辣就會比較刺激。咖哩蝦湯既味道幾鮮亦唔太咸，食完仲可以飲哂佢。不過問題就尼喇，佢淡到可以飲哂就即係送唔到飯啦！的確無錯，對比起平時食開既咖哩佢實在係比較難送飯，所以叫拉麵/烏冬會比較好。

這種食法其實都算幾特別既，不過感覺上性價比較低。喜歡似新野既朋友可以試下。

話說有一日既下午茶時間我經過深水埗，之後行左入間日本炸豬扒店。跟住我驚見29蚊既滑蛋豬扒飯下午茶餐，食完之後我不禁講左一句，這店幾年後一定旺過吉野家！

豚肉山壽喜燒煱烏冬$69濃郁既濃湯上有一座豚肉建成既豚肉山，加上鍋肉既雞肉，大量既黃牙白，仲有生蛋一隻。你唔好以為平佢就比d垃圾豬肉你食，事實上佢既豬肉比你去咩佳買既更有豬肉味，實在無得彈。原來佢既豬肉係美國進口，而雞蛋亦都係日本產，實在難以想像佢個價點計出尼。
吉列豬扒黃金餅定食$75黃金餅用較肥既豬肉碎整成豬肉餅，肉質特別林同juicy 。吉列豬扒炸得非常鬆化，豬肉味豐富。佢既豬扒汁同芝麻汁亦調較得很合適。
定食附送既麵豉湯亦都非常足料，有豬肉同蘿蔔，很有誠意。
我唔算食過太多炸豬扒店，但係我可以講這裡的豬扒絕對在平時百幾蚊一個人既炸豬扒店之上。絕對值得特登去試！

在九如坊附近越來越多不同菜式既餐廳，今次尼到這間法國餐廳，裝修別具心思，有不同既海報同擺設帶出濃厚既法國/航海感覺。
House salted brandade, soft egg, piment d’ espelette非常豐富既奶油鱈魚魚羹多士，用奶油塗上鱈魚碎做既魚醬，上面加一隻半熟蛋。這個菜式很特別，味道十分豐富。是一個很適合早餐食既菜式。
Grilled eggplant, pumpkin & Brie saladOven baked miso cod with potatoes鱈魚一向都我最喜愛既魚種之一，佢既嫩滑同油香絕對係好多魚類之上。這餐廳的做法令魚肉焗出來不像汁煮咁林，焗出來的魚比較乾身亦都比較爽口，但是嫩滑肉質和油份還是能夠保存。味道不算太濃，不過也算入味。
Braised oxtail saffron risotto這個炆牛尾意大利飯把大大舊既牛尾放在意大利飯上，牛尾炆得幾夠林。不過牛尾同飯既調味可以再加多一點，那就更好了。
Blue cheese gelato一個好獨特既gelato 口味，咸咸甜甜再加上blue cheese 既味道，喜歡藍芝士既朋友一定要試試。
整體其實算不錯的, 不過價錢有點貴。去開可以試試。

聞名佐敦既印度廚師多國菜瑪拉小廚分店殺到入尼soho, 話說這餐廳係由一位係印尼知名廚藝學院學西餐既印尼人開，所以菜式會有印度和意大利菜的fusion。中環店用一個半酒吧的形式運作，裝修簡單，燈光較暗，有cocktail ，生啤供應。
印度烤雞沙律洋蔥，青瓜，蘿蔔，羅馬生菜，菠蘿，菊苣，黃椒，西生菜，車厘茄，印度烤雞淋上香草乳酪汁
這沙律份量很大，可以3-4人分享也可，菠蘿是新鮮菠蘿，瓜菜也嘗出先很新鮮。印度烤雞加入了印度香料烤至乾身，香草乳酪醬和菠蘿配合，令沙律更清新開胃。
墨汁餅底薄餅 mix 招牌四季薄餅本來應該是墨汁餅底, 因新店開張人流不夠, 所以要訂。材料有蟹肉，檸檬，車厘茄，蘑菇片，龍蝦肉，紅辣椒葉，檸檬葉加上甜辣醬。
很足料的薄餅，能夠清清楚楚食到大大粒既龍蝦肉同蟹肉。這薄餅的味道很鮮，加上檸檬汁和檸檬葉等香料令薄餅非常好食。
四季薄餅由印第安醃製五香雞肉，新鮮菠菜，烤薯仔，蘑菇加甜辣醬和酸忌廉作材料
一個很獨特的薄餅，用薯仔同菠菜做底，加上雞肉等配料。煮淋左既薯仔令薄餅非常豐富，酸忌廉加上甜辣醬的酸味恰好為薯仔的膩感帶來衝擊。
南印度風味咖喱牛用了腰果和椰子油做的咖喱醬
牛腩炆得非常淋同入味，加了椰子油的咖喱很香很滑，鍾意食咖喱既朋友不容錯過喇。
味道不錯, 特別喜歡他的薄餅, 創新之餘也很有水準。去開可以試一試。

今次尼到尖沙咀既美食重地厚福街，這裡的餐廳經常交替，而能夠留下的都是強者。今次尼到這個以海鮮作主打既美式餐廳，這裡的裝修很有海洋風味，藍白黑色的配搭，落地玻璃既開揚感，加上一些海洋風格的裝飾。
餐廳其中既特式菜就係一個叫海鮮袋既海鮮拼盤。

新奧爾良雜錦海鮮袋這個午餐版的海鮮袋有螺，八爪魚，墨魚，蜆，蝦，德國白肉腸，新薯和原條粟米。
而醬汁用上了Cajun辣粉蒜蓉汁。這個海鮮袋可算是一個鮮味的集合，海鮮袋用了密封袋烹煮，令海鮮煮出來的精華一點也不會流失，而且不同海鮮既精華都被底下的新薯和粟米全數吸收，十分美味。那個辣粉蒜蓉汁也很過癮，咸香蒜蓉帶微微辣味，海鮮食完我將麵包都放進去點汁。

香草海鮮忌廉意粉洋蔥，basil 白酒忌廉汁
雜錦海鮮包括了八爪魚，魚肉，蝦等。
這個意粉比較下就無咁出色，因為忌廉太多同埋太黏既關係令到個汁實在十分膩，特別如果放左一陣簡直變左一舊。而且雪藏海鮮沒有怎樣特別處理，沒有鮮味之餘調味也不足。
這間其實也不差的，海鮮袋值得一試。

今次尼到越開越旺既環球fusion 菜連鎖Apple green。Apple green 既裝修風格都係以淺木同紅橙色調為主，餐廳光猛裝修簡簡單單也不太擠逼。佢既菜式主要以美國/墨西哥菜和意大利菜作主調，但係亦有冬蔭沙律或照燒汁漢堡等歐日fusion。選擇很多，仲有就係佢好似每間分店都唔同餐牌架。
蜜糖手造意大利辣肉薄餅有別於坊間既意式薄餅，這個薄餅是較脆和較硬那種墨西哥脆餅。醬汁係蜜糖香草汁，微微帶甜既忌廉香草汁。配料用上了切粒既水牛芝士，薯仔，新鮮茴香和碎辣肉。這菜式的味道較清淡，但是配搭和香味也很配合。蜜糖汁的甜酸蛋黃醬味，茴香的香味，水牛芝士的口感，各施其職。

牙買加醬燒辣雞翼很特別的醬汁，用麝香草做成的風味醬汁，很濃的麝香草味道，微微帶辣。再灑上青檸汁味道清新特別。雞翼煎過後肉有點太實，唔夠鬆軟。可能有腌得太耐吧？不過整體味道也不錯，可以一試。

漢堡芝士通粉芝士通粉Mac & cheese 係美國很流行既家庭菜，這裡的Mac & cheese 味道非常香濃，加了漢堡肉增加了Mac & cheese 的口感和飽肚感。而伴碟既酸青瓜甜甜酸酸正好做了一個平衡。

桂花蜂蜜香梨批一個特別很花手工的甜品。首先要將梨用蜜糖煮至淋和入味，然後再因應梨的形狀和大小製作一件酥皮外衣，最後放在桂花蜜海上。這味甜品的外觀和味道也非常出色，桂花海和酥皮球，十分有詩意。味道也很特別，蜜糖的香味在梨肉裡淡淡滲出，酸味的牛油味和桂花蜜的甜味也非常配合，很不錯。