其實都唔係第一次黎呢間餐廳，上次黎對佢哋印象都麻麻，但係見佢哋都有分兩可能今次會好啲啦希望，點知今次仲衰過上次，今日叫左個焗咖哩雞飯，竟然係未熟㗎，仲係又生又紅仲涷既，同個侍應講又愛理不理咁，服務態度真係奇差，差啲以為啲雞唔熟係我既問題咁，明明食茶餐廳都係想快啲食完快啲走姐，而家又要再等佢幫我整個碟雞，整完都係咁難食既。連鎖餐廳都可以差得咁離譜.. 唉！食到一肚氣，希望科學園快啲黎多啲高質啲既新餐廳。

中意睇哈利波特既都可以去潮勝下阿！ 啲裝飾擺設全部都好靚架 尤其係佢個水杯，一開始以為會跌添🤣 不過廢事劇透太多，自己去餐廳睇下感受下吧🤣 食物就真係幾一般啦，咸蛋黃軟殼蟹 risotto 無咸蛋黃味 個蟹仲勁油 杯mocha就無咖啡或者朱奶味，真係得啲奶味嘅。。 個羊肉既burger 就算係最好了，有羊味(所以唔太接受到羊肉既so味既朋友仔就可能要揀berg burger啦) 都幾juicy同埋要讚個薯條！非常脆又惹味仲熱辣辣既 另外宜家做緊post fb/ig story tag返餐廳送甜品 不過我哋就無試到，咁啱去到既話可以睇下仲有冇

呢間餐廳係係大會堂嗰邊 係美心皇宮上面既 餐廳有室外同室內位置，所以有勁多位，我怕涷坐左係入面，因為唔就腳既關係？呢度都好似沙田黎講算唔洗等位既西餐🤣 我覺得假日想hea下都幾舒服 我地係倒數嗰日黎，都唔太多人，所以仲可以叫呢個Christmas set，餐廳內有個corner 位可以影相，店員都好nice咁會問覺得啲野食點阿 幫我地影相阿咁 啲bbq肉類有得選擇幾成熟，以為bbq一定會好熟好hi啦，但都算juicy喎，個餐跟既lemonade 又好飲 所以general啲野食同服務都好滿意阿

今日要到觀塘返工，諗住近近地揾間coffee shop坐下，向左陣就到左裕民坊，啱啱好喺12點佢哋開門嘅時候入去，可以隨便揀位坐。呢度都算幾多坐位，樓底亦幾高，裝修都算好新淨幾華麗架其實。 坐咗一陣已經開始多人，Lunch set嘅種類唔多，所以好快就叫咗呢個豬肉卡邦尼，$138包嘢飲未+1，個份量唔算太大啱啱好，但啲豬肉同意粉都有啲硬，而且見到廚房入面都冇戴好口罩所以如果比呢個價錢應該可以去第二度食更好嘅

滿心歡喜同屋企人黎食，前一日打電話諗住訂定枱，但職員講嘢一舊舊好似想耍走我咁，咁好啦第日我哋walk in去，等左一個鐘頭想話問下幾時到我哋，職員又黑面又話我哋知係要等架啦咁，最後等左兩個幾鐘先有得食， 環境還好吧，始終新開，啲嘢食又唔係黎得快，肉類要睇你係叫邊個餐，我叫左中間嗰個，以呢個價錢就其實有好多其他更好既選擇吧。服務態度就真係奇差，尤其係出面叫飛/聽電話嗰個！所以真係唔知有咩咁特別，又要成肚火咁食，唔會再去。激氣

石門有好多cafe，呢間都算係服務差到no.1, 由進入到離開都非常受氣，當入去cafe, 無職員會理你，有位就自己坐，自己清潔枱上嘅上一手食物，唔緊要當係自助式餐廳，但係離譜在將我張單唔知放咗喺邊度，直至我等左半個鐘，就聽到職員問60号單係唔係已經完成架啦(60号就係我張單),另外個女職員就話整完架啦，我望一望我張單，我呆等左半個鐘，你居然話已經完成😡，於是我立刻通知職員我還未有餐到喎，兩職員你眼望我眼，睇見佢哋嘅眼神應該係漏咗我張單，唔緊要，但係冇職員同我交代究竟發生乜嘢事，兩職員只是互望做了一個表情，展露唔關我事㗎，(唔通我唔催促職員，無出聲係我問題)最後都係無人同我講發生咩事，我唯有繼續等我嘅午餐，過咗15分鐘，我就主動行到櫃台問，究竟我還要等幾耐呢，兩職員又不出聲又互望，然後繼續做佢哋嘅餐，我又再問，究竟有冇人可以答我還要等幾耐，職員繼續垂下頭唔望我，我真係按耐不住我團怒火，再問究竟有冇人會答我，交代一下發生咩事，還要等幾耐😡，終於有職員答我，可能還要10分鐘，我真係好嬲，我唔係要5星級嘅服務，但基本嘅禮貌你哋都不懂得，可以話係無，要人点樣支持你呢間餐廳呢，最後我都係無食到任何野，只係帶住一肚氣走了😡😡😡

今日下午茶經過，見到都有幾張枱要等，冇咩做就諗住等一陣啦，五張枱等咗大約20分鐘就有位啦，叫咗一個甜品同埋一杯latte, 嘢飲還好啦，可能我太挑剔啦 同埋期望太高啦，我覺得有少少似Starbucks嘅味道咁🤣 另外個甜品既sauce其實幾特別，幾開胃既柚子味，但係由於個外形同味道都太似雞蛋仔，搞到我又覺得唔係好化算咁🤣 坐位亦唔多所以坐起黎都有少少逼既感覺，而且斟水都係自助既 所以行出行入就好似唔太方便咁

早幾日平日，見啱啱開始返夜晚堂食，試吓book唔book到呢一間，點知好快趣就有位啦！ 嗰日大概6:30到，見到都冇人排隊亦都冇坐滿人既，侍應們都好有禮貌呀，亦都會主動斟下水， 餐廳內有幾個打卡嘅位置，但都唔好期望太多，因為除咗嗰幾個打卡位，坐嘅位置都係普普通通，大概都係食個氣氛啦🤣🤣 我叫咗一個西冷牛扒，同埋海膽意粉，海膽意粉竟然有少少沙 但味道上整體都還好嘅… 另外仲叫咗一杯Cocktail，酸酸甜甜，唔會太大酒精味都幾啱女仔飲。

After eating in yuen long , I went to this restaurant as all of my friends have been there lots of times. First I tried the matcha tiramisu ( only because they have sold out all the original one ) and my friend ordered milk pudding. The pudding has really strong milk taste and the strawberries weren't sour which is nice. And the tiramisu has some '爆炸糖' inside which taste quite special and I used to hate matcha. It's because I think it's quite bitter but in here, it doesn't taste any bitter. To conclude, I like those desserts, but the thing is the prices are quite expensive and I don't think it deserves such high prices.......

出開上環順便來試試這間分店，首先侍應服務態度同個樣都不太友善，食物來得快，個醬料好少，我叫既2款食物都好少，所以好似只係食包咁，又唔熱辣辣又唔脆，真係令我好失望