中秋節 因工作緣故 要夜晚9點先收工
只想簡簡單單 食個快飯
誤打誤撞下 見到依間Nagomi
環境寧靜 決定坐吧枱一試

入到去一睇
個餐牌價錢都唔平
揀左個天婦羅烏冬 ($180+)
女侍應 溫文有禮 服務貼心
雖然無嗌刺身壽司 師父亦有閒談兩句
大約等左15分鐘 食物就送上

溫度及味道 屬於中上水平
天婦羅最令我難忘 除左炸粉十分薄
配埋特製既綠茶鹽 口感十分清新
烏冬 份量亦足夠 十分有咬口
湯底 味道自然 不過不失

如果下次再有得閒 應該都會試下其他食物^_^

泳池重開後，決定再來此酒店放電。
此酒店地點方便，性價比高。
如果要求不是太高，其實十分抵玩。

早餐都算舒適，無限時，職員親善有禮。 (07:00 - 10:30)
食物款式應有盡有，點心，熱食，生果，包點，飲品，全部自助。
可以自己砌番碟 All Day Breakfast。
雖沒有太大驚喜，但總算不過不失。
唯一好奇，薯餅內裡也是黃色，平常的好像是雪白。
食飽後就可以去泳池游水，每節1.5小時，唔洗急急趕，正!!

香港人 由細到大 男女老幼 應該都會鐘意去飲茶 食番個一盅兩件 享受下假期 我自己就鐘意去依間位於太子既小店 位置都算方便 近太子地鐵站 出左閘 大約行5分鐘就到 小店經營 但價錢合理 真材實料 是日例湯 : 木瓜雪耳鰂魚豬骨 唔太岩飲 所以嗌左5樣野 蝦餃 (2粒) 不是炸兩 (今次外皮較凍) 鳳爪排骨飯 金錢肚(有幾條烏冬墊底) 灌湯餃 (超夠熱) 茶錢每人$3 大大壺玄米茶任飲 又唔洗加一 真系勁抵食 原來已經有港島區分店 及 屯門區分店 希望下次黎會有d新款式點心 因為都好似好耐無轉過menu了

疫情期間 去過咁多次staycation 都幾鐘意黎harbour grand hk 今次特意寫下佢既早餐 個人唔太喜歡朝早食太多凍野 冷盤無乜留意 但見都系大路野 乳酪 芝士 沙律 生果 各款麵包 蛋糕 酥點 窩夫 都有供應 熱食 除左 點心 仲有其他野 可以比你自製番個all day breakfast 款式雖然唔太花巧 簡單直接 應有盡有 員工友善 效率算高 唔會無人收碟 而且又無限時 舒舒服服 食完可以響同層做埋gym先check out 可惜泳池無開 下次有機會都會再過黎放鬆下

今日路過淘大商場行行下肚餓 又唔想幫襯連鎖餐廳

結果大約3pm左右 選擇左依間有卡位 又唔洗等既餐廳

入到去 友人揀左個焗飯 我揀左西多士

侍應仲好友善咁問 「西多想要糖漿定煉奶」

等左3分鐘焗飯就黎左 仲快過d野飲 質素麻麻
點解咁講?? 因為焗飯明顯預先焗定 熱度不足 唔夠汁 有點失望
飲品反而唔錯 感覺上仲幾大杯添

西多士 大約10分鐘反先黎到 超大份 又厚 勁抵食
落枱之前已經落埋煉奶 而且仲好重手 正!!!!
賣相超吸引 食一啖 已經feel到系新鮮即整既感覺
超超超超超好味 (同時亦代表超超超超超邪惡too orz)為左份煉奶西多 我下次都會再黎既^_^

早前收到酒店的電郵推介9月份限定的榴彈tea set
由於只限星期六/星期日/公眾假期供應
所以便決定於9月份既第1個星期六試下佢有幾多斤兩

之前聽聞過依間野既buffet要訂3個月 (太誇張了吧-_-)
high tea 更加系無得訂位 似乎有d水準
所以就決定3點直接walk in
結果策略成功 唔洗等位直入^_^
餐牌簡單直接 有5款榴槤甜品 包杯野飲 每位$188+野飲先黎 飲品無乜特別 檸檬茶仲有d苦澀-_-
大約等左15分鐘 野食終於黎啦 仲有廚師專人送上廚師更提醒我地要食左熱既梳乎厘先 十分細心
由於廚師沒有交待其後的食用次序

於是我就決定由梳乎厘開始食 賣相不俗
(但如果要影相就要快 因為梳乎厘好快就會自我下沉 圖中既已經沉左orz)估唔到榴槤梳乎厘既味道系可以咁難忘
榴槤match到蛋白同蛋既香味 依個甜品熱得黎
又唔會搶左梳乎厘應有既味道 榴槤味道慢慢滲出
而且份量洽到好處 作為一個starter 的確唔錯
如果冬天食 應該會仲正^_^
第2個食既系榴槤拿破崙先睇賣相 十分工整 榴槤仲厚過酥皮 絕無欺場
但敗北點 在於size 由於太厚 令我唔知點食好
切又唔系 又唔可以好似big mac咁成舊一齊食
要自行拆件黎食-_- 唔系太user-friendly

講番味道 酥皮十分脆口 絕對系新鮮製作
榴槤味道比之前果個梳乎厘濃郁得多
貓山王果然名不虛傳 雖然榴槤厚過酥皮系好事
但如果size 可以再調整就好啦^_^
第3個食既系榴槤雞蛋仔賣相十分簡單 比我地平時食開既雞蛋仔好似大粒d
由於系榴槤雞蛋仔 所以入面一定有filling
所以先咬一半 睇下佢入面有咩乾坤雞蛋仔入面除左有榴槤味道 綠色既應該系班蘭
外脆內軟 仲有少少微暖 唔錯唔錯
平時響街食雞蛋仔 無論空心或實心都試過好多
但今次真系第1次食到咁特別既雞蛋仔

第4個食既系榴槤瑞士卷可能因為岩岩食完雞蛋仔 所以反而覺得依個唔太特別
因為瑞士卷成日都有機會食 不過依個瑞士卷既texture亦做得唔錯
蛋糕既軟硬度岩岩好 唔會好實 亦唔會太軟身 比起拿破崙
今次依個既榴槤cream亦唔算太濃 但比較上清清地 都ok

最尾食既系榴槤松露朱古力睇佢細細粒 估唔到依個既榴槤味最勁 直情系勁到嚇你一跳
反而特別在於 d朱古力甜味會慢慢滲番出黎 幾有層次 幾特別總括而言 今次既榴槤tea set絕對令我大開眼界
臨尾仲有廚師派發自家製榴槤雪糕 實在令我surprised
味道一流 好似食緊真既榴槤咁 好creamy味道同服務都絕對物超所值 希望將來可以有更多榴槤甜品^_^

不過個人認為 食用次序應該要按榴槤強度黎開始
我覺得應該系由 (梳乎厘>雞蛋仔>瑞士卷>拿破崙>朱古力)
同埋每食完一樣 我都有飲啖清水 清一清口腔  咁先可以食到最真既味道^_^
有機會既 可能月尾都會同朋友食多次 實在太正啦

埋單每位$188 加一

路過荃灣 見到依間野入面幾多人
睇睇餐牌 價錢合理 決定入去一試揀左($31牛展米線)+($9春卷)+($7汽水)
落單時 呀姐亦會upselling 問你仲加唔加野 要唔要菜
都算有d服務
不過店方嚴厲拒絕外來飲品 似乎希望增加收入
但汽水系杯裝 唔系罐裝 有d失望碗麵揀左小辣 湯底夠熱 但出黎結果味道較酸
而且配料較多(eg.酸菜/芽菜/腐皮...) 令到米線相對較少
牛展夠林 但唔太入味 春卷原來系魚肉春卷 味道都唔錯 同埋幾大條
埋單$46 不過不失 但可以更好
 

首次光顧Green
一踏進餐廳 便看見五光十色的西餅櫃向我招手
款式大概有十款 絕對算得上花多眼亂
幸好獲得職員ERIC友善的招待和解答
雖然最終只選購了兩件「榴槤芝士蛋糕」
但職員ERIC仍笑容滿臉 服務專業 態度一流

期待已久的蛋糕 於飯後終於可以出場
先把金薄挑走 然後再上碟 慢慢品嘗蛋糕外型像糯米慈 味道亦不太濃烈
切開後 榴槤味開始湧出!!!!!!!!!先試一小口 榴槤味道濃郁 絕對是頂級榴槤所製成
再試一小口 腦裡馬上浮現出「齒頰留香」這4字
最後蛋糕被迅速吃掉 但略嫌稍為過甜

總括而言: 服務9分 蛋糕外型略為單調 幸好內有乾坤 味道亦有8.5分 有機會必定會再來^_^

今日行過佐敦 諗起附近有間老字號雲吞麵
二話不說就出發去白加士街

間野響「澳牛」隔離 設計懷舊
入到去叫左碗細蓉
幾年冇黎食 宜家都只系$30碗 唔算太貴
大約等左五分鐘就有得食
傳統既雲吞麵 雲吞系響底既

雲吞入面既蝦肉爽脆 味道恰到好處
麵質適中 唔會太硬唔會太淋
湯底有少量梘水味 但唔會太咸 清清淡淡

份量不多 適合作下午茶^_^

今日的起心肝 去尋找「明哥」既愛心小店^_^
響SSP地鐵 A出口出左 沿住北河街一條直路^_^
行大概5分鐘左右就到 見到門口有「明哥」同洪金寶既合照
就知道冇去錯鋪頭^_^
入去到 自己坐左一邊卡位 見到門口都好多野食^_^
有點心 蒸飯 燒味 三送飯^_^入到去見唔到「明哥」雖然環境似大排檔^_^
但落單既哥仔都幾有禮貌^_^
嗌左個燒味雙拼飯(碟) 送例場 $24
大約2~3分鐘就送到 好有效率

食飯食飯 當然要先講飯
飯既份量好多 系多到一個成年男人都食唔晒-_-
飯既溫度系中上 因為落單既哥仔會「筆」左飯再拎出去比呀姐斬燒味
但系由於快手快腳 所以溫度依然合格有餘^_^

講完飯 講下D燒味 大約有7舊燒鴨, 10舊叉燒^_^
以$24既價錢 份量絕對無得輸^_^
味道就系正常燒味飯既味道 唔會話好出眾 但系亦唔會接受唔到^_^

反而有興趣講下配菜同例湯
配菜系唔知咩瓜-_- 但系都比左好多^_^
裝飯既哥仔同落單果個其實系同一個^_^
我諗佢會驚食燒味飯既人唔夠均衡善養^_^
所以先比咁多配菜 平時出面其他燒味飯^_^
有1條菜心都要還神啦-_-
例湯亦都系唔知咩瓜 但系清甜 絕無味精^_^同場見到有拾荒者帶住一大袋汽水罐黎食
見到一家三口食3個蒸飯 ($16 each 蒸飯)
佢地想要例湯 每碗都系只加$1

同一片天空下 有人可以去食千幾蚊一餐
食完可能仲唔知飽唔飽
有人可能要為十幾蚊一餐而煩惱/_\

所以大家真系要珍惜食物 唔好浪費食物同太過揀擇^_^
希望香港可以有更多好似「明哥」咁既無私老闆^_^
幫助更多有需要既人^_^
希望下次有機會見到「明哥」^_^ 
叫佢一聲「英雄」^_^