好耐之前係又一城食過晚餐，上年再試沙田分店，今次試下依間lunch
不過3間黎講~又一城算最好..但感覺就是一間不如一間

點左3個午餐..另配餐湯及沙律(+$10/各一)
素番茄湯幾濃郁，跟上餐包份量都幾大片沙律菜新鮮~醬汁酸酸地好開胃汽水及冰茶
冰茶用西柚，味道好match又唔太甜有茶香忌廉雜箘糙米飯($78)
飯粒有咬口，忌廉滑滑..菇味非常濃郁，依個好味魚柳墨汁漢堡($78)
炸物炸到過火，薯條好乾硬又鹹，魚柳有魚味但又係好鹹
墨汁漢堡唔脆帶微軟，醬汁太多..整份餐好漏英式早餐($78)
煙肉好硬身，煎蛋滑滑，食物都係偏鹹
整體食店環境可以，3人安排坐咖啡既細檯比較窄迫
服務普通，整體食物過火又偏鹹

前2日..訂定酒店"Gold Coast Prime Rib"(happy hour完..順便晚餐)
Prime Rib係Lounge入面~夜晚dinner buffet..部份分割做扒房
"扒房"係新開辦~新開張..用Visa簽帳有折扣優惠
(七月份 : 星期一至星期五75折 / 星期六及日 85折..另+10% c.s.)
Order完食物~點支意大利白酒($380)(折扣不包括飲品)Cheers!扒房主要有Prime Rib Sets(3款牛)/Kitchen Grill Sets(6款)選擇
Prime Rib Sets唔考慮~Kitchen Grill Sets有牛,羊,豬,雞,魚
套餐附上特色沙律/餐湯/甜品(三選一)~另自選伴菜及醬汁(一款)
"餐包"..新鮮暖暖+外脆內軟綿綿~好香麵包味
經理見食晒..問問我地仲要唔要(好啊^^)另一半點套餐..跟"餐湯"(餐湯有3選1)
"周打魚湯"蜆肉好大粒~湯底質感浠薄..唔係濃稠果種
奶味唔重..淡鹹好香洋蔥味~清淡帶點點鮮味另一半要"厚切特級豬扒(14oz)"($398)
配上自選"黑松露燒汁"..伴菜"蒜香白箘"豬扒好厚身~肉質鬆軟有彈性..肉汁仲非常豐富伴菜.."蒜香白箘"~味道都好唔錯..唔油膩有淡香蒜味我要"蘇格蘭三文魚(7oz)"($368)
配上自選"黑胡椒干邑汁"..伴菜"松露薯條"三文魚燒得好靚~入口好嫩滑..有油香感伴菜.."松露薯條"~炸得剛好..完全無過火
薯仔粗長..口感外脆內粉糯~薯味濃..好味我揀跟上甜品(四選一)~"香滑芝士蛋糕配紅桑莓"之前睇過網評~見甜品份量好巨~由其apple crumble
足夠幾人份量~所以揀個蛋糕諗住細d..但都唔細喎
消化餅層新鮮脆身..有牛油香味~芝士質感超軟滑
軟滑度=雪糕既質感~好香芝士味..但唔漏
份量真係太大~最終食唔晒..唔浪費打包返屋企食
餐廳環境好舒服~服務質素好好..有禮貌有笑容
經理仲好親切~9點後有live band駐場唱歌(星期一除外)
整體食物份量好足+有水準

Lunch Buffet : 12:00 - 14:30
(星期一至五 : 成人 $298 / 小童及長者 $228)
(星期六/日及公眾假期 : 成人 $368 / 小童及長者 $268)
(HSBC及部份信用咭有75折 / Openrice亦有75折優惠卷...另+10% c.s.)海鮮有生蠔, 龍蝦蚶, 藍青口, 小龍蝦選擇食物refill得好快..不停供應早排做I love K/J.POP韓熱主題~今次做I love Asian
熱葷類都ok多~視乎個人口味岩唔岩食仲有芝士,冷盤火腿/煙三文魚~沙律菜,韓式前菜
冷麵, 中式點心/粉麵等~不過好多都無試到麵包好靚好想食..不過食完肯定呆~同埋我地無乜食力
見到有檯客2公婆~攞小龍蝦獨享..起碼每人拎10隻
仲未計大蝦/生蠔/龍蝦蚶+其他野~所以覺得佢地好勁
我地細食但就鐘意buffet多選擇+可以慢慢享受一餐近門口係甜品&生果區生蠔(x12)
雖然唔係即開~但好新鮮又夠凍~口感帶爽..有蠔鮮味小龍蝦 & 龍蝦蚶(x2)
龍蝦蚶比小龍蝦更有鹹鮮味+啖啖肉~兩款都新鮮+唔錯我必食既印度菜~餐廳特別請印度人煮理
印度飯好乾身好香~咖哩有雞肉/雜菜兩款選擇
我揀雜菜..醬汁好香濃郁~Naan拉扯感好強..有點咬到口軟熱葷類料足又夠味~食物味道平均..唔會過鹹過淡日式類..刺身都ok~吞拿魚有少少筋~墨魚片最正
壽司無特別~漬物都多選擇~仲有溫泉蛋..不過無試中西式靚湯..我個覺得中式好飲另一半係粉麵檔拎左碗淨湯菜~一碗份量都好多食左好少野..開始飽飽地~係時間試甜品
整體甜度全部都好岩我口味(少甜)椰汁西米露配芒果汁..好似蛋~西米露質感半凝固..味道好香
芒果蛋黃..內裝豐富芒果汁~後面水珠有微梅味~果凍口感
芒果豆漿凍~唔用鮮奶..豆漿都好ok~口感滑滑+有豆香味斑蘭戚風蛋糕勁海綿feel~芝士蛋糕..好幼滑+唔漏
半熟芝士撻..新鮮熱辣辣~d芝士半軟溶化..芝士味幾香另一半少食甜品..揀左芒果豆漿凍&雪糕~佢話雪糕好甜已經好飽..點都食埋個"竹炭窩夫配咖啡味雪糕"先收工
咖啡味無焦糖咁甜~咖啡味夠香~窩夫質感暖暖又軟軟餐飲.."熱咖啡 & 凍檸茶"
另一半杯凍飲勁大杯~我習慣飲齋啡..所以唔加奶
但鐘意留意每間餐廳跟上凍奶/熱奶~依間係室溫
整體酒店餐廳環境舒適簡約~樓底空間感好廣闊
食物有水準~服務好好..refill食物及收碟/添水有效率

晚餐@大和豚総本店(Yamaton)~食店環境幾好feel..地方乾淨
飲品"薄荷青檸 x Corona" & "粉紅西柚 x Corona"($48/杯)
薄荷好清新+唔太甜~青檸&薄荷葉份量仲好多
西柚既甜度較高..但幾開胃+冰凍~份量大杯..抵飲!"美人豚骨膠原湯鍋"標榜以極上豚骨/骨膠原先熬煮8小時
再凝結一晚至晶瑩膠原啫喱(美肌之選)湯鍋配上食材~有4款選擇 :
1.上級豚腩片($256) 2.美國牛肩肉($296)
3.上級豚腩片配極上牛小排($276)
4.五品特式盛合(豚腩片,竹筒免治豚肉,海老,帆立貝,野菜)($318)
我地揀"五品特式盛合"($318)"豚腩片"..約12片重疊既長豚腩肉
份量都好足~肉質鬆軟有肉香..口感唔錯
"竹筒免治豚肉"..口感似無蝦雲吞餡
肉味濃..口感少鞋~依個我ma ma地like"帆立貝(x5)"..同一般超市買急凍既分別不大"海老(x5)"..肉質新鮮~有鮮蝦味"野菜"..有芽菜,旺菜,生菜~連埋湯鍋既蔬菜..份量好多湯底味道濃郁帶少鹹..有微微膠質感~食完唔算好口渴
另叫"珍珠米白飯($18/碗)"~整體食物份量都足夠飽
食物水準唔錯~火鍋仲有幾款選擇..款式幾特別+得意
仲有鐵板,定食,壽司等選擇~服務好有禮貌

依排天氣超熱+陽光又猛
郁少少已經出晒汗~無咩事..日頭真係唔想出街(曬黑)
所以全日留係屋企避暑~等晏d先同另一半出去食晚飯
前2晚..佢已經搵定話去"深水埗 - 鍋呵呵"食火鍋
是但啦! 佢搵左我唔駛諗~同埋..最緊要岩佢食ma^^
* * * * * * * * * *
藍妹啤酒($10/3支)(x2)~開頭猶豫..會唔會係水貨
價錢實在太平..難免會有d疑惑~但試左味道正常喎
同埋..酸梅湯&竹庶茅根水都係任飲(估計飲品唔係主打銷售目標)自助醬料區~基本6款調味料..仲有酸辣汁/麻辣醬2小碗獨享~前面係(麻辣醬+芫茜+豉油)~夠濃夠麻辣味
後面除左花生醬~全部加晒..醬料最like有沙茶醬有套餐/散叫/魚缸亦有新鮮海鮮選擇
我地點套餐($398)~走牛肉牛丸..轉黑豚肉+墨丸豬肉丸"象拔蚌仔"..新鮮肉質嫩北寄貝, 日本帶子, 正宗潮州四寶丸(汕頭自取貨), 海蝦
因為無青邊鮑片~所以另一半揀要鵝腸原本有"安格斯肥牛"~另一半都戒左牛..就轉埋日本黑豚肉"花膠"..雖然細細條~但質感厚身..膠質豐富仲有半隻雞~雞肉無肥膏夠瘦蔬菜方面..有豆腐, 木耳, 冬瓜片, 鮮淮山片"新鮮時菜併雜菌"湯底有2款選擇..原味椰子雞(半隻)/麻辣雞煲(半隻)
我地揀"原味椰子雞"~新鮮椰青椰子水滾起後
店員加入半隻雞~滾起可以先品嚐椰子雞湯送上青檸..可以榨少少汁落自己碗椰子雞湯同飲
味道方面都幾得意~有青檸又有椰子味..幾醒胃
但另一半就話鐘意原味多d呢本身湯底標榜無味精,雞粉,糖~加入蔬菜菇菌同滾
湯底仲越滾越甜~好出味又清潤..正!整體套餐份量好足..好夠食~食材新鮮
本身都鐘意用椰青水做湯底~所以特別喜歡湯底味道
食店地方唔算大..環境乾淨簡潔~座位都好舒適
服務好ok呢臨走見到依張宣傳單張~即刻同另一半講..d酒堅既

早排諗住入沙田行下，順便search下有無新食店
見依間個多士好吸引，另一半又話無興趣..唯有閒日自己去試呢"蜂蜜芝士多吐司($55)" & "紅蔘latte($39)"吐司面底都搽上蜂蜜，中間及面就係芝士層，多士好厚身芝士好豐富+多，味道屬淡鹹..有拉扯感多士焗得內軟多微脆有蜂蜜甜甜地，又有芝士鹹鹹地，層次分別
整體味道唔錯，但一個人獨食..都好快飽漏紅蔘latte..紅蔘味好突出好香，一下子忘了走甜
所以個人口味而言..感覺比較甜漏，
同埋..唔知係咪唔受得紅蔘，飲完一陣開始頭痛
整體食物+飲味可以一試，但未至於會愛上

荃灣果間..剛開店時已經幫襯過，轉眼到TKO開分店
依間剛開時都想同媽咪試下，但因為新開..好多人幫襯(人龍勁長)
終於等到上個月某日，入開去再約媽咪去食，今次唔駛排隊啦
"拿破崙($42)"
蛋糕好新鮮，拿破崙好酥鬆脆，甜餡完全無膩感+甜度好ok"紅豆抹茶窩夫($45)"底層有紅豆蓉，放上窩夫，最後有雪糕球
紅豆好香甜，窩夫質感外微脆..入面有彈性又好軟綿
綠茶雪糕味道有香濃綠茶味，綠茶及奶味好平均
製作亦非常用心，賣相好吸引飲品.."焦糖cappuccino($35)" & "榛子mocha($36)"
兩杯味道都好平均突出，味道香濃，泡沫幼滑
整體食物好用心製造，環境舒適，服務ok

早排經過見開咗間清真食店，門口d 巨pizza非常吸引，依日終於有時間去試試！因為一個人食得唔多，所以簡單叫咗一片12”的芝士薄餅+masala tea
cheese pizza味道唔錯，批底好薄而且帶微脆，批邊有d似naan..好軟绵感。
芝士料好足，鹹鹹香香好味，入面仲有小小番茄及香草。
至於masala tea，入面有種好獨特的香草味，味道都唔錯！
食店仲有好多其他的食物，下次同另一半再試下

上星期陪媽咪去西方寺送別永惺法師，之後近近地過去玄圓學院食素lunch
之前都想試下灣仔果間樂農，估唔到等到荃灣都開左，所以近d又可以去試下
食店環境舒適+冷氣好夠好舒服，而且閒日去都好寧靜
我地得2個人食lunch! 所以點2款食物
"流沙餃子麵"($62)
第一口餃子味道感覺有d酸腐味，餡料味道都不太討好
米粉好硬，上檯時湯汁已經吸了很多..自行加熱水補足"錦鹵雲吞"($68)..另加脆皮($22)
分開價錢計感覺有d怪，個汁比較酸，入面有菇類，麵筋等食材脆片好脆口，依個係最好味
整體食物一般，唔吸引，服務ok
另收茶錢

星期日假期，同另一半去塔門一日遊，早少少入去食完lunch先行
揀左去依間試試食店人流一輪輪~之前全場滿坐..流量好快飲品有無冰凍奶茶($14/杯..$28/支)/薑汁無冰凍奶茶($15/杯..$30/支)
好多人叫奶茶~唔想飲完奶茶成日搵洗手間+喉嚨有少少沙
所以叫"秘製鹹檸茶"($15/支)~鹹檸味出..茶味唔澀
甜度ok..飲完喉嚨舒服左d"海膽炒飯"($100)食材簡單..有蛋,海膽,蔥粒,白飯
炒飯好香..海膽+蛋好match~有蛋味又帶海膽微甘味
但飯粒炒得過乾~依家食唔到太乾口食物..所以間中用水送
依個飯都可以自己炒炒..簡單得黎又香口原本我想試"海膽煎蛋"~另一半話好多人都食"炸墨魚丸"($70)
咁是但啦! 點個試試囉我無睇過相~如果知"炸"既效果係咁..我寧願叫湯上
"炸"同煎透少少無分別~"炸"既定義係有脆感..依個完全無
墨魚丸口感結實中帶彈牙(午餐總消費:$185)行完山再返去食"薑汁豆腐花"($11)~口感好滑滑..好味
另外再點"秘製鹹檸茶"(x2)(下午茶總消費:$41)