cdchan111 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-01-06
20100731 朋友生日想去帕莎生日飯, 佢話因為係新疆菜所以想試下呀。 由於早過佢收工, 所以我去囉位先, 朋友未到, 所以四圍影下, 環境非常靚, 氣氛都非常好, 一入門口, 侍應姐姐話要洗洗手先, 呢個係新疆既習俗。 (飯前洗手都係衛生既人既習慣啦!=.=”) 枱面有張卡寫住︰「肚皮舞蹈表演 歡迎各位拍照 但請於表演時留在座位 切勿站在通道 阻礙舞蹈員之表演 多謝合作」 肚皮舞蹈??????!!!!!!!!!!!!! 有肚皮舞蹈睇?!好開心呀…不過一問之下…原來八點先有…但我地要去睇戲…睇唔到啦!! 未夠六點我地就要開飯啦~~ 野食方面, 佢有個新疆烤餅送既, 個包好軟,再配雞肝醬及橄欖醬(呢個係問個侍應先知..) 叫左燒羊肉串, 佢有兩串, 但我唔食羊肉, 所以朋友一個食晒~另外仲有個燒姑, 我鐘意食^^仲叫左個露筍炒駝肉, 辣辣的…唔岩我食…再叫多個牛肉炒什菇, 兩個女仔…食幾多野!好在有VIP CARD, 有八五折… 走既時候…去到電梯口…. 肚皮舞女郎出哩啦…慘慘…下次一家要睇!!
評分: 味道 4 環境 4 服務 4 衛生 4 抵食 3
2011-01-06
呢日約左朋友去街, 因為怕塞車既關係, 所以早左出門口… 而係呢個咁炎熱既夏天, 我當然約朋友係我既飯堂等啦。 朋友未到, 又唔好意思齋坐唔食, 所以走買件蛋糕邊等邊食啦。 要左件新產品哩食…(佢個牌話佢係新產品咋…硬係覺得之前食過既…) 小姐見我買件蛋糕無買野飲都開口問我要唔要一杯水, 呢d就係我喜歡星巴克既原因啦。 呢件係杏仁朱古力蛋糕, 應該係杏仁餅底加朱古力mousse. 朱古力味好濃, 濃到有d “確”喉, 好在有杯水飲下…不過初初食的確好好味, 但食多兩啖就覺得”利”啦, 而且d mousse開始溶, 無岩岩食咁好食啦…
評分: 味道 4 環境 4 服務 4 衛生 4 抵食 4
2011-01-06
坐小巴返屋企既位置有間八方雲集, 一直都想試, 今次就叫左家姐買外賣返哩比我食啦~~ 要左個招牌鍋貼一盒有十隻, 隻隻都好大隻嫁。 鍋貼返到屋企既時候, 已經放涼左啦, 一打開, 嘩~~真係好大隻, 隻隻都爆餡既!正! 見其他食評d人話d外皮煎得香口, 但今次食唔出啦…因為返到屋企d 皮都林晒啦。 不過招牌果然係招牌…真係有d質素嫁!下次會再食。
評分: 味道 4 環境 3 服務 3 衛生 3 抵食 4
2011-01-06
King Ludwig Beerhall 第一次同屋企人去呢到食, 之前同朋友哩過好多次, 一次聽到媽咪話想試下食咸豬手, 所以就係11月媽咪既生日月裡面就同佢同表姐同E生仔同家姐佢地一齊去食呢個brunch buffet。 因為秋涼關係, 所以簡坐戶外位置都無問題, 太陽伯伯好開心~~出哩探我地~, 但唔係好熱~~影相一流~~ 食物有前菜, 有熱食, 仲有即整既自選配料意粉, 仲有燒烤(豬手, 蝦, 雞比, 腸仔, 粟米等等), 仲有咸豬手添, 佢隻咸豬手做到內脆外軟! 同埋甜品都好好味~, 另外一人包一杯飲品~ 雖然D選擇唔算多~~但食個境都抵返^^ 推介美食: 德國咸豬手
評分: 味道 4 環境 4 服務 4 衛生 4 抵食 4
2010-12-20
見無咩人又唔駛等位. 就簡了這間OUTBACK STEAKHOUSE食個飯, 食包再行街街. 黑糖包: 外觀不討好,但上檯時微熱, 黑糖的甜味清新 芝士煙肉薯條: 薯條外脆內軟, 再多點芝士就更好了 紐西蘭羊架伴薯容: 羊扒流出血水沾上著容, 感覺非常麻麻, 嚴重影響食慾, 非常愛食薯容的我都唔敢食了. 炸魷魚圈: 炸得非常香口, 炸魷魚圈仍然彈牙 炸蘑菇: 炸得香口, 意外地好好食 所叫既炸物都好滿意, 主菜反而變左失望左. 推介美食: 芝士薯條,黑糖包,Chocolate Thunder
評分: 味道 4 環境 4 服務 4 衛生 4 抵食 4
|