上星期試左胡廸, 今次試巴斯光年就知邊個好食, 下個星期既生日會用邊個好啦, 今次去到, 以為佢十一點會開門…點知成十二點先開門…攪到我要四圍行等…行得街…就一定買野…無啦啦又洗左7百幾蚊買埋D無聊野!
今次去到, 小姐依然好有耐性同我討論要咩配搭好, 最後因為下個星期既生日會會有小朋友, 所以咖啡味係選擇以外既…今次簡左原味配紅莓餡料, 3日後先有得囉…但個CAKE就朱古力好食好多..蛋糕決定左啦...^^
蛋糕終於到手啦…唔…胡廸靚好多…巴斯係就咁放個膠公仔係上面嫁咋…^.^
個蛋糕就無上次咁好食, 我諗都係朱古力味贏左!
好難決定用邊個公仔……所以….下次先決定囉…

又臨近重陽啦, 今日約埋班親友, 一行六人一早入左長洲飲茶~~
去左金冠大酒樓, 未夠九點, 成間酒樓都係D公公婆婆~

食左︰

欖仁馬拉糕
佢既馬拉糕比其他食開既都要深色, 相信應該係蔗糖既關係(媽媽話嫁~)
而且唔係得個甜字, 真係又香又甜~而且仲係好鬆軟!!!

鵪鶉蛋燒賣、豬潤燒賣
呢D係集體回憶既點心, 好食與否, 都唔成問題啦^^

鳳瓜排骨飯
習慣左飲茶都食鳳瓜排骨飯~~最好食係佢既鼓油囉…

鳳瓜
表妹喜愛”損”腳趾, 因為我唔食~所以NO COMMENT 啦!

基本上算唔錯~~因為都係D舊式點心~~不錯~~不錯~~

十月一日, 國慶大日子, 小女子緊係要搵D野攪啦, 決定左去BBQ~~
取BBQ凍肉要去九龍城最貨, 於是三五知己就約埋一齊係旺角等再去取貨囉~~點知因為遊行攪到同事遲左一個鐘先到!

所以我地兩大一細就決定搵個地方坐下先, 小朋友喜歡食豆腐花, 所以就去左公和荳品廠食囉!

叫左一個彊汁豆腐花, 一個黑豆豆腐花, 一個彊汁豆腐花, 另外加兩碟小食, 一個蘿蔔糕, 一個炸八寶~~

基本上, 佢豆腐花真係有質數, 但佢個蘿蔔糕就…唔係好掂啦….

呢日約左朋友去街, 因為怕塞車既關係, 所以早左出門口…
而係呢個咁炎熱既夏天, 我當然約朋友係我既飯堂等啦。

朋友未到, 又唔好意思齋坐唔食, 所以走買件蛋糕邊等邊食啦。
要左件新產品哩食…(佢個牌話佢係新產品咋…硬係覺得之前食過既…)

小姐見我買件蛋糕無買野飲都開口問我要唔要一杯水, 呢d就係我喜歡星巴克既原因啦。

呢件係杏仁朱古力蛋糕, 應該係杏仁餅底加朱古力mousse. 朱古力味好濃, 濃到有d “確”喉, 好在有杯水飲下…不過初初食的確好好味, 但食多兩啖就覺得”利”啦, 而且d mousse開始溶, 無岩岩食咁好食啦…

是日同媽咪一齊出發去旅行, 因為要坐夜機, 所以要食飽飽先起行。
早餐一定要食得豐富一D, 所以媽咪決定去飲茶。
因為媽咪既身體關係, 所以平時我地都唔會比佢飲茶, 只會同佢去食早餐。
既然佢今日咁想飲茶, 就同家姐細佬一齊同佢去飲茶仲叫埋表妹一齊去食添。

叫到成枱都係野...睇張單就知啦…
最好食既係…煎腸粉…因為係我最愛既點心之一…!去親茶樓飲茶都食佢。
呢到真係整得幾好食, 夠晒脆口, 但入面仲好軟, 唔會因為外面煎干左攪到入面都干埋。讚!!
下次再食過。

坐小巴返屋企既位置有間八方雲集, 一直都想試, 今次就叫左家姐買外賣返哩比我食啦~~

要左個招牌鍋貼一盒有十隻, 隻隻都好大隻嫁。
鍋貼返到屋企既時候, 已經放涼左啦, 一打開, 嘩~~真係好大隻, 隻隻都爆餡既!正!
見其他食評d人話d外皮煎得香口, 但今次食唔出啦…因為返到屋企d 皮都林晒啦。

不過招牌果然係招牌…真係有d質素嫁!下次會再食。

因為公司要去開會既關係, 同個同事一齊去左觀塘, 開完會走既時候, 路過蛋撻王, 心思思想食埋個酥皮蛋撻^.^所以同同事一人一個買返公司食啦。

因為要兩個既關係, 佢比左個靚靚紙袋比我地, 個紙袋真係幾靚, 又岩岩好放晒兩個, 設計夠貼心^.^

一個酥皮一個曲奇皮既蛋撻。見到各款既蛋撻我同同事都不約而同地擰晒頭, 連試都唔敢試。

酥皮蛋撻︰酥皮唔夠酥, 唔會食到一地都係...即係做得個酥皮唔靚 /.\
曲奇皮蛋撻︰同事話唔夠脆

我覺得我再食都係食曲奇皮唔會食酥皮啦。

同幾個月無見既老死食DINNER, 佢話佢睇雜誌見到呢間野, 可以自己煎煎下, 幾趣怪WAR, 想試下, 我又無所謂就試下囉~~
一入到去唔洗等位, 但在坐既…多數都係學生妹妹…明顯我地係唔同CHANNEL…
呢到應該係年輕人玩意…我地呢D老人家…貪得意試下…(都唔係好老JE…廿幾歲…但在坐既…係十幾歲….完全比下去…)
你問我…我會話呢間野試完一次就夠啦, 除非你係同場既小妹妹啦…哈哈!!
基本上係個STAFF 幫手整晒啦~~因為我地兩個完全唔曉燒~~哈哈~~
好啦…終於等佢熟晒啦….D 醬汁係幾好食既~~~但感覺就係…好似食緊麵團咁…好在佢有D燒汁…我先覺得自己食緊燒餅…嗯…好睇唔好食…但可以一試既~哈哈! 一路食...發現...原來有人等位....!!嘩...即時唔係好明...Y 有人等位...BUT...緊有人喜歡既...

20100731
朋友生日想去帕莎生日飯, 佢話因為係新疆菜所以想試下呀。
由於早過佢收工, 所以我去囉位先, 朋友未到, 所以四圍影下, 環境非常靚, 氣氛都非常好, 一入門口, 侍應姐姐話要洗洗手先, 呢個係新疆既習俗。 (飯前洗手都係衛生既人既習慣啦!=.=”)
枱面有張卡寫住︰「肚皮舞蹈表演 歡迎各位拍照 但請於表演時留在座位 切勿站在通道 阻礙舞蹈員之表演 多謝合作」
肚皮舞蹈??????!!!!!!!!!!!!!
有肚皮舞蹈睇?!好開心呀…不過一問之下…原來八點先有…但我地要去睇戲…睇唔到啦!!
未夠六點我地就要開飯啦~~
野食方面, 佢有個新疆烤餅送既, 個包好軟，再配雞肝醬及橄欖醬(呢個係問個侍應先知..)
叫左燒羊肉串, 佢有兩串, 但我唔食羊肉, 所以朋友一個食晒~另外仲有個燒姑, 我鐘意食^^仲叫左個露筍炒駝肉, 辣辣的…唔岩我食…再叫多個牛肉炒什菇, 兩個女仔…食幾多野!好在有VIP CARD, 有八五折…
走既時候…去到電梯口…. 肚皮舞女郎出哩啦…慘慘…下次一家要睇!!

團購網大熱中…我當然唔會遲啦, 咁啱見到有團購, 啦啦聲買幾張用。
有3款蛋糕比你簡, 原味(云尼那), 朱古力, 同埋咖啡味, 服務生都非常好禮貌, 因為我買左三張COUPON, 所問左好多問題, 佢都好耐心咁答我, 今次換左第一個試下先…因為諗住生日用哩做生日蛋糕, 所以呢日換一個同屋企人哩試下先~

而蛋糕款式就只得反斗奇兵三入面既巴斯光年同埋胡廸可以選擇, 網站見到既小熊維尼同白雪公主仲以為可以換添…原來係唔可以嫁...

今次呢個蛋糕我簡左胡廸同埋簡左朱古力蛋糕同軟心朱古力做餡料。
個蛋糕好靚, 非常COLOURFUL, 一打開屋企人都嘩左聲, 仲話下次生日會, 小朋友們一定好開心~~個蛋糕味道唔錯. 基本上朱古力味都好難好難食嫁啦…