大鄉里出城，性價比達人
「有驚喜的良心夜茶店」

地點：沙田
食店：616 客香邨
消費：$156
食品：斗門蝦餃、金牌燒賣、螺片棉花雞、南翔小籠包、香煎蘿蔔糕、香滑鮮蝦腸粉

一般茶樓既小籠包都無咩驚喜，比較普通，呢間都唔例外，只不過係個人偏好，如果見到任何食店有小籠包的話，都會叫一籠試一下 🤭

蘿蔔糕，同樣地無咩驚喜，正正常常，本人食蘿蔔糕其實主要係以食醬為主，蘿蔔糕為副，甜醬、辣醬勁多，同食齋腸粉一樣 😂

終於入正題，介紹好野食 👍 我發覺呢間夜茶店逢係同 “蝦“ 有關既食物，質素都十分好 ❤ 蝦餃、燒賣、腸粉，入面都勁多蝦，而且十分大隻 😍 唔似一般茶樓、酒樓咁，食到雪藏味，而且蝦又少又細隻，過份呃錢 😡 所以蝦餃、燒賣、腸粉，真心推薦俾大家一試 💛

最後，意猶未盡，叫多一盅螺片棉花雞，同樣出色 😋 絕無偷工減料 👍

環境：🌟🌟🌟
服務：🌟🌟🌟🌟
價錢：🌟🌟🌟🌟
味道：🌟🌟🌟🌟
性價比：⭐⭐⭐⭐

總結：一般夜茶價錢都比較貴，但 616 客香邨價錢方面比較貼地、平民，十分適合我呢 d 講求性價比既食客，叫左六款食物，食物質素又唔差，而且又唔會趕你走，都係 $156，我覺得算係公道 👍

大鄉里出城，性價比達人 地點：馬鞍山 食店：海記魚蛋粥麵 消費：$45 食品：金牌常餐 (奶油豬，火腿蛋奄列，鮮茄南瓜豬潤一丁麵，凍檸茶走甜) 如果呢間海記開係我屋企附近，我肯定一個月至少食幾次 😍 係因為佢個金牌常餐組合，Exact7ly 將我最鍾意既野放晒係一齊 ❤ 先由個奶油豬講起。自從某餐廳推出奶油豬大賣後，我發覺好多茶餐廳既常餐，已經將牛油方包淘汰，改為奶油豬 🐽 不過好多餐廳換湯不換藥，以為改為奶油豬就等於好過之前既牛油方包，咁就會吸引到食客。其實如果你無「心」，食材再好，出品既食物都係唔會好食 🤮 好多餐廳以為奶油豬只要落勁多煉奶，勁多牛油，咁就叫做好食或者合格 …… 其實奶油豬，如其名，三個都係主角，缺一不可 😳🙊 如果只有「奶」「油」，而「豬」係唔得既話，其實都係唔會好食，「豬」應該係要熱得黎鬆脆，出面好多茶餐廳既豬，毫無熱度，好似俾舊隔夜麵包你咁，豬既熱力將奶同油融化，咁樣奶同油就會融入豬裏面，當你每咬一啖既時候，內會軟，因為吸收左奶同油，而外面就脆，咁就 perfect 池喇 👍 我認為海記都算係做得到 👏 火腿奄列唔講太多，質素屬於合格，肯定唔會係叫做難食，正正常常。 鮮茄南瓜豬潤一丁麵 🥣 呢個先係重點❗食之前，我就係度諗，究竟佢係咪只不過係南瓜湯上面加舊蕃茄同豬潤❓定係蕃茄湯上面加舊南瓜同豬潤❓定還是會係點呢 ⁉️ 結果一食之下，真心喜出望外 😳 佢個湯底既味道係「南瓜湯」溝「蕃茄湯」，特別在於你唔會覺得好怪，佢並唔係將一碗南瓜湯一碗蕃茄湯倒埋一齊，而佢真係將兩個味道溶埋一齊，飲入口好有層次 😍 再加上佢既豬潤係厚切，即叫即煮，口感一流，真係無得輸 👏👏👏👍👍👍 環境：🌟🌟🌟 服務：🌟🌟🌟 價錢：🌟🌟🌟🌟 味道：🌟🌟🌟🌟 性價比：⭐⭐⭐⭐ 總結：性價比高 👍 又奶油豬，又火腿奄列，再加埋個南瓜蕃茄豬潤一丁，連埋凍飲，都唔過 $50 …… 我覺得已經對得住天地良心 👏👍 #大鄉里出城 #性價比達人 #性價比 #馬鞍山 #吃喝玩樂 #向自己理想進發

性價比達人 地點：銅鑼灣 食店：炊豕店 食品：蔥油豬扒飯 豬扒整得唔錯，起碼唔 “痴牙“ 同埋 “唔鞋“ 先，而且夠大塊，覆蓋晒成個碗 😂 味道又唔錯。 不過我反而將重點放左係 d 蔥度，因為 d 蔥既味道就好似食越南既香茅豬扒飯果 d 蔥咁，拎黎 “送飯“ 一流，而且佢唔似出面 d 越南餐廳咁，俾得少少你，而係大量 😍 環境：🌟🌟🌟🌟 服務：🌟🌟🌟🌟 價錢：🌟🌟🌟 味道：🌟🌟🌟🌟 性價比：⭐⭐⭐ 環境，服務同味道都唔差，但我始終略嫌價錢貴左少少，如果埋單價錢係 5 字頭，即使係 $59 都好，我心裡會覺得舒服 d，而且會俾四粒星 #性價比達人 #性價比 #銅鑼灣 #太多唔開心事 #發覺只要自己開心就好 #想做就做 #吃喝玩樂 #向自己理想進發

大鄉里出城，性價比達人 地點：灣仔 食店：廉記冰室 消費：$66 (包一杯凍檸茶) 食品：男人最愛 首先，先講個菠蘿包，而家出面好多茶餐廳偷工減料，個包細得黎，仲要勁少牛油 🤬 大家要知道，菠蘿包個核心價值就係舊牛油，所以最好有咁大舊得咁大舊，有咁多得咁多，“支飲管有咁粗得咁粗“ (好似唔多關事 😅) 幸好，呢間冰室無令我失望，包既 Size 正常，而牛油同我所想既一樣 😍 所以值得推介。 然後到個奄列，本人係超級超級超級鍾意食奄列，所以對奄列係有一定既要求。會期望咬落去既時候會有蛋汁，同入面既餡料融為一體。而唔係蛋就 “乾曾曾“，火腿就還火腿，雖然兩樣野係放埋一齊，但食落口時就好似將兩樣野分開食咁，簡直係失敗 😡 而呢間冰室既奄列，我唔會話頂級，但算係合格，所以收貨。 最後，主菜出場，“豬扒腸仔福麵“，豬扒好食，唔 “痴牙“ 唔 “鞋“ 不在話下，佢難得可以整到有少少似雞扒果份 “軟熟“，我相當欣賞，慢慢令我對豬扒呢樣野逐漸改觀，因為由細到大都認為 “生不入官門，食不死豬扒“ 😂 環境：🌟🌟🌟🌟 服務：🌟🌟🌟🌟 價錢：🌟🌟🌟 味道：🌟🌟🌟🌟 性價比：⭐⭐⭐⭐ 今次性價比俾四粒星，主要係因為個菠蘿包同 “豬扒腸仔福麵“。 先講菠蘿包，而家出去食過茶餐，菠蘿包 + 凍飲，閒閒地都廿到 “抆“ 至三十蚊，而佢而家無偷工減料，包既 Size 同牛油既份量令人滿意，所以我覺得佢佔總價錢既一半，係合理同公道。 “豬扒腸仔福麵“，本身好食唔在講，而我認為佢係令我多左一份回憶。細個時，父母都出外工作，所以最常食既就係公仔麵，但當時既我，每次煮麵時都十分忐忑，因為係我心目中，“出前一丁“ 同 “福麵“ 既地位係對等既 😡 所以每次都有選擇困難症，要諗好耐先決定到煮邊一樣。到大個後，自己較少煮食，而無論去食早餐，茶餐，甚至打邊爐都好，“福麵“ 好似買少見少。所以係我心目中 “豬扒腸仔福麵“，個 “福麵“ 先係重點，令我覺得佢將成件事加好多分。 所以最後我俾四星，第四粒星就係感情分。 #大鄉里出城 #性價比達人 #性價比 #灣仔 #童年回憶 #福麵 #吃喝玩樂 #向自己理想進發

近排都去開天水圍 , 係因為要去果頭比賽 .

咁比賽前都會係果頭行下街食下野咁 ,

跟住去之前都專登上網睇下有咩好食 , 但成個天水圍都好似無咩大型商場咁

最適合行街都好似係得新北岡 ~ 最多野行同埋最多野食 .

咁本身自己同女朋友都好鍾意食米線類既野 ~

咁所以即刻就揀左呢間 麗江雲南米線

本身抱住都幾大期望 , 諗住會好好食 , 覺得個水準起碼應該要同譚仔等出名店舖有得比 .

話晒去到門口果時真係見到好多人排隊 ... " 都至少要等 15 min 左右 ,

果時仲要係下午 3 點幾果 d 下午茶時間 , 都可以咁多人 , 諗住實無死好好食啦 .

咁我就叫左個 『 小鍋米線 』 個價錢大約 $ 3x

叫黎食既原因 , 係因為唔洗點諗叫咩餸 , 因為佢又係樣樣都有 d 咁

結果一食之下 ... 令到我好失望 ...

唔好講話同 d 好有名氣既店舖比 , 我覺得連同川味閣呢 d 名氣低少少既店鋪都比唔上

真係好失敗 ... 仲等我見到咁多人係門口排晒隊等食 ...

唔係批評天水圍呢個地方 , 但可能本身呢個地區無咩米線呢類既店舖 ...

所以可能無咩競爭對手 ... 先多人去呢間野度食米線 ... 如果唔係俾我唔會再食

試過就算了 .

岩岩行完書展 , 行到對腳都無咩力 ,
所以就拿拿臨同朋友一行人諗住搵間好既餐廳食返餐好既 ,
跟住上 openrice 睇一睇 , 見到話華星冰室唔差 ,
所以就一齊決定行過去試下 .

睇 d 食評話 , 個炒蛋餐好好食 ,
所以一去到唔洗諗啦 , 就叫個炒蛋餐 .

$ 28 = 火腿炒蛋 , 一杯凍飲 , 牛肉通 / 叉燒通

講真 , 我係抱住勁大既期望去食嫁 ...
不過有少少令我失望

因為淨係得個炒蛋勁好食 ,
而通粉 , 凍飲 , 呢 d 都無咩特別
不過 d 服務態度勁好 !! 要俾 10 個讚

總括黎講值得一試