唔明點解咁少人！ 星期一，lunch 12:30先行出去搵嘢食，見之前有朋友食過咁今次就自己去試吓啦。 行到門口望入去⋯⋯咁少食客嘅？！ 猶豫咗一陣，決定唔理三七二十一衝入去！ 自己掃二維碼點餐，選擇唔係好多。不過入得嚟唔係食海南雞飯就係肉骨茶或者豬手飯啦，有時我覺得選擇唔太多反而係一個好處 牆上一塊板寫住尋覓99分的海南雞飯，咁就試吓佢有幾多分先。點餐上飯時間都好快，三款醬料齊、湯一碗、油飯一碗、雞嘅份量都唔少喎。雞當然係滑啦，啲醬汁都好好味，個湯就正正常常咁。我最想讚嘅反而係個油飯。我其實幾鍾意佢係好乾身嘅油飯，而且係超級熱，超級正！雖然價錢唔算平，但成個set咁食又夠飽，值！ PS: 不過朋友話佢杯奶茶係超級甜，怕甜嘅朋友要注意啊！

支持小店！ 最近轉工去咗大角咀返工，開始我尋找美食之旅，大角咀真係超多美食，有個同事介紹呢間小島，即刻嚟試下先。Lunch time 晏咗要等，好彩我一個人，啱啱有最後一個bar 位。 店內環境細細的，枱都係細細的。 只有三種選擇，我當然試佢個慢煮牛丼啦。 分大中細，我叫咗份細再加小鬆餅。 成個造型好有feel。 個牛丼真心超級無敵好食，超juicy, 但你要接受到5成熟度，同埋蛋黃醬撈飯先得，成件事好夾。 小鬆餅就普普通通，但要點，成件事先完美。

點解要嚟？打卡？食三文治？ 係！我係呢個原因嚟，不過極度失望！ 蝦三文治$128 高價唔係問題，問題係個size, 真係細份到難以想像。 價錢極唔合理，打卡位亦不外如是！ 杯flat white 咖啡$45可接受啦，味道一般！ 無下次！

已經兩度光顧，要寫個食評同大家分享一下。 第一次點了Bibimbap 牛肉及雞肉拌飯、蟹肉蟹子煎蛋卷同Gimbap 炸蝦飯卷。Bibimbap 材料充足絕不馬虎。飯卷正正常常。反而個蛋卷超好味，$48蚊大件夾抵食。 今日再試，點咗牛肋骨、五花腩（包蒜頭辣椒生菜）、LA 牛肉自己番屋企燒烤，又放便又衛生，另加豬腳、炸八爪魚炸雞、醃牛蒡、炒魚仔、鵪鶉蛋、菠菜豆芽、再encore 蛋卷及飯卷。 除咗炒魚仔比較硬之外，其他都超好味，尤其係鵪鶉蛋同炸八爪魚，超推薦 提一下，佢d 份量都好大份，我四個人食咗兩日先食得哂 另外要讃下佢地個流程，非常smooth

假期揸車入錦田行下，路經呢間茶座，隔離條友話呢間好出名，我即刻查下openrice, 老友！得三個食評喎！不過因為有自家泊車位，所以膽粗粗入嚟試下。 有室內室外座位任君選擇，枱枱凳凳都好原始果d 舊舊地嘅湊湊埋埋咁lor, 室外就好似俾d 樹圍住食嘢嘅茶座feel 咁lor, 見到牆上面d 相同告示牌，似係電單車友落腳地咁。 餐牌就茶餐廳嘅都有，每款食物都有相，我鍾意。買嘢食要自己去收銀到買，飲品即整即自己拎埋位，食物就佢送去你張枱。 咁第一次嚟緊係點「熱賣中」嘅雞髀飯，飯可選黃薑飯，辣度有大中小。另外又點咗兩個蛋腸豬排同蛋腸雞翼公仔麵。 食物上枱份量ok wor, 有睇頭，我個雞髀飯超正，雞髀肉嫩多汁，個黃薑飯都好好食，讚！

Open rice 見到tea set 嘅相已經被吸引，即刻book 枱試吓先。 一坐低覺得張櫈坐得唔舒服，有d 高，有少少吊腳。 叫咗二人tea set 配竹炭咖啡。 Wow 個攞盤好壯觀，細細件，一啖一件食得好方便 佢擺嘅係一行咸一行甜，大家可以按自己喜好及次序食，重點係件件都好好味 杯竹炭咖啡睇張相個個驚訝問點解芝麻糊可以拉花。味道就係普通嘅cappuccino喇！ 題外話：我堅唔明點解有人鍾意食macaron呢款甜品，唔係甜品，係超超超甜嘅物體，我接受唔到！

復活節怕人多，朋友介紹呢間。位置方便，地鐵站出行兩分鐘，lunch time 客人唔多，裝修、枱與枱空間都幾好。 三個人都叫咗brunch set, 有starters, main and dessert，唯一缺點係唔包飲品。 佢嘅starters 有三款，全部都好食。Main course 我揀咗春雞，煎得個皮好脆，肉質好嫩，好食！ 朋友點漢堡同蜆濶面，聽唔到佢地有意見，我估唔差。 甜品揀咗Chef”s selection, 普普通通啦。 呢間可以encore

因為呢個長期疫情戰，已經好耐冇約朋友吹下風又吹下水。恰巧幾個朋友約聚會，就選擇坐下船入愉景灣hea 下。 星期六人不多，ZAKS 都冇坐滿人，4個人點了Nachos、pizza、roast chicken、beef+prawn 、紅酒Bin 28。老闆仲送咗碟tempura蝦 俾我地。整體味道、價格、份量、服務各方面都非常滿意。 坐室外，陽光下吹吹海風，吹下吹下水不知不覺由12點 坐到3點，好舒服，夠hea, 正呀喂，值得encore

有朋自北京來，又有朋請客，我就負責參與 Omakase 我喜歡，可以看著師父嘅刀藝，又可以跟師父小酌幾杯，聊聊天， 就是喜歡這種小店親民的氣氛 食物都是當天最新鮮的，食客們要用心聽師父介紹每道菜及其食法喔！（我就經常掛住傾計，忽略了師父呢）。我尤其喜歡那塊粉紅鹽石，配合魚刺身超正。 食每道菜都先欣賞，然後食，然後發出滿足嘅讚嘆聲音！ 今次有點可惜只拍到部份食物照及沒完成整頓餐（原因就不提喇，係我錯😅）。

去開尖沙咀突然好想食厚Pancake, 響Openrice search 下，見呢間都幾多好評，於是就決定嚟呢度。依家好奇怪幾乎所有pancake店都係人龍店，所以就趕搭車希望11點佢一開門就衝入去。事與願違，大塞車，最終12:15先去到。行到去見到門口冇人等？好奇怪又以為自己好幸運，於是一入去坐低就order 梳乎厘Pancake, 點知晴天霹靂，waitress 話佢哋一點鐘先至會開始整梳乎厘pancake大概一點半先至有得食⋯⋯我終於明白點解頭先冇人等位！大家明白點解我寫標題係：下午一點鐘啦 咁⋯⋯唯有叫住其他嘢，邊食邊等啦！Smoked Salmon Avocado pancake 真係好普通、法式brulee西多士都ok, 等下等下終於都等到梳乎厘pancake, 我叫嘅係 Caramel Apple Souffle 都幾特別。