中國冰室 (旺角)

一路都唔知原來廣東道係有個露天街市的
呢間懷舊冰室就隱身在某D菜檔後面
堅懷舊 (雖然我唔知佢開左幾多年)..
但係成個感覺都係好有歷史痕跡的
唔似一D新的冰室咁, 裝修到靚靚然後加D舊野做裝飾就當自己真係冰室..
好夾硬堆砌出來..門口~呢度有兩層, 我地上左上面~9蚊咋~奶茶控當然必叫熱奶茶
真係好鬼鐘意黑白淡奶個杯~
好滑的奶茶~~好好味的咖央多!!!!!
好味過香港的亞坤/Toastbox太多太多!!!叉燒牛肉麵
麵底係福字麵~ 好耐冇食過喇
好似小學的時候在小食部買咁~
叉燒幾好味
牛肉其實冇乜味呢走時落返樓下影一影媽咪叫的時菜豬扒飯
唔好味...
太多芡汁...豬扒冇乜味...
D菜都比較油...
奉勸勿叫..

上菜極快~

尚善 (上環)

呢日唔知食咩好
就去柏廷坊望下 (呢幢野D餐廳都幾好味)
諗住食尚善
因為是即興
所以冇book枱
本身佢地話full左
咁我地都諗住搭lift走架喇
結果又話有, 不過要1點3交枱
咁都ok啦, 就入去食選擇困難患者如我又係望左menu勁耐都唔知食咩好
問左staff七彩雜錦魚生係邊7種
結果佢話唔係真係有7種 lol
我地太天真了 lol
咁七彩呢隻野, 就會係d魚生碎, 其實就唔知係有邊d魚生gei
然後雜錦魚生呢, 就係一片片的魚生咁, 都係唔知有咩的

最後都係揀左三色魚生飯
落左order冇幾耐就已經上食物
速度之快實在令人驚訝三款分別係三文魚, 吞拿魚同油甘魚
每一片魚生唔算好厚切
其實本人就剩係喜歡三文魚gei, 覺得都唔錯
咁另外兩種唔係好腥我都覺得ok架喇
個飯底都幾多個定食其實包左好多野
有沙津, 漬物, 蒸蛋, 麵豉湯, 生果同野飲
沙津其實都係一般的沙津菜加兩粒車厘茄咁
然後有d魚仔
蒸蛋個底係d豬肉碎, 仲有少少粉絲咁...
本人覺得元氣果個好食好多....生果就係咁樣兩粒野
菠蘿冇乜味我自己係飲咖啡的, 麻麻地啦
都係一個咖啡底然後自己加奶呀咁
不過友人的檸水吸引左我影
因為有個迷你mixer
哈哈 通常見到果d都係大大個整蛋糕果d架嘛
所以見到呢個細細個覺得好得意~~

最後食到1點4, 極心虛地chur晒杯咖啡
因為本來話1點3還枱嘛..

勁飽....

唔知係咪因為真係要chur 1點3還枱, 所以staff密密過來收野, 其實到我地走果陣都未有人等位...我覺得唔使咁chur gei...

The Night Market (中環)

呢日唔知食咩好
咁同事就帶左我去Stanley Street呢幢野
其實我到而家都仲係唔知呢幢野叫咩名...
但係都幾多野食gei

本人就好鐘意台灣gei
不過去親台灣都係會食夜市d野
所以同事話呢間野係食台灣菜的, 我都冇乜idea

都幾好彩唔使等位就有位
不過係bar枱咁坐囉

睇下個menu
頂...咁貴gei
$110仲要加一 T_T
望落個menu菜式同茶餐廳其實都好似差唔多..
見沙茶牛肉飯好似好好味咁
就叫左呢個其實份野來到都幾開心, 好大舊牛肉~~ (師奶 哈哈)
飯上面是有肉燥的~~ 很台灣喔~~
是珍珠米的朋友, 好味~

有3款小食, 全部都好好味啊!
最好味係右上角, 豆角定四季豆的朋友
個主菜沙茶牛肉都好好味!!!平時我一定會飲珍珠奶茶, 但係因為呢度要再加錢, 而本身都已經幾貴..所以最後都係飲返餐茶
餐茶就冇影到相lu

好食就好食, 不過以中餐來講, 好貴啊...

四海遊龍鍋貼水餃專門店 (中環)

開得在IFC的餐廳都係貴的..
不過在機場快線有一層都有d比較平民的餐廳
四海遊龍就係其中一間
lunch有個餐係有水餃/鍋貼+個粉/湯咁
本人食餃子最鐘意都係韭菜餡
所以來到呢度都係食返韭菜水餃~
水餃都幾大隻, 而且肉+菜的比例都唔錯~
不過我覺得個皮有d厚...

個新竹米粉係幾好味
有半隻蛋,一大舊菜同埋d肉燥

水餃同粉是分開上的
會乾左d
食的時候浸一浸會好少少

豆漿都唔錯, 甜度適中~堂食食完之後係要出出面排隊俾錢架
同埋d呀姐都有少少惡..
所以我之後多數都係外賣買返公司食算..

奇興咖啡餅店 (沙田)

寫左咁鬼多篇食評
都唔知點解明明我D相的orientation係正常的
但post上來之後就會調轉左..
次次report問題俾openrice之後都係咁...
唉, 咁唯有繼續係咁啦

成日行過見到呢間奇興出面d蛋撻都好似好吸引
但係都冇試過~~
呢晚行行下諗起呢間野, 就入去試d dinner~~ (哈哈同蛋撻都唔關事)

咕嚕肉!!
係我的最愛!!
好好味啊, 應該係用排骨來整的, 唔會剩係炸粉咁凍奶茶都係好飲的
係用碎冰
對碎冰的凍飲有莫名的好感
同埋呢杯奶茶味道剛好, 唔會太甜/太重茶/奶味
好好飲!!!菜心, 淋左腩汁的
好味!!沙薑雞
同朋友都覺得係驚喜之作
哈哈d沙薑汁好濃, 隻雞好入味!!堅係覺得呢間野幾好味
雖然環境都係有d迫
不過茶餐廳係咁上下架啦