平時我唔會點食粥的
呢日因為有D發燒, 所以諗住食埋個lunch就返屋企
中環要食粥, 就諗起之前openrice有見過威記算平的~皮蛋瘦肉粥, ok的好想食炸腸
但係好失望..因為個炸腸係凍架
係預先整定
你叫的話就拎俾你..
入面是"林"架...唔好味

米粉就ok啦
蘿蔔糕係好"林"的, 一夾就好易散, 都幾重蘿蔔味, ok啦都係
牛肉腸粉都係ok

o係度食野又係好似其他中環老字號咁
都幾chur, 同埋都唔好expect有咩service....
不過就真係抵食gei

某陣子突然勁想食西多
所以呢日去完威記探病之後
就去左第一城間do re mi度食tea!!
以前中學在第一城
放學就會去呢度食tea!!

doremi 的熱奶茶一直都是很好飲的
我個friend之前話飲慣左港島區的奶茶
會飲唔慣新界o個d 哈哈
但係doremi呢度d熱奶茶是可以媲美港島區的
都是用黑白淡奶呢!

西多的話
佢上的時候已經有一大舊溶緊的牛油
然後再自己落糖漿咁
入面有好多花生醬~~!!
同埋都幾大舊

呢度d西多同熱奶茶真係冇得頂
不過就肥到爆囉................
算啦食得就唔好講呢d衰野喇

本身之前呢個位係間以mini cooper做主題的餐廳
我好鐘意佢架...
點知有一日帶個fd來食的時候
赫然發現佢已經執左....
勁傷心 ToT

然後過多排就見到裝修緊
會做百利冰室
我記得好似幾年前有山長水遠走過去西灣河定咩
就係為左試呢間野
果陣覺得冇乜特別..

跟住呢日d fd話想試呢間
所以lunch就來食lu

格局其實同之前mini cooper間野差唔多
係d decoration唔同左囉..都幾多人望下menu...
其實我覺得真係好overpriced最後揀左算係比較抵食的7號餐熱狗幾好味正常的罐頭湯意粉囉

用來裝糖的盒仔好搞笑熱奶茶, 好飲

食完呢個餐勁飽 *v*

早排突然好掛住德國
跟住睇openrice見到原來LKF有間德國餐廳
所以又捉個fd去試
成日行過LKF的時候都會見到有好多人在出面飲酒
如果唔係睇過openrice都唔知原來入面係有得食野的 哈哈

放工走入去
一睇menu
德文啊 *v*
諗起之前在德國exchange的時候...
menu都唔多識睇要係咁google translate (仲要有時trans完都唔知係乜來)
好懷念啊~~

好啦呢度既有德文又有英文, 都ok gei在德國的時候成日試周圍的啤酒
不過之前飲過果d呢度都好似冇..
所以就求其叫左就算喇
都係d唔係好濃味的啤酒~~
(試過飲黑啤, 嘩....真係頂唔順)其實想試多d野
但兩條友又唔係食得好多
最後就剩係叫左一個豬手
睇下食完夠唔夠飽先

(話時話果陣o係德國都冇食過豬手...其實幾可惜
我食的德國豬手都反而係在香港食的 =.=)薯蓉好好味~
超多酸菜, 好味~~
食個豬手食得勁辛苦, 用盡九牛二虎之力先切到d肉出來...
個皮好硬啊..

食完晒呢個dish, 再加埋飲埋杯啤酒
其實都幾飽 =.=
之後就冇再叫其他野lu
[再之後就去左chocoholic食甜品, 但係佢原來o係我寫食評呢一刻(2014年1月)已經執左..所以...唔使寫啦 ><]

自己覺得呢間麻麻地
冇brotzeit / konig ludwig 咁好味~

是晚同朋友聽完講座
唔知食咩好
之後行行下就決定食呢間
以前在九龍灣讀書時好鐘意食淘大果間的越旺
個豬頸肉撈檬真係好好味~~二人餐幾抵食, 決定食呢個我同朋友都係揀豬扒撈檬
都係正正常常喇
餐冇得揀豬頸肉....小食都幾好味多數呢類non-茶餐廳的奶茶都唔會好飲得去邊
所以奶茶癡如我去到呢d地方
都只會叫檸茶/朱古力之類gei野
哈哈 我最後係叫左檸茶
又係正正常常喇

唔係特別好味
唔係特別難食咁
同埋唔知係咪因為都幾夜 (野食來到都成9點)
呀姐佢地有d趕收工的mode
所以我地咋咋臨食完就走lu

我都仲係唔明點解明明我D相係正常orientation的
但係一post上來openrice就會調轉左...

anyway, 成日經過沾仔記
知道呢間野好出名, 但係成日都冇食~
呢日行行下個同事話想食
所以就突然入左去雖然只有三粒雲吞, 但真係好大好大粒!!
好好味!!菜都幾好味~~其實佢的雲吞麵絕對可以翻兜
不過成日覺得我唔會夠飽
所以都冇乜點再返來食過~
見到隔離"木台"的鯪魚球好似好好味咁
下次都可以試下

因為幫一大班同事買添好運外賣
咁我自己都買埋啦
IFC呢間永遠都勁多人等位
外賣叫左total 17樣野
等左兩三個字倒, 都算快架喇

我自己要左鳳爪排骨飯 + 牛肉球
點知返到來一打開個盒就覺得好失望...
同我想像中的鳳爪排骨飯差好遠 T_T
有一隻鳳爪咁大把, 仲有幾粒仔排骨....T_T
牛肉球都係正正常常咁啦 ($15)

其實以前o係旺角果頭果間鋪度食過添好運一次(而家果間都執左lu)
果陣覺得係個叉燒包最好味, 其他都冇咩特別....

算啦, IFC買得到$26一大盒飯...算係咁了...

上次同事生日
在ms b訂過1000g (大約兩磅)的彩虹蛋糕
靚就靚喇
但係食落冇乜好驚為天人的感覺

今次另一個同事生日
幾日前就send order form去訂
(佢地個網有得download form, 你自己揀完個款就fax/email俾佢地落order~)
不過今次就訂一磅裝
ms b收到email之後會好快打來同你confirm個order

lunch time左右去拎
間鋪在九記牛腩行入少少
唔難搵的 
 
 
 
 
 
 個盒內外都靚~ 

為左同事的privacy...我唯有用我差劣的小畫家來遮住個名佢..

今次揀左Melting Moments
好好味!!!!!!!!!!
個餅底是脆脆的曲奇底 (又未至於薯片咁脆, 但係食落唔會"林"....你懂的)
唔會太甜
有好香好好味的士多啤梨味
呢個好味過上次個彩虹蛋糕好多!

$880, 500g (一磅多少少)
雖然好好味, 但真係好貴....

外賣拎返公司食
對個魚餅寄予厚望 (因為我好鐘意食泰式魚餅)
結果一直, 佢個醬好辣....
然後辣得來塊魚餅本身是冇味的
好傷心..
如果佢係平時食開果隻泰式辣醬, 甜甜地酸酸地辣辣地就好啦..
Linguine Bolognaise 肉醬扁意粉都係正常, super sandwiches又唔會點出事gei
不過呢個combination都係有d奇怪...意粉配魚餅...
$59 (官網可以download coupon, 午餐滿$50可以減$5~)

本身諗住食k-roll
但家姐望完k-roll個menu之後都係去左食梨花園~有5款前菜
一直懷疑係咪就算一個人, 兩個人定三個人食個前菜的份量都一樣...
唔記得左上次第一次食的時候份量如何
所以冇得比較了燒牛/豬/雞 + 湯 + 白飯
之前第一次食會猶豫到底係要自己燒定係已經燒定俾你
其實係唔使自己燒的~
用鐵板上, 但係就未至於熱到沙沙聲o個種鐵板~
d肉都燒得幾好味
我自己就將d飯倒晒落去湯度當湯飯食家姐食果個炒辣豬飯 (之類的名稱)
睇個樣以為好辣
我唔食得辣, 但我試左一舊都覺得接受到
不過因為個人口味, 我都係唔係太鐘意韓式泡菜果種味~食晒所有野會有幾舊切好左的橙做飯後果, 不太酸不太甜
 
$72 唔使加一
ok啦