難得係平日唔駛返工~當然搵埋媽咪出黎食tea啦~
星期一至五下午茶優惠時段: 小點$9.8, 中點$11.8, 大點$13.8..
下午茶時段仲有兩款優點($6.8)點心選擇

上次黎既時候已經係上個月既事喇~叫左於特價紙既煎蘿蔔糕同水餃..
原籠蒸馬拉糕..鮮蝦菜苗餃, 仲有新鮮出爐既叉燒餐包
煎蘿蔔糕水準普通~幸好唔算多臘腸.. 水餃有3隻..用廣式水餃皮, 感覺冇咁飽~
鮮蝦菜苗餃好食~蝦幾爽口…原籠蒸馬拉糕好特別, 咁樣設計可以有多d邊位~
因為鍾意食馬拉糕既人多數都係揀邊位…岩岩蒸出黎好軟熟~仲有少少欖仁,更有口感呢~唔太油..都唔錯~~
叉燒餐包係侍應拎埋黎問要唔要…見到賣相幾吸引呢~
熱辣辣..咁新鮮~~都幾難唔好味~包軟熟~~叉燒唔太肥~但就汁多過肉~

而今次一座低先叫左兩個特價紙上既點心~
同屬優點既潮州粉果同叉燒包..另外要左個菜遠班塊炒米-$38
潮州粉果既皮略厚~而且會黏住對筷子~但味道都正常..
叉燒包細細隻好的骰~叉燒唔肥又唔嚡..今次既汁剛剛好~
個包放左好耐都冇變硬…^^
菜遠班塊炒米賣相都唔錯~菜遠圍邊擺…
總共有4-5塊班片..都幾好味~仲有脆脆既口感.....當然係油膩d~但都可以接受既~
份量幾大~我地兩個人食晒後覺得好飽呢~~

記得要先洗杯同碗先好用~因為見到好多汚糟野痴住左~

適逢sogo感恩節~大出血後就黎降降溫~
$18/單球, $25/雙球~呢個week有9折~~
但我買左套票, 而一張票可以換雙球既雪糕~
因為特價期間~冇得試…而又太多口味都想食~所以企o係度諗左好耐~
最終要左蕃薯同咖啡…先講service幾好~耐心介紹套票點用~
而且仲會幫你諗下兩款雪糕邊款放係底好d~
先食咖啡味~開頭擔心會好甜…因為始終日本人口味係偏甜~
幸好~甜味可以接受~因為咖啡味都算濃~當然o係我黎講再濃d就更好~^^

蕃薯雪糕既顏色吸引~係好靚既紫色~仲有一粒粒蕃薯添~~
味道天然~唔會太甜~~~~仲有口感添~
食完都幾飽~哈哈~~食雪糕都可以吸收到纖維素…
雖然只係好少份量~但係諗落好開心d啦~

至於個脆筒都幾脆~…要杯同脆筒都係一樣價錢~…真好~!
下次過開sogo都有雪糕食lu~~~~~~!!

因為有一張$50coupon~就o係到期前唔好嘥~用左佢啦~
o係香港好食既拉麵店翏翏可數~但以呢間賣廣告賣到最出名~
所以搵埋媽媽一齊黎試下啦~
叫左一個set, 包左一個細拉麵, 細炒飯, 煎餃子, 另外我要豬軟骨拉麵..
等左成15mins..先有食物上枱~
先講我既豬軟骨拉麵..拉麵過淋~拉麵味道唔多好~
質素同o係超市買既平價拉麵相若…
湯底夠濃味~但偏油~雖一好既係豬軟骨, 淋得夠淋..~
肉部份較軟骨多~
配菜唔算多~冇荀絲又冇流心蛋~

連平時鍾意食淋麵既媽媽都話佢碗拉麵唔好食~
可想而知~其質素有幾差..
煎餃子上枱時只得3隻~明明記得menu幅圖有4隻~
問番waiter先知留左一隻~咁都得?!
煎餃子味道普通..皮有d位好硬…而且好油呢~

至於個炒飯就take away番去比哥哥食~
但份量太少..一碗飯都冇..味道仲差過,茶餐廳~

唉~真係試過就算~唔會再黎…嘥錢嘥quota~
所以話, o係香港係唔可以亂試日本菜~免得自己失望~~
如果o係香港一定要食拉麵都係去橫x會好d~

行去火車站時留意到呢間餐廳~上黎OR先睇食評後..
都略知道係食邊類型既食物..
於是lunch hour叫埋個fd過黎試下先~
我要左個焗豬扒意粉-$20
友人要咖哩雞扒撈烏東-$20, 另一友人就要茄汁龍脷柳雞扒意粉-$28

每人先有一碗牛蒡湯, 味道清清地..仲有d紅蘿蔔做湯料~

三個主菜同時端上..我既焗豬扒意粉..賣相唔錯~
..意粉份量好多~食唔晒…
豬扒唔韌好淋…$20黎講已經放足貨~

咖哩雞扒撈烏東用一個日式便當盒裝住…見到盒底,亦即係話烏東份量好少~
但味道唔錯~咖哩唔辣..有幾粒薯仔同甘荀絲..雞扒大大塊…
以細食既胃黎講~呢個都唔錯~

至於茄汁龍脷柳雞扒意粉..同樣好似好大碟…龍脷柳同雞扒都唔細~
冇焗過..只係就咁淋茄汁..所以冇咁香~試左少少龍脷柳…都幾厚肉~

我地食緊野既中途落order叫餐飲~等左都幾耐先黎~而熱飲杯超耐熱~
所以下次趕時間記得早d order.

不過~呢度既服務都嚇親我~侍應們自己既對答較大聲同惡~
對客人就麻麻地啦~人手有d不足~所以呢度係以抵食為賣點…
後來我地既$20餐要加$3先會有餐飲架…不過我都係埋單先知咋~

星期日要o係元朗搵食lunch既餐廳係有d難度~更何況我地成16人呢~
打左去3間西餐廳都態度惡劣話冇枱或者係唔比訂~
繼續o係OR度搵既時候就打去呢間試試啦~
點知餐廳o個邊好有禮貌又樂意幫我地留枱…不過佢都唔敢肯定一定得~
所以都要我地去既時候打去先問情況~
13:40去到先分兩張枱..後來等左陣就幫我地拼枱…餐廳環境都算舒適..唔會好噪~

LUNCH SET有4款..a)烤鴨胸配蘋果沙律-$40, b)煙三文魚忌廉汁菠菜天使麵-$46
c) 煎鯛魚-$48, d) 烤牛柳-$58
我自己要左煎鯛魚配薯菜..不過其餘每款我都有食到~哈哈~
先講餐湯, 紅湯(意大利雜菜湯)屬正常味道, 唔太酸,又夠味~
都幾足料, 有薯仔粒, 紅腰豆等..最抵讚係d材料已經切到細細粒..
不過~飲白湯(忌廉粟米火腿湯)既友人就話好淡冇咩味~
另外附送既蒜蓉包都唔錯~因為keep住放o係暖櫃入面,所以夠熱又夠脆!!

主菜先講烤鴨胸配蘋果沙律…份量唔大~但鴨胸經烤過後~冇晒油膩感..
而沙律係用左青紅蘋果…建議沙律應該比多少少..

煙三文魚忌廉汁菠菜天使麵…煙三文魚捲成花,賣相好靚..又綠又橙~
天使麵冇過淋~除了用左忌廉汁仲加左芝士~食落好creamy..
最欣賞佢落得夠多菠菜~食落感覺健康冇咁膩~

而我既煎鯛魚配薯菜相比起其他就較遜色喇~
魚有兩大塊..因為加有茄蓉~味道係夠..不過就略嫌過左火..嚡左d~
不過~又要讚下既係拌碟好多蜜糖豆..多d菜可以平衡番..
而薯條雖然有部份比醬汁整淋左~但依然好味~大條又夠長..仲脆脆地~^^

最驚喜係友人既烤牛柳配薯菜, 我幫佢切既時候..已經發現好易切開~
試一口. 好淋~但又有肉味~唔似用鬆肉粉既效果~希望可以keep到水準~
因為煎牛柳必須好好控制火候同時間先會好食~

今日咁開心~大家意猶未盡..叫埋desserts..^^
lunch set可以加$20加 tiramisu/blueberry cheese cake/心太軟

我自己都order一客心太軟..
切開後..朱古力漿唔夠澎湃..oh~焗得耐左添~不過~蛋糕外層依然夠脆..
而雲尼拿雪糕下面仲會墊左一片薄薄既朱古力味雪芳蛋糕..$20..食得過~
仲有, 餐飲要凍飲都唔駛加錢..友人既熱朱古力仲沖得好濃~
而我就覺得咖啡唔多夠熱..

我地中途要求多多..又加水, 又拎餐具, 侍應依然好有禮貌~
而經理更問意見做follow up~放心啦~有機會我會再黎架…
打完呢篇食評後睇番之前食家既評價屬於好差~
唔明點解~可能係餐廳o個方面已經改善左服務啦~
總之..呢次用餐我地都幾滿意架...

本想帶屋企人去食較少有既泰北菜~可惜去到發現冇開門~
唯有再搭車黎呢度食泰菜啦~呢度平日夜晚不愁搵位..
多數都係區內人~勝在有位泊車~
一座低會遞上menu同蝦片($10), 我地order左泰味村炒蜆肉-$55,
青咖哩雞-$48, 粉絲蝦煲-$78, 泰式炒椰菜苗-$45, qq薄餅$20,
白飯 x 2, 特飲 x4 -$60

我每次黎必叫泰味村炒蜆肉..何況今次帶家人黎當然要介紹比佢地食啦~
此菜特別在於有7個小洞既容器.放入蜆肉再蓋住小砵..而下面就有爐heat住保溫~
食法係將蜆肉放上附送既小多士上..不過多士上枱時已經淋左d~
做成蒜蓉蜆肉多士~因為用左大量牛油蒜蓉炒~食落當然好味…當前菜食唔錯~
總共有8片小多士~但只得7個小洞既蜆肉..即係話有兩片要share蜆肉份量喇..

泰式炒椰菜苗唔係間間泰菜館都有~今次炒得略油~
但椰菜苗好味~偏硬帶爽既口感..而份量都唔少..

青咖哩雞..椰汁味唔太重..愈食愈辣~但仍然o係可接受既程度以內…
雞已去皮..幾嫩滑~除左雞肉,另外仲有蜜糖豆同香葉令到顏色更豐富..
好多青咖哩汁呀~good…多到用黎伴飯同蘸薄餅食都用唔晒~
青咖哩味調較得唔錯~

熱辣辣既粉絲蝦煲..一開蓋只見芫茜同粉絲…兩隻開邊大蝦放o係底..
一路拌勻粉絲會聞到陣陣蝦膏味…粉絲剛剛好~唔太淋..爽爽地,仲好夠味~
原來粉絲入面有一大舊肥肉..難怪粉絲唔痴煲底~冇燶到..
而且有肥肉就好似糭一樣~間中用黎調味都ok~
大蝦就冇咩特別~有蝦膏又唔霉..爸爸話呢個煲可以有進步既空間~

QQ薄餅一定要蘸大量咖哩汁~就咁食好乾~唔夠軟熟..
凍左仲慘~不過份量幾多~算幾抵..

特飲, $25/杯, $30/兩杯…我地一人一杯~
蘆薈汁: 味道似平時買到既樂x蘆薈樂..正常味道~冇特別~
山楂酸梅汁: 我一試覺得似紫貝天葵..但爸爸就更正,即係酸梅湯啦~佢又講得岩喎~
珍多冰: 都ok, 除左珍多之杯仲有西米, 呀哥詬d珍多好似有芋頭味咁?!
我既綠豆涼粉冰: 唔係我預期既野~冇一粒粒綠豆…
有好多一條條彩色絲狀既野~少少軟韌…唔知係心理作用定真係呢~
好似真係有綠豆味咁~哈哈~不過~試下都無妨既....

服務都唔錯架~d呀姐得閒又會加下水~
呢度仲有電視睇添~以而家既天氣就算座outdoor都唔覺熱…

因為有張$10coupon就到期..lunch hour黎用左佢~
之前promo得好強既至尊漢堡仲未試過~
就決定要呢個餐, 加$0.5轉餐飲做熱咖啡..

至尊漢堡用左紙盒裝住~真係好唔環保..其實m記所有特別款或者係價錢較貴既包都係咁既包裝~..點解呢..?基本上有紙包住個包已足夠~多次想將呢個乾淨盒比番佢~
都係講味道啦~漢堡扒食得出有牛肉味~又唔韌...gd~
而且有兩片蕃茄又有生菜..感覺上營養較均衡~而且用料都新鮮~
但係芝士完全唔溶..仲要凍凍地添~
而且落得太多醬...所以我用薯條抺走大部分醬~避免包都整濕....
但整體黎講係唔錯~

薯條雖然唔多熱~但幸好都夠脆…
下次如果去m記, 好肚餓的話都會再叫呢個飽...因為飽肚d~

不是食評~今次評服務..
原本訂左枱19:15同家人食飯~
訂枱時候態度正常…到大概6點幾先知道有家人臨時OT..黎唔到~
結果要到夜d先返屋企附近食~
因為搵唔到餐廳電話~又離開左公司~check唔到~
因而無法打去告知要cancel~
19:25餐廳一名男侍應打黎問我係唔係book左枱..
我答:' 唔好意思呀~我黎唔到喇~'
佢就即刻好大力掉電話黎cut我線…
有冇攪錯呀~第一: cut人線已經唔岩更何況係服務性行業..
平時d餐廳都會講句:好~咁幫你cancel左佢啦~又或者:唔緊要, 希望下次有機會啦~

我都係睇見食評有咁多個笑臉~先揀呢度啫…
估唔到有咁既遭遇~

同朋友食完飯~冇o係餐廳食我原本想食既心太軟…
彌補番我個甜胃..就走左去I square 食雪糕喇..
一早知道呢度軟雪糕有特價..只係$12

綠茶味軟雪糕~加左黑糖漿同黃豆粉~
雪糕幾大杯~夠凍而且滑~~食得出有綠茶味道, 雖然唔係好濃~
本身雪糕已帶甜味~加左黑糖漿就更甜~冇咩必要加~
如真係要加醬..用黑朱古力醬會好好多~
黃豆粉落得好少..一,兩啖就冇晒~咁落黎做咩呢..
呢杯雪糕如果加埋紅豆粒會好好多~
不過~咁既價錢咁既質素都ok~

第一次黎已經係上年年頭既事喇…
今日一個人o係附近食tea行街~
成3點幾鐘行完個荃灣廣場都揀唔到食咩好~就行去後面街搵下啦~
見到普洱~諗番起上次杯飲品確唔錯~就呢間啦~

因為冇咩胃口~同埋今晚會早食dinner~
所以我既late lunch係芝士肉醬磨菇厚多士+芝麻紅豆冰
落單時~侍應呀姐話呢個幾好味~好似pizza咁架~
咁得意既~我都冇問, 自動形容比我聽…

厚多士焗得唔夠耐…芝士都未溶~係唔合格既多士..
不過就落得好多餡..有青豆, 火腿, 磨菇同肉醬~~但肉醬好濕~導致塊麵包淋淋地~~
口感唔多好~…但最終都係食晒~因為唔想浪費~

今次同樣都係叫芝麻紅豆冰~ 要左少甜~
真係唔錯~紅豆唔太甜~又有芝麻香….如果紅豆份量再多d就更好喇~…^^