自從兩年前去過中環o個間飲茶後~食唔到我想食既千層糕..
而今日終於一食我期待左好耐既菜式+點心~
雖然只係4個人~但係都預先訂左位, 同埋留左隻八寶鴨先…
6點9先上去攞位~等齊人7點半上菜…
要左一隻蓮香霸王鴨-$150, 椒鹽排骨拼豆腐-$48, 粉絲雜菜煲-$48
千層糕-$14 x2, 蓮蓉包-$12

霸王鴨即係八寶鴨…此乃今次黎既目的之一~~叫起後5分鐘就上枱..上菜速度快~
鴨炆到好淋..輕易分開鴨皮…鴨內釀有鹹蛋, 蓮子, 薏米, 栗子…etc~
餡料索晒味~唔駛刻意加埋獻汁都已經好好食~
鴨既皮下脂肪唔算多~鴨肉咁樣炆過後都唔嚡…蓮子好多又鬆化~~
咁既價錢食到呢d咁花功夫既菜式確係超值…
之前仲以為會食唔晒添~點知連伴碟既小棠菜都清晒..~

粉絲雜菜煲夠晒清淡~可以中和番濃味既菜式…
正常味道~咩菜都有d~

椒鹽排骨拼豆腐..幾有驚喜~豆腐約有8-10件..外脆內滑..
排骨完全冇骨~用上又脂肪既部位..炸過後油香而唔膩~

主菜後當然係既點心時間..亦係揀蓮香居既原因~
因為中環o個間夜晚係冇點心食~

蓮蓉包一籠有兩個..size比平時食開既酒樓大d~
其實我一向唔係特別鍾意食蓮蓉..但都試左1/3個~
發現呢度既蓮蓉好特別~有d似花生糊既味道…唔太甜, 又ok喎~
包皮薄餡多~~果然招牌菜係唔同d..

千層糕係我同哥哥既至愛~由細食到大…由於而家唔係周圍都搵到~
就算有都未必做得好食~今晚我地每人食左3/4件…哈~好似放縱左d~
但可想而知~味道係唔錯~甜係必然..但唔膩~有鹹蛋黃, 馬蹄, 椰絲, 奶皇夾o係中間~
好似以前食到既層次會再多d~但咁樣既質素我地都覺得唔錯喇…

送既糖水係紫米露…加有西米同粟米~唔太杰..少少甜~好食!^^

加埋只係$6茶芥, 每人都唔駛$100….真係抵~
如果下次再黎~會想試埋蓮蓉西米焗布甸~嘻嘻~

難得媽媽相陪到紅磡~當然請佢食左早餐先啦~
一個歐陸早餐: 魚柳煎蛋配油多-$20
麥皮早餐配蛋治-$18

麥皮好快就送到~係我愛既無糖款式~
冇用大塊麥皮, 質感唔粗…唔太杰~剛剛好~
飽肚又健康…
我要留邊既蛋治唔係好厚~但塊炒蛋食落都算滑..又唔油~唔錯~~
留左邊感覺份蛋治大左好多…證明飛邊幾浪費~

媽媽既早餐好靚~魚柳大大塊..又長又厚肉~
食落冇咩油~又夠脆..
雖然係用雪藏魚柳..但都做得比連鎖式快餐台好好多喇…
煎蛋係比太陽蛋~拎左一半蛋汁加入麥皮食~正~
多士都係要留邊, 烘得夠脆…牛油搽得唔多~食落感覺有d乾~

早餐大份又抵食~~返工時間人流多~食物上菜速度快…
有一大部電視o係正中央~如果唔係趕返工o係返嘆個早餐都唔錯~

早已o係OR睇過其食評..想黎試好耐喇~
因為好既雞蛋仔易尋~但格仔餅並唔係間間都做得出色架~~
坊間多是唔夠脆,食落似hotcake既質感; 有d夠脆但又唔夠厚~
哈哈~難得今晚要過北角拎野~佢既名物當然要成為我晚餐之一啦…
7點幾到~唔駛排隊..要左份格仔餅…5mins後到手~

細心地用紙巾包住紙袋…
影相後即食~外脆內軟…充滿蛋味~
好厚身~但放心大啖食唔會脆到割到口….
.雖然只係微脆但冇失望喎…食落有種有別於平時食開既味道~
總而之就係好味啦~略嫌係唔夠醬…食完紙袋竟然乾乾淨淨…冇汁留o係度..?!
可能因為厚身既關係~需要既花生醬同煉奶亦會想多d~
食完唔覺漏~唔係好飽但好滿足….

好期待下一次再黎食過~嘻嘻~有d驚佢出左名之後要排好耐隊呢…

食物除左本身既味道好與差,
仲可以從記憶同感情去加分.
由我出世到而家呢家茶餐廳依然迄立不倒…犀利~
今日拉埋屋企人陪我食~多d人可以食多d款…嘻嘻^^

餐廳格局冇變…但因附近多食店競爭…食物款式多左好多~
有兩頁共4面既餐牌~我揀左我兒時必叫既窩蛋免治牛肉飯..配熱谷咕..
哥哥就叫左爸爸以前既至愛菜遠火腩飯..配凍齋啡(+$2)
而媽媽就叫左我地未試過咖哩斑腩炒河..配例湯~

是日例湯係西洋菜南北杏新腎煲豬骨~好大碗~
好夠味~就算落左味精都唔出奇~除左湯之外仲有好多湯料..岩晒我~

菜遠火腩飯先到…食左食啖~都幾好~
個汁幾好味~火腩既鹹味煮埋落蠔油汁…撈飯食確係唔錯~
火腩唔多肥膏~肉唔嚡, 整得係唔錯~

窩蛋免治牛肉飯隨即黎到…鍾意呢個飯夠味又方便..食前撈匀就攪掂…
以為整法好簡單但自己始終整唔到茶餐廳既味道..
味道同以前差唔多~只係雜豆份量少左~
而且飯多左~..不過d飯就有d硬左~個汁同火腩飯個汁好似~
不過就冇咁鹹..但因為太多飯~食唔晒要打包…

至於咖哩斑腩炒河唔似有炒過...係就咁淋d咖哩汁落去~
仲有洋蔥, 青椒, 薯仔做配料~當然主角斑腩就唔少得~
咖哩汁份量好多~同河粉好夾~一貫港式咖哩汁風格,唔辣..但有咖哩香味..
薯仔好好食~唔散開似先炸過~但好粉..
而斑腩既份量適中~但略嫌炸漿厚左d~整體好味..清碟~

服務有求必應~飯要多汁有多汁~炒河要少油..唔知有冇做但感覺油唔多~
最明顯係我既谷咕..落打時要濃d~真係好濃~
除左係自己沖..真係未試過o係出面飲到咁濃~正!

再黎食係岩架~始終呢度做街坊生意~人情味係濃d~
因為保持到水準..我會再黎食過~

訓到晏~幸好仲趕得切11點前黎到~
因為媽媽已自行食左早餐~
所以只係叫左一份同佢share…想食全餐…就要左新出既脆辣雞扒全餐~

脆辣雞扒皮炸得夠脆..但肉唔覺辣, 試左一口就連埋薯餅留番比媽媽~
反而炒蛋同鬆餅先係我想食既野~
炒蛋炒得依舊既厚身~雖然唔滑但好味~
鬆餅微暖~無論搽jam定夾蛋都好食…

套餐飲品免費升級至即磨咖啡~gd~
而我既麥樂咭更送左杯熱朱古力~岩晒媽媽啦~

慢慢食~只有放假先有時間o係度嘆…

恰巧o係openrice睇食評時知道左呢間酒樓既存在~
所以就搵個星期六約埋媽媽一齊飲茶喇…
到達時14:15…等左10mins就有位lu…入面都幾大~好多位置都可以睇到電視~
特價點心紙叫左燒賣-$12.8, 叉燒腸-$8.8..
正常點心紙叫左煎蘿蔔糕-$9.8, 鮮蝦腐皮卷-13.8, 金粟海皇餃-13.8
然後o係美食亭拎左雪山叉燒包-$6.8, 蘿蔔千絲酥-6.8

o係美食亭拎既兩款點心原本都係中點~而家只售$6.8…好抵~
雪山叉燒包因為放o係熱車入面heat住~
食落暖暖的..包底部係脆脆地~而質感都軟熟~
拎上手幾輕~餡唔係太多~叉燒有肥有瘦~冇落得太多醬整淋個包…
好食~忍唔住食左兩個….

蘿蔔千絲酥係因為見有食家推介而叫的…我地平時唔會專登拎呢款..
果然有驚喜~蘿蔔絲又多又甜~雖然唔知道係唔係純天然…冇加糖~但好食就算啦..
酥就有d油~不過呢d較難避免既…

叉燒腸既米漿算厚但都幾滑..ok啦~叉燒份量適中~
蝦籽燒賣就唔太好喇…只有一隻蝦o係燒賣底部~
然後有d蝦粒撈左o係有好多肥膏既豬肉入面~

煎蘿蔔糕食到蘿蔔清甜~臘腸唔算好肥~
而蘿蔔份量比粉多…夾時小心易散~但都唔錯~

鮮蝦腐皮卷入面既蝦大大隻..又彈牙~唔錯.. 腐皮又夠脆…

冇叫蝦餃而叫呢個金粟海皇餃..幸好冇失望呢~
餃皮晶塋..餡料有雜豆..鮮蝦, 蟹柳…味道清清地…冇油膩感~

我地2個人叫左7個點心...要打包喇...
服務都唔錯~茶市至到16:30..差唔多16:00仲肯入客…
應該會搵機會再黎~

睇戲前..有差唔多1hr 進餐時間..
就過番黎一期食呢間成日都經過, 但大家都未試過既cafe…
3個人一人一個SET, 鮮茄老虎蝦燴飯+南瓜湯+咖啡+綠茶雪山蛋糕-$50
西班牙黑椒腸燴飯+蒜蓉包+莓子集薈- $43
西班牙黑椒腸燴飯+菠蘿阿囉哈+綠茶雪山蛋糕- $43

落單後約5mins, 侍應陸續將食物端上~
朋友既南瓜湯: 灑上杏仁碎做裝飾, 對辦既南瓜湯顏色..好吸引~
夠杰身~飲得出有南瓜味~相信飲完都幾飽呢~

蒜蓉包有5件,新鮮焗起~好香又夠脆,食落冇平時食別店的油膩感, 幾好

食左幾啖朋友既鮮茄老虎蝦燴飯, 唔會太酸~幾開胃..

我既西班牙黑椒腸燴飯…有好多粟米同洋蔥..適量既青椒粒,
約有5片莎樂美腸..豆芽菜放上o係飯上~
燴飯濕度適中，以連鎖式快餐黎講呢個燴飯算係唔錯..
雖然冇傳統既煙韌口感..但飯既軟硬適中~而且燴飯既汁都整得唔錯~
加有黑椒粒..少少辣~好惹味~此飯既配搭幾好…
另外..原來所有燴飯都可以要求加杏仁碎架.....

叫先上既甜品.. 綠茶雪山蛋糕..size細得驚人~
其實即係綠茶蛋糕夾住綠茶雪糕..雪到好硬~味道ok
我既莓子集薈好似係由藍莓+士多啤梨雪糕調較而成...
清甜唔太酸~如果夏天飲就可能會嫌唔夠冰凍呢~
朋友既菠蘿阿囉哈係由菠羅+芒果雪糕調較而成…

如果唔係趕住睇戲~真係想慢慢食~因為呢度都幾好座~幾岩傾計~
大家都幾滿意今餐~而兩位朋友既燴飯都清碟..
我就覺得以西餐黎講~少有既冇油膩咁..感覺幾健康~

今晚冇食正餐, 只係食左d小食~
咁岩o係度落車~就提議食番碗糖水先返屋企啦~
我毫不猶豫就要左個栗子糊…
難得栗子當造…所以每年冬天我至少都要黎食一次~
栗子糊味道幾濃~唔太甜…
因為夠杰既關係~將糊等一陣先食~會有一層薄膜o係上面架…
除左滑滑既糊..仲有一粒粒整碎左既栗子肉~增加唔少口感^^

而媽媽既綠豆沙對比下就冇咁好喇….
唔夠熱係好大致命傷~雖然多豆…但唔夠起沙~
而且甜左d~冇臭草味道~唔知有冇落到呢….

下次再黎試下南瓜露先~因為都幾多人食喎…
而且~食左兩次栗子糊後~返到去試下煲~
竟然成功左~原來都唔難煲架~~~

難得唔駛返工~食tea當然係去間weekday先有優惠既酒樓啦~
優惠時段只限一至五既早茶同下午茶,
小點-$8, 中點- $11, 大點- $14…..

兩點鐘都完全唔駛等位~
兩個人叫左: 特價小食椒鹽滑豆腐($15), 燒腩仔生麵($13.8),
帶子菜苗餃(中), 叉燒包(小)

估唔到小食份量都唔細~椒鹽豆腐有好多件~而且又真係幾滑喎~
唔太鹹~食得過…
燒腩仔竟然與其他燒味同價…份量都唔少~有部份既皮仍然脆…
而生麵好彈牙~冇梘水味~
帶子菜苗餃一夾就知差~餃皮黏住筷子..仲整穿另一隻餃添~
食落糊口~餃既餡料就唔錯~最終只係食餡~
叉燒包就唔錯~用左半肥瘦叉燒~..同時亦有唔少叉燒醬~
包既質感唔差~好鬆軟…

服務幾好~冇問題…

第二次黎就係一星期後, 一月十一日.
有轉變喇~見上星期既用餐感覺都唔錯~
今日決定再黎多次~而且多一個人可以叫多d款~
點知因為佢地夜晚有人o係度擺酒…佢地趕住交場比人~服務就好差喇...

Order左個迷你福建炒飯($28), 特價小食椒鹽滑豆腐($15), 叉燒包(小),
鹹水角(小), 煎蘿蔔糕(中), 蝦籽燒賣(大) 上湯鮮竹卷(大)~

椒鹽滑豆腐同叉燒包質素冇變~
福建炒飯就真係幾迷你~算係多餸…炒得普通~味道唔突出~
煎蘿蔔糕..食落好粉~而且好油~唔理想~仲要三塊既厚薄有好大差異..
蝦籽燒賣只有一隻蝦o係底~好多肥豬肉~
上湯鮮竹卷出孚我意料之外既好~有3條~上湯夠淋又索汁~
入面包住筍絲, 蔬菜絲同豬肉..

我再落單加一碟家鄉薄餅~竟然同我講美食亭既食物已經停左供應~
跟住一路食野一路都有侍應走過黎問我d食物齊晒未~
點解侍應自己唔check單~要猛咁問呢~到第三次問既時候~我就忍唔住叫佢幫我追蝦餃~…
點知過左幾分鐘同我講~冇入到單~真係火都黎~叫佢即刻整~
又同我講師傅15:30收左工…o個陣係15:35..話冇師傅冇得落單~.
有冇攪錯~為左趕住執枱交場比人~又漏單~又催人埋單…
咁既價錢~咁既質素, 如再有人話去都要諗下先喇~

其實今晚仲要食壽宴~
雖然已食左底雞蛋仔已飽飽地~但難得有土耳其雪糕食~
為食既我當然拉埋媽媽一齊share啦~^^
咁岩而家有優惠~買一球可送一球杏仁味~
本想揀原味但怕會羶~所以都係揀穩陣既朱古力味啦~

雪糕口感較煙韌…但係好滑~奶味較重..
朱古力味唔錯~當然再濃d會更好~
而杏仁味就甜左d~不過都有粒粒杏仁…有口感ma~
唔通我食得太慢~雪糕溶得幾快~

+$5要左即製waffle筒,
有蛋香~waffle既邊好脆~筒身有d淋~
仲要食到最尾先發現個底穿左~
雪糕一路滴~幸好我o係店入面食~唔係就更狼狽喇….

食完好飽~但真係試得過....