下午茶時間同個frd上左樓上café食甜品吹水~
甜品既外觀好靚, 味道就要試下先知~
紅桑莓白朱古力慕思蛋糕賣相吸引
上層既慕思都smooth, 白朱古力既甜俾紅桑莓既酸中和
所以食落唔會太甜, 都幾清新, 成個texture好滑, 做得唔錯心太軟就係去親甜品店都必食, 呢道既水準都有咁上下
切開有暖苙苙既朱古力醬流出黎, 我鐘意佢既朱古力醬有重可可味
外層既朱古力蛋糕普通, 不過不失~焦糖朱古力撻, 焦糖味香, 朱古力味唔係太重
個撻都幾結實下,食完一個真係會好飽榛子千層朱古力蛋糕, 嘩寫下寫先發現我地叫好多朱古力~
我個人好鐘意成個比例, 一啖可以有朱古力塊, 滑既朱古力cream同蛋糕最後有叫左兩杯野飲, 曲奇脆米朱古力同香蕉奶昔
味都不過不失, 唔好咁甜會好d

因為平時好少食越南菜, 見到呢間環境唔錯就入左去試下~
整體食物同環境都唔錯~同大家分享下先~
我地4個人食, 因為大家都想試多D小食, 春卷呀海鮮呀, 墨魚餅個D, 所以都冇叫餐, 散叫左幾樣特色小食, 同兩個飯share食~
最想介紹椒鹽軟殼蟹裡面除左軟殼蟹之外, 有幾塊蝦片, 炸米粉同生菜做底~
軟殼蟹既炸漿薄得黎脆, 好香口好香椒鹽味入口鬆軟
個人鐘意呢度比較重紅辣椒味, 夠辣口!胡椒大蜆煲都唔錯!
我地初時勁懷疑右面黑色個串係咩黎, 勁似佛珠! 原來係鮮胡椒, 就係有佢呢碗野先勁好食!!!
我地以為會好辣啦, 點知入口好鮮甜, 胡椒香味撲鼻, 落到喉嚨個胡椒味先攻出黎!
個湯好濃郁, 睇佢個奶白色就知, 裡面仲有大大隻蜆肉同菇!最後要左個菠蘿柚子虎蝦沙律, 嘩, 真係原個菠蘿係到!
個虎蝦蝦味濃, 彈牙爽口, 多幾隻會開心D囉XDXD搬左D蝦落黎, 下面係菠蘿粒粒同柚子肉, 大大啖食菠蘿粒好爽皮XD呢度係用魚露黎配個椰菜絲, 個魚露唔鹹, 聞到醋味, 食落有D酸酸甜甜, 少少辣口, 都幾開胃, 好特別!

週未相約幾個朋友過屯門行街食lunch, 之前經過都見多人排隊, 心諗應該都會OK呱~ 今次可能我地晏左, 見唔多人排就決定試下佢啦~咖喱牛腩飯, 牛腩煮得夠淋, 一咬就咬得開, 而且夠入味, 唔錯!!! 薯仔起沙又滿滿咖喱味, 真係唔錯~
個咖喱就係重香料味同椰奶味, 可能多椰奶? 咖喱夠濃郁但又唔會過份濃味~~ 整體唔係太辣, 怕辣既人都可以試下~冬蔭公肥牛湯金邊粉, 個冬蔭公夠酸又夠辣, 睇到d辣油係面就知有幾辣得刺激~d蘑茹粒入哂味, 一d草青味都冇!!!! 肥牛唔算太肥, 有少少肥膏~~岩岩好, 唔會好油膩!!!泰式鳳爪個爽口, 一食個時酸酸地, 食食下鳳爪鮮味出黎, 我就鐘意加埋辣椒碎食好惹味!!香茅豬扒煎得唔錯, 雖然油膩d, 但係勝在裡面多肉汁, 而且好重香茅味, 食食下就停唔到口~~香茅雞翼比豬扒更正, 黎到已經聞到陣陣香茅味!!!皮煎得好脆口, 裡面雞肉好嫩滑, 咬落外脆內滑!!推介~~另外有2杯野飲無相睇: 菠蘿冰同菜蜜, 都算唔錯, 有足料去整而且甜度適中, 值加8蚊!!~~
個set都幾多野揀~~如果平日黎就唔洗加一!!!!

勁耐無入黎食野, 差d account都開唔到...
今次食左個韓餐, 出山寫一寫文先!

呢間係朋友介紹, 話係幾正宗既韓式餐廳~
入到去感覺好似家庭式餐廳咁, 細細間, 除左一般飯餐同小食外, 重有得燒韓燒!

要注意叫餐方法! 係攞左位, 坐低睇餐牌, 之後要自己行去櫃枱買餐,記得要帶埋銀包出去!
之後會收到個接收器, 可以攞番位慢慢等!等個接收器響同震就出去攞得架啦~
記得呢到係自助形式! 要杯水都要出去自己攞, 無人服侍~
地方都少少窄, 所以行出行入都要小心撞到人

叫左炒年糕! 好好味, 年糕好有咬口唔會太硬, 個汁就一開始食甜甜地, 食食下就辣味出哂黎!唔食得辣既人唔好亂試!
麵就好似係辛辣麵個隻, 都入味唔錯, 但係放得耐會發脹...要快食!右面係豆腐窩, 冬天食就最啱!
豆腐滑, 湯夠濃味, 有蛋黃既香油, 好惹味!重叫左牛肋骨飯, 整體OK, 但係分量有點少~
牛肋骨有點硬...個汁比較清淡, 要加埋泡菜一齊食先夠味~

整體食物唔錯, 不過環境真係有點小, 如果係去快食lunch會唔錯, 價錢都合理~

有時候一班女仔唔係咁鍾意去酒吧,唔係因為唔飲酒或者怕比人搏懵,而係太雜,同埋傾唔到計…

有朋友介紹我去旺角既the live house,話有酒飲有歌聽仲有得玩飛鏢!咁我梗係去玩下架啦~反正大家咁耐無見!

位於地庫既The live house,平時真係經過左都唔知…仲比我發現門口就有巴士返屋企…原來咁方便架!!

入到去放人一碗忌廉湯~個樣好似好稀咁,但係飲落都幾厚身~唔錯! 之後要左個雞翼拼盤~純粹因為在場既朋友個個都係勁鍾意食雞翼既雞翼怪!!哈哈!
雞翼拼盤有3隻唔同味既雞翼,有水牛城,蜜糖同埋柚子蜜 柚子蜜最好食!!新奇得黎又唔怪~水牛城辣辣地,有朋友唔食得辣覺得辣得滯…但係我又覺得OK喎~
之後又叫左個鱈魚蘆荀千層~D鱈魚都幾大塊幾厚,但係仲好juicy,蘆筍好脆,幾好食~~

唔夠飽,叫多2個主食~
先黎個卡邦尼意粉~好creamy~~正!!D料都幾多,同埋D意粉唔會太淋!!好好食!
之後叫左個燒香雞鵝肝意大利飯~鵝肝燶左少少,隻雞都幾滑~飯都幾入味!但如果再淋多少少就更perfect!
呢度音樂都幾大聲下,但係氣氛好好~如果一大班人黎既話都幾好!
下次成班女仔既gathering都帶返佢地黎呢度先!

星期日下午去開樂富, 見樂富UNY 開左業, 見到有神戶北之板, 之前都有太古食過, 好, 就試下依間先~
佢主打日本大碗飯同埋意粉, 大概10多款, 唔算太多野揀~
經濟價錢..成SET都係20幾-30幾蚊都有~大眾化

我就叫左個茄汁雞扒奄列飯~睇落好似蛋包飯咁~又唔太乾身~
佢面個層茄汁好濃好正~送飯一流唷~
另外佢既雞扒~都幾大塊, 都幾嫩滑既~
經開唸唔到食咩都可以試下依間既~

下晝去完深水步，　夜晚去左荃灣打機，　同FD玩到9點幾走..個FD送我去塔車個時問我食唔食甜品~好冇所謂, 佢就帶我去左眾安街一間叫明師傅既甜品舖~
入到去, 環境一般, 冇咩特別~
坐底左之後睇下MENU, 個FD就叫我試下個芒果奶凍, 就叫左個試下~


黎個時個賣相幾靚架..芒果睇落去幾新鮮~
食落去呢芒果同奶凍一樣好好食~
芒果熟既, 所以好甜, 都幾多芒果~奶凍D奶味香濃, 好好食..正!!
個FD既梳呼里+ICECREAM 佢話唔錯BOR都~

今日下晝係同ＦＤ

深水步買完星期6出海釣魚既釣具, 就想搵個TEA 食..今次去左基隆街既茶餐廳, 見到佢個名...幾得意就入左去試下~
佢個名係快靚正燒味粉麵茶餐廳!!唔知係未快靚正呢~

坐底睇睇餐牌, 叫左個雞中翼薯條, 20$, 雞翼又細隻, 又係番叮, 入面仲凍凍地, 個D著條呢...唉..又唸又唔好食...
另外杯紅豆冰...勁難飲LOL...D奶味怪怪地既~紅豆又爛晒...好似擺左好耐咁...好鬼死難飲....一半都冇就算~
以後都唔去~

尋晚去左德福食鬼咁難食既野....今晚去大角咀睇戲前食野..心唸...唔會2晚都咁黑既~
同FD去左埃華街間車品品~
個士頭婆好FRIENDLY, 向我地推介..口喝就叫左杯凍既冬瓜茶先~比起尋晚既服務好得多~

腩汁蘿蔔 - 清甜又好味~D羅白又無渣, 正~

魚肉,生菜加碗仔翅, 20$左右, 大大碗, 瘦肉斯新鮮, 魚肉又彈牙BOR~
抵食!!!!

超麻不辣米線仔 真係好麻...各位叫定野飲會好D~@@刺激但又想食唔想停~哈~大家要試下~

我就最中意佢既凍瓜茶, 士頭婆話唔係成日有凍架~上渴清熱~平時出開街食飯飲杯都好~如果熱既仲有瓜肉添~

尋晚放工去左德福行街街, 之後就唸住同FD食飯~咁樣我地2個就去左德福一期個間茜廊餐廳.
依間野係德福好多年架啦
今次去到D SERVICE唔係咁得LOL..唔知係未多人請假..見到有人問野食遲黎同埋單既~
好, 首先餐包先, 以前好食好多..記我以前好暖好軟, 今次D包黎到都唔暖...又唔軟...係未放耐左架???
之後就叫左個餐..個名好鬼死長既者..咩走地雞..咩沙律, 總知係90幾蚊個個啦...
都唔抵食既, 又唔好味~個沙律一D都唔新鮮...D菜...唔想食啦..仲有舊生菜既物體..成舊上..濕淋淋...想點呀..咁大舊..
個芝士走地雞.....好似番熱既..又鞋又唔好味..又無芝士味....係未唔記得左落???吉之島都好食過去LOL

一句....下次一定唔去了~失望..SAI錢..去美心食快餐好過