菜肉包 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2009-01-07
正當係朗豪坊book唔到位時，發現原來新世紀都有呢間舖，平日呢度人流不多，所以唔使訂都有位。兩個人叫左以下食物： 1)芝士豆腐米紙卷(煙靱既米紙包住蝦同芝士豆腐，沾甜酸醬食，清清地幾醒胃) 2)海鮮喇沙(少少辣，味較淡，當然唔及新加坡既正宗好食啦) 3)紅咖喱炒豬頸肉(又係辣既，豬頸肉爽脆，味道中規中矩) 我地仲特價叫左兩杯特飲，我既係青蘋果，不過唔夠凍同淡:。 雖然呢度既食物水準唔算好突出，但勝在夠清靜，傾計唔錯，所以啲保險經紀都會揀呢度。  不過有點值得讚既係呢度既服務幾好，見你好多野佢地會主動拎張櫈俾你放野，加水都幾密。所以如果大家去旺角可以唔使去朗豪坊，轉黎呢度都可以:。 
評分: 味道 3 環境 4 服務 4 衛生 4 抵食 3
2008-12-28
朋友鍾意食越南菜，今次有機會食高級少少，就揀左RICE PAPER喇！一入去情調一流，仲有好多外籍人士，係朋友聚會既好地方。 我地叫左以下食物： 1)絲網蟹肉春卷(網狀既春卷皮超脆，新鮮食唔錯) 2)咖喱牛腩配法包(呢個菜聽聞係呢度既招排菜，咖喱香濃，充滿椰香，唔太辣，配白飯或麵包一流。大大個既法包已經切開，share都唔難，亦唔會好硬，點汁食好好味！不過可惜啲牛腩幾大舊，同埋稍靭，扣晒分，希望下次可以改善 另外呢個餸因為頗creamy，所以都會幾漏。)3)龍蝦抄蛋麵(貴價抄麵，龍蝦味唔重，唔知係咪因為冷氣太勁，啲蛋麵好快結成一舊哩！同埋味偏淡，麻麻地，有少少浪費左龍蝦！) 4)扭結糖玉桂紅莓雪芭(個名好長既一個甜品，見佢張相好靚就叫啦。賣相真係同張相一樣咁靚，紅莓雪芭帶酸，必須要配合襯底既甜餅食中和返，幾重玉桂味，中間夾雜住杏仁粒，口感特別，整體黎講係非常有特式既一個甜品！) 呢度食物ｏｋ，平日晚上生意都唔錯，傾計亦幾好，可以再來。 
春卷
咖喱牛腩
龍蝦抄蛋麵
特別 推介美食: 咖喱
評分: 味道 3 環境 4 服務 3 衛生 5 抵食 3
2008-12-22
同同事食tea慶祝生日 , 僅僅趕得切六點前黎到, 拿拿臨落order, 我叫左個芝麻醬waffe加鮮橙汁, waffle熱辣辣, 外脆內軟, 香氣撲鼻, 甜度適中, 配以充滿芝麻香味既芝麻醬同雲哩拿雪糕, 真係好好味哩! 細食既可以叫半份, 但眼見只係加多八蚊就可以叫全份, 多兩件咁多, 當然唔理咁多啦, 橫掂有人share, 唔好蝕麻!  同事果個係香蕉pancake, 都好好味, 香蕉味融入係pancake度, 雖然有少少漏, 但好味就得啦! 橙汁係普通野, 可以不提! 食下食下已經到左晚飯時間, 好多人去沙律吧拿沙律, 有啲人將薯蓉畢到好似一球球雪糕咁, 好得意! 呢度環境唔錯, 又夠grand, 甜品又好味, 下次要試下啲主菜先! 
推介美食: waffle
評分: 味道 5 環境 5 服務 4 衛生 4 抵食 3
2008-12-22
係慈雲山區好食既茶餐廳好少, 呢度算係唔錯, 尤其係佢既茶餐, 雖然最近加左價, 但間中都會去。我最鍾意係佢既A餐, 有牛油餐包配火腿奄列, 沙嗲牛肉公仔麵, 加三蚊有紅荳冰。先講奄列, 完整既奄列包住入味既火腿, 夾係牛油包裡面食最好! 而沙嗲牛麵牛肉嫩滑, 湯汁香濃, 可能有人會覺得會稍鹹, 但阿媽話咁先足料哩! 成個餐最好既係紅荳冰, 飲得出佢真係用花奶溝出來, 有成半杯咁多, 唔會偷工減料, 紅荳則軟硬適中, 粒粒都大大粒, 好有口感, 可以話係我飲過之中最好味既紅荳冰哩!佢最近擴充左, 連街邊都霸埋, 而且不時會坐無虛席, 可見捧場客真不少! 呢度夜晚仲有煲仔飯, 我試過都唔錯的。不過佢既粉麵就一般, 大家大可去後街既"明記"食好喇。 至於服務就唔好諗喇, 都係街坊生意, 唔好要求咁高了!
推介美食: 紅荳冰
評分: 味道 5 環境 3 服務 3 衛生 3 抵食 4
2008-11-23
如果唔係朋友介紹，都唔知係紅磡既橫街會有一間咁多好評既越南菜館。 餐廳裝修時尚，一啲都唔似傳統既越南菜館哩！我地差不多九點先到，店內得幾枱客，可以任坐咁滯。經過資料搜集，我地叫左以下都幾多好評既食物： 1)魚露海鮮湯(呢個湯好清，材料有蝦魚同青口，並以芽菜同蕃茄做配菜，散發出淡淡青檸既香味，酸味味的好醒胃，飲多幾碗都唔覺漏哩！) 2)水晶豬肉卷(聽聞呢個菜好考功夫，因為做水晶皮既米紙好快乾，時間掌握唔好就會爛。我地食既時候都發覺呢個問題，就快放耐左層皮真係會變硬，所以最好盡快食喇。呢個水晶卷包住香葉，豬肉同花生碎，味道清新，不過香葉既特殊味道好濃，未必個個鍾意。) 3)越式炒檬粉(碟頭唔係好大，但用料都幾足，而且好夠鑊氣，唔錯) 同其他越式菜館唔同，呢度既食物俾我感覺好屋企Feel，唔覺落左大量味精，但亦不失美味，而且街坊價錢，值得一試！ 我諗如果開係大街，生意應該好好多。食下食下不覺已經下烊，仲有幸俾我見到呢度既總廚--"老許"哩!
推介美食: 水晶皮卷
評分: 味道 4 環境 4 服務 4 衛生 4 抵食 4
|
2次成為首位寫食評會員
食評數目
編輯推介數目
0
會員推介次數
17
人氣指數
8637
留言數目
上載相片
上載影片
我推介的食評
我的餐廳
關注
0
粉絲
27
