菜肉包 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2008-10-18
十年都唔會去西灣河，夜晚條街仲好似死城咁，真係搵唔到野好食，見呢間既裝修可接受同埋都叫有人幫襯就入去喇。 呢度格局係高級茶餐廳，都唔少一家大細黎食，貪佢款式夠多卦。 叫左焗咖喱海鮮飯同牛扒餐，個飯咖喱好香椰子味，料都算足，味道唔錯。 牛扒餐都可以啦，起碼唔ｕｎ，但好奇怪地個餐配左意粉仲有薯菜，而且仲有多士沙律，真係好多野食，但話雖如此，最後都係漏左件多士冇黎到．．． 另外加左錢叫左杯肧芽好立克，都幾好味的  平心而論呢度既食物唔算好差，我諗差既地方係服務令人大扣分，好似我地明明叫西餐就俾錯左隔離既筷子我地，又漏單，最後仲收少左我地錢添！  可能係基督徒開唔係專業，姑且俾啲時間佢地改善質素吧！眼見佢地做得一兩輪生意就拍烏蠅，都幾為佢地擔心哩！ 
推介美食: 咖喱
評分: 味道 3 環境 3 服務 2 衛生 3 抵食 4
2008-10-18
朋友睇傳單介紹呢間cafe，就黎試下啦！呢度都算易搵，但要穿過樓下既ＰＣＣＷ有Ｄ奇怪。 lunch唔係好多人，我地好好彩地被安排坐窗邊位置，仲有張好舒服又好特別既蛋形梳化，望住出面天橋的人行黎行去都幾搞笑。 講返食物，呢度主要食西餐同甜品，但因為怕太飽所以冇食甜品，見佢款式好多好吸引，下次真要試下。 我地叫左兩個set lunch，一個吉列豬扒飯，一個雜菌三文魚天使麵。餐湯係蕃茄忌廉湯，粉紅色既忌廉湯有茄茸，少少酸，幾特別。吉列豬扒賣相唔錯，不過食味當然唔及吉列專門店啦，比較乾同硬，呢Ｄ都係一般吉列既弊病 天使麵一向都好難煮得好，因為好易溶，呢度既麵身稍粗，可惜都係煮過左Ｄ，如果硬身返少少會更好！而味道就中規中矩，叫合格啦！ 不可不提係餐飲，我叫左檸檬綠茶，呢個配搭超match，同埋大大杯，個人好鍾意哩！  如果唔趕時間，呢度係唔錯既傾計談心既地方！ 
評分: 味道 4 環境 4 服務 4 衛生 4 抵食 4
2008-10-11
自從九龍城廣場裝修之後都冇嚟過喇，果然面目全非，想當年既foodcourt變左幾間食肆，唯一既共通點就係都係冇咩人流．． 或者香港人真係好鐘意食日本野，呢度竟然係眾多拍烏蠅既舖之中唯一要排隊等位既，好多仲係一家大細添。我地等左一陣就有位喇，係吧枱既轉角位，冇計，卡位都留返俾人多既，人少就只好屈就喇！ 呢度主攻街坊市場，所以志在抵食夾飽，賣相就唔好要求咁高喇！我地叫左幾款普通既壽司，食味都唔錯，特別一提係”金水蝦棒”，其實係炸蝦壽司串燒版，幾得意，新鮮整既更好食！而海鮮薄餅就一般啦，始終都係粉多料少。 邊食邊同朋友傾計真係賞心樂事，下次有機會可以再黎！ 
塌左既饅魚壽司
金水蝦棒
評分: 味道 4 環境 3 服務 3 衛生 3 抵食 4
2008-10-05
見呢度食評都唔錯，就來試下啦！ 兩個女仔叫左一個二人餐（七月時，唔知宜家仲有冇），都幾多野食，最後要打包返去添！ 套餐包括餐湯，螺絲粉，炸雞，雙拼PIZZA 。 餐湯係一般忌廉湯，鹹左少少。個大蝦螺絲粉就比較淡，唔知係俾冷氣風吹凍左定煮唔透，啲粉有啲硬哩！炸雞又係硬，而且顏色好深，好似炸燶左咁，但味道係唔錯既。 全餐最好應該係個PIZZA，薄批唔會好漏，幾新鮮，茄汁濃度亦恰到好處，雙拼既話仲有兩款口味，可以一次過滿足晒！ 餐飲可以叫特飲，我叫左百香果，夠大杯，抵飲！ 呢度既座位間隔都幾密，著重私隱既人就唔多岩喇。至於服務就麻麻喇，叫極都唔應咁既，有時仲係度聚眾玩添！
評分: 味道 3 環境 3 服務 3 衛生 3 抵食 3
|
2次成為首位寫食評會員
食評數目
編輯推介數目
0
會員推介次數
17
人氣指數
8637
留言數目
上載相片
上載影片
我推介的食評
我的餐廳
關注
0
粉絲
27
